Bókasafnið - 01.04.1993, Blaðsíða 30

ar, ritraðartitlar og titilafbrigði), marktölum og efnisorð-
um. Kerfið gefur einnig kost á samsettri leit (Boolean) og
ítarlegri leit, en þá er hægt leita eftir hverju sem er og
hvar sem er í færslunni.
Utlánakerfi tengt skráningunni fylgir. Hægt er að
tengja ljóspenna við útlánakerfið. Kerfið lætur vita ef
bók sem beðið er um er í útláni. Auðvelt er að afrita
nemendalistann úr skólaskránni yfir í lista yfir safnnot-
endur. Auðvelt er einnig að fylgjast með vanskilum,
prenta út lista yfir bækur í láni, yfir lánþega og prenta út
rukkanir.
Hægt er að efnistaka tímarit í kerfinu, þ.e. skrá greinar
eftir höfundi og titli, efnisorði(-um) og svo titli tímarits,
árgangi, ári og öðru því sem einkennir ritið frá öðrum.
Auðvelt er að flytja skráningu (tölvuskrá) á milli safna.
Sömuleiðis er auðvelt að flytja á milli safna efnisorðaskrá
og heimildalista. Það sem m.a. gerir þetta kerfi frábrugð-
ið öðrum kerfum sem undirrituð hefir skoðað er að hægt
er að skrá heimildalista safnsins inn í það. Síðan er hægt
að prenta út í einni leit úr öllum gagnagrunninum allt
sem til er um tiltekið efni í skránni yfir bækur og nýsi-
gögn, í tímaritaskránni og í áðurnefndum heimildalist-
um. Fljótlega stendur til að höfundur búi til samskipta-
forrit sem auðveldar að taka inn færslur með MARC-
sniði.
Kerfi þetta er að mínu mati ákaflega „notendavænt“,
því auðvelt er að skrá inn í það upplýsingar um bækur
og önnur gögn og sömuleiðis er auðvelt að breyta og
leiðrétta það sem áður hefur verið skráð. Það er einnig
auðvelt fyrir notendur, þ.e. starfsfólk safnsins, nemendur
og kennara, að leita að upplýsingum og prenta út heim-
ildalista eða einstakar leitir.
Auðvelt er og fljótlegt að taka inn færslur úr tölvu-
skrám annarra safna sem nota Metrabók. Samvinna hefur
því átt sér stað milli 5 framhaldsskólasafna um skráningu
safnkosts og hafa söfnin skipt á milli sín skráningu
ákveðinna flokka flokkunarkerfisins. Höfundur forrrits-
ins hefur einnig í hyggju að búa til samskiptaforrit fyrir
notendur þannig að hægt sé að taka inn færslur með
MARC-sniði.
Þjónusta við notendur hefur verið góð og varla ástæða
til að ætla annað í framtíðinni. Höfundur forritsins hefur
alltaf verið reiðubúinn til að leysa sérmál einstakra safna.
Forritið er unnið í CLIPPER og því ætti ekki að vera
ómögulegt fyrir aðra að setja sig inn í það ef nauðsyn ber
til. Ótvíræður kostur við þjónustuna er sá að fljótlegt og
auðvelt er að ná til höfundar forritsins en slíkt er ekki
alltaf hægt að segja annars staðar.
Ef kostir forritsins eru dregnir saman má segja eftirfar-
andi: það er aðgengilegt - auðvelt í allri notkun - ódýrt -
gefur mikla möguleika - þjónusta er góð - flutningur
gagna milli safna er auðveldur.
Ert Þú að leita að heppilegum kosti í sambandi við
tölvuskráningu bókasafnsins?
Er þetla þá ekki það sem þig vantar?
Hugbúnaður fyrir PC-tölvur sem:
0 Býður upp á víðtæka skráningu
0 Er einfaldur í notkun
0 Býður upp á fjölbreyttar útprentanir
0 Er með útlánakerfi
0 Er þegar í notkun í fjölda bókasafna
0 Tekur upplýsingar úr öðrum kerfum
0 Er í stöðugri þróun
Skrifið eða hringið og biðjið um ókeypis upplýsingar um cMetra(Ból(1
Ásmundur Eiríksson, Heimahaga 8, 800 Selfoss. S. 98-22365.
30