Dagblaðið Vísir - DV - 28.03.1983, Blaðsíða 4
4
DV. MÁNUDAGUR28. MARS1983.
Framkvæmdir Lands-
virkjunar halastýfðar
— framkvæmdaféð lækkað um 364 milljónir króna
Framkvæmdaáætlun Lands-
virkjunar var skorin niöur með láns-
fjárlögum ríkisins úr 1.224
milljónum í 860 milljónir króna, eða
um 364 milljónir. Nokkur verkefni
tefjast um minnst ár. Lúkning
Suðurlínu er þar á meðal, eins og DV
hefur áöur skýrt frá. Rannsóknir á
Fljótsdalsheiði eru nær alveg
skornar af og sama upphæð skorin af
athöfnum á Þjórsársvæðinu.
1 greinargerð frá Landsvirkjun
eru upplýsingar um niðurskurðinn í
helstu þáttum f ramkvæmdanna.
Hrauneyjafossvirkjun: Lækkun
úr 109,3 í 57 milljónir. ,,Fyrri áætlun
of há, einkum vegna þess að meira
var gert árið 1982 en reiknað hafði
verið með áður. Auk þess er áætlun
um kröfugerð verktaka o. fl. mun
lægri en áður.”
Sultartangastífla: Hækkun úr
289,3 í 292 milljónir. „Samnings-
bundið og því ekki hægt að fresta.”
Kvíslarveitur og Þórisvatn:
Lækkun úr 67,5 í 48 milljónir.
„Aðeins reiknaö meö styrkingu á
stíflugrunnum við Svartá, Þúfuver
og Eyvindarver og lúkningu
botnrásar í Þúfuversstíflu.
Mælingar (Sprengisandslína o. fl.):
Lækkun úr 12,9 í 12 milljónir. „Taliö
nauðsynlegt að halda opnum mögu-
leika, aðlínan getikomist í gagnið
1987.”
Rannsóknir (Þjórsársvæði, Fljóts-
dalsvirkjun): Lækkun úr 92 í 60
milljónir. „Rannsóknir á Fljótsdals-
heiði skornar næstum alveg niður og
svipuð upphæð skorin niður á
Þjórsársvæði.”
Sigöldulón, yfirfall: Hækkun úr
15,3 í 21 milljón. „Aríðandi fram-
kvæmd, ný kostnaðaráætlun.”
Viðbygging á Geithálsi: Var
áætluð 10,7 milljónir, felld alveg
niður. „Þarfnast ekki skýringa.”
Mötuneyti Búrfelli: Hækkunúr4,6
í 5 milljónir. „Samningsbundið og
þegar framkvæmd aö mestu leyti.”
Straumfræðistöð: Var áætluð 6,1
milljón, felld niður. „Þarfnast ekki
skýringa.”
Ýmislegt, ófyrirséð: Lækkun úr
61,4 í 5 milljónir. „Frestun á ýmsu
smálegu og minnkun svigrúms.”
Blönduvirkjun: Lækkun úr 270 í
200 milljónir. „Aætlun aðeins skert
vegna stífluframkvæmda á Auð-
kúluheiði sem fresta má, án þess aö
fresta þurfi gangsetningu
Blönduvirkjunar til 1988. ”
Suðurlína, aðveitustöðvar o. fl.:
Lækkun úr 284,9 í 160 milljónir.
„Frestun alls sem er ekki þegar
samningsbundiö. Lúkning frestast til
1984.”
Greinargerð Landsvirkjunar
lýkur á þessum orðum: „Að öllu
samanlögöu virðist sem fyrir-
liggjandi framvarp til lánsfjárlaga
geri ráð fyrir lánsfjárheimild til
Landsvirkjunar sem við megi una
með þeim skýringum og fyrirvörum
sem að ofan greinir.” En áöur höfðu
veriö raktir margvíslegir fyrirvarar.
Er frestun sumra framkvæmdanna
talin hafa kostnaðarauka í för með
sér.
En ekki eru allir sáttir við frestun
orkuframkvæmdanna. Eins og
greint var frá í DV nýlega er nú
leitað að fé til Suðurlínu í stað þess
sem skorið var af. Er sú leit fast sótt.
Blönduvirkjunarmenn eru ekki
sáttir við niðurskurðinn og enn síður
þeir sem vona á Fljótsdalsvirkjun.
