Bókasafnið - 01.08.1974, Blaðsíða 25
Fréttir
Nýr háskólabókavörður
Hinn I. okt. sl. var Einar Sigurðsson skipaður há-
skólabókavörður. Hann er fæddur 10. apríl 1933 í
Gvendareyjum á Breiðafirði og dvaldist þar til ferm-
ingaraldurs. Hann lauk stúdentsprófi frá MR 1955 og
cand. mag. prófi í íslenskum fræðum 1963. Að loknu
prófi starfaði hann hjá Handritastofnuninni i tæpt ár
sem styrkþegi, en var skipaður bókavörður við Háskóla-
bókasafn 1. april 1964.
Einar er kvæntur Margréti Önnu Sigurðardóttur og
eiga þau þrjú börn. P.S.
Frá Deild bókavarða í rannsóknarbókasöfnum
Aðalfundur Deildar bókavarða í rannsóknarbókasöfn-
um var haldinn fimmtudaginn 16. janúar 1975. Fund-
inn sóttu um tuttugu félagsmenn, en alls eru i deild-
inni rúmlega þrjátíu manns. A fundinum voru deild-
inni sett ný lög, og koma þau í stað Iaga þeirra, sem
henni voru sett við stofnun árið 1966.
Á fundinum var kosin stjórn til næstu tveggja ára. í
fráfarandi stjórn deildarinnar voru þeir dr. Finnbogi
Guðmundsson formaður, Einar Sigurðsson ritari og
Halldór Þorsteinsson gjaldkeri. Þeir Finnbogi og Hall-
dór gáfu ekki kost á sér til endurkjörs. Hina nýju stjórn
skipa: Einar Sigurðsson formaður, en meðstjórnendur
þau Kristín Þorsteinsdóttir og Eiríkur Einarsson. í vara-
stjórn eru Guðrún Gísladóttir og Nanna Ólafsdóttir, en
endurskoðendur Grimur M. Helgason og Páll Skúlason
Deildin er aðili að Sambandi norrænna rannsóknar-
bókavarða (Nordisk videnskabeligt bibliotekarforbund),
og kom m. a. fram í skýrslu formanns, að deildin hefur
tekið að sér að halda hér á landi næsta allsherjarþing
samtakanna árið 1978, en slík þing eru haldin á fjög-
urra ára fresti. Hið siðasta var í Þrándheimi í júní 1974,
og sóttu Jtað um 180 manns.
Að loknum venjulegum aðalfundarstörfum skýrði
Finnbogi Guðmundsson frá samstarfi rannsóknarbóka-
safna á Norðurlöndum og skipulagsbreytingum, sem
eru á þeim vettvangi. P.S.
Bókajting Bóksalafélags íslands
Bóksalafélag íslands efndi til bókaþings í Borgarnesi
dagana 9. og 10. maí sl. Þar voru flutt erindi um þróun
bókaútgáfu, um aðstöðu bókaútgefenda heima og er-
lendis og umboðsmannakerfið, sölu og dreifingu bóka.
Þingtíðindi hafa verið fjölrituð og annast formaður
félagsins, Örlygur Hálfdánarson, dreifingu þeirra. Lílið
sem ekkert var vikið að samskiptutn bókaútgefenda og
hókasafna á þingi þessu og væri þó vert að gera því efni
rækileg skil. Væri rétt, að Bókavarðafélag íslands og
Bóksalafélag íslands hefðu samvinnu um slíkt þinghald.
P. S.
Námskeið í bókasafnsfræðum
Dagana 2. til 12. sept. sl. var haldið námskeið í
bókasafnsfræðum á vegum Bókafulltrúa rikisins í
samvinnu við Háskóla íslands. Þátttakendur voru 14.
Kennslugreinar voru flokkun, skráning og bókfræði.
Þetta var annað námskeiðið, sem lialdið hefur verið í
bókasafnsfræðum fyrir starfandi bókaverði í almenn-
ingsbókasöfnum, og jrarf ekki að orðlengja, hversu
gagnleg þau hafa verið. Vonandi verður framhald á
þessu starfi, svo að sem flestir geti notið þess. Helst
ættu aldrei að líða meira en tvö ár á milli slíkra nám-
skeiða. I.J.
57