Morgunblaðið - 29.09.2000, Qupperneq 60

60 FÖSTUDAGUR 29. SEPTEMBER 2000
MORGUNBLAÐIÐ
Dýraglens
Smáfólk
Gerðu svo vel.
Fleytifullur
daUur af vatni.
Engin sítrónusneið?
BRÉF
TEL BLAÐSINS
Kringlunni 1 103 Reylqavík • Sími 569 1100 • Símbréf 569 1329
Ofurskattar
skapa fátækt
Frá Guðrúnu Maríu Óskarsdóttur:
ÞVÍ miður eigum við enn við að búa
óréttlátt skattkerfi, sem hreint og
beint stuðlar að því að hinir fátæku
verði enn fátækari, hvort sem um er
að ræða ófaglærða á vinnumarkaði
með laun undir hundrað þúsund
krónum ellegar bótaþega almanna-
trygginga, sjúka og aldraða. Með
öðrum orðum: Engan veginn hefur
tekist nægilega vel til með að fram-
kvæma skattabreytingar til handa
þessum hópi.
Hvers vegna er það svo? Fyrir-
tæki þau er greiða laun í landinu
hafa heldur ekki mátt meðtaka
lækkun skatta til handa starfsemi
sinni og meðan svo er breytist varla
mjög mikið. Greiðsluhlutfall ein-
staklings í formi tekjuskatts, virðis-
aukaskatts og eignaskatts er enn
allt of hátt, og vil ég hér með lýsa
eftir tölulegum upplýsingum um
slíkt frá til þess bærum aðilum.
Góðærið er goðsögn
Því miður er tal um góðæri nokk-
uð fjarri hluta almennings í landinu,
svo fjarri að halda mætti að aðferðir
Bakkabræðra forðum, er þeir báru
sólina í húfum inn í gluggalausan
kofann og töldu sig hafa með því
birtu, gætu verið leiðarljós þeirra er
hæst hrópa um góðæri. Vissulega
hefur mátt finna góðæri til handa
þeim er hafa efni á hlutabréfakaup-
um, og hafa um það vitund hvar skal
fjárfesta og klukkan hvað, en þorri
almennings, er hefur nóg með af-
borganir af fjárfestingu í þaki yfir
höfuðið ellegar greiðslu hárrar leigu
á húsnæðismarkaði, skipar ekki hóp
hlutabréfafjárfesta. Bótaþegar al-
mannatrygginga, sjúkir og aldraðir,
geta sjálfkrafa afskrifað umhugsun
um hlutabréfakaup, sem og lág-
launafólk landsins, til sjávar og
sveita. Það þarf því ekki að koma á
óvart að fátækt skuli enn vera að
finna hér á Islandi við þessi alda-
mót, eins og hin, en eðli máls sam-
kvæmt hefur bilið breikkað, þar
sem hin ýmsu nútímaþægindi alls-
nægta, sem hluta þjóðarinnar hefur
tekist að höndla, eru nokkuð mikil
andstæða þess að öðrum hluta
þegnanna er áskapað að lifa við fá-
tæktarmörk til lifibrauðs, vegna
stöðu sinnar og stéttar í samfélag-
inu.
Breytinga er þörf
Taka þarf upp tvö tekjuskatts-
þrep fyrir það fyrsta. í öðru lagi
þarf að endurskoða verkaskiptingu
ríkis og sveitarfélaga, hvað varðar
skattlagningu almennt, og sam-
ræma þar ákveðna þætti. I þriðja
lagi þarf að lækka prósentuhlutfall
virðisaukaskatts, í áföngum, með
það að markmiði að minnka svarta
atvinnustarfsemi og auka skatttekj-
ur á móti lækkun tekjuskatts.
Þessu til viðbótar er það ekki of-
verkið stjórnmálamanna að reyna
að höndla sýn á fleira en eigin vin-
sældir og brautargengi, hvar í
flokki sem þeir standa, og taka nú til
við það að hlusta á fólkið í landinu
og ræða einnig erfiðar aðstæður
þess á löggjafarþinginu. Raddir
eldri borgara, öryrkja og fátækra
hefðu nú þegar átt að ná eyrum lýð-
ræðislega kjörinna fulltrúa þjóðar-
innar, við stjórnvöl lands og sveita.
Tvö kjörtímabil við valdstjórn
eiga ekki að þurfa að þýða verri að-
búnað til handa þegnunum, þvert á
móti eiga menn að hafa vitund um
ríkjandi ástand, og taka mið af því.
GUÐRÚN MARÍA
ÓSKARSDÓTTIR,
ritari hjá Samtökum gegn fátækt.
Lokun gatna
í Reykjavík
Frá Þorsteini Kristmannssyni:
NÚ ÞEGAR Grafarvogsbúar mót-
mæla enn og aftur sinnuleysi borg-
aryfirvalda gagnvart umferðarör-
yggi í Rimahverfi finnst undir-
rituðum tilefni til að minna á annað
mál og bera saman en það lýtur að
Fossvogshverfi. Álandi, sem m.a.
liggur meðfram Borgarspítalanum,
var lokað í báða enda við aðeins þijú
hús. Þarna er greinilega verið að
hlífa fáeinum íbúum húsa, sem
standa við götuna við umferð en lok-
uninni var dembt yfir á meðan verið
var að byggja það eina sem byggt
hefur verið þar í yfir fimmtán ár.
Álandið hefur verið öll þessi ár eðli-
leg og sjálfsögð umferðaræð án telj-
andi slysahættu. Þarna er starfs-
mönnum Borgarspítalans gert efitt
fyrir en þeir eru jú fjölmargir. Á
þessum spotta við þessi hús hafa ver-
ið sett upp fjögur bannmerki og
standa tvö þeirra úti á miðri götunni
beggja vegna spottans. Mætti ætla
að þarna væri um stórhættulega um-
ferðaræð að ræða. Er svo? Einnig
lokar þetta leiðum úr þessum hluta
Fossvogs. Þessu hafa íbúar Foss-
vogs mótmælt en þessi lokun virðist
engum tilgangi þjóna nema til að
færa örfáum aðeins meira næði á
kostnað fjölda fólks. Hver eni rökin
fyrir lokun Álands og hvaða hags-
munir liggja að baki? Fróðlegt væri
að fá því svarað. Á meðan íbúar Graf-
arvogs mótmæla aðgerðaleysinu í af-
ar barnmörgu hverfi loka borgaryf-
irvöld, án nokkurrar sýnilegar
ástæðu, götu sem aðeins þrjú hús
standa við og valda mörgum ama og
óþægindum. Umferð um bratt Eyr-
arlandið eykst auðvitað í kjölfarið,
þar sem mörg börn eiga leið yfir.
Umferð um Fossvogsveg eykst að
sama skapi en við hann er fjöldi
húsa. Hvers vegna ekki loka Foss-
vogsvegi líka?
ÞORSTEINN
KRISTMANNSSON,
Brautarlandi 3, Reykjavík.
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt til að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
til birtingar teljast samþykkja þetta, ef ekki fylgir fyrirvari hér að lútandi.