Dagblaðið Vísir - DV - 10.07.1984, Blaðsíða 6

6
DV. ÞRIÐJUDAGUR10. JULÍ1984.
Neytendur Neytendur Neytendur Neytendur
Mjólkuriðnaður íBorgarfiröi
Grautarnir sem framleiddir eru í Borgarnesi smökkuðust ágætlega með
hnausþykkum borgf irskum rjóma — og ídýfurnar úr sýrðum iika.
DV-myndir: ÞG
Þetta minnir á gamla tímann — en stingur í stúf við nýtískulegar vélar í nýju
mjólkursamlagi — en mjólkurbrúsarnir ómissandi samt.
„Það eru um tvö hundruð mjólkur-
framleiðendur hér á svæðinu og á
milli sjö og átta hundruð manns sem
hafa lifibrauð af mjólkurframleiöslu
í Borgarfiröi,” sagði Indriði Alberts-
son, mjókurbússtjóri í Mjólkursam-
lagi Borgfirðinga. Á vegum mjólkur-
dagsnefndar var fariö í heimsókn í
samlagið í Borgamesi í síðustu viku.
Mjólkursamlagið í Borgamesi er í
rétt þriggja ára gamalli byggingu á
Engjaási í Borgamesi, í nábýli viö
hið foma höföingjasetur Borg á
Mýmm. „Mjólkurbú í Danmörku
sömu stæröar og hér hjá okkur em
ódýrari í rekstri,” hélt mjólkurbús-
stjórinn áfram fræðslu sinni fyrir
viðstadda blaöamenn „meðalannars
vegna þess að þeir sækja mjólk til
framleiöenda aðeins innan þrjátíu
kílómetra radíusar á þremur
bílum, hver bíll fer þá fleiri en eina
ferð á dag. Við hér emm með sex bíla
og fer hver aðeins eina ferð á dag þvi
fjarlægðir em meiri. Lengst sækjum
við mjólk í hundrað og tuttugu
kilómetra f jarlægö.
Mjólkurverð hér og í Danmörku
hefur verið borið saman og því nefni
ég þetta aö sá samanburður er ekki
alveg réttlætanlegur nema þá að
taka tillit til allra þátta til dæmis
í samlaginu em framleiddar tvær tegundir af ídýfum, beikon og lauk, úr
sýrðum rjóma. Á næstunni er þriðja tegundin væntanleg á markaðinn. Hér er
fyllt og lokað og dósirnar „rúlla” eftir f æribandi í manna hendur.
Skyrpokarnir „til þerris”.
flutningskostnaðar sem er miklu
meiri hjá okkur.”
10 milljónir lítra
Fyrsta skóflustunga að nýju
samlagsbyggingunni í Borgarnesi
var tekin haustið 1975 og um voriö
1976 var hafist handa við
bygginguna. I maí 1981 var fyrsta
mjólkin innvegin í nýbyggingunni.
Um 10 milljónir lítra af mjólk em
innvegnir á ári í Borgamesi, um 80—
85% af mjólkinni fara í nýmjólk,
annaö í osta, skyr og smjörfram-
leiðslu. Svo og í framleiðslu á
sýrðum rjóma, en þetta er eina
samlagiö á sölusvæði eitt sem fram-
leiðir sýrðan rjóma.
Mysu er einnig pakkað í
Borgamesi, innan tíöar kemur mysa
í lítrafemum á markaðinn en hingað
til hafa Borgfirðingar eingöngu
pakkað henni í tveggja lítra fernur.
300 þúsund lítrum af mysu var
pakkaö í samlaginu á síðasta ári.
Snemma á árinu komu tvær
grautartegundir á markaðinn sem
lagaöar eru og pakkaðar í
samlaginu. Eru þetta sveskju- og
jarðaberjagrautar. Var farið út í
þessa framleiðslu til að nýta betur
bæði vélakost og starfsfólk. Um 35
manns vinna hjá mjólkursamlaginu í
Borgarnesi.
Offramleiðsla
Skyrvinnsla hefur aukist um 20%
eftir að farið var að pakka „gamla”
skyrinu í sérstaka poka fyrir
neytendamarkaö.
