Morgunblaðið - 11.06.1998, Page 68

S3.Lausnir
Nýherja fyrir
Lotus Notes
iTTcl Promium Partnor

Það besta
úr báðum heimum!
unix og NT = hp
OPINKERFIHF
Whpt hewlett
1U*M PACKARD
MORGUNBLAÐIÐ, KRINGLAN1,103 REYKJAVIK, SÍMI5691100, SÍMBRÉF 5691181
PÓSTHÓLF 3040, NETFANG: RITSTJ@MBL.IS, AKUREYRI: KA UPVANGSSTRÆTI1
FIMMTUDAGUR 11. JÚNÍ 1998
VERÐ í LAUSASÖLU 125 KR. MEÐ VSK
Rikisstjórnin hefur ítrekað fjallað um uppsagnir hjúkrunarfræðinga
Sérstök yfirstjórn
fjalli um vandann
RÍKISSTJÓRNIN hefur ítrekað
rætt þá stöðu sem upp er komin á
heilbrigðisstofnunum vegna upp-
sagna 6-700 hjúkrunai’fræðinga, sem
taka gildi um næstu mánaðamót.
Hefur meðal annars verið rætt um
að setja á laggimar nefnd embættis-
manna að minnsta kosti þriggja
ráðuneyta, forsætis-, heilbrigðis- og
fjármálaráðuneytis, til að hafa með
höndum yfirstjórn þess hvernig
tekið verður á vandanum og hver
viðbrögð yrðu ef niðurstaða fæst
ekki áður en til uppsagnanna kemur.
Byrjað er að búa aðstandendur
undir að þeir gætu þurft að taka við
sjúklingum heim og funduðu til
dæmis deildarstjórar hjúkrunar á
Sjúkrahúsi Reykjavíkur í gær um
stöðuna ef málið leystist ekki fyrir
mánaðamótin.
Ingibjörg Pálmadóttir heil-
brigðisráðherra sagði að það væri
umhugsunarvert að þrátt fyrir að
stjórnvöld hefðu gert langtíma-
samning til ársins 2000 við hjúkrun-
arfræðinga haustið 1996 væri þessi
staða komin upp á miðju samnings-
tímabilinu. Þetta gerðist æ oftar hjá
heilbrigðisstéttum. Hér væri ekki
um venjulega launadeilu að ræða
heldur uppsagnir og því væri málið
allt miklu erfiðara og flóknara en
ella. Hins vegar tryði hún ekki öðru
en því að deiluaðilar yrðu tilbúnir til
að koma til móts við þær stofnanir
sem í hlut ættu varðandi öryggis-
þjónustu. Þannig hefði það alltaf
verið þegar deilur heilbrigðisstarfs-
manna væru annars vegar, enda
ynnu þeir samkvæmt ströngum
siðareglum.
Ingibjörg sagði að ríkisstjórnin
liti málið mjög alvarlegum augum
og væri að meta stöðuna. Leita yrði
leiða til þess að sætta þau sjónarmið
sem uppi væru, en jafnframt yrði að
búast við því versta og vera tilbúin
að bregðast við því.
■ Aðstandendur/10
Morgunblaðið/Kristín Kjartansdóttir
Yfir 20 skip að síldveiðum
NOKKUR sfldveiðiskip Iönduðu í gær eftir fyrstu
veiðiferð eftir sjómannadag, en í gærkvöldi voru
rúmlega 20 skip á miðunum djúpt norðaustur af
landinu. Júpíter Iandaði um 1.300 tonnum á Þórs-
höfn og á Eskifirði lönduðu Hólmaborgin 2.700
tonnum og Guðrún Þorkelsdóttir um 1.100 tonnum
af sfld úr norsk-íslenska stofninm. Aflinn fékkst í
íslensku lögsögunni. Myndin er tekin þegar skip-
verjar undirbjuggu löndun úr Júpíter á Þórshöfn í
gær.
■ Sfldin í kurteisisheimsókn/4
Morgunblaðið/Atli
Stórlaxar úr Laxá
MEÐAL þeirra fimm laxa sem
veiddust í gærmorgun í Laxá í
Aðaldal, fyrsta veiðidaginn,
voru þessir tveir stórlaxar, 21
punds, sem Jón Helgi Vigfússon
veiddi, og 18 punda, sem Halla
Bergþóra Björnsdóttir veiddi.
Einnig er á myndinni Vigfús
Bjarni Jónsson, sonur Jóns
Helga.
■ Stórir fiskar/50
Landsbankinn
býður út hlutafé
LANDSBANKINN hefur ákveðið,
að undangengnu lokuðu útboði
meðal fimm erlendra fyrirtækja, að
semja við JP Morgan-fjármálafyr-
irtækið um að annast virðismat á
Landsbankanum og veita ráðgjöf
varðandi hlutafjárútboð. Útboðið
fer fram í sumar og nemur hluta-
fjáraukningin 12-15%.
Útgáfa hlutabréfanna er hugs-
uð fyrir innlendan markað í þess-
ari lotu, en hluti þeirra verður
boðinn starfsmönnum bankans til
sölu. Það er í samræmi við
samþykkt ríkisstjórnarinnar þess
efnis að 5% af heildarhlutafé
Landsbankans verði boðin
starfsmönnum.
■ 12-15% hlutafjáraukning/Bl

