Dagur - Tíminn Reykjavík - 27.03.1997, Síða 3

jDcigur-Stmtmt
Fimmtudagur 27. mars 1997 - 15
Sigurður Valgeirs-
son dagskrárstjóri
ætlar að eyða pásk-
unum í að mála og
snurfusa heimili sitt
í Hafnarfirði milli
þess sem hann
horfir á innlenda
dagskrá í sjónvarp-
inu. Það er aldrei að
vita nema Stundin
okkar sé ofarlega á
lÍStanUm. Mynd. E.ÓI.

■
Sáttur á vindasömimi vinnustað
Sigurður Valgeirsson
hefur gegnt starfi
dagskrárstjóra Sjón-
varps í tíu mánuði.
Hann er bjartsýnn á
framhaldið og segir
að stefnu sinnar fari
að gœta strax nœsta
haust.
Dagskrárstjóri innlendrar
dagskrár hjá Sjónvarp-
inu, Sigurður Valgeirs-
son, hefur alltaf horft mikið á
sjónvarp og fylgst með kvik-
myndum. Síðustu árin hefur
hann haft tilhneigingu til þess
að minnka sjónvarpsglápið
heima enda nóg horft á sjón-
varp í tengslum við vinnuna.
Sigurður ætlar þó að horfa á
nokkra þætti um páskana á
milli þess sem hann málar og
skrúfar og undirbýr heimili sitt
í Hafnarfirði undir innrás nor-
rænna leiklistarstjóra. En
hvernig skyldi dagskrárstjóran-
um finnast eftir tíu mánuði í
starfl á þessum vindasama
vinnustað?
Sigurður fær orðið.
„Ég er nokkuð sáttur. Þetta
starf er að sumu leyti stækkuð
útgáfa af Dagsljósi. Ég var í
bókaútgáfu áður, vann við að
velja og hafna og móta stefnu
og veit að þetta gerist ekki á
einni nóttu. Maður kemur að
starfi, þar sem sá sem var á
undan manni var búinn að ráð-
stafa fé og leggja sínar línur.
Sumt finnst manni gott og öðru
vill maður breyta og það tekur
ákveðinn tíma,“ segir Sigurður.
Hátíð í sjónvarpi
liík áhersla er á leikið efni í
innlendri dagskrá Sjónvarpsins
á næstu misserum og býst Sig-
urður við að þess fari að gæta
næsta haust. f vor og sumar
verður farið að taka upp
Sunnudagsleikhúsið, fimmtán
stutt leikverk eftir fimm höf-
unda, og er meiningin að sýna
verkin vikulega næsta haust. Þá
ætlar Sjónvarpið að taka upp
leikrit með Leiklistarskóla Is-
lands og nýbúið er að gera
samning við Félag íslenskra
leikara þannig að hægt verður
að endursýna gamalt efni í rík-
ari mæli.
Hugmyndin að baki stutt-
verkanna fimmtán er að gera
ódýrt leikið efni sem verður á
sjónvarpsdagskránni viku eftir
viku þannig að það verði
„hversdagslegri" atburður en
áður hefur tíðkast. Sigurður
bendir á að í gamla daga hafi
leikrit aðeins verið sýnd um
páska og jól og þá hafi umferð-
in stoppað á meðan og fólk sett
sig í hátíðarstellingar.
Spennusaga í fram-
haldsþætti
„Svo var fólk oft yfirkomið af
því hvílíka þvælu hefði verið
boðið upp á. Bæði held ég að
þarna hafi komið til stellingar
áhorfendanna en líka stellingar
þeirra sem voru að búa þetta
til. Þetta átti að verða ódauðlegt
verk, eitthvað sem enginn hafði
séð áður,“ segir Sigurður.
Höfundar stuttverkanna eru
Karl Ágúst Úlfsson, Þorvaldur
Þorsteinsson, Guðrún Helga-
dóttir, Hlín Agnarsdóttir og
Friðrik Erlingsson og fengU þau
ákveðinn ramma til að vinna út
frá. Verkin skyldu gerast í sam-
tímanum, aðalpersónurnar
skyldu vera íjórar og skyldi
leikmyndin að hluta til vera
kaffihús. Tveir höfundanna
ákváðu að gera framhaldsþætti
og er annar þeirra með
spennusögu þannig að það
kennir margra grasa.
Draumurinn að fá 450
millur
Sigurður kvartar ekki undan
peningavandræðum hjá inn-
lendri dagskrárdeild Sjónvarps-
ins þó að auðvitað vildi hann
gjarnan meira. Innlend dag-
skrárdeild hefur 250 milljónir
til ráðstöfunar í ár en hafði að-
eins 200 milljónir í fyrra. Sig-
urður segir að draumaupphæð-
in sé 450 millj-
ónir króna, fyr-
ir þá upphæð
væri hægt að
gera „glæsilega
dagskrá“ með
leiknu efni
vikulega, góðar
heimildar-
myndir, vel
unnu barnaefni
og góðu jóla-
dagatali og
Dagsljósi allt
árið um kring.
