Bókasafnið - 01.04.1993, Blaðsíða 19
Nanna Þóra Áskelsdóttir
Bókver í Bókasafni Vestmannaeyja
Bókasafn Vestmannaeyja er almenningsbókasafn og
er í eigin húsnæði (rúmlega 800 fermetrum), sem
það flutti í árið 1977 og er útlit fyrir að verði til fram-
búðar, a.m.k. næstu 10 árin.
Bókaeign safnsins er rúmlega 50.000 bækur og önnur
gögn. Tölvukerfið sem notað er heitir Bókver og er upp-
haflega hannað fyrir Bókasafn Kópavogs. Það er íslenskt
bókasafnskerfi.
Safnið tók kerfið í notkun árið 1984, breyting varð á
því árið 1988 og aftur í lok ársins 1991.
Bókver var upphaflega byggt upp eins og aðfangaskrá
og því takmarkaðar upplýsingar þar að finna, einungis
höfund, titil, útgefanda, útgáfuár og tegund gagns.
Það var ekki fyrr en í desember árið 1991 sem hægt var
að skrá inn ítarlegri upplýsingar.
Nú er hægt að skrá og leita eftir höfundi, titli, tegund
gagns, marktölu, efni, efnisorði, flytjanda lags, heiti lags,
leikstjóra, útgefanda, útgáfustað, útgáfuári, endurútgáfu,
þjóðerni höfundar, frumtitli, þýðanda, ISBN-númeri,
blaðsíðutali, frágangi bókar ofl.
Bókasafn Framhaldsskóla Vestmannaeyja er skráð inn
í kerfið, sem er hagkvæmt vegna þess að það gefur meiri
yfirsýn yfir bókaeign í bæjarfélaginu og vonast er til þess
að söfn grunnskólanna verði einnig skráð inn í kerfið.
Helstu gallar kerfisins eru að það er íslenskt og ekki
með MARC-sniði, sem er forsenda þess að sem flest söfn
noti sams konar skráningarkerfi.
Ástæða fyrir því að safnið tók upp þetta tölvukerfi var
að spjaldskráin var léleg og ekki var lengur hægt að bíða
eftir að almenningsbókasöfn sameinuðust um eitt tölvu-
kerfi, enda liðu 6 ár frá því að byrjað var að tölvuvæða í
Eyjum þar til (1990) að um 20 söfn völdu kerfið Mikro-
MARC.
Skráning í kerfið er mjög auðveld, því hver hluti er á
sér svæðum sem kalla má fram og einungis þarf að skrá
t.d. höfund, einu sinni, eftir það er hægt að „ná í hann“ í
sérstaka skrá. Er það mjög hagkvæmt, því með þessu er
minni hætta á ósamræmi við skráningu hvers þáttar.
Vegna þess hve fá söfn nota þetta kerfi verður öll
þjónusta mun dýrari.
I dag er Bókver notað í 4 almenningsbókasöfnum.
Reynt er að hafa umræðufundi að minnsta kosti annað
hvert ár.
Helsti kostur kerfisins er útlánaþátturinn sem er þægi-
legur í vinnslu og heldur mjög vel utan um allar upplýs-
ingar.
Bókver er ekki tengt við aðra gagnagrunna. Eg tel það
ekki kleift vegna þess að kerfið byggir ekki á MARC-
sniði færslna.
LENGIÐ LIF BOKANNA!
BÓKAPLAST - KORTAPLAST - HÁLFSTÍFT PLAST - STÍFAR
KILJUKÁPUR
KJALBÖND - STYRKTARB ÖND - LÍM - GRISJA
TÍMARITABOX - TÍMARITAMÖPPUR
Einnig margs konar smávörur til merkinga og útstillinga fyrir bókasöfn og
stofnanir
YERIÐ VELKOMIN!
ÞJÓNUSTUMIÐSTÖÐ BÓKASAFNA
Laugavegi 163 - Pósthólf 5331,125 Reykjavík - Sími 91-612130
19