Morgunblaðið - 19.07.1998, Síða 48

48 SUNNUDAGUR 19. JÚLÍ 1998
MORGUNBLAÐIÐ
FÓLK í FRÉTTUM
EINN FREMSTI FRAMLEIÐANDI HOLLYWOOD
Armageddon kostaði um 10 milljarða króna í framleiðslu og
er ein dýrasta kvikmynd sögunnar. Pétur Blöndal talaði við manninn sem hélt um pyngjuna - Jerry Bruckheimer
og Liv Tyler sem hefor leikið í hátt á annan tug mynda síðan leikferilhnn hófst fyrir 5 árum. Þá var hún 17 ára.
ÁRNI Samúelsson, eigandi
Sambíóanna, Mark Zoradi, for-
stjóri alþjóðadeildar Disney, og
Þoi’valdur Árnason í forsýning-
arpartýi Armageddon í Cannes.
ÞAÐ virtist ekki vera alveg óhætt
að leggja í bflastæðin framan við
Armageddon-partýið.
/
EG FANN brosið hennar í
buxnavasanum,“ muldr-
aði Robert Mitchum fyrir
22 árum. Hann var í hlut-
verki einkaspæjarans Philips Mar-
lowe og myndin nefndist „Farewell
My Lovely". Hún er merkileg fyrir
margra hluta sakir. Ekki síst vegna
þess að það var fyrsta mynd ungs
framleiðanda í Hollywood, - Jerry
Bruckheimer.
Síðan þá hefur hann ekki aðeins
bætt á sig árum, tapað hárum á
hvirflinum og komið sér upp skeggi
heldur státar hann einnig af fleiri
vinsælum myndum en flestir aðrir í
höfuðborg kvikmyndanna.
Þær eru komnar á þriðja tuginn
og til marks um velgengnina nægir
að nefna American Gigolo frá 1980,
Cat People frá 1982, Flashdance frá
1983, Beverly Hills Cop frá 1984,
Top Gun frá 1986, Days of Thunder
frá 1990, Bad Boys frá 1995, The
Rock frá 1996, Con Air frá 1997 og
nú síðast Armageddon sem var
frumsýnd hérlendis um síðustu
helgi.
París jöfnuð við jörðu
Armageddon er dýrasta kvik-
mynd Disney og fjallar um tilraunir
hins harðgeðja Bruce Willis til að
hindra að loftsteinn lendi á jörðinni.
Honum tekst ekld að koma í veg
fyrir að nokkur stórgrýti lendi á
jörðinni og hefur áreiðanlega farið
um margan Fransmanninn þegar
París er nánast jöfnuð við jörðu af
einum slíkum loftsteini.
Þrátt fyrir að Jerry Bruckheimer
hafl mörg mannslíf og jafnvel heilu
borgirnar á samviskunni lítur hann
út fyrir að vera geðfelldur náungi.
Var hann ekkert hikandi við að
koma til Frakklands á Kvikmynda-
hátíðina í Cannes eftir að hafa lagt
París í rúst?
„Við verðum að dreifa hörmung-
unum aðeins,“ svarar hann og bros-
ir prakkaralega. „Við erum ný-
komnir frá New York og Shanghai
og reynum að finna lönd með fræg
kennileiti. Ástæðan fyrir því að
París varð fyrir valinu er sú að þeg-
ar maður sér Eiffel-tuminn veit
maður nákvæmlega hvar maður er í
heiminum en í öðrum borgum hefur
maður oft enga hugmynd."
Hvernig tilfínning er það að geta
sprengt upp hvaða borg sem er í
heiminum?
„Þetta er mjög skemmtilegt,"
sem
bj argar
heiminum
segir hann og brosir. „Við reynum
að líta á það sem skemmtun og taka
það ekki alvarlega. Það er einmitt
það sem er svo frábært við þessa
mynd að hún er fyrst og fremst
skemmtun. Við erum ekki að reyna
að koma neinum boðskap á fram-
færi - aðeins að fylgja persónunum
í gegnum erfiða þolraun."
Þurfti ungan leiksfjóra
Hvers vegna fékkstu Michael
Bay til samstarfs við þig?