„Þó að 250
milljónir séu há
upphæð þá er
maður samt að berjast við að
láta góðan hluta af draumunum
rætast og nóg af draumum sem
rætast ekki. Ég treysti mér til
að eyða miklu meira fé til góðra
verka. Ég tel að eina leiðin til
að fá meiri peninga sé að sýna
að maður geti farið vel með þá
og fengið mikið út úr þeim, vís-
að til góðra verka,“ segir dag-
skrárstjórinn og bætir við að
þrátt fyrir allt geti hann ekki
verið annað en ánægður með
að fá 250 milljónir til dagskrár-
gerðar í ár.
Fólk á vertíð yfir vet-
urinn
Peningaaustur innan ríkisstofn-
ana er sígilt umræðuefni en
Sigurður segir að talsverð hag-
ræðing hafi átt sér stað innan
Sjónvarpsins og enn sé haldið
áfram á þeirri braut. Fæstir
þáttagerðarmenn séu til dæmis
fastráðnir heldur sé bara samið
sérstaklega við þá og þeir komi
„á vertíð yfir veturinn." Þetta sé
sveigjanlegra og ódýrara fyrir
Sjónvarpið. Þá hafi verið skip-
aðar nefndir með starsfólki til
að koma með tillögur að sparn-
aði. Unnið verði úr þeim á
næstunni og einhverjum án efa
hrint í framkvæmd.
„Ég er ekki að segja að það
megi ekki hag-
ræða mikið
hérna en það
hefur verið gert
talsvert og má
búast við tals-
verðri hagræð-
ingu til viðbót-
ar á næstunni.
Almennt hugs-
ar fólk hér tals-
vert mikið um
peningana. Það
endurspeglar
andann í sam-
félaginu,“ segir
Sigurður.
Gaui er fín týpa
Dagskrárstjórinn hefur komið
víða við og meðal annars getið
sér frægðar sem ritstjóri Dags-
ljóss. Vinsældir þáttarins liafa
farið vaxandi í vetur en um leið
hefur ýmislegt verið þar um-
deilt, til dæmis megrun Gauja
litla og auglýsingarnar sem
Gaui hefur komið fram í hafa
farið í taugarnar á sumum. Sig-
urður segir að sér hafi þótt góð
hugmynd að byrja með Gauja
litla og sér finnist hann „fínn
sjónvarpsmaður og skemmtileg
týpa.“
„En ég skil líka vel að hann
geti farið í taugarnar á
einhverjum, til dæmis um ára-
mótin þegar hann var mikið í
auglýsingum. Mér finnst líka
eðlilegt að syo afgerandi
karakter fari í taugarnar á
einhverjum,“ segir Sigurður. Al-
mennt kveðst hann ekki sætta
sig við að fólk í fullu starfi, til
dæmis í Dagsljósi, komi fram í
auglýsingum en hins vegar sé
spurning hvar eigi að setja
mörkin.
Hrun á stofninum
„Mér finnst ótækt að Gaui komi
fram í auglýsingum þar sem
hann vísar í þáttinn. En ég get
ekki ráðskast með líf manns,
sem kemur fram í þætti einu
sinni í viku og fær ekki laun
sem nægja til framfærslu, og
bannað honum að koma fram í
auglýsingum," segir Sigurður.
„Það er hins vegar mín skoðun
að það gildi það sama um
Gauja litli og aðra fjölmiðla-
menn og þorskinn í sjónum. Ef
maður stundar rányrkju verður
hrun á stofninum,“ segir hann.
Sigurður segist hafa skoðan-
ir á því hvað Gaui litlir auglýsir
og kveðst hafa vitað af því
flestu. Sér finnist betra að hann
auglýsi flugelda en megrunar-
pillur.
Mörg grös á dag-
skránni
Á sjónvarpsdagskránni um
páskana kennir ýmissa grasa. Á
dagskránni verður páskaþátt-
urinn Páskarósir í umsjón Val-
gerðar Matthíasdóttur, Fang-
arnir á Mön, kvikmyndin Cold
Fever og svo verður endursýnd
Músin Marta. Þáttur um Stefán
Jóhann Stefánsson forsætisráð-
herra verður einnig á dag-
skránni og þá verður byrjað að
sýna norræna seríu um Kristínu
Lavransdóttur. Að sjálfsögðu
ætlar dagskrárstjórinn að
fylgjast með dagskránni og þá
sérstaklega þeirri íslensku, eins
og vera ber. -GHS
Ég er ekki að segja
að það megi ekki
hagrœða mikið
hérna en það hefur
verið gert talsvert og
má búast við tals-
verðri hagrœðingu
til viðbótar á
nœstunni. “