Dagur - 30.05.2000, Side 16

16- ÞRIOJUDAGVR 30. MAt 2000
ro^ir
Þá erönnurhelgi
Listahátíðar í Reykja-
vík liðin og Svanavatn-
iðfarið heim. Enginn
efast um að þar hafi
hápunkti Listahátíðar,
og jafnvel Menningar-
borgar, verið náð.
Þetta hefði öll þjóðin átt að sjá,
hugsaði maður bergnuminn
strax í fyrsta þætti Svanavatns-
ins í Borgarleikhúsinu á föstu-
dagskvöldið. Sjálf hafði ég ekki
áður orðið svo fræg að sjá klass-
ískan ballett nema í sjónvarpi
og kvikmyndum og þó ég væri
veik fyrir slíku var ég ekki viss
nema mér myndi kannski þykja
leiðinlegt á svona sýningu. Nú
þremur dögum síðar skammast
ég mín fyrir að hafa látið mér
detta annað eins í hug. Svana-
vatn Helga Tómassonar var full-
komið. Listaverk í sjálfu sér þar
sem allt small saman í einni
heildarmynd.
Aðeins harkaleg lending aðal-
dansarans í fyrsta þætti og hrös-
un ballerínu í upphafi þriðja
þáttar, f tröppum á leið inn á
sviðið, minntu okkur á að ball-
ettdansarar eru mennskir.
Mestan part sýningarinnar ef-
aðist maður um það. Karldans-
arinn í þrídansi fyrsta þáttar,
Guennadi Nedviguine, fékk sal-
inn til að súpa hveljur í stökk-
um sínum, aðalkarldansarinn
Vadim Solomakha var sannkall-
aður draumaprins, en stjarna
sýningarinnar var óumdeilan-
lega aðalballerínan, Yuan Yuan
Tan.
Ójarðneskur svanur
Hún kom ekki fram fyrr en í
Yuan Yuan Tan og Vadim Solomakha í Svanavatninu: Ójarðnesk. mynd: pjetur
öðrum þætti, sjálfum svana-
þættinum, og Iíktist bókstaflega
veru af öðrum heimi. Hreyfing-
arnar virtust búa í grönnum,
fínlegum Iíkamanum. Það var
eins og hún gæti ekki annað en
dansað. Hún var ójarðnesk.
„Hún var svanur," sagði kunn-
ingjakona mín uppnumin í öðru
hléinu. Það var ekki annað hægt
en verða væminn af allri þessari
ómenguðu fegurð. Svanahópur-
inn í hvítu pífupilsunum var
draumi líkastur, en það hlýtur
Sigfried prins einmitt að hafa
fundist þegar hann rakst á hann
í skóginum. Hann var skemmti-
lega ólíkur atriðum í hinum
þáttunum sem gerðust í höll-
inni, þar sem Iitríkir búningar
réðu ríkjum. Búningarnir voru
einstaklega fallegir og gerðu sitt
til að ljá sýningunni það yfir-
bragð fullkomnunar sem áður
var lýst.
Andanmgiim
Það eina sem vantaði - það má
greinilega alltaf finna eitthvað -
var Iifandi hljómsveit! Kannski
var það vegna þess hve allt ann-
að var frábært sem þeirri hugs-
un skaut upp í kollinum
snemma í sýningunni. A ekki að
vera hljómsveit? Svo datt mér í
hug að kannski væru menn
hættir slíku bruðli, en fékk að
vita að það eru þeir alls ekki.
Við eigum einfaldlega ekki nógu
stórt hús. Og maður biður ekki
um hið ómögulega.
Gestir í Borgarleikhúsinu
ætluðu aldrei að hætta að
klappa fyrir San Francisco ball-
ettinum og Helga Tómassyni,
sem var hylltur með húrrahróp-
um að sýningu lokinni. - Við
hefðum átt að taka með okkur
rósir til að henda yfir sviðið og
kóróna verkið. - Ingibjörg Sól-
rún Iíkti Helga við Litla ljóta
andarungann í ávarpi sínu á eft-
ir og var ekki annað að sjá en
honum líkaði það ágætlega:
Skrýtni strákurinn sem vildi
dansa á meðan hinir strákarnir
voru í fótbolta er fyrir Iöngu
orðinn að hvítum svani sem
veitir nú forystu fegursta svana-
vatni í heimi.
Auðskiljanleg Völuspá
Það er varla hægt að ætlast til
að maður tali um aðra viðburði
á Listahátíð í sömu grein og
Svanavatnið, en plássins vegna
geri ég það samt. Ég vil sérstak-
lega nefna Garðhúsabæinn á
Kjarvalsstöðum, sem er allt í
senn aðgengileg, fallcg og bráð-
skemmtileg sýning á hugmynd-
um þekktustu starfandi arki-
tekta í heiminum í dag og reyk-
vískra barna um garðhús. Og
ólík Svanavatninu verður hægt
að fá miða við innganginn allan
þann tíma sem sýningin stendur
eða til 23. júlí.
Hitt sem ég vil nefna hér er
Völuspá Þórarins Eldjárns í
flutningi Péturs Eggerz leikara
og Stefáns Arnar Arnarsonar
sellóleikara í Möguleikhúsinu.
Ekki hið eina hefur Þórarni tek-
ist að færa Völuspá beint inn í
nútímann og gera innihald
hennar auðskiljanlegt hvaða
barni sem er. Sýningin samein-
ar þjóðlegan fróðleik og
skemmtun fyrir alla aldurshópa
á fágaðan og laufléttan hátt.
- MEÓ
Völuspá efttr Þórarinn Eld-
járn. Möguleikhúsinu v. Hlemm.
1. júni klukkan 18. Miðaverð
1.200 krónur.
■
REYKJAVIK-AKUREYRI-REYKJAVIK ...fljúgöu frekar
Atta sinnum
Bókaðu í síma 570 3030 og 460 7000
•730 kr . raeð flu jvallarsköttum
FLUGFELAG ISLANDS
Fax 570 3001 • websales@airiceland.is •www.flugfelag.is