Fréttir frá Íslandi - 01.01.1876, Síða 34

34
ATVINNUVEGIK.
tillögum landshöfðingja tíl að greiða úr þessu. — Frakkar voru
og hjer við land að vanda a mörgum fiskiskipum; aflaðist þeim
og vel. Eitt af skipum þeirra strandaði um veturinn á Suður-
nesjum. Áleitnir þóttu Frakkar enn með að fara inn á fiski-
mið landsbúa, og veittu sums staðar usla og yfirgang sem fyr.
Eitt dœmi bar þó ljósastan vott um yfirgang þeirra. f>ilskip
eitt úr Vestmannaeyjum, að nafni Olga, lá fyrir hákall suður af
Ingólfshöfða aðfaranótt hins 10. marz. Voru 7 manns á skipi.
Lopt var heiðskírt og tunglskin bjart, en sjór nokkuð úfinn.
Um miðnætti sáu skipverjar skip koma siglandi af hafi, og stefna
beint á Olgu. Olgumenn gátu eigi snúið skipi sínu frá, en
kölluðu til hinna að þeir gætti sín, en þeir skeyttu því ekki,
og sigldu á Olgu flata með fullri ferð, svo að hún brotnaði.
Skipverjar gátu með naumindum bjargað sjer upp í hið aðkom-
andi skip. J>að var frakknesk fiskiskúta. Höfðu Olgumenn þar
hinn versta aðbúnað, og með naumindum fengu þeir að vera í
skipinu. Tvisvar ætluðu Frakkar að losast við þá, með því að
skjóta þeirn út í bát í dimmviðri og veltubrimi, þar sem trauð-
lega var unnt að komast í land, en fyrir fortölur eins hinna
frakknesku skipverja var því þó frestað. Loksins var þeim hinn
17. marz skotið út í bát IV2 mílu austur af Vestmannaeyjum, í
úfnum sjó og mcð vindi á móti. Tjáði engin bón, og urðu þeir
að fara. Komust þeir til lands með mesta lífsháska. Mjög hafa
þeir við brugðið ómannúð og ódrengskap hinna frakknesku skip-
verja, einkum skipstjóra, bæði í aðferð þeirra við þá og svo í
öðru athœfi þeirra, er þeir sáu á skipinu. Tvísýnt þykir, að
þeir, er hjer voru svo hart leiknir, fái nokkra uppreisn mála
sinna, því ervitt hefur íslendingum gengið að ná rjetti sínum
hjá hinni frakknesku stjórn að undanförnu, þá er líkt hefur að
borið; og nú fyrir skemmstu hefur Frakkastjórn látið hin ís-
lenzku stjórnarvöld vita, að liún eigi vildi láta ómaka sig út af
smámunum; hjer sýnist nú raunar eigi vera um neina smámuni
að gjöra, en vera má, að hinum erlendu stjórnarvöldum sýnist
þó svo, og að hinir minni máttar verði enn sem optar að lúta
í lægra haldi.
pað hefur opt borið við hjer við land, þá er fiskur hefur
verið fyrir, að hinir erlendu fiskimenn á þilskipum sínum hafa