Morgunblaðið - 30.06.1998, Blaðsíða 27

MORGUNBLAÐIÐ
ÞRIÐJUDAGUR 30. JÚNÍ 1998 27
LISTIR
Að vera
samkvæmur
sjálfum sér
Morgunblaðið/Arnaldur
„AÐALATRIÐIÐ í mímim huga er að semja góða tónlist,“
segir Sveinn Lúðvík Björnsson tónskáld.
ÚT ER kominn geisladiskur með
verkum tónskáldsins Sveins Lúðvíks
Björnssonar í flutningi Caput-hóps-
ins. A disknum, sem ber heitið Hvar
væri ég þá?, eru ellefu verk sem
samin eru á árunum 1989-1997, fyrii'
píanó, flautur, klarínettu, fíðlu, selló
og^ítar.
I umslagi með disknum segir Atli
Heimir Sveinsson tónskáld: „Og tón-
listin sjálf, sem liggur á milli tveggja
tóna, hins fyrri sem vekur eftirvænt-
ingu og hins sem á eftir kemur og
kallai' fram minningu - sú tónlist
virðist oft koma úr órafjarlægð, ein-
hversstaðar úr undirdjúpum sálar-
innar.“
Sveinn Lúðvík lýsir tónsmíðum
sínum sem röð af reynslu og hann
leitast við að finna þann samhljóm
sem tilheyrir. „Mikilvægast finnst
mér að vera samkvæmur sjálfum
mér,“ segh' hann. „Ef ég skrifaði
eitthvað annað, í skreytistíl til dæmis
væri ég að svíkja sjálfan mig og það
væri agalegt ef ég skrifaði tónlist
sem væri á engan hátt ég.“ Sveinn
Lúðvík hefur síðustu fjögur árin
sinnt tónsmíðum einvörðungu og
einkum samið verk fyrir litla hljóð-
færaskipan. „Það er ekki nein kenni-
setning sem ég styðst við í hvívetna
við tónsmíðarnar, heldur hefur sú
skipan hentað mér vel hingað tíl. Nú
er í smíðum hjá mér verk fyrir sext-
án hljóðfæraleikara og almennt má
segja að ég skrifi það sem mér finnst
réttast í það og það skiptið,“ segir
hann. Ef lýsa má inntaki verka
Sveins lýtur það að sjálfsskoðun og
segh' hann að skynja megi þau sem
hvatningu til sjálfsskoðunar. „Hug-
myndirnar þjappast saman inni í
mér og það er margt í hvunndegin-
um sem kveikir hugmynd og hvetur
til sjálfsskoðunar. Hafi maður upp-
götvað eitthvað ætti maður ekki að
lúra á því, en niðurstaðan verður
ætíð sú sama - að við erum öll meira
eða minna eins, þó að tilfinningarnar
birtist með mismunandi hætti eins
og mennirnh' eru margir.“
Sveinn Lúðvík hefur ekki verið
áberandi í íslensku tónlistarlífi þrátt
fyrir að verk hans hafi verið á efnis-
skrám tónlistarflytjenda á liðnum
árum. Caput-hópurinn hefur flutt
mest af verkum hans og aðrir lista-
menn hafa einnig leitað eftir verkum
hans til flutnings. .Aðalatriðið í mín-
um huga er að semja góða tónlist og
svo eru verkin ekki mjög mörg
vegna þess að ég tek mér langan
tíma í tónsmíðar, en það hefur líka í
fór með sér að ég er fyllilega sáttur
við hvern einasta tón.“
Alexandra Cool sýnir myndverk í Deiglunni við Kaupvangsstræti á Akureyri
Lengi langað til Islands
Morgunblaðið/Kristján
ALEXANDRA Cool sýnir myndverk í Deiglunni á Akureyri, en þar eru audlit áberandi.
ALEXANDRA Cool,
belgískur málari og
myndhöggvari, hefur
opnað sýningu á mynd-
verkum í Deiglunni við
Kaupvangsstræti á Akur-
eyri, en sýning hennar,
sem er liður í dagski'á
Listasumars á Akureyri,
stendur til 8. júh næst-
komandi. Alexandra er
kunnur listamaður, en
síðasta áratug hefur hún
unnið að list sinni víða um
heim, á Korsíku, Brussel
og í New York. Hún
kynntist Sólveigu Bald-
ursdóttur, myndhöggv-
ara á Akureyri, þegar
þær voru báðar við nám
og störf á Ítalíu og fyrir
milligöngu hennar sýnir
Alexandra nú verk sín í
Deiglunni.
