Morgunblaðið - 07.05.2000, Blaðsíða 12

YDDA/SlA
12 B SUNNUDAGUR 7. MAÍ 2000
MORGUNBLAÐIÐ
40 NEGLUR, LÍM OG SKRAUT
ALLT I EINUM PAKKA
8 MISMUNANDI GERÐIR
FALLEGAR OG EÐLILEGAR NEGLUR
A NOKKRUM MtNÚTUM SEM
SKAÐA EKKI ÞtNAR EIGIN
*£>VC'Ay

hAgæða naglalakk og naglaefni
SEM GERA NECLURNAR ÞlNAR
FALLEGAR, STERKAR OG ,
HEILBRIGÐAR
Fæst f apótekum og
snyrtivöruverslunum
Dreifing: CSÍCf'M
Námsstefna
JC 10. maí
NÁMSSTEFNA JC á íslandi verður
haldin á Hótel Sögu miðvikudaginn
10. maí. Námsstefnan er sambland
af námskeiði, fyrirlestrum og verk-
efnavinnu, að því er kemur fram í
fréttatilkynningu frá JC á Islandi, en
lögð verður áhersla á að draga fram
þá þætti sem einkenna framúrskar-
andi einstaklinga og benda fólki á
hagnýtar leiðir til að ná betri ár-
angri.
Námsstefnan stendur frá kl. 9 til
13 og á dagskránni er m.a. námskeið
sem Siiri Odrats, framkvæmdastjóri
dótturfyrirtækis þýska lyfjafyrir-
tækisins Henkel í Eystrasaltsríkj un-
um, mun stýra. Hansína B. Einars-
dóttir hjá Skref fyrir skref flytur
erindi um leiðtoga framtíðarinnar og
fulltrúi frá stoðtækjafyrirtækinu
Össuri fræðir þátttakendur náms-
stefnunnar um hvaða aðferðum Öss-
ur hefur beitt til að ná framúrskar-
andi árangri sem fyrirtæki.
Dagskránni lýkur með verðlauna-
afhendingu þar sem útnefndir verða
3 einstaklingar; framúrskarandi
stjómandi, framúrskarandi mark-
aðsmanneskja og framúrskarandi
frumkvöðull. Frekari upplýsingar
um námsstefnuna er að finna á
heimasíðu JC á íslandi, www.jc.is, og
þar er einnig hægt að skrá sig til
þátttöku. Þátttökugjald er kr. 6.500
fyrir félaga í JC og Verslunarráði en
7.500 fyrir aðra.
PricewaterhouseCoopers, í samstarfi við Samtök verslunar og þjónustu,
boðartil ráðstefnu um Knowledge Management (þekkingarstjórnun)
þann 11. maí nk. á Grand Hótel kl. 13:00 -17:00.
Hreyfanleiki fyrirtækja og möguleiki til þróunareru lykilatriði í samkeppnisfærni þeirra. Stjórnendur
í fyrirtækjum verða að gera sér grein fyrir að undirstaða áframhaldandi þróunar er sú þekking sem
býr f fyrirtækinu og falin er í starfsfólki þess. Stærsta áskorun fyrirtækja framtíðarinnar er að umbreyta
þekkingu í auðævi.
Sérfræðingar PwC í Noregi, Hanne Gjendhem og Odd Ivar Lindland munu kynna aðferðafræði og
hagnýtingu Knowledge Management (þekkingarstjórnunar).
Dagskrá ráðstefnunnar:
13:00-13:10 Setning
Reynir Kristinsson framkvæmdastjóri PwC á íslandi.
13:10-13:30 Hvað er Knowledge Management (þekkingarstjórnun)?
13:30-13:50 Markaðsöfl og framtíðarhorfur.
13:50-15:05 Þróun Knowledge Management og útfærsla.
15:05-15:25 Kaffihlé
15:25-15:45 Innleiðing Knowledge Management í fyrirtæki.
15:45-16:05 Raunhæfdæmi.
16:05-16:30 Nýtækni.