Þetta er stærsta kvikmynd sem
ég hef framleitt hvað kostnað
áhrærir og alla umgjörðina. Það
þarf ungan leikstjóra til að halda ut-
an um svona fyrirtæki, sem hefur
bæði kraft og úthald, og tímasetn-
ingin gæti ekki verið betri fyrir
Michael. Hann hefur reynsluna eftir
að hafa leikstýrt tveimur vinsælum
myndum og veit hvað þarf til að búa
til kvikmynd og hvemig að því er
staðið. Svo kann hann að koma sög-
unni til skila til áhorfenda sem er
þekking sem tekur langan tíma að
komast yfir.“
Yfírleitt færðu unga leikstjóra til
liðs við þig. Er það í og með til þess
að þú getir haft meiri áhrif á gerð
myndarinnar eða til þess að læra
eitthvað nýtt?
„Allt byggist þetta á samvinnu
þar sem hver hefur sitt til málanna
að leggja. Eg reyni að fá hæfileika-
ríkt fólk til samstarfs við mig vegna
þess að þá er líklegast að ég komi
vel út úr ævintýrinu. Eg nýt þess
einnig að gefa ungum leikstjórum
tældfæri til að sanna getu sínu. Þá
leita ég eftir leikstjórum sem hafa
reynslu af auglýsingagerð vegna
þess að ég veit hversu krefjandi það
er.
Við getum nefnt Michael sem
dæmi. Þegar hann bjó til auglýsing-
ar var hann í upptökum þrjá daga í
viku. Hann var kannski í upptökum
150 daga á ári. Hversu margir leik-
stjórar geta státað af því? Hann
hefur því fullt vald á tæknilegri hlið
kvikmyndagerðarinnar og skilur
hvernig á að koma tökuliðinu á milli
staða og hvernig best er að vinna
með leikurum og fást við utanað-
komandi áhrif eins og auglýsinga-
stofur sem setja spurningarmerki
við allt.
Þá hefur hann þegar unnið marg-
ar [auglýsingajmyndir og maður
getur því metið stílbrögðin, t.d.
hvort hann hefur skopskyn. Ef ég
réði hins vegar rithöfund þyrfti að
byrja á að kenna honum allt sem er
mikill ókostur. Því annars lendir
hann í þeirri aðstöðu að 60 til 70
manns horfa á hann spurnaraugum
og hann hefur ekki hugmynd um af
hverju. Þá spyrja þau: „Hvar á
myndavélin að vera? Hvað eigum
við að gera?“ Og svo rignir yfir
hann spumingum."
Hvað þá?
ISumir þola ekki álagið sem þessu
fylgir og vita ekki hvað þeir eiga til
bragðs að taka. Um leið og tökuliðið
finnur það missir það endanlega
stjórnina. Það þarf reynslu og hæfi-
leika til að leikstýra kvikmyndum
og ég þarf ekki að hafa áhyggjur af
þeim leikstjórum sem ég vel til sam-
starfs."
Engar blóðsúthellingar
Hvaða myndir eru í uppáhaldi hjá
þér?
„Það eru myndir á borð við
Brúna yfir Kwai-fljótið, Arabíu-
Lawrence, Guðföðurinn, French
Connection eða jafnvel Driving
Miss Daisy. En ég hef mjög fjöl-
Morgunblaðið/Halldór Kolbeins
STEVE Buscemi, framleiðand-
inn Jerry Bruckheimer, Liv
Tyler, Bruce Willis og leikstjór-
inn Michael Bay.
breytilegan kvikmyndasmekk; mér
finnst gaman að fara í kvikmynda-
hús og hlýða á sögu.“
Sjálfur gerir þú hasarmyndir þar
sem sprengingar, spenna og skot-
bardagar eru í öndvegi...
„Engir skotbardagar -það eru
engir skotbardagar í þessari mynd.
Ég er lítið gefinn fyrir þá.“ Hann
hugsar sig örlítið um og bætir við
brosandi: „Bara rétt í byrjuninni."
Hvað finnst þér um byssur og
blóðsúthellingar?
„Mér finnst það allt í lagi ef það
þjónar sögunni. Hvað blóðsúthell-
ingar varðar reynir maður að hafa
þær í lágmarki. Það er ekkert slíkt í
þessari mynd.“
Hvað finnst þér um ofbeldi í kvik-
myndum?
