Bókasafnið - 01.04.1993, Blaðsíða 22
Þetta er stórt kerfi sem tekur mikið magn af upplýs-
ingum. Það hefur útbreiðslu um allan heim. 1992 var bú-
ið að setja Dobis/Libis upp á 205 stöðum og það notað á
900 bókasöfnum. Notendafundir eru haldnir árlega og
kerfið endurnýjað reglulega.
Kerfið er sveigjanlegt og hægt er að laga það að þörf-
um hvers og eins.
Kerfið býður upp á fjölbreytta leitarmöguleika. Hægt
er að leita að færslu undir nafni höfundar, orðum í titli,
flokkstölum, efnisorðum, útgefendum, ISBN númerum
og orðum úr útdrætti. Einnig er hægt að nota samsetta
leit með nokkrum orðum og þannig hægt að þrengja eða
víkka leitina.
Helstu takmarkanir hvað okkar safn varðar er að ekki
skuli önnur sambærileg söfn hafa tengst kerfinu hér á
landi. Samvinna við önnur söfn er sérstaklega hagstæð
hvað varðar samskrá tímarita og lyklun á íslenskum heil-
brigðisfræðitímaritum.
Markaðssetning og fræðsla um kerfið hefur ekki verið
nægilega öflug.
Hjá SKÝRR hefur gengið brösulega að flytja færslur
úr kerfinu og í það. Færslurnar sem lesnar voru inn í
kerfið í upphafi hefur þurft að leiðrétta og hafa þær vald-
ið villum í kerfinu sem ekki komu í ljós fyrr en seinna.
Þjónusta hefur verið góð hjá SKÝRR en stundum hef-
ur okkur fundist taka of langan tíma að lagfæra hlutina.
Margt af því hafa verið byrjunarörðugleikar, en nú ætti
flest af því að vera leyst.
Starfsfólkið hjá SKÝRR er vinsamlegt, gott samstarf
hefur tekist og margir fundir verið haldnir.
Samstarf við Borgarbókasafn hefur verið mjög gott og
höfum við notið góðs af þeirra þekkingu á kerfinu.
Ýmsar nýjungar eru væntanlegar í næstu útgáfum
Dobis/Libis. Nú eru í notkun útgáfur 2.0 og 2.1 með
stýrikerfunum MVS og VSE. SKÝRR keyrir á útgáfu 2.1.
í árslok 1993 verður næsta útgáfa, 3.0, tilbúin til dreifing-
ar og verður hún að auki með UNIX- stýrikerfi. Þær
nýjungar sem eru í deiglunni eru EASEL-skil (interface)
eða gluggamyndir, og Image-CD ROM þannig að hægt
verði að fá upplýsingar úr kerfinu á geisladiskum. Sam-
skipti við önnur kerfi verða á UNIMARK í stað
DOBISMARK.
Nýr þáttur sem hannaður hefur verið eftir að kerfið
var fyrst tekið í notkun á Islandi eru millisafnalánin.
Þessi þáttur stendur okkur til boða. Þar sem millisafna-
lán eru stór þáttur á okkar safni væri æskilegt að fá þenn-
an þátt en til þess að hann nýtist að fullu þurfa fleiri söfn
að nota kerfið. I þessum þætti eru innbyggðar tölulegar
upplýsingar og rukkanir fyrir veitta þjónustu.
Eftir fimm ára reynslu af notkun kerfisins verður að
segjast að í heild hefur það reynst vel. Verkþættirnir sem
eru komnir í notkun og komin er reynsla á hafa reynst
vel. Sérstaklega hefur lyklun á tímritum gjörbreytt að-
gangi að íslensku efni. Nýtist það vel að öll orð í titli eru
leitarhæf.
Kerfið er nokkuð aðgengilegt og er tiltölulega auðvelt
að læra á það. Það leiðir byrjendur áfram, en hægt er að
stytta sér leið með skástriki í gegnum skjámyndir. Skrán-
ingin er á MARC-sniði en ekki er nauðsynlegt að kunna
það til þess að nota kerfið.
Þessi fimm ár sem Dobis/Libis hefur verið í notkun
hér á safninu hefur verið tími mikilla framfara. Eftir því
sem fleiri þættir eru teknir í notkun finnum við hve kerf-
ið auðveldar okkur alla daglega vinnu og hjálpar okkur
að skila góðum árangri í starfi. Allt safnefnið nýtist betur
og tekst okkur nú að vinna verkefni sem aldrei vannst
tími til áður eins og t.d. lyklun íslenskra tímarita. Einnig
er ánægjulegt að vita til þess að sú vinna skilar sér ekki
einungis á okkar safni heldur líka til notenda Borgar-
bókasafnsins. Þó efnið hjá okkur sé oft sérhæft eru þar
margar fróðlegar greinar fyrir almenning og það sama
má segja um allt það sjúklingafræðsluefni sem við höfum
skráð inn í kerfið, bæði bækur og bæklinga. Einnig er oft
gaman að leita í safnefni Borgarbókasafnsins og finnst
okkar safngestum það ágæt viðbót við það sem við höf-
um upp á að bjóða.
22