Dagblaðið Vísir - DV - 07.07.1984, Qupperneq 6
6
DV. LAUGARDAGUR 7. JULl 1984.
„Þarna var það ekki
á valdi ijósmyndar-
ans að stilla neinu
upp," segir Gunnar.
„Þetta gerðist úti i
náttúrunni fyrir
framan nefið á
mér." Gunnar benti
einnig á að kostur-
inn við þessa mynd
væri að i henni væri
góður bakgrunnur.
MYNDIN GETUR GEYMT
DÝRMÆTUSTU MINNINGAR
rabbað við Gunnar V. Andrésson, Ijósmyndara DV, ítilefni af sumarmyndakeppninni um hvernig góð mynd eigi að vera
„Góð mynd er ekki tekin af neinni
hendingu,” segir Gunnar V. Andrés-
son, gamalreyndur ljósmyndari DV.
„Það veröur að bera sig eftir hlutun-
um. Myndin verður kannski ekki góð.
Það þarf að vinna aö tökunni og þar er
kannski það sem er skemmtilegt við
ljósmyndun. Hún krefst töluverðrar út-
sjónarsemi og smekkvísi. Ljós-
myndarinn hefur það í hendi sér að
ráða uppbyggingu og gæöa myndefnið
lífi ef hann tekur áhugamálið alvar-
lega.”
— Eru einhverjar reglur sem þú
getur gefið fólki ef það vill taka sóma-
samlegar sumarmyndir?
,,Já, það eru fastar leikreglur í þessu
sem öðru sem veröur að fara eftir. Það
getur munaö öllu hvort mynd verður
mynd eða ekki aö gæta þess að
ljósnæmi filmunnar sé stillt inn á
ljósmæli vélarinnar. Ljósmælirinn, ef
vélin er meðmæli, segir hvaða ljósop á
að nota. Eins verður fólk að gera sér
grein fyrir hraöastillingu. Fókusinn er
mikilvægur. Svo er það að nota hvern
fersentímetra í glugga vélarinnar fyrir
myndefnið og bera sig þannig að að
aukaatriði lendi ekki inni á myndfletin-
um. Oft sér maður það á myndum
áhugamanna að myndefnið sjálft
nýtur sín ekki vegna aukaatriða. Hver
kannast ekki við mannamyndir þar
sem maðurinn er eins og eldspýta í
stórri mynd.
Landslagsmyndir
— Hvaö segirðu um landslagsmynd-
ir?
„Það gildir það sama um landslags-
myndir og aörar myndir að vilji maður
eiga minningar um ákveöið fjall til
dæmis þá tengir maður þaö ferðalag-
inu með því að hafa tjaldiö eða ferða-
félagann í forgrunninum.
Myndir áhugamanna eru mikið
teknar í von um að þær verði góðar.
Menn standa oft langt frá því sem þeir
ætla að taka mynd af. Þaö er ríkjandi
einkenni.
I ljósmyndun kemur það fyrir að
maður tekur af heppni mynd sem teng-
ist einhverjum atburöi. Langflestar
myndir eru þó teknar þannig að
ljósmyndarinn hagræðir bæði sér og
myndefninu.”
— Manstu eftir einhverri skemmti-
legri, hagræddri mynd?
„Eg á til dæmis mjög líflega mynd af
íslendingum á sólarströnd. Þar leikur
fólk sér í öldurótinu. Þetta fólk var allt
togað upp af sólbekkjum og úr varð
kannski dálítið athyglisverð mynd.
Skemmtileg skyndimynd sem ég hef
tekið er graðhestamynd sem allir
þekkja. Þar var það ekki á valdi ljós-
myndarans að stilla neinu upp. Þetta
gerðist úti í náttúrunni fýrir framan
nefiðámér.”
„Ef fólk skoðar myndir í blöðum þá
sést að myndflöturinn er allur nýttur.
Myndirnar í blöðunum eru líka yf irleitt
notaðar eins og þær eru teknar. Það er
ekki stækkað út úr þeim og þannig geta
allir tekið myndir.”
Myndavél
og filmur
Hvað um myndavél og filmu?
Hefurðu einhverjar ráðleggingar til
fólks um slíkt?
„Eg er oft spurður þessarar
spumingar og ég svara meö spurning-
unni: „Hvað ætlarðu að eyða miklum
peningum?” Á markaönum er ótelj-
andi fjöldi véla á mismunandi verði.
Ef maður kaupir ódýran hlut þá verða
myndgæðin í hlutfalli við það. Eg hvet
menn til að leggja út í dálítinn stofn-
kostnaö við myndavélakaupin því
hráefniskostnaðurinn, filmur og
annað, er sá sami hvort sem vélin er
ódýr eða dýr og ódýra vélin skilar
minni gæðum.
Það er engin skröksaga um myndina
að hún getur geymt dýrmætustu
minningar úr lífi hvers og eins. Til þess
að hún verði minnisstæð og markverð
þarf að vanda til myndatökunnar því
hún verður aldrei endurtekin.”
SGV
Dæmi um að Gunnar hefur orðið að hagræða fyrir mynda-
töku. „Þetta fólk var allt togað upp af sólbekkjum og úr
varð kannski dálitið athyglisverð mynd, " segir hann.
...............m.
Mynd af Gunnari. Þarna er farið nálægt og á myndfletinum
er ekkert nema andlit hans. Galla við margar myndir af fólki
segir Gunnar að ekki sé farið nógu nálægt og of mikið af
aukaatriðum sé ímyndinni.