„Við getum ekki komist hjá of-
beldi í lífi okkar. í hvert sinn sem
við kveikjum á sjónvarpinu þá er
verið að sýna myndir af hörmung-
um, hvort sem það er strið eða nátt-
úruhamfarir. Við verðum bara að
reyna að lifa með því.“
Ameríski draumurinn
Andstaða við yfirvöld er áberandi
í myndum þínum, t.d. í Bad Boys,
og svo aftur í Armageddon. Hvers
vegna?
„Ég hef gaman af goðsögninni
um hversdagsmanninn sem bjargar
heiminum. Foreldrar mínir voru
innflytjendur frá Þýskalandi sem
fluttu fyrir kreppu til Bandaríkj-
anna og byrjuðu með báðar hendur
tómar. Þau lifðu dæmigerðu milli-
stéttarlífí og gátu veitt mér tæki-
færi til að ganga menntaveginn. Ég
nýtti það og það rættist betur úr
mér en nokkur þorði að vona. Þess
vegna vil ég koma þeim skilaboðum
áleiðis til annarra að í Bandaríkjun-
um er mögulegt að sigrast á að-
stæðum og ná langt.“
Þessi ameríski draumur er
einmitt dálítið einkennandi fyrir
myndir þínar þar sem Bandaríkja-
menn bjarga heiminum á svo ýktan
hátt að það jaðrar við þjóðernis-
hyggju. Það getur orðið dálítið yfír-
þyrmandi fyrir Evrópubúa. Er
þetta þinn draumur?
„Já, vissulega. Við erum talandi
dæmi um það. Ég er hérna vegna
þess að ég trúði á hann, tók þátt í
honum og náði árangri. Annars
væri ég ekki hérna. Ef ég hefði ver-
ið alinn upp í þeirri trú að ég yrði
aldrei annað en sölumaður vegna
þess að pabbi var sölumaður þá sæti
ég ekki hérna.“
Hvað einkennir myndir þínar?
„Ég er farinn að eyða alltof mikl-
um peningum!" hrópar hann og
hlær. „En það er ekki það sem
skiptir máh heldur veltur allt á per-
sónusköpun og sögunni sem ef vel
tekst til getur skemmt áhorfendum
um allan heim, ekki aðeins Banda-
ríkjamönnum. Ég hef gert nokkrar
myndir sem hafa verið vinsælli í
Evrópu en Bandaríkjunum svo ég
hlýt að gera eitthvað rétt. Danger-
ous Minds með Miehelle Pfeiffer
var til dæmis mun vinsælli í Evrópu
þótt hún fjallaði um kennara sem
var að glíma við bandarískan veru-
leika.“
Og góðu mennirnir vinna alltaf að
lokum í myndum þínum. Þú endar
alltaf á að bjarga heiminum.
„Þú heldur það,“ svarar hann og
hlær glaðhlakkalega.
Óttast þú heimsendi?
„Vísindamenn segja okkur að það
eigi eftir að verða heimsendir.
Hvort það gerist meðan við erum
uppi er engin leið að spá um. En
loftsteinn rekst á jörðina einu sinni
á 10 milijón ára fresti, samkvæmt
rannsóknum vísindamanna. Og það
eru 65 milljón á síðan það gerðist
síðast. Fyrir þremur árum fór loft-
steinn á milli jarðarinnar og tungls-
ins sem hefði eytt öllu lífi á jörðinni
ef hann hefði rekist á jörðina. Og
vísindamenn komust ekki að því
fyrr en þremur dögum eftir að hann
varfarinn framhjá jörðinni."
Small saman á réttum tíma
Hvemig velurðu þær myndir sem
þú vilt framleiða?
„Maður verður að fylgja eðlisá-
vísuninni. Ég verð að hafa trú á
verkefninu og áhuga á að sjá mynd-
ina fullgerða. Ég er ekki ólíkur þér.
Þú opnar dagblaðið, skoðar bíóaug-
lýsingamar og ákveður að horfa á
eina af þeim myndum sem eru í
boði. Ég geri það sama nema hvað
ég vel úr handritum."
Kanntu einhverju skýringu á vel-
gengni Titanic?
„Það small allt saman á réttum
tíma. James Cameron gerði mjög