Dagur - Tíminn - 26.10.1996, Blaðsíða 3

Jkgur-®tmimt Laugardagur 26. október 1996 - 15
Agi í Trúða-
skólanum
Borgarleikhúsið
frumsýnir næsta laug-
ardag barnaleikritið
Trúðaskólinn eftir
þýskan skopmynda-
teiknara, Friedrich Karl
Waechter.
Leikritið fer fram í skóla-
stofu þar sem prófessor
Blettaskarpur reynir að
halda uppi reglusemi og aga
sem er ekki létt verk þegar
nemendur eru trúðar og
kennslan er fólgin í ólíkinda-
verkefnum á borð við: „Hjálp,
hjálp.“ Það er kviknað í flugvél-
inni minni!“ eða „Fjörgamall
farlama fáviti liggur fyrir dauð-
anum...“
Nemendurnir eiga svo að
leika frásögnina í leikstjórn
Blettaskarps og endar það iðu-
lega í ringulreið enda þykir
leikritið blanda gamanleiks,
stjórnleysis og kjánaskapar. En
jafnframt merkileg dæmisaga
um kennslu og lærdóm. LÓA
Prófessor Blettaskarpur: Ég skal
segja ykkur um hvað kennsla snýst
- hún snýst um hörku! Seiglu! Allt
samkvæmt bókstafnum! Fram-
koma og fas! Virðing! Hlýðni! Hátt-
prýði! Háleit markmið! Mannasiðir!
Og umfram allt - strangur - aaaaa-
agi!
Ertu viss um að
þú sért að græða?
Landsmenn fóru með
um 60.000 kr. að
meðaltali á fjölskyldu
í Lottó, getraunir og 3
helstu happdrættin í
fyrra, eða litlu minna
en öll matarinnkaup í
Bónus.
Velta Lottó, íslenskra get-
rauna og þriggja stóru
happdrættanna, HÍ, SÍBS
og DAS, nam samtals um 4.000
milljónum króna í fyrra, eða
sem svarar um 60.000 kr. að
meðaltali á hverja íjögurra
manna ijölskyldu í landinu. Þá
eru samt ótaldir allir spilakass-
ar RKÍ og ótal önnur happ-
drætti, bingó og fleira þar sem
peningar eru lagðir undir í von
um vinning. Til samanburðar
má geta, að velta Bónuss var
rúmlega 4,3 milljarðar í fyrra,
eða litlu meiri en landsmenn
eyddu í áðurnefndar vinnings-
vonir.
Samkvæmt Frjálsri verslun
er Happdrætti Háskóla íslands
raunar í hópi stærstu fyrirtækja
á íslandi, við hhð Morgunblaðs-
ins, með 1.810 milljóna kr.
veltu í fyrra. Þar af voru hátt í
340 milljónir í hagnað. Velta
happdrættisins (sem var heldur
hærri upphæð heldur en til HÍ á
Qárlögum síðasta árs) jókst um
8% í fyrra, eða töluvert umfram
kauphækkanir.
Velta fslenskrar getspár
hækkaði hins vegar aðeins um
1% á árinu, í rúmlega 1.160
milljónir. Þannig að landsmenn
hafa eytt nærri 100 milljónum í
hverjum mánuði í lottómiða-
kaup. Velta íslenskra getrauna
var tæplega 420 milljónir.
Happdrætti DAS (355 m.kr.)
og SÍBS (230 m.kr.) virðast
ósköp lítil í samanburði við ris-
ana.
Mikilvægt að
hlusta á börnín
Virðingarleysi af
hálfu fullorðinna,
einelti, einmana-
leiki og krafa um að
á þau sé hlustað
eru dæmu um mál-
efni sem liggja ís-
lenskum börnum og
unglingum þungt á
hjarta.
✓
dag heldur umboðsmaður
barna málþing á Egilsstöð-
um, þar sem börn og ung-
lingar munu vera í aðal hlut-
verkum. Frummælendur eru
allir undir 18 ára aldri og
munu m.a. ræða um jafnrétti til
náms, hvernig tilveran liti út ef
þau mættu ráða í einn dag og
hvað taki við þegar 16 ára aldr-
inum sé náð. Ungmenni munu
sjá um skemmtiatriði en síðasti
hluti málþingsins er pallborðs-
umræða þar sem þingmenn og
sveitarstjónarmenn úr kjör-
dæminu svara fyrirspurnum frá
börnum og unglingum.
Málþing í öllum
kjördæmum
Þórhildur Líndal, umboðs-
maður barna, segir að stefnt sé
að því að halda málþing af
þessu tagi í öllum kjördæmum
landsins. Þegar hafi verið hald-
ið málþing í Reykjavík, fyrir ári
síðan, sem tókst mjög vel. „Ég
legg mikla áherslu á að hafa
beint og milliliðalaust samband
við mína umbjóðendur, börnin,
og þetta er einn liðurinn í því.
Ég vil líka gera þau sýnilegri í
opinberri umræðu um sín mál-
efni og að þeirra skoðanir heyr-
ist oftar þegar rædd eru mál-
efni sem snerta þau beinlínis,"
segir Þórhildur.
Þórhildur hefur ferðast
nokkuð um landið, heimsótt
skóla og aðra staði þar sem
börn eru, til að hlusta á þau og
kynna fyrir þeim að þau eigi sér
málsvara sem þau geti leitað til.
Hún segir greinilegt að þessar
ferðir borgi sig því algengt sé
að börn hringi til hennar frá
þeim svæðum sem hún hefur
heimsótt. „Þau hafa verið að
hugsa málin en ekki lagt í að
spyrja þegar ég var á staðn-
um,“ segir hún. En ætli börnin
hafi aðra sýn á málefni sem
snerta þau en fullorðnir?
„Já, þeirra sjónarhorn er
annað. Mér finnst mjög mikil-
vægt að hlustað sé á börnin.
Þar með er ég ekki að segja að
þurfi að fara eftir öllu sem þau
segja, en að hlusta og - eftir því
sem þau eldast - að taka tillit til
þeirra skoðana. Þetta á ekki
bara við um í skólanum, heldur
líka inn á heimilunum og einnig
þegar stjórnvöld taka ákvarð-
anir sem varða börn, t.d. í for-
ræðismálum." AI
Þórhildur Líndal