-HERB.
ökukennarar og framkvæmdastjóri Umferðarráðs með nýju bókina, Akstur og umferð.
D V-mynd Bjarnieifur.
ökukennarafélag íslands gefur út:
Akstur og umferð
— kennslubók fyrir ökunema og almenning
ökukennarafélag Islands hefur
gefiö út bókina Akstur og umferð.
Bókin er ætluð sem kennslubók fyrir
ökunema og allan almenning. Henni
er skipt niður í 33 kafla um flest það
sem viðkemur þeim er með ökutæki
fara. I bókinni eru líka á annað
þúsund myndir til skýringar á texta
bókarinnar.
Akstur og umferð má nota sem
uppsláttarbók um flest það er
viðkemur akstri og umferðarmálum.
Bókin er framlag ökukennarafélags
Islands á norrænu umferðaröryggis-
ári til bættrar umferðarmenningar
Islendinga.
-JBH.
NÝ RADÍÓÞJÓNUSTA
SETT Á LAGGIRNAR
Nú er í ráði að setja á stofn
radíóþjónustu fyrir báta og skip sem
gerð eru út frá Reykjavík. Það er
Magnús Ásgeirsson stýrimaöur sem
hefur haft frumkvæöi aö því að koma
fyrirtækinu á laggimar og mun það
bera nafnið Grandaradíó. Hugmynd
hans er að koma upp örbylgjustöð og
símasambandi.
Magnús Ásgeirsson sagði í viðtali
við DV að þörfin fyrir slíka þjónustu
væri mjög brýn og væru menn sam-
mála um að hér væri um að ræða mikið
hagsmuna- og öryggismál. Á
fjölmörgum stööum víðs vegar um
landið eru rekin bátaradíó, en hefur
hins vegar vantað í Reykjavík.
Kostina kvað Magnús ótvíræöa.
Algengt er að skipstjórnarmenn þurfi
að eyða mörgum tímum í alls kyns út-
réttingar eftir að komið er að landi og
þá venjulega á þeim tíma sem öll fyrir-
tæki og stofnanir hafa lokað. Að sögn
Magnúsar gæti talstöðvarþjónusta
annast ýmiss konar þjónustu fyrir
báta og skip og nefndi hann sem dæmi
upplýsingar um komutíma, aflatil-
kynningar báta, útvegun á hlutum eins
og olíu, veiðarfærum, varahlutum
viðgeröum, lausamönnum til af-
leysinga og froskköfun svo eitthvað sé
undanfarið unnið að fjáröflun til stofn-
setningar Grandaradíós, en fyrir-
tækið verður til húsa að Hólmsgötu 8a.
Stofnkostnaöur er 200.000 krónur.
DV-mynd: EinarÓlason.
nefnt. Þá nefndi Magnús að fisk-
verkanir á Stór-Reykjavíkursvæðinu
myndu vita nákvæmlega um
komutíma og afla bátanna. Einnig
væri þess að geta að radíóið myndi
létta mjög undir meö fjölskyldum
sjómanna sem upplýsingar þurfa um
ferðir bátanna á degi hverjum.
Magnús sagði að radíóþjónusta af
þessu tagi væri ekki einkamál
sjómanna og útgerðarmanna, heldur
myndi verslun og annað atvinnulíf
hafa af henni mikið gagn.
Flestir bátaeigendur í Reykjavík
hafa undirritaö yfirlýsingu þar sem
hvatt er til að þessari þjónustu verði
komið á. -PÁ.
Svo mælir Svarthöfði Svo mælir Svarthöfði Svo mælir Svarthöfði
Sama um vamir landsins
Vilmundur Gylfason, formaður
Bandalags jafnaðarmanna, var
spurður að því í fréttatíma útvarps-
ins hver væri afstaða þessa banda-
lags til Atlantshafsbandalagsins.
Hann svaraði með löngu svari þar
sem vísað var til friðar og andstöðu
við mannréttindabrot. Síðan var
talað um að Bandalagiö væri
fylgjandi samstarfi við lýðræðis-
þjóðir, þar næst að rétt væri að vera í
Norðurlandaráði og Sameinuðu þjóð-
unum. Þá fyrst var kominn timi til
þess aö svara spumingu frétta-
manns: sem sé að Bandalagið væri
fylgjandi því, að íslendingar störf-
uðu innan Atlantshafsbandalagsins
Var þar langur formáli að einföldu
svari.
