Bókasafnið - 01.04.1993, Blaðsíða 68

LÖG FÉLAGS BÓKAVARÐA í
RANNSÓKNARBÓKASÖFNUM
!• gr-
Félagið heitir Félag bókavarða í rannsóknarbókasöfnum.
Heimili þess og varnarþing er í Reykjavík.
2' gr'
Tilgangur félagsins er:
- að efla samstarf og samheldni bókavarða í íslenskum
rannsóknarbókasöfnum;
- að stuðla að viðgangi íslenskra rannsóknarbókasafna;
- að vinna að auknum skilningi á mikilvægi rannsóknar-
bókasafna og upplýsingamiðlunar í samfélaginu;
- að starfa með öðrum samtökum bókavarða og bóka-
safna, svo og öðrum aðilum á sama vettvangi, að sam-
eiginlegum markmiðum;
- að eiga samskipti við hliðstæð samtök erlendis.
3. gr.
Fulla félagsaðild geta átt bókaverðir rannsóknarbóka-
safna (þjóðbókasafns, háskólabókasafna og sérfræði-
bókasafna), jafnt opinberra sem annarra, fastir kennarar í
bókasafnsfræði við Háskóla Islands og starfsmenn stofn-
ana sem vinna að upplýsingamálum; einnig áhugamenn
um markmið félagsins. Aðild án atkvæðisréttar geta átt
rannsóknarbókasöfn, svo og aðrar stofnanir er starfa að
upplýsingamálum. Skulu þær greiða árgjald í hlutfalli við
fjölda stöðugilda, skv. nánari ákvörðun aðalfundar.
Skriflegar umsóknir um aðild skulu berast stjórn félags-
ins, og sker hún úr ef vafi leikur á um aðildarrétt.
4. gr.
Stjórn félagsins skipa fimm menn. Hún skal kosin á aðal-
fundi og er formaður kosinn sérstaklega en aðrir stjórn-
armenn í einu og skipta þeir með sér verkum. Ennfremur
skal kjósa tvo endurskoðendur. Enginn skal sitja lengur
en þrjú ár í einu í stjórn félagsins.
5'. gr'
Aðalfundur skal haldinn í janúar ár hvert. Skal boða til
hans með minnst 14 daga fyrirvara. Föst dagskrá aðal-
fundar skal vera:
1. Skýrsla stjórnar.
2. Samþykkt reikninga.
3. Kynning nýrra félaga.
4. Ákvörðun um árgjald.
5. Tillögur um lagabreytingar.
6. Kosning stjórnar.
7. Kosning endurskoðenda.
8. Kosning fulltrúa í stjórn Bókavarðafélags Islands.
9. Kosning fulltrúa á ársþing Bókavarðafélags Islands.
Aðalfundur telst lögmætur og ályktunarhæfur sé löglega
til hans boðað.
6. gr.
Reikningsár félagsins miðast við almanaksárið.
7:gr'
Lög þessi öðlast þegar gildi.
68