Morgunblaðið - 14.05.1998, Blaðsíða 13

h
MORGUNB LAÐIÐ
FIMMTUDAGUR 14. MAÍ 1998 13
FRÉTTIR
Hvar verður
Danadrottn-
ingu að finna?
ALMENNINGI gefst kostur á að
fylgjast með og taka þátt í eftirfar-
andi atburðum í heimsókn Margrét-
ar Þórhildar Danadrottningar og
Henriks prins.
Fimmtudagur 14. maí:
Við Faxagarð í Reykjavík getur
almenningur fylgst með komu
drottningar og fylgdarliðs til kon-
ungsskipsins Dannebrog kl. 12.15.
A Þingeyri við sóknarkirkjuna kl.
14.30.
Á Flateyri við minnismerkið kl.
16.00.
Á ísafirði, fyrst á Silfurtorgi kl.
16.40 og síðan við Turnhúsið í
Neðstakaupstað kl. 19.00.
f Bolungarvík við Ósvör kl. 17.10
og við handverkshúsið Drymlu kl.
17.35.
Föstudagur 15. maí:
Á Eyrarbakka við kirkjuna kl.
19.15 og við Húsið kl. 20.00.
Laugardagur 16. maí:
í Reykjavík við konungsskipið
Dannebrog kl. 13.45 og við göngu-
leið þaðan að Hafnarhúsinu.
Við Hljómskálann kl. 15.45.
Við Þjóðminjasafnið kl. 16.00.
Sunnudagur 17. maí:
Dönsk-íslensk guðsþjónusta í
Dómkirkjunni sem hefst kl. 10.30 og
er öllum opin.
Við Ráðhús Reykjavíkur kl.
14.00.
Við Höfða kl. 18.00.
Við Þjóðleikhúsið kl. 20.00.
MENN í þjónustu hennar hátignar, Margrétar Þórhildar
Danadrottningar, festu niður fjúkandi segl á drottn-
ingarskipinu Dannebrog í rokinu í gær.
Morgunblaðið/RAX
DROTTNINGARSKIPIÐ Dannebrog sigldi inn Reykjavíkurhöfn í gærmorgun, en
þar mun Margrét Þórhildur Danadrottning, Henrik prins og fylgdarlið dvelja á
meðan á heimsókn þeirra stendur.
Víðförul
Danadrottning
MARGRÉT Þórhildur Dana-
drottning, Henrik prins og
fylgdarlið þeirra koma í óopin-
bera heimsókn til landsins á há-
degi í dag og mun heimsóknin
standa til mánudagsins 18. maí.
Drottningin er hingað komin í
boði forsetahjónanna en hún
mun jafnframt hafa umsjón með
uppsetningu sýningar sinnar á
kirkjulist sem opnuð verður í
Þjóðminjasafninu laugardaginn
16. maí.
Drottningin, prinsinn og
fylgdarlið munu fara víða í hinni
sex daga heimsókn sinni. Strax í
dag halda þau til Vestfjarða, en
það er eini landshluti Islands,
sem drottningin hefur ekki áður
heimsótt. Á Vestfjörðum munu
þau meðal annars skoða Þing-
eyrarkirkju, kirkjuna í Holti í
Onundarfirði, minnisvarða við
Flateyrarkirkju og togara í fsa-
fjarðarhöfn auk þess sem þau
munu snæða kvöldverð í Neðsta-
kaupstað.
Drottningin kemur aftur til
Reykjavíkur í kvöld og dvelur í
Drottningarskipinu Dannebrog.
Hún tekur þátt í margvíslegum
viðburðum, verður meðal annars
viðstödd opnun Listahátíðar í
Reykjavík á laugardaginn, mun
hitta listamanninn ERRÓ og
skoða með honum sýningu hans
auk þess sem hún skoðar mynd-
list frá Mozambique.
Hún fær einnig að sjá lítið eitt
af íslenskri náttúru, fer í
sjóstangaveiði og hvalaskoðun
og heimsækir Eyrarbakka. Auk
þessa mun hún snæða hádegis-
og kvöldverði í boði forsætisráð-
herra borgarstjóra, forseta ís-
lands og biskups.
Hin listræna
drottning
Hún var ung og óörugg er hún tók við konungdæminu,
en kemur nú fram af öryggi konu, sem hefur víða far-
ið. Auk skyldna, sem starfið leggur henni á herðar,
sinnir hún listiðkun. Og eins og margir listamenn hef-
ur hún næmt auga, segir Sigrún Davíðsdóttir.
