Fréttablaðið - 08.01.2002, Blaðsíða 12

12
FRÉTTABLAÐIÐ
8. janúar 2002 ÞRIÐJUDAGUR
Aukin hlutdeild Norðmanna í Reyðarál:
Til umræðu á Rótary
fundum í allan vetur
Vaka ályktar: ^
Brýnir LÍN
til aðgerða
menntun Vaka, félag lýðræðis-
sinnaðra stúdenta í Háskóla ís-
lands, segir í ályktun sinni að ekki
sé eðlilegt að námsmenn þurfi
jafnvel að fresta námi sínu er-
lendis vegna gengislækkun krón-
unnar og lægri námslána þar af
lútandi. Óeðlilegt sé að náms-
framvinda þurfi að fara eftir
sveiflum í gengi. Stúdentar ættu
að geta treyst því að Lánasjóður
íslenskra námsmanna veiti lán
fyrir náms- og framfærslukosti.
Vaka hvetur því stjórn LÍN til að
grípa til aðgerða og koma til móts
við þá skerðingu sem námsmenn
erlendis hafa orðið fyrir. ■
álver Norsk Hydro hefur til skoð-
unar hvort eignarhlutdeild fyrir-
tækisins í væntanlegu álveri í
Reyðarfirði eigi að vera allt að
49%. Lfpphaflega stóð til að hlutur
þeirra yrði aðeins um 20-25%.
Geir A. Gunnlaugsson talsmaður
Hæfis, þ.e. félags íslenskra fjár-
festa um álverið segir að það hafi
alltaf verið stefna þeirra að Norð-
menn myndu eiga sem stærstan
hlut í álverinu og vísar því á bug
að þessi athugun hjá Norsk Hydro
sé tilkomin vegna einhverra erfið-
leika við að fá fjárfesta til að leg-
gja fram fjármuni í álverið. Hins
vegar sé því ekki að neita að eftir
því sem hlutur Norðmanna verði
stærri þarf Hæfi að koma með
minni fjármuni en það ella mundi
þurfa. Hann segist undrast þá
fjölmiðlaathygli sem þetta mál
hefur fengið þar sem hann sé bú-
inn að ræða þennan möguleika í
allan vetur á Rótaryfundum.
Geir segir að rætt sé um að
heildarhlutafé í álverinu verði um
400 milljónir dollara, eða ríflega
um 40 milljarðar króna. Ef eignar-
hluti Norsk Hydro yrði um 49%
yrði hlutur Hæfis rúmlega 20
milljarðar. Hann bendir einnig á
að það hafi ávallt verið lögð áher-
sla á það að innlendir fjárfestar
kæmu að fjármögnun álversins
sem einn aðili og m.a. til að trygg-
ja stjórnunarleg forræði þeirra í
fyrirtækinu. Hann segist vonast
til þess að lífeyrissjóðir og aðrir
GEIR A. GUNNLAUGSSON
Segir að heildarhlutafé í álverinu verði allt
að 40 milljarðar króna, eða um 400 millj-
ónir dollara.
fjárfestar skoði þennan fjárfest-
ingarkost á faglegum forsendum
en stefnt er að því að fjármögnun-
in verði ljós eigi síðar en í vor. ■
Launami
og önnun gogn
28. janúar
Skilafrestur eftirtalinna gagna vegna ársins 2001
hefur verið ákveðinn sem hér segir:
Til 28. janúar 2002:
1. Launamiðar (RSK 2.01) ásamt almennu launaframtali (RSK 1.05). Á launamiðum
komi meðal annars fram sundurliðaðar upplýsingar um hvers konar greiðslur í
formi launa og hlunninda eða til verktaka fyrir efni og vinnu, styrkja, bóta eða
annarra tekna; svo sem áskilið er.
2. Greiðslumiðar vegna lífeyris, tryggingabóta og atvinnuleysisbóta.
3. Hlutafjármiðar (RSK 2.045) ásamt samtalningsblaði (RSK 2.04).
4. Upplýsingar hlutafélaga um kaupréttarsamninga (RSK 2.085).
5. Stofnsjóðsmiðar. (RSK 2.065) ásamt samtalningsblaði (RSK 2.06).
Qfangreindur frestur er þó framlengdur til 8. febrúar 2002, enda sé gögnum
skilað á tölvutæku formi samkvæmt færslulýsingu ríkisskattstjóra, en hana
má finna á rsk.is.
Til 14. apríi 2002:
1. Gögn frá lífeyrissjóðum, líftryggingafélögum og fjármálastofnunum iðgjöld og
framlög launagreiðenda til lífeyrissjóða og til viðbótarlífeyristryggingar.
2. Upplýsingar fjármálastofnana um kaup, sölu og umboðsviðskipti með hlutabréf.
3. Greiðslumiðar (RSK 2.02) yfir hvers konar greiðslur fyrir leigu eða afnot af lausafé,
fasteignum og fasteignaréttindum, sbr. 1. og 2. tölulið C-liðar 7. gr. laga nr. 75/1981.