Keppi-
nautar
svara
Hagkaupi
UNDANFARNA daga hafa
milli 4.000 og 5.000 vöruliðir
lækkað í verði hjá Fjarðar-
kaupum og hjá 10-11 verslun-
unum hefur verðlækkun
einnig átt sér stað. Þeir 7.000
vöruliðir sem lækkuðu í verði
hjá Hagkaupi þegar rekstrar-
breytingar voru gerðar á
verslunum Hagkaups hafa
lækkað enn frekar.
Mest er verðbreytingin á
ávöxtum og grænmeti og eru
dæmi um að slík vara sé 70%
ódýrari núna en fyrir viku.
■ Fjarðarkaup lækkar/23
Framkvæmdir við Nesjavallalínu í hámarki
Straumi hleypt á
snemma í ágúst
FRAMKVÆMDIR við Nesjavalla-
línu milli Nesjavalla og Reykjavíkur
standa nú sem hæst. Er bæði verið
að reisa íyrstu möstrin og unnið við
lagningu vegar við línustæðið. Raf-
magnsveita Reykjavíkur sér um
möstrin og línulögn en Ellert Skúla-
son hf. í Ytri-Njarðvík um
jarðvinnu. Orku verður hleypt á lín-
una kringum 10. ágúst.
Nesjavallalína liggur á fyrsta kafl-
anum, 2,4 km frá Nesjavöllum og
upp í Hengilssvæðið í jörð, þá kemur
15,6 km loftlína um Hengil og vestur
um Mosfellsheiði og síðasti kaflinn
frá Bringum, skammt frá Gljúfra-
steini, að tengihúsi við Korpu er í
jörð. Segir Þór Sigurjónsson, verk-
fræðingur hjá Línuhönnun, að þetta
sé einn lengsti strengur sem lagður
hefur verið í jörð hérlendis. Alls eru
möstrin rúinlega 50 að tölu; tíu eru
frístandandi „hefðbundin" möstur en
hin eru stálröramöstur sem stöguð
eru niður. Verkfræðistofan Afi sá
um raffræðilega hönnun línunnar,
Verkfræðistofan Línuhönnun um
línuhönnun og eftirlit með jarðvinnu.
Ólafur Gröndal, einn af flokks-
stjórum Rafmagnsveitunnar, sagði
verkið hafa gengið vel en flokkur
hans var í blíðunni í vikunni að reisa
mastur á svokölluðum Sköflungi,
einum hryggnum vestast í Henglin-
um. Þar þurfti að viðhafa ýmsar til-
færingar, koma bílkrana upp á
hrygginn fyrir eigin vélarafli auk
aðstoðar frá spilum og tveimur öðr-
um bflum.
Nesjavallalínan er nánast sam-
síða Búrfellslínunni eða Sogslínu
um Hengilinn og að sögn þeirra
Ólafs og Þórs eru möstrin höfð sam-
síða. Eru þau nýju bæði lægri og
minni um sig en möstur Sogslínunn-
ar. Framkvæmdir áttu að hefjast í
ágúst í fyrra en leyfi voru ekki kom-
in fyrr en í nóvember.
Morgunblaðið/jt
EITT af möstrum Nesjavalla-
línu á Hengilssvæðinu er á þess-
um mjóa hrygg sem heitir
Sköflungur.