Reuters
MARGRÉT Danadrottning gengur fram hjá konunglegri varðsveit í Krisfjánsborgarhöll.
LÍF hennar er mótað þeim skyldum, sem
drottningarhlutverkið leggur henni á herðar.
Einn dag í viku reynir hún þó alltaf að taka frá
fyrir listsköpun. Á fimmtudögum er hún því í
fríi frá skyldustörfum, ef því verður við komið.
Elsta dóttir Friðriks 9. og Ingiriðar drottn-
ingar fæddist 1940. Þá var hún líka íslensk
prinsessa og skýrð fullu nafni Margrethe Alex-
andrine Þorhildur Ingrid. Samkvæmt stjórn-
arskránni átti konungsdæmið að erfast til elsta
sonar. Þegar það lá fyrir að konungshjónin
höfðu eignast þrjár dætur var stjórnarskránni
breytt 1953, svo elsta barnið yrði ríkisarfí án
tillits til kynferðis og Margrét Þórhildur varð
krónprinsessa. Sjálf hefur hún sagt frá því að
henni hafí verið gerð grein fyrir hvað breyt-
ingin þýddi fyrir hana, þó slíkar skýringar
væru heldur fjarstæðukenndar fyi-ir þrettán
ára stúlkubarn.
Hið listræna á hún ekki langt að sækja.
Móðir hennar Ingiríður stundar útsauma af
miklum krafti og þykir bera gott skynbragð á
listir, eins og heimili hennar og híbýli bera
vitni. Dóttirin hefur einnig yndi og ánægju af
að koma hlutunum fyrir heima fyrir. Þannig sá
blaðamaður Morgunblaðsins til drottningar-
innar á útsölu í gardínubúð fyrir nokkrum ár-
um, þar sem hún var að kaupa sér stranga af
gulu gardínuefni.
Listaánægjan eru mæðgunum sameiginleg
og þær hafa í sameiningu saumað kirkjuklæði,
líkt og hefðarkonur gerðu oft á fyrri öldum.
Mikið af þeim útsaumi, sem til er frá fyrri öld-
um er einmitt saumaður af hefðarkonum, því
aðrar konur höfðu ekki efni né aðstæður til að
leggja stund á útsaum í skrautskyni. En
drottningin hefur ekki látið sér útsauminn
nægja, því hún hannar og teiknar mynstur og
velur liti. Það er engin tilviljun að hún hefur
verið afkastamikil í að sauma út og hanna
kirkjuklæði, því hún er mikil trúkona. Hún er
sem danskur þjóðhöfðingi ekki yfLrmaður
kirkjunnar, en rækir kirkjuna vel og á það
einnig við um listrænt starf hennar. Auk út-
saums hefur hún lagt stund á vatnslitamálun.
Einnig hefur hún gert sviðsmynd við ballettinn
„Þjóðsögu", einn af ballettum fransk-danska
ballettmeistarans August Bournonville, sem
starfaði I Danmörku á síðustu öld.
Ballett er einmit annað áhugamál drottning-
ar og ástundunarefni síðan á barnsaldri. Fast-
ur liður í lífí hennar eru balletttímar á þriðju-
dagsmorgnum og hún og ballettvinkonur frá
því í æsku halda enn hópinn. Þeir sem fara á
ballettsýningar í Konunglega ballettinum vita
líka að drottningin kemur þangað ekki aðeins á
frumsýningar, heldur er þar tíður gestur.
Fjölskyldulíf bak við hallarmúra
Þegar hún tók við ríkinu við lát föður síns
15. janúar 1972 var hún tæplega 32 ára, gift og
tveggja barna móðir. Hún hefur síðar sagt frá
því að hún hafi hræðst að verða drottning ein
og ógift, en þeim ótta sleppti er hún gekk í
hjónaband 1967, 27 ára gömul. Sá útvaldi var
franskur diplómat og greifi, 32 ára piparsveinn
að nafni Henri de Laborde de Monpezat. í
sjálfsævisögu hans sem kom út fyrir tveimur
árum, „Skæbne forpligter", segir hann frá því
að þótt hann hafi á þessum tíma verið hæstá-
nægður með diplómata- og piparsveinalífið
hafi hann lítillega verið farinn að hugleiða að
hann vildi gjarnan fara að stofna fjölskyldu.
Fyrir þá sem hafa áhuga á kóngafólki er bók
prinsins hin mesta skemmtilesning, því prins-
inn er andríkur og kemur víða við.