4. Bifreiðahlunnindamiðar (RSK 2.035).
5. Afurða- og innstæðumiðar (RSK 2.075) ásamt samtalningsblaði (RSK 2.07).
6. Sjávarafurðamiðar (RSK 2.055) ásamt samtalningsblaði (RSK 2.05).
7. Greiðslumiðar (RSK 2.025) yfir hvers konar greiðslur til erlendra aðila og annarra,
sem bera takmarkaða skattskyldu hér á landi, og skattskyldar eru skv. 3. og 6.
tölul. 3. gr. laga nr. 75/1981 og ekki er gerð grein fyrir á skilagreinum RSK, sem
taldar eru upp hér að framan. Hér er m.a. átt við þóknanir fyrir þjónustu og
greiðslur fyrir afnot eða hagnýtingu einkaleyfa og hvers konar annarra leyfa,
réttinda eða sérþekkingar.
Upplýsingum þessum skal, ef unnt er, skilað á tölvutæku formi samkvæmt
færslulýsingu ríkisskattstjóra. Hana er að finna á rsk.is. Sé það ekki gert
skal þeim skilað á tilsvarandi eyðublöðum RSK.
RSK
RÍKISSKATTSTJÓRI
UTANRÍKISRÁÐHERRANN KVADDUR
Berlusconi, sem er vinstra megin á myndinni, ásamt Ruggiero, fyrn/erandi utanríkisráð-
herra, á blaðamannafundi á sunnudaginn.
Berlusconi reynir að sefa áhyggjur Evrópuleiðtoga:
Tekur sjálfur að sér
utanríkisráðuneytið
róm. ap Silvio Berlusconi, forsæt-
isráðherra Ítalíu, reynir nú hvað
hann getur til að sannfæra aðra
þjóðarleiðtoga í Evrópusamband-
inu um að hann styðji heilshugar
samvinnu Evrópuríkjanna.
Um helgina sagði Renato
Ruggieri af sér embætti utanrík-
isráðherra í stjórn Berlusconis
vegna andstöðu margra ráðherra
í stjórninni við myntbandalag
Evrópusambandsins. Berlusconi
hefur sjálfur tekið að sér að
sinna utanríkismálum til bráða-
birgða, næstu sex mánuðina hið
minnsta.
Ruggieri naut mikillar virð-
ingar í Evrópusambandinu, en
hins vegar tortryggjá flestir leið-
togar Evrópusambandsríkjanna
Berlusconi og andstæðingar
Berlusconis á ítalska þinginu
segja að með Ruggieri sé farinn
úr stjórninni eini ráðherrann sem
nýtur alþjóðlegrar virðingar.
„Við erum fullkomlega sann-
færð um að framtíð lands okkar
sé í styrkri Evrópu sem getur tal-
að með einni rödd og fylgt efna-
hagslegri samvinnu eftir með
pólitískri samvinnu, sameigin-
legri stjórnarskrá, nauðsynlegri
stækkun til austurs og trúverð-
ugri öryggisstefnu," sagði
Berlusconi í viðtali við ítalska
dagblaðið Corriere della Sera í
gær.
Þessi orð dugðu þó ekki til að
koma í veg fyrir að Laurent Fabi-
us, utanríkisráðherra Frakk-
lands, hvatti Berlusconi til að
skýra betur stefnu sína í Evrópu-
málum og sagði afsögn Ruggieris
vera sér áhyggjuefni. ■
Umdeilt hjúkrunarheimili opnað:
Flutt inn á Sóltún
Sóltún var opnað með pomp og pragt á föstudag.
OPNUNARHÁTÍÐ SÓLTÚNS
HJÚKRUNARHEIMILI Fyi'StU
íbúar hjúkrunarheimil-
isins Sóltúns fluttu inn á
heimilið í gær en hund-
rað starfsmenn tóku til
starfa á heimilinu á mið-
vikudag í síðustu viku.
Hjúkrunarrúm eru fyrir
92 einstaklinga á Sóltúni
og var hluti þeirra tek-
inn í notkun í gær en
þau sem eftir standa
upp úr miðjum mánuð-
inum. 71 þeirra sem fly-
tja inn koma af sjúkra-
húsum en 21 af heimil-
um sínum.
Á föstudag var haldin
opnunarhátíð Sóltúns og
flutti Jón Kristjánsson,
heilbrigðisráðherra, ávarp auk
þess sem Karl Sigurbjörnsson,
biskup, flutti húsblessun.
Miklar deilur risu um Sóltún
þegar heilbrigðisráðuneytið
gekk til samninga við Öldung hf.
um byggingu og rekstur hjúkr-
unarheimilis. Hvoru tveggja var
gagnrýnt að samið væri við
einkaaðila en einnig að samn-
ingsupphæðin væri full há en
samið var til 25 ára og hljóðar
samningurinn upp á 11,8 millj-
arða króna. ■