Bókasafnið - 01.04.1993, Blaðsíða 54

Áslaug Þorfinnsdóttir, Eyrún Björk Gestsdóttir, Hlíf S. Arndal og Ingibjörg
Ásgeirsdóttir, nemar í bókasafns- og upplýsingafræði
Vantar þig hugmynd að góðu lesefni
fyrir unglinga?
Hér eru nokkrar tillögur
SKÁLDSÖGUR
Andrés Indriðason. Manndómur. MM, 1990
Söguhetjan er fimmtán ára drengur sumarið 1940 í
Reykjavík. Sumarið sem Bretarnir lögðu bæinn undir sig.
Þetta á eftir að verða mjög viðburðaríkt.
Andrés Indriðason. Mundu mig - ég man þig. MM,
1991.
Sex smásögur sem eiga það sameiginlegt að fjalla um 12
ára unglinga. I þeim skiptast á skin og skúrir eins og í líf-
inu sjálfu. Söguhetjurnar þurfa að takast á við mismun-
andi vanda, finna lausnir eða uppgötva nýja fleti á lífinu.
Einnig eftir Andrés Indriðason. Upp á æru og trú.
MM, 1987.
Auður Haralds. Baneitrað samband á Njálsgötunni.
Iðunn, 1985.
Konráð er 16 ára og býr með einstæðri móður sinni. Að
hans mati er heimurinn á heljarþröm. Honum finnst
móðir sín vera óvenju róleg yfir ástandi heimsins. Yfir
þessu og mörgu öðru eiga þau miklar rökræður.
Beckman, Thea. Krossferð á gallabuxum. Iðunn, 1985.
Margrét Jónsdóttir þýddi.
Rudolf Wega frá Amsterdam fer með tímavél aftur til 13.
aldar. Þar ætlar hann að dvelja í nokkra klukkutíma en
atvikin haga því þannig að hann ílengist þar. Hann slæst í
för með hópi barna og unglinga frá þýsku ríkjunum sem
ætlar að frelsa Jerúsalem úr höndum heiðingja. 14 ára
gamall veit hann meira um Evrópu en leiðangursstjór-
arnir og nokkurt hinna. Hann verður nokkurs konar far-
arstjóri hópsins í hættulegri för um Mið-Evrópu.
Brandt, Hanne. Bláa hjólið. Skjaldborg, 1987. Guðrún
Hallgrímsdóttir og Kristín Aðalsteinsdóttir þýddu.
Nínu og strákunum leið hræðilega illa eftir slysið. Þau
urðu að hefna sín. Þau grýttu og rispuðu alla bíla sem
þau komust í tæri við. Kvöld eitt gerðist það sem Nína
hafði undir niðri óttast og það varð óvænt til þess að
breyta öllu á betri veg. Spennandi söguþráður. Tekið er á
sorg og hatri og hvernig virkja má þær tilfinningar til
bóta.
Cross, Gillian. Leikur að eldi. MM, 1991. Björg Árna-
dóttir þýddi.
Nikki er 15 ára. Æðsti draumur hans er að fá að komast í
mótorhjólaklíku Tedda, stóra bróður síns. Hann fær
tækifæri til þess, en verður í staðinn að leysa þraut fyrir
klíkuna. Þraut sem stríðir á móti samviskunni. Hann er á
báðum áttum um hvað hann eigi að gera, en kemst að því
að í raun hefur hann engan valkost. Þetta verður leikur
að eldi og ýmislegt kemur á óvart.
de Zanger, Jan. Vinir á vegamótum. MM, 1990. Hilmar
Hilmarsson þýddi.
Tveir æskuvinir, Freek og Bart, eru á hjólreiðaferð um
Danmörku. En jafnvel bestu vinir þekkjast ekki til hlítar.
Þeir uppgötva ólíkar skoðanir hvors annars til ástarinnar.
Freek kemst að því að Bart er ástfanginn af honum.
Hvernig bregst hann við því?
Elías Snæland Jónsson. Davíð og krókódílarnir. MM,
1991.
Davíð er 14 ára og býr fjá fósturforeldrum. Hann er
óánægður með lífið og er lítils metinn í skólanum. Hann
lætur því auðveldlega ginnast af töffaraskap mótorhjóla-
klíkunnar Krókódílanna og er upp með sér af því að þeir
vilja hafa hann með svona ungan. En hann grunar ekki
hvað býr að baki. Tæpt er á eiturlyfjaneyslu og hörðum
heimi hennar.
Guðlaug Richter. Jóra og ég. MM, 1988.
Ung stúlka frá Reykjavík fer að vinna á bókasafni úti á
landi. Þar finnur hún gamalt handrit um stúlku sem heit-
ir Jóra. Jóra býr undir fjallsrótum Heklu árið 1104. Það
ár varð eldgos í Heklu sem breytti lífi Jóru. Handritið
breytir lífi stúlkunnar. Hún breytir framtíðaráætlunum
sínum. Hún gerir sér einnig grein fyrir því að fólk sem
bjó á íslandi á tímum Jóru var ósköp venjulegt. Það
hafði tilfinningar eins og hún.
Guðlaug Richter. Sonur Sigurðar. MM, 1987.
Þessi saga greinir frá örlögum tveggja unglinga á þjóð-
veldisöld. Þorsteinn er sonur höfðingja og dreymir um
að sigla utan og ganga fyrir Noregskonung. Grjótgarður
er sonur írskrar ambáttar. Örlög þeirra tvinnast saman
og margt fer öðruvísi en þeir félagar hugðu.
Gunnhildur Hrólfsdóttir. Sara. ísafold, 1991.
Foreldrar Söru eru nýlega skilin. Henni gengur illa að
fóta sig í nýju umhverfi og finnst foreldrarnir hvorki
skilja hana né taka tillit til hennar. í skólanum laðast hún
að krökkum með svipaðar skoðanir en þau lifa í harðari
heimi en hennar. Sara lætur hrífast af spennunni. Allt
virðist ætla að fara á verri veg, en með dálítilli hjálp nær
Sara áttum á ný.
Newth, Mette. Mannrán. Iðunn, 1988. Kristján Jóhann
54