Tölvumál - 01.10.2004, Blaðsíða 9

ArcSsemi fjárfestinga
Upphafsár
Ar 1 Ar 2
Ar 3-24
Ar 25 Tími
Núvirt
Samtals 22 ár i
-15.000 þ.kr. 1.364 þ.kr. 1.653 þ.kr. 14.498 þ.kr. 323 þ.kr.
Núvirði fjárfestingar 2.838 þ.kr.
IRR 12,3%
ROI (NPV) 18,9%
ROI meðaltal 45,5%
Að jafnaði hefði bókhaldsniðurstaðan
gefið til kynna að arðsemi (ROI) fjárfest-
ingarinnar væri um 45,5% og að upp-
greiðslutími (e. payback) hennar væri tæp
8 ár. Þessi niðurstaða tekur ekki tillit til
þess að fjármagn kostar peninga, hvort
heldur um lánsfé eða eigið fé er að ræða.
Hún tekur heldur ekki tillit til þeirrar
áhættu sem felst í fjárfestingu í búnaðin-
um. Fjárfestirinn getur fengið um 1,2
m.kr. (8% af 15 m.kr.) að jafnaði á ári með
nokkurri vissu ef hann kaupir skuldabréf.
Fjárfesti hann í tækjabúnaðinum tekur
hann áhættuna af því að samkeppnisaðil-
arnir bregðist við útspili hans, að áætlaður
sparnaður skili sér, búnaðurinn bregðist
ekki o.s.frv. Áhættan er því nokkru meiri
heldur en í tilviki skuldabréfakaupa með
föstum vöxtum og verðtryggingu.
Núvirðisútreikningar og mat á innri
vöxtum (IRR) segja okkur að fjárfestingin
getur staðið undir 12,3% ávöxtunarkröfu,
þ.e. núvirði hennar yrði núll ef ávöxtunar-
krafan er hækkuð í 12,3%.
Krafa fjárfestisins er hins vegar 10% og
núvirði verkefnisins er jákvætt að upphæð
2,8 m.kr., sem gefur þá til kynna að rétt sé
að ráðast í það. Núvirði fjárfestingarinnar
er um 19% hærra en sem nemur fjárfest-
ingunni.
Um arðsemi fjárfestinga í upplýsinga-
tækni
Gerðar hafa verið úttektir á arðsemi
fjárfestinga í upplýsingatækni og um að-
ferðafræði við mat á henni. í úttekt á
meðal 507 fyrirtækja sem CIO Insight
birti í júlí sl. kemur ýmislegt fróðlegt fram
um fjárfestingar í upplýsingatækni. Hér
að neðan getur að líta nokkra punkta úr
könnuninni:
• Um 30% fjárfestinga fyrirtækja í upp-
lýsingatækni eru metnar m.t.t. arðsemi
þeirra.
• Að jafnaði er arðsemiskrafan um 32%
(20% er miðgildi)
• Um 84% þeirra sem gera arðsemiskröfu
meta arðsemi áður en ákvörðunin er
tekin og um 46% eftir að verkefninu er
lokið.
• Valkostamati (e. Real-options valu-
ation; ROV) er sjaldnast beitt, þó sú að-
ferð sé talin gefa nákvæmasta niður-
stöðu. Um 35% nota núvirðisútreikn-
inga, 40% innri vexti, sem þátttakendur
mátu að kæmist næst valkostagreiningu
í nákvæmni) og 24% notuðu samhæft
árangursmat (e. balanced scorecard),
sem fékk lægstu einkunn fyrir ná-
kvæmni.
• Áherslan í fjárfestingum er á lækkun
kostnaðar. Um 83% svarenda segjast
vilja ná fram kostnaðarhagræðingu með
fjárfestingum í upplýsingatækni, 77%
meiri framleiðni, 66% ánægðari við-
skiptavinum, 45% auknum tekjum og
hjá um 43% svarenda er áherslan á
hagnað.
• Um 39% svöruðu því til að framleiðni
hafi aukist um meira en 10% í kjölfar
Tölvumól
9