Aldurinn, reynslan, hjónabandið og listræn
ástundun hafa styrkt hana og eflt og þá líka
„kvennahópurinn", en svo kallar hún móður
sína og systurnar tvær, Benedikte og Önnu
Maríu. Þær eru samrýndar og samhentar og
þessar fjórar ákveðnu konur hafa lagt línurnar
í fjölskyldunni. Mæðgurnar Margrét og
Ingríður hafa mikið saman að sælda. Sameig-
inleg áhugamál auk útsaums eru meðal annars
ballett og leikhús og þær sjást oft saman þar.
Fjölskyldulífinu heldur konungsfjölskyldan
fyrir sig, en stórfjölskyldan hittist nokkrum
sinnum á ári, meðal annars hjá Ingiríði drottn-
ingarmóður í sumarhöll hennar við Grásten á
Suður-Jótlandi. Friðrik krónprins og Jóakim
bróðir hans hafa þó aðeins rifað huluna með
því að segja svolítið frá hallarlífinu í bamæsku.
Þeir voru í umsjón barnfóstra, hittu foreldra
sína yfirleitt um kl. 17, en borðuðu ekki með
þeim fyi'r en þeir voru orðnir stálpaðir.
Franski prinsinn var greinilega hinn strangi
uppalandi, sem fylgdist með heimanámi og
hegðan sem ægivaldur. „Þú kenndir okkur að
vera strangur við þann, sem manni þykir vænt
um - og.við vonim aldrei í vafa um að þér þótti
mjög vænt um okkur,“ sagði krónprinsinn í
ræðu til fóður síns er hann varð sextugur. Sjálf
hefur drottningin látið að því liggja að eftir á
að hyggja hefði hún gjarnan viljað sinna son-
unum meira.
Krónprinsinn verður þrítugur 26. maí. Tölu-
verðar vangaveltur hafa verið í slúðurblöðum
um samband hans við dönsku dægurlagasöng-
konuna Mariu Montell, vinkonu hans til nokk-
urra ára, og blöðin birt myndir af þeim við
rómantískar aðstæður. Þau hafa farið í frí
saman og sagt er að stúlkan búi að hluta í íbúð
krónprinsins í Amalienborg. Slúðurblöðin geta
sér þess til að móðirin sé ekki fyllilega ánægð
með ráðahaginn, en eins og allar fréttir af fjöl-
skyldunni eru þær með öllu óstaðfestar og
ekkert annað en getgátur. Ef hefðinni verður
haldið verður ráðahagur prinsins opinberaður
með formlegri tilkynningu og blaðamanna-
fundi, þar sem drottningin verður viðstödd og
lýsir velþóknun sinni á ráðahagnum.
Upplýst og áhugasöm
Danadrottning virðist ör, horfir sjaldnast á
þá sem hún talar við og lætur heldur augun
reika. Sjálf segist hún vera svolítill flautaþyr-
ill, þótt það sjáist ekki í opinberri framkomu.
Hún hafi hins vegar lifandi áhuga á hugðarefn-
um sínum og geti bæði hlustað, spurt og lagt
orð í belg. Drottningin er þéruð og ávörpuð
sem „Deres majestæt" og sjálf segir hún að
þéringar séu sér tamari en þúun, vísast eins-
dæmi í hennar kynslóð, sem varla bregður
nokkurn tímann fyrir sig þéringum. Hún er
áköf reykingakona og reyndar fjölskyldan öll,
sem hefur orðið nokkurt feimnismál eftir að
farið var að vara við reykingum.
Afi drottningar, Gústaf 6. Adolf, var annál-
aður kunnáttumaður um fornleifafræði og sjálf
er drottningin áhugasöm um þá grein, en
einnig um sögu. Hún þykir einkar vel að sér.
Sem drottning er hún hæstráðandi hersins að
titli til og það hlutverk sitt rækir hún vel og
ræktar tengslin við herinn og stofnanir hans.
Hernaðaráhugi hennar teygir sig einnig til
Atlantshafsbandalagsins og hugar hún að
tengslunum við það eftir því sem við á. Hún
hefur ánægju af útiveru og ferðalögum og
meðan prinsinn sækir til Afríku og Asíu fer
hún oft norður á bóginn. Á hverjum vetri
gengur hún á skíðum milli fjallakofa í Noregi
með Sonju Noregsdrottningu.
Það er því enginn vafi á að það verður
áhugasamur gestur, sem sækfr Island heim til
að opna sýningu sína og litast aðeins um.