Bókasafnið - 01.10.1982, Síða 30

7. landsfundurinn
og námskeid
Ný lög félagsins
en sama nafnid
— upplýsingamiölun í nútíö og framtíð
og þjónusta við börn
I tengslum við þennan 7. landsfund
Bókavarðafélagsins var haldið námskeið
fyrir bókaverði dagana 6.-9. september.
Tvö námskeið hafa áður verið haldin, á
vegum bókafulltrúa ríkisins, árin 1972 og
1974 fyrir almenningsbókaverði, en þetta
er í annað sinn sem haldið er námskeið
beinlínis af landsfundi, hið fyrra var
haldið 1980. Margir bókaverðir hafa
notið góðs af þessum námskeiðum en
aldrei hafa jafn margir sótt námskeið og
að þessu sinni.
Námskeiðið skiptist í tvö megin efni.
Annarsvegar upplýsingamiðlun í nútíð
og framtíð og hinsvegar þjónustu við
böm.
Upplýsingamiðlun í
nútíð og framtíð
Hið fyrrnefnda hófst mánudaginn 6.
september með kynningu á íslenskum
og erlendum handbókum fyrir lítil og
meðalstór almenningsbókasöfn. Sá
Anna Torfadóttir um þennan þátt af
röggsemi á heimavelli sínum Lestrarsal
Borgarbókasafns.
Sama dag var almenn tölvukynning
hjá Skýrsluvélum ríkisins og Reykjavík-
urborgar, þar sem m.a. var lýst tölvu-
vinnslu.
Á mánudagskvöld var safnast saman í
Ólafsstofu Bókasafns Kópavogs þar sem
fólki gafst kostur á að ræða málin og
„bera saman bækur sínar.“
Á þriðjudeginum var síðan haldið
áfram og tekin fyrir tölvunotkun bóka-
safna. Skiptu með sér vekum þau Sól-
veig Þorsteinsdóttir og Hrafn Harðar-
son. Fjallaði hún um tölvuleitir í upp-
lýsingabönkum í fyrirlestri sínum, en
hann greindi frá framförum í örtölvu-
tækni og lýsti hugtökum. Bókasafn
Kópavogs var búið 4 tölvuskjám í tilefni
dagsins, einum frá Landsspítala, sem
tengdur var með síma gegnum Svíþjóð
við Bandarískan upplýsingabanka og
stýrði Sólveig leit í honum, en hinir þrír
voru frá IBM og tengdir tölvu Kópa-
vogsbæjar, en í þeim mátti leita í að-
fangaskrá Bókasafns Kópavogs eða fé-
lagatali Bókavarðarfélagsins.
þjónusta við böm
Eftir hádegi hófst síðan sá þáttur
námskeiðsins, sem fjallaði um þjónustu
við börn. í Lögbergi flutti Malin Kold-
enius frá Svíþjóð fyrirlestur um starf-
semi barnabókasafna í Svíþjóð og um
aðferðir til þess að ná til bama með
góðar bækur.
Miðvikudaginn 8. september tóku
þær við stöllurnar Andrea Jóhannsdóttir
og Ingibjörg Sverrisdóttirogfjölluðu um
mat á efni fyrir börn og þær tvær ásamt
Malin Koldenius stjómuðu síðan eftir
hádegi hópvinnu þar sem nokkrar ís-
lenskar barnabækur voru metnar og
léttvægar fundnar flestar.
Á fimmtudag var svo farið í heim-
sóknir í söfn eftir hádegi. Fyrst var farið í
steypubákn það, sem hýsa á Landsbóka-
og Háskólabókasöfn í framtíðinni undir
samheitinu Þjóðarbókhlaða, en undir-
ritaður missti af þeirri skoðun vegna
skorts á biðlund. Þá var skoðað hið
glæsilega Bókasafn Seðlabanka fslands
undir leiðsögn Valborgar Stefánsdóttur
og aðstoðarmanns. Mátti heyra þar bæði
jákvæðar og neikvæðar stunur og and-
vörp meðal gestanna.
Að því búnu var haldið í Náms-
gagnastofnun þar sem þjónusta hennar
var kynnt og lýst var Facit örtölvu og
ritvinnslukerfi m.m. svo og mikilfengleg
plöstunarvél.
Loks var haldið til Garðabæjar og
skoðað glæsilegt nýtt samsteypusafn í
suðurhluta nýja skólans þar og tók Erla
Jónsdóttir bæjar- og skólabókavörður á
móti gestum og bauð þeim til „hálf-
gerðrar fermingarveislu.“
Bylting á Landsfundi
Landsfundur var settur í Norræna
húsinu kl. 10 föstudaginn 10. september
og hófst hann með aðalfundi Bóka-
varðafélagsins. Þessi aðalfundur var
sögulegur fyrir það að fyrir honum lágu
drög að nýjum og gjörbreyttum lögum
fyrir félagið, og voru þau samþykkt með
lítilsháttar breytingum.
Félagið heitir eftir sem áður Bóka-
varðafélag íslands, en með undirtitlin-
um Samband bókavarðafélaga og
bókasafna. í þessum undirtitli felast
meginbreytingamar, þ.e. að stefnt skal
að því að deildir þær, sem starfað hafa
innan félagsins verða sjálfstæð félög,
sem verða aðilar að hinu nýja Bóka-
varðafélagi og ennfremur munu bóka-
söfn sem stofnanir geta orðið aðilar að
því.
í greinargerð laganefndar segir svo
m.a.:
Með því að fá stofnanir inn í félögin
og láta þær greiða nokkuð hærri gjöld en
einstaklingar er þess vænst að fjárhagur
stéttarinnar eflist og félagsstarfið geti
orðið kröftugra en ella!
í fyrstu tillögum nefndarinnar var
raunar ætlast til að Félag bókasafns-
fræðinga ætti einnig aðild að stofnun-
inni, en þar sem ýmsir hafa látið í ljós
efasemdir um þessa tilhögun þykir okk-
ur rétt að gera ráð fyrir að aðeins nú-
verandi deildir verði stofnendur.
Með því að breyta deildum í sjálfstæð
félög veitist þeim meira svigrúm til at-
hafna og ákvarðana enda ræður sam-
bandið ekki öðrum málum þessara fé-
laga en þeim sem varða beinlínis aðild
að sambandinu: skilyrðum fyrir aðild,
fjölda fulltrúa og gjöldum til sambands-
ins.
í stað venjulegra aðalfunda koma nú
ársþing með föstum fjölda fulltrúa.
Einnig má halda aukaþing með sömu
fulltrúum ef þörf krefur. Við teljum að
fulltrúafundir af þessu tagi tryggi mark-
vissara starf og betri árangur en aðal-
fundir með því sniði sem tíðkast hafa
hingað til.
Auðvitað breytist Bókavarðafélagið
ekki með því einu að lögum þess sé
breytt, heldur verðum við öll að leggjast
á eitt til þess að það megi eflast og dafna.
Með breyttum lögum hefur vonandi
skapast betri grundvöllur fyrir slíkum
umbótum.
Hrafn Harðarson.
30