Morgunblaðið - 11.06.1998, Side 4

4 FIMMTUDAGUR 11. JÚNÍ 1998
MORGUNB LAÐIÐ
FRÉTTIR
Á þriðja tug veiðiskipa á sfldarmiðunum norðaustur af landinu
Morgunblaðið/Helgi Garðarsson
TVÖ síldveiðiskip komu til heimahafnar á Eskifirði í gær með fullfermi. Hólmaborgin með um
2.700 tonn og Guðrún Þorkelsdóttir með 1.100 tonn.
Sfldin í kurteisis-
heimsókn líkt og
kóngafólkið
Morgunblaðið/Kristín Kjartansdóttir
JÚPÍTER með fullfermi á Þórshöfn í gær.
ALLS voru 23 síldveiðiskip á
miðunum djúpt norðaustur af
landinu í gærkvöld og ein fimm til
viðbótar voru á landleið en 32 skip
mega stunda veiðamar. Veiðin
gekk vel og ýmis met voru slegin.
Þannig fékk Hólmaborgin frá
Eskifirði 2.700 tonn á aðeins 10
tímum. Náðust tvö 700 tonna köst.
Kom hún til heimahafnar síðdegis
í gær, Guðrún Þorkelsdóttir
landaði einnig á Eskifirði í gær.
Júpiter fékk 1.150 tonn í einu
kasti og er ekki ólíklegt að um
met sé að ræða. Skipið Iandaði á
Þórshöfn í gær.
Síldin veiddist á nokkuð stóru
svæði í íslensku lögsögunni í
fyrradag en í gær voru skipin á
svæði um 200 til 230 mílur
norðaustur af Langanesi. Auk
síldarskipanna hefur haf-
rannsóknaskipið Bjarni Sæ-
mundsson kannað veiðislóðina og
tók hliðarspor úr hefðbundnum
vorleiðangri sínum.
Að sögn Rafns Jónssonar, verk-
smiðjustjóra Hraðfrystihúss Þórs-
hafnar hf., sem gerir Júpíter út,
kom skipið með ágætis afla að
landi. „Þetta er ágætis síld, um 15
til 16% feit og við búumst við að
hún eigi eftir að fitna enn meira.
Við munum reyndar ekki landa úr
Júpíter íyrr en í kvöld eða á morg-
un en okkur sýnist þetta líta vel
út.“ Alls bárust til fyrirtækisins
um 1.500 tonn af síld en auk
Júpíters landaði danska skipið
Lena Polaris um 350 tonnum.
Kom í kurteisisheimssókn
Lárus Grímsson, skipstjóri á
Júpíter, var hæstánægður með
túrinn þegar Morgunblaðið ræddi
við hann skömmu áður en lagst
var að bryggju, en Júpíter var
fyrsta skipið til að fylla sig á síld-
armiðunum í fyrradag.
„Þetta var þrusugott á þriðju-
daginn,“ sagði Lárus. „Við fengum
risakast upp á 1.150 tonn og ég
held að það sé eitt stærsta kast
sem fengist hefur í íslenskri
lögsögu úr norsk-íslenska síldar-
stofninum í 30 ár, ábyggilega Is-
landsmet. Við náðum ekki að nýta
allt kastið og gáfum Guðrúnu Þor-
kelsdóttur restina sem fyllti sig
líka. Annars hagar síldin sér
nokkuð skemmtilega. Hún dólar
þarna á línunni og kemur í kurt-
eisisheimsókn líkt og kóngafólkið
en nú sýnist okkur hún vera að
snúa í okkur baki og halda í áttina
til Jan Mayen.“
11 milljónir á tveimur
sólarhringnm
En hvemig er stemmningin við
að fá svona risakast?
„Hún er agalega stressuð.
Menn standa á tánum. Það getur
valdið miklum skaða ef nótin rifn-
ar, bæði veiðafæratapi sem og töf
frá veiðum. Slíkt getur skipt millj-
ónum. Hins vegar skapast líka gíf-
urlega góð stemmning þegar þetta
er yfirstaðið og skipið er á leið í
land.“
í heildina kom Júpíter með um
1.300 af síld og lætur nærri að afla-
verðmæti eftir þá tvo sólarhringa
sem túrinn tók sé rúmar 11 millj-
ónir króna en greiddar eru 9 krón-
ur fyrir síldarkílóið. Júpíter fékk
um 4.400 tonna kvóta úthlutað og
eiga þeir um 1.200 tonn eftir.
Lundará
heimssýn-
ingunni
LUNDAR, álkur og langvíur voru
flutt frá Vestmannaeyjum til Lissa-
bon í stærsta sædýrasafn Evrópu
sem var reist sérstaklega fyrir heims-
sýninguna þai’. Sædýrasafnið sem var
opnað 22. maí hefur verið vinsælasti
viðburður á sýningunni og gestir ver-
ið allt að fimmtán þúsund á dag að
sögn Mark Smith sjávarlíffræðings
sem vann að uppsetningu safnsins.