Kom fram í máli manna úr
mjólkurdagsnefnd er voru með í
förinni að töluverð aukning hefði
verið á mjólkurmagni eða um 7% á
landinu. Fjölgun kúa er megin-
orsökin, margir bændur hafa bætt
viö sig búpeningi og jafnvel aukið
kjarnfóðurgjöf. Þetta hefur gerst
þrátt fyrir „ítrekanir” yfirvalda um
að dregiö skuli úr mjólkurframleiðsl-
unni.
Þá var bent á að miklar breytingar
hafi orðið í mjólkurframleiðslu
undanfarin ár og einnig á neyslu-
venjum. Miklar sveiflur væru á
mjólkurframleiðslu eftir árstímum,
þó minnstar í Borgarfirði, þar væri
hún nokkuð jöfn sumar og vetur.
Margar breytingar væru að baki
og mikil uppbygging í þessum iðnaði
(og framleiðslu), margt væri að
gerast í dag og því mætti áætla að
innan fimm ára væri þetta
breytingaskeið yfirstaðið og meiri
jöfnuður kominn á. Mjólkuriðnaður í
landinu muni hæfa vel neyslu lands-
manna. -ÞG.
Nóg er dekkjaúrvalið, það er um að gera að kynna sér verð á sem flestum stöðum
áður en gengið er frá kaupunum.
AUSTIN MINIDEKK
UNDIR TJALDVAGN
Það vantar dekk undir tjaldvagninn.
Þá er spuming hvert skal leita þannig
að útkoman verði sem ódýrust.
Neytandi hafði samband við DVog
kvaðst hann hafa verð á dekkjum frá
fáeinum stöðum og væri munurinn
talsvert mikill. Bætti hann því við að
hin frjálsa álagning hefði farið í þver-
öfuga átt. Dekk og felga af stærðinni
8—10 tommur er á verðbilinu frá 1—
2000 krónur. I flestum tilfellum er
ódýrara að kaupa felgu ásamt slöngu
og dekki en aö kaupa allt hvert í sínu
lagi.
Benco hefur 8 tommu felgu ásamt
dekki á 2.175 krónur. En í lausu kostar
slanga 836 krónur, varadekk á tjald-
vagn 2.693 og felgan kostar 915 krcnur,
þar vom ekki til 10 tommu felgur.
Dekkið átti ekki til felgur en selur dekk
á 10 tommu felgu á 1.250 krónur en
slöngu á 311 krónur. Gúmmívinnu-
stofan á sólað dekk á felgu sem kostar
1000 krónur, það er af stærðinni 10
tommur, sama og undir Austin Mini.
Sólning selur sólaö dekk á 760 krónur
en slöngu á 325. Ekki voru til felgur en
notaðar felgur hafa fariö á 150—200
krónur.
Neytandi sá sem hafði samband viö
DV vegna þessa vildi koma á framfæri
að vel væri hægt aö nota felgu af Mini
fólksbíl undir tjaldvagn en hann þurfti
að víkka út boltagatið.
-RR
Raddir neytenda:

I
!
Þótti maturínn vondur—þurttu ekki að greiða
Neytandi nokkur hafði samband við
DV því hann vildi koma á framfæri
ánægju sinni með einn veitingastað
borgarinnar. Þannig var aö hann fór
ásamt maka sínum þann 17. júní á
hótel hér í borg. Ætluðu hjónin að gera
sér dagamun og snæða úti eina máltíð.
Þau báöu um einn af réttum dagsins,
sem var kjötréttur, sem reyndist þá
ekki vera til þegar að var gáö. Þar sem
aðrir réttir dagsins samanstóðu af
fiskmeti og ekki var áhugi fyrir slíku
fóru h jónin út að svo búnu.
Þá fóru þau í Brauðbæ. Fengu sér
súpu og af salatbar, en báöu síðan um
einn af þeim réttum sem á matseðilinn
voru skráðir. Þegar hann var borinn
fram reyndist hann að mati hjónanna
ekki boölegur og hafði hvorugt þeirra
lyst á að neyta hans nema í mjög
litlum mæli. Þau báöu starfsstúlkuna
að fjarlægja diskana sem hún og geröi.
Hún bauö þeim að velja eitthvað annað
af matseðlinum sem þau ekki þáðu.
Stúlkan lét ekki þar við sitja og bauö
eftirrétt, sem herrann þáði en frúin
fékksérkaