Fréttablaðið - 02.05.2001, Side 10

10
FRÉTTABLAÐIÐ
2. maí 2001 MIÐVIKUDAGUR
Foreldrafélög í Garðabæ:
Vilja göngubrú yfir
Hafnarfj arðarveg
FORSVARSMENN FORELDRAFÉLAGS HOFSSTAÐASKÓLA
Staðsetning göngubrúar á Hraunsholti myndi vera í beinni göngulínu í grunnskóla og yrði
til mikils öryggis fyrir skólabörn.
| INNLENT |
Afjölmennum borgarafundi í
Olafsvík sl. sunnudag var skorað
á stjórnvöld að afnema ákvæði laga
um kvótasetningu á steinbít, ufsa og
ýsu. Fundurinn telur að óbreytt lög
yrðu skaðræði fyrir þá sem byggja
afkomu-sína á veiðum krókabáta. Á
fundinum vakti athygi að enginn
stjórnarþingmaður sá ástæðu til að
mæta. Hinsvegar mættu þingmenn-
irnir Jón Bjarnason frá Vinstri græn-
um, Gísli Einarsson og Jón Ársæls-
son Samfylkingu og Guðjón A. Krist-
jánsson úr Frjálslynda flokknum.
Mikið var að gera hjá Iögreglunni
í Reykjavík í fyrrinótt, en tals-
verð ölvun var í miðborginni og
margt fólk saman komið. Tólf manns
gistu fangageymslur lögreglunnar í
Reykjavík aðfaranótt sunnudags.
uMFERÐARMÁi Foreldrafélög þriggja
grunnskóla í Garðabæ, Flataskóla,
Garaðskóla og Hofsstaðaskóla, hafa
sent Vegagerð ríkisins og samgöngu-
ráðherra, bréf þess efnis að byggð
verði göngubrú yfir Hafnarfjarðar-
veg á Hraunshoiti til þess að taka við
aukinni umferð skólabarna yfir veg-
inn. Þar kemur fram að þung umferð
sé á álagstímum á Hafnarfjarðarvegi
og því mikil slysahætta. í bréfinu seg-
ir að úthlutað hafi verið um 400 nýjum
íbúðum á Hraunsholti á síðustu miss-
erum og að búast megi við að íbúða-
fjöldi aukist á næstu misserum.
í samtali við Halldóru Matthías-
dóttur, formann foreldrafélags Hofs-
staðaskóla, kom fram að bæjaryfir-
völd í Garðabæ hafi sent í október og
desember á síðasta ári bréf til vega-
gerðarinnar með ósk um göngubrú á
þessum stað. Enn hafi ekki borist neitt
svar og því hafi foreldrafélögin
ákveðið að fylgja því bréfi eftir og ít-
reka beiðnina. Hún sagði ein undir-
göng vera við veginn en að þau væru
allt of langt í burtu til að koma að ein-
hverju gagni. „Brýn nauðsyn er að fá
þessa göngubrú sérstaklega í ljósi
þessarar fjölgunar sem á og mun eiga
sér stað í þessu svæði á næstu árum,“
sagði Halldóra. ■
Bandarísk genarannsókn
ber árangur:
Blindur
hundur fær
sjónina aftur
new york. ap. Vísindamönnum hefur
tekist að gefa blindum hundum sjón-
ina aftur. Hundarnir heppnu höfðu af-
brigði af arfgengum
augnsjúkdómi sem
blindar einnig fjölda
nýbura árlega. Segja
vísindamennirnir að
uppgötvun þeirra
gæti hjálpað til við
lækningu á ýmiss-
konar arfgengum
augnsjúkdómum í
fólki. Hingað til hef-
ur sjúkdómurinn
verið talinn ólæknanlegur, en hann
byggist á að ákveðið gen sem nauðsyn-
legt er til að taka á móti ljósi vantar í
augað. Vísindamennirnir réðu bót á
þessu með því að setja einfaldlega
rétta genið inn í augu hundanna.
„Niðurstöðurnar ættu að opna fyr-
ir flóðgáttir," segir, Dr. Gerald
Chader, yfirmaður rannsóknarstofn-
unar fyrir augnsjúkdóma í Banda-
ríkjunum. Vísindamennirnir vona að
hægt verði að hefja tilraunir með
lækningaraðferðina á mannfólki inn-
an tveggja ára. ■
—»—
Ibúaþróun í Bandaríkjunum:
Minnihlutar
ímeirihluta
mannlíf. Nú er svo komið að hvítir eru
í minnihluta í langflestum stærstu
borgum Bandaríkjanna. Hinir hefð-
bundnu minnihlutahópar, þ.e.
þeldökkir, rómanskir og asískir íbúar
borganna, eru orðnir að meirihluta
þegar þeir eru taldir saman sem einn
hópur. Þetta kemur fram þegar
nýjust manntalsupplýsingar Banda-
ríkjanna eru skoðaðar, en frá þessu
var skýrt í New York Times á mánu-
daginn. Þessi þróun stafar ekki síst
af því að þeir sem ljósir eru á hörund
hafa verið að flytja burt úr miðbæj-
um til úthverfa og nágrannabæja
stórborganna, en minnihlutahóparnir
flytja í hina áttina - inn í miðbæina. ■
EKKERT
HUNDALÍF
Hundarnir geta
nú gengið um og
leikið sér óhultir.
EKKI ERU ALLIR JAFN HRIFNIR AF ESB
Sænskir sósíalistar mótmæltu hinu „kapitalíska ESB" og hvöttu til „þjóðlegrar samstöðu" í Lundi.
Stjórnmálamenn fagna
tillögum Schröders
Vill ríkisstjórn Evrópu. Framkvæmdastjórn ESB verði breytt í ríkisstjórn.
Evrópuþingið fái vald yfir smaeiginlegum fjárlögum 15 ríkja.
berlín iapi Gerhard Schröder, kanslari
Þýskalands, hefur tekið hugmyndina
um ríkisstjórn Evrópu upp á arma
sína sögðu talsmenn flokks Jafnaðar-
manna, flokks Schröder.
Talsmaður flokksins sagði í sam-
tali við vikuritið Der Spiegel að í
drögunum sé lagt til að fram-
kvæmdastjórn Evrópusambandsins
(ESB) verði breytt i ríkisstjórn og
að Evrópuþinginu verði gefið vald
yfir sameiginlegum fjárlögum ríkj-
anna 15 sem nú eru í ESB. Nær
helmingur fjárlaganna fer nú í styr-
ki til landbúnaðarins. Einnig er lagt
til að sett verði á fót önnur deild
Evrópuþingsins þar sem ráðherrar
aðildarríkja myndu sitja. Schröder
leggur hins vegar til að á sumum
sviðum verði ákvörðunarvald fært
frá Brussel til ríkja eða héraða í
Evrópu.
Stefnumótun í Evrópumálum í
Þýskalandi hefur hingað til að mestu
verið í höndum Joschka Fischer, ut-
anríkisráðherra, sem einnig er
hlynntur því að ríkisstjórn Evrópu
verði sett á laggirnar. Þýskir stjórn-
málamenn fögnuðu tillögum
Schröders. Á Ítalíu hefur einnig ver-
ið víðtækur stuðningur fyrir
sterkára ESB en nú er en Frakkar og
sérstaklega Bretar vilja fara hægar í
sakirnar. Þeir kjósa heldur bandalag
sjálfstæðra ríkja en evrópskt „ofur-
ríki“. ■
Nýir tímar í Bretlandi?:
Krárnar
opnar lengur
opnunartImi Breytingar á opnunar-
tíma enskra og velskra kráa standa
fyrir dyrum. Breytingarnar, sem eru
þær rótttækustu í 40 ár, verða kynnt-
ar nánar síðar í vikunni. Að sögn ráð-
herra Verkamannaflokksins, sem er
við stjórnvölinn í Bretlandi, er talið
að endalok ákveðins opnunartíma
muni bæta drykkjuvenjur en sam-
kvæmt núverandi lögum er krám
gert að loka klukkan eljefu á kvöldin
i Englandi og Wales. íhaldsflokkur-
inn gagnrýnir tímasetningu breyting-
arinnar harðlega og segir hana
dæmigerð vinsældarkaup, rétt fyrir
kosningar. ■
FYRIR DÓMSUPPKVAÐNINGU
Tobin leiddur inn í sakborningsbúrið
í réttinum í Voronesh.
Háskólaneminn í Rússlandi
Fangelsi fyrir
fíkniefnasölu
- ekki njósnir
voronesh, ap. Bandaríski háskólanem-
inn John Tobin hefur verið dæmdur í
rúmlega þriggja ára fangelsi fyrir
fíkniefnasölu í Voronesh í Rússlandi.
Tobin hafði einnig verið sakaður um
njósnir en ekki kom fram ákæra á
hendur honum.
Eftir að dómur var kveðinn upp
lýsti Tobin því yfir að hann væri sak-
laus. „Ég kom ekki nálægt eiturlyfj-
um, Ég er háskólanemi og kom hingað
til að læra,“ sagði hann á rússnesku.
Tobin var handtekinn á nætur-
klúbbi í Voronesh í janúar sl. fyrir að
hafa í fórum sínum kannabisefni sem
lögregla sagðist hafa fundið í eld-
spýtustokki sem hann bar á sér. Við
leit í íbúð hans sagðist lögregla svo
hafa fundið meira kannabis sem benti
til þess að Tobin fengist við sölu. ■