Því næst var Vilmundur spurður
að því, hver væri afstaða Bandalags-
ins til vem hersins á Keflavíkurflug-
velli. Hann lýsti því þá yfir, að
Bandalagið tæki ekki afstöðu til
varaarliðsins, þótt hann persónulega
væri fylgjandi dvöl hans.
Er þá komið fram, sem margir ótt-
uðust, að til þess að ná til óánægðra
kjósenda Alþýðubandalagsins
ákveður Vilmundur aö skera sig úr
hópi lýðræðissinna og láta eitt af
gmndvallaratriðum utanrikisstefnu
landsins afskiptalaust. Ekki er að
efa, að ýmsir vinstri sinnaðir menn,
sem em óánægðir meö Alþýðubanda-
lagið, munu nú telja sér óhætt aö
kjósa Vilmund.
Það vill nefnilega þannig til, að
Alþýðubandalagið á í sívaxandi
erfiðleikum með þá félaga sína, sem
vilja gera varnarmál að meiri mála-
flokki við stjórnarmyndanir. Og þvi
er ekki aö neita, að með því að kasta
vamarmálunum í bunka ósvaraðra
spursmála, verður Vilmundur æski-
legur stjórnaraðili með Alþýðu-
bandalaginu og gætu bandalögin tvö
þá unnið talsvert tjón.
Það hlýtur hins vegar að verða
borgaralega sinnuðu fólki, sem hefur
haft trú á Vilmundi, veraleg
vonbrigði, að hann skuli nú, er hann
haslar sér völl sem flokksleiðtogi,
feta í fótspor þeirra manna, sem loka
augunum fyrir nauösyn varaa. Og
þessi vonbrigði eru slík, að þau
hljóta að vera til þess, að fjölmargir
kjósendur skipti nú um skoðun og
hætti stuðningi viö Bandalag
jafnaðarmanna og kjósi í þess stað
einhvera af borgaralegu flokkunum
þremur.
Eins og kosningalöggjöfin er,
getur Vilmundur ekki vænst þess, að
aðrir Bandalagsmenn muni ná kjör-
dæmakosningu en hann sjálfur. Þá
er hugsanlegt, að hann muni fá til
fylgdar uppbótarmenn úr ýmsum
kjördæmum. Ekkert er vitað um
afstöðu þessa fólks til varnarliðsins,
og verður væntanlega ekkert um
hana vitað fyrr en það birtist á þingi
og tekur sér stöðu með Hjörleifi
Guttormssyni að koma hér á austur-
þýsku stjórnarfari og hefur notað
sér einfeídni Vilmundar til að koma
sér í framboð. Og þá rennur e.t.v.
upp fyrir fleirum, að margar af
stjórnskipunarhugmyndum Vil-
mundar samrýmast vel hugarfari
þeirra manna, sem vilja ekki aö
þingið ráði of miklu.
Að sjálfsögðu er Vilmundur ekki
stuðningsmaður herranna í Kreml.
Hann er hins vegar nokkuð valda-
fikinn og sér ofsjónum yfir stöðugu
fylgi sjálfstæðismanna. Hann
dreymir um að verða leiðtogi sterk-
asta stjóramálaafls þjóðarinnar, og
fyrst hann treysti sér ekki til þess að
ganga til samstarfs með sjálfstæðis-
mönnum, þá reynir hann nú að koma
á svig við þá og notfæra sér erfitt
ástand um forustu flokksins. Að hve
miklu leyti honum tekst þetta
ætlunarverk sitt skal ósagt látið, en
ef braut hans til valda á að vcrða
vörðuð undanlátssemi í varnar-
málum, atlögu að grundvallarprins-
ípum um stjórakerfi landsins og
tillitsleysi um menningararf, þá er
eins gott aö snúast strax til varnar
og líta á liðsbón hans sem bréf sem
ekki á að svara.
Allt of oft hafa átök innan borgara-
legra afla á íslandi orðið til þess að
áhrif Alþýðubandalags hafa orðið
langt of mikil og kominn tími til að sá
flokkur hafi áhrif í samræmi við fylgi
sitt en ráði ekki öllu til sjós og lands.
Svarthöfði.