16:30-17:00 Panel umræður:
Friðrik Sophusson, Landsvirkjun
Frosti Sigurjónsson, Nýherja
Guðjón Már Guðjónsson, OZ
Hilmar B. Janusson, Össuri
Óskar Jósefsson, PwC
Anna María Pétursdóttir, PwC
Fundarstjóri: Hrönn Greipsdóttir hótelstjóri Radisson SAS.
Ráðstefnan fer fram á ensku.
Skráning fer fram hjá Fríðu Jónsdóttur í síma 550 5300.
Tölvupóstfang: frida.jonsdottir@is.pwcglobal.com
Verð: 16.500 kr.
PricewaTerhousfQopers §
m
Samtök wrslunaruRþjúnusln
Krítarkort
Eins og snigill
á hvolfi
s
Þegar Islendingarnir helltust yfír
Krít varð það að frétt í heimablaðinu.
Hlín Agnarsdóttir fylgdist með.
FYRIR skömmu urðu
íslendingar frægir einn
dag á Krít. Þá birtist
nefnilega heilsíðugrein
um nýhafið landnám
þeirra á Krít í Hania-
tíðindum undir fyrir-
sögninni: „íslendingar
uppgötva Krít.“ Blaða-
menn og ljósmyndarar
þyi-ptust út á flugvöll
þegar fyrsta þotan frá
Icelandair Holidays
sveif niður á jörðina dá-
lítið stolt með magann
út í loftið. Þegar fyrstu
íslendingarnir renndu
farangri sínum inn í
komusalinn í flugstöð-
inni tóku á móti þeim
sjónvarpsmyndavélar
frá Kydon TV, en það
er sérstök sjónvarpsrás í Hania-
héraði. Seinna um kvöldið birtist
þriggja mínútna sjónvarpsfrétt
um komu þeirra og höfðu klippar-
ar sjónvarpsins fengið sérstakt
dálæti á fjölskyldu einni, sem birt-
ist aftur og aftur í mynd. A stétt
fyrir utan flugstöðina svignuðu
borð undan veitingum, víni og
kökum, konum voru færðar gular
rósir og börnin fengu djús. Krít-
verskir tónlistarmenn struku lýru
og lútu, hófu upp raust sína og
sungu á meðan dansarar stigu
dans í skrautlegum búningum.
Allt okkur til heiðurs, allt til að
gleðja okkur og gera fyrstu heim-
sóknina eftirminnilega. Úti var 24
stiga hiti, degi þó tekið að halla og
ljósaskiptin í nánd.
A þeim tíma dags eru litbrigði
himins og jarðar á þessari breidd-
argráðu með eindæmum töfrandi;
ljósfljólublá slikja með gulrauðu
ívafi liggur yfir landinu og til við-
bótar fyllir vitin sterkur ilmur af
vorgróðri. I ljósasldptunum fær-
ist einhver ró yfir mannskapinn,
enda „mesimeri" eða miðdegi ný-
lokið og fólk rétt að rumska fyrir
seinni vaktina, síðdegið og kvöld-
ið. Strákarnir á slcrifstofunni
koma í vinnuna nýbaðaðir í
hreinni skyrtu og glaðir á svip.
Búnir að borða og leggja sig og
kannski kyssa konumar. Ekkert
fát og fum, heldur einbeiting og
vinnusemi. Þeir eru ekki eins og
ég sem kemst aldrei heim að
borða fyrir önnum. Þess vegna
borða ég oftast hjá honum Taki á
móti skrifstofunni hér í Kato Stal-
os. Meira segja komin í reikning
hjá honum. Konan hans Katerina
lyftir pottlokum og opnar ofna til
að sýna mér rétti dagsins. Hún
býr til besta músakka í heimi. I
næstu viku ætla þau hjónin að
bjóða mér upp á steikta snigla.
Sniglar eru daglegt brauð hjá
Krítverjum þessa dagana. Þegar
rignir skríða þeir upp úr jörðinni
og fara á flakk. Þegar ég fór síðast
út á flugvöll og ók í gegnum ólífu-
lundina á Akrotiri-höfðanum sá
ég hvar nokkrar sálir bograndi
oní sverðinum í leit að sniglum.