„Eg hef búið og starf-
að víða um heim,“ sagði
Alexandra, en hún fædd-
ist í Belgíu og bjó þar til
18 ára aldurs þegar hún
flutti til Spánar. Þar
stundaði hún nám í arki-
tektúr og listmálun. „Ég
bjó á Spáni í 6-7 ár og
vann þar einkum við að mála, en svo
þróaðist áhugi minn út frá því yfir í
höggmyndalistina," sagði Alex-
andra, sem í kjölfarið flutti sig um
set og settist að á Ítalíu þar sem hún
vann að myndhöggi í stein í tæpan
áratug. Á Italíu kynntust þær Alex-
anda og Sólveig og hafa haldið sam-
bandi sín á milli upp frá því. Hún
sagðist enn vinna með steina, en á
annan hátt en áður. „Ég reyni að
þróa list mína, vera ekki alltaf í
sama farinu," sagði hún.
Korsíka, New York og Brussel
Eftir Ítalíudvölina lá leiðin að nýju
til Belgíu, en nú starfar Alexandra
að mestu í New York, en fer þó víða
um veröld. Hún á hús á Korsíku og
hefur í hyggju að festa kaup á hús-
næði í Brussel sem hún hyggst gera
upp og breyta í listamiðstöð og inn-
rétta íbúðir fyrir listamenn. „Ég hef
áhuga á að bjóða listamönnum
hvaðanæva úr heiminum að koma og
dvelja þar, vinna að list sinni og
skiptast á skoðunum og síðai' gætum
við svo sótt þá heim. Eg held að það
verði spennandi verkefni," sagði
Alexandra, sem vonast til að geta
opnað um eða efth' árið 2000.
Á Korsíku rekur Alexandra líka
vinnustofu sem margir sækja. „Yfir
sumarið koma margir til
Korsíku, fólk á öllum
aldri, börn og fullorðnir,
og vinna þar að listsköp-
un og ég hef boðið ýms-
um kennurum að koma
þangað og miðla af þekk-
ingu sinni,“ sagði hún.
„Þetta er mjög notalegur
og góður staður og fólk
víða að úr heiminum
kemur þangað.“
Safnar hugmyndum
á Islandi
Alexandra kvaðst heill-
ast mjög af náttúrunni og
væri hún sér uppspretta í
listsköpun sinni. „Mig
hefur lengi langað að
koma til Islands, bæði til
að heimsækja Sólveigu
vinkonu mína og kynnast
landinu," sagði hún og
bætti við að fyrstu kynni
sín af landinu væru góð.
Litirnir væru sérstakir
og birtan með öðrum
hætti en hún ætti að venj-
ast. Sólarlagið í Eyjafirði
aðfaranótt síðasta föstu-
dags var nokkuð sem hún
ekki átti von á að sjá.
Á næstu dögum hyggst hún ferð-
ast um landið, skoða áhugaverða
staði og safna í sarpinn hugmyndum
sem síðar verður unnið úr, auk þess
sem hún hefui' áhuga á að leita sér
að efnivið fyrh' framtíðarverkefni
sín. „Bæði Reykjavík og Brussel
verða menningarborgh' í Evrópu ár-
ið 2000 og við Sólveig höfum áhuga á
að nýta það tækifæri til að vinna eitt-
hvað saman,“ sagði Alexandra.
ÞÓRUNN Guðmundsdóttir
og Kristinn Ora Kristinsson.
Þriðjudags-
tónleikar í
Sigurjóns-
safni
ÞRIÐJUDAGSTÓNLEIKAR
eru í Sigurjónssafni í kvöld, 30.
júní kl. 20.30, og koma þar
fram Þórunn Guðmundsdóttir
sópran og Kristinn Örn Ki'ist-
insson píanóleikari. Á efnis-
skrá þeirra eru íslensk sönglög
eftir Sigvalda Kaldalóns, Karl
Ó. Runólfsson, Gunnar Reyni
Sveinsson og fleiri og amerísk
skemmtilög eftir Gershwin og
Kern.