I sædýi-asafninu hafa verið sett
upp svæði sem líkja eftir náttúrufari
við haf á mismunandi svæðum í
heiminum. Eitt svæðið líkir eftir
Norður-Atlantshafi og þar er að
fínna tegundir sjávai’fugla sem Is-
lendingar kannast við.
„ísland var einn af valkostunum
vegna þess hve fuglalífið þar er mik-
ið. Við sóttum um leyfi til íslensku
ríkisstjórnarinnar og réðum svo ís-
lenskan fuglaveiðara til að hjálpa
okkur við að fanga.“ I allt voru flutt-
ir 60 fuglar í búrum til Lissabon í
tveimur ferðum.
Tímaritið Time fjallaði nýlega um
sædýrasafnið og kom fram í grein
tímaritsins að fæði fyrir fugla í safn-
inu væri flutt inn frá Islandi. Það
rétta er að fóðrið er flutt frá
Hollandi en fuglarnir frá Islandi eins
og áður sagði.
Smygl á 4.000
lítrum af
vodka
FJÓRIR menn voru handteknir á
mánudag grunaðir um innflutning á
rúmlega 4 þúsund lítrum af áfengi,
mestmegnis bandarísku vodka.
Afengið var flutt inn í gámi frá
Bandaríkjunum með íslensku skipi
og lagði lögreglan hald á það í
Sundahöfn, samkvæmt upplýsingum
Morgunblaðsins.
Tveimur mannanna var sleppt eft-
ir yfirheyrslur en gerð krafa um
gæsluvarðhald yfir hinum tveimur til
16. júní. Málið tengist ekki áhöfn
skipsins. Ekkert af áfenginu var
komið í sölu.
Samkvæmt upplýsingum blaðsins
voru farmskýrslur vegna gámsins
falsaðar. Lögreglan vildi ekki láta
annað hafa eftir sér en að málið væri
í rannsókn.
----------------
Sóttur á Breiða-
merkurjökul
ÞYRLA Landhelgisgæslunnar sótti
í gær mann upp á Breiðamerk-
urjökul. Á jöklinum var hópur
manna á gönguferð og einn þeirra
hafði örmagnast.
Nýr afgreiðslutími verslana
Hagkaups:
Skeifan, Smáratorg, Akureyri, Njarðvík:
Virka daga til 20:00
Laugardaga: 10:00-18:00
Sunnudaga: 12:00-18:00
Kringlan 2. hæð:--------
Mán. - fim. 10:00-18:30 i
Föstudaga: 10:00-19:00 i
Laugardaga: 10:00-18:00 {
Sunnudaga: 13:00-17:00 j
IHAGKAUP
AHtafbetri kaup
Morgunblaðið/Golli
KRISTINN Sigursteinsson virðir grjótgarðinn fyrir sér.
Yfírvegun
aðalsmerki
gröfumanna
GRJÓTGARÐURINN meðfram
Sæbraut lengist smám saman og
þykir að honum mikil prýði. Fyr-
irtækið Suðurverk heftir séð um
hleðslu garðsins og fjórir gröfu-
menn hafa stýrt beltagröfunni
sem notuð er við hleðsluna.
Garðurinn, sem nær frá
Ingólfsgarði, nálgast nú Kringlu-
mýrarbrautina en í þessum
áfanga er ætlunin að hlaða inn
fyrir hana.
Grjótið í garðinn er að mestu
fengið úr húsgrunnum sem þarf
að sprengja fyrir og eru stærstu
björgin allt upp í 5 tonn. Þykir
leikmönnum enda ótrúlegt að sjá
hvernig hægt er að ráða við þessa
hnullunga og fella þá jafn listavel
saman og gert er í Gijótgarðinum
meðfram Sæbraut.
Gísli Gíslason er nýlega tekinn
við hleðslunni og hefur hlaðið
um 100 metra, en það er u.þ.b.
vikuverk. Gísli segist hafa tekið
við af Kristni Sigursteinssyni
sem sé einn besti gröfumaður
landsins og það sé vandaverk að
feta í fótspor hans. Gísli segir
aðalmálið vera að grjótið Iæsist
vel saman svo það tolli þar sem
það á að vera, yfirvegun og þol-
inmæði séu líka lykilatriði.
Auk Gisla og Kristins hafa
Grétar Ólafsson og Guðmundur
Jónsson unnið við hleðsluna.
Kristinn segir gröfumennina
læra vinnubrögðin hver af öðrum
og hann hafi lært margt af Grét-
ari. Hann segir að athuga þurfi
vel lag steinanna og fara eftir
þeim teikningum sem lagðar eru
til grundvallar.