„Búbúristí koklí“ heitir rétturinn
á máli innfæddra, steiktir sniglar
á íslensku. Svo er líka til réttur
hér sem heitir sniglar á hvolfi, en
ég hef ekki fengið neinn botn í
hann enn. Sjálf er ég svolítið eins
og snigill á hvolfi þessa dagana,
snýst bæði í kringum sjálfa mig
og aðra frá morgni til kvölds og
drattast svo heim til mín seint á
nóttinni. Enda er hún Dimitría
mín alveg hissa á þessu útstáelsi
mínu. I þessi fáu skipti sem ég
rekst á hana notar hún tækifærið
og ryður úr sér spurningamerkj-
um. Það er kærkomið tækifæri
bæði til að hlusta á grísku og æfa
mig í að svara, því ég má tala
hægt, segja vitleysu og leiðrétta
um leið. „Hvar ertu eiginlega all-
an daginn, ég hringi á morgnana
og á kvöldin og þú ert aldrei
heima?“ Hún talar eins og von-
svikin eiginkona, sem saknar
nærveru eiginmanns, sem er yfir-
hlaðinn af vinnu og álagi. Eg veit
svo sem ekki hvar ég væri ef
hennar nyti ekki við og er loksins
farin að skilja hvað góður kven-
kostur er mikils virði fyrir vellíð-
an alls mannkyns. Til þess að lifa
allt þetta álag af byrja ég yfirleitt
daginn á því að kreista úr tveimur
fullþroska appelsínum í glas plús
einni sítrónu og steypa því í mig.
Við það fæ ég svo mikið c-vítamín-
kikk að ég geisla öll af orku og
finnst ég fær í flestan sjó. Enda
hverfa appelsínubirgðirnar eins
og dögg fyrir sólu. En hún Dimitr-
ía mín er svo góð að ég þarf ekki
annað en senda henni hugskeyti
til að fá nýjan skammt. Þessi „tel-
epatía" mín nær bókstaflega yfir
allar mínar þarfir. Ég legg blúss-
una mína á strauborðið að morgni
og hún er strokin og fín að kvöldi.
Eg set í vél og hún er búin að
hengja upp úr henni þegar ég kem
heim. Reyndar gengur þessi „tel-
epatía" svo langt milli okkar Dim-
itríu að einn daginn hafði ég orð á
því við vini mína, að það eina sem
vantaði í íbúðina okkar væri dúk-
ur á Ijóta plastborðið í borðstof-
unni; þegar við komum heim var
ósýnileg hönd Dimitríu búin að
hylja það með dúk.
Samkvæmt helgihaldi grísku
rétttrúnaðarkirkjunnar eru pásk-
ar viku síðar á ferðinni en hjá
kaþólskum og lúterskum. Páska-
hátíðin er ein mesta helgi- og
gleðihátíð landsmanna, sannköll-
uð upprisuhátíð, sem flestir taka
þátt í. Föstunni er þá að ljúka og
undirbúningur páskanna nær
hámarki með matartilbúningi og
bakstri, sambærilegum við jóla-
undirbúning okkar. Langa páska-
vikan eða „megalí evðómaða" á
grísku hófst á mánudag og endar
með mikilli páskahátíð í vikulok.
Þá gera Grikkir sér þann grikk að
eta á sig gat þó aðallega á páska-
dag og aðfaranótt hans. Áður fara
þeir til kirkju og hlusta á sína
presta tóna aftan úr fomkirkjunni
„Christos anesti,ðefte lavete fos“
eða Kristur er upprisinn, komið
og takið á móti ljósinu! Ég er al-
veg harðákveðin í að sniglast þá í
einhverja Krítarkirkju, þó ekki á
hvolfi, og fylgjast með því þegar
Ijósið sem sótt er alla leið til Jer-
úsalem af grískum flugmönnum
breiðist út meðal fólksins.