Háskólakór-
inn tók þátt í
kórakeppni í
Þýskalandi
HÁSKÓLAKÓRINN undir
stjórn Egils Gunnarssonar tók
nýverið þátt í kórakeppninni
Musica Mundi sem haldin var í
Pohlheim, Þýskalandi, dagana
4.-7. júní.
Kórinn keppti í Al-flokki
sem var erfiðasti flokkur fyrir
blandaða kóra og hlaut silfur-
verðlaun.
Kór frá Búlgaríu hlaut gull-
verðlaun og var jafnframt
stigahæsti kór keppninnar.
Alls tóku 98 kórar frá 28 lönd-
um þátt í keppninni.
Efnisskrá Háskólakórsins
samanstóð • af Víti eftir Jón
Leifs, Caligaverunt eftir Jan
D. Zelenka, Þulu eftir Hildig-
unni Rúnarsdóttur og Lautlos
mit dir eftir Hermann Seidl,
en það verk var skylduverk
þeirra kóra sem kepptu í A1
flokki.
Að keppni lokinni hélt Há-
skólakórinn til Tékklands og
söng þar við ýmis tækifæri áð-
ur en haldið var til Islands.
■ VERK sænska leikskáldsins
P.O. Enquist, „Myndasmiðirn-
ir“, sem leikstjórinn Ingmar
Bei'gman setti upp á Dramat-
en sl. vetur, hefur verið þýtt á
sjö tungumál. Vverkið, sem
fjallar um skáldkonuna Selmu
Lagerlöf, hefur þegar verið
sett upp í Danmörku en það
verður sett upp í Þýskalandi
og Sviss í febrúar á næsta ári,
og skömmu síðar í Hollandi og
Belgíu, auk þess sem til stend-
ur að flytja það í Bretlandi,
Frakklandi og á Ítalíu.
Leikið fjórhent á píanóið í Iðnó
PÍ AN ÓLEIKARARNIR Þor-
steinn Gauti Sigurðsson og Stein-
unn Birna Ragnarsdóttir konia
fram á öðrum tónleikum í tón-
leikaröð Iðnó þriðjudagskvöldið
30. júní kl. 20.30. Þau leika fjór-
hent á píanóið og hafa valið á
efnisskrá sína verk eftir Fauré,
Debussy, Brahms og fleiri. Þor-
steinn Gauti og Steinunn Birna
hafa starfað saman sem píanódúó
um árabil og m.a. hljóðritað verk
fyrir tvo flygla. „Frammistaðan
fer að mestu eftir því hvernig
gengur að samhæfa leikinn og
Þorsteinn Gauti Steinunn Birna
Sigurðsson Ragnarsdóttir
þegar píanóleikarar leika fjór-
hent þurfa þeir að vera fullkom-
lega samtaka því á píanóinu er
ekki hægt að koma inn í tóninn á
sama hátt og t.d. á strengjahljóð-
færum,“ segir Þorsteinn Gauti.
Fjöldinn allur af verkum er til
fyrir píanódúó, en drjúgur hluti
þess er umskriftir hljómsveitar-
verka, en minna hefur verið
samið sérstaklega með tvo píanó-
leikara í huga. „Þetta er einn
angi píanóbókmenntanna en flest
verkin á efnisskrá okkar Stein-
unnar Birnu tilheyra seinni
flokknum þó við séum líka með
fáeinar umskriftir.“
Jazznámskeið
Snmarháskólans á Akureyri
Sumarháskólinn á Akureyri
stendur fyrir samnorrænu jazznámskeiði
dagana 16.-21. ágúst nk.
Meðal kennara: Sigurður Flosason og Hilmar Jensson.
Lögð verður áhersla á samspil, hljómfræði og spuna. Nemendur
verða að hafa lokið III. stigi á hljóðfæri eða hafa einhverja spila-
reynslu. Reynsia af jazztónlist ekki nauðsynleg.
Verð kr. 20.000. Innifalin gisting í svefnpokaplássi
og hálft fæði.
Skráning stendur yfir i síma 463 9000/891 7985 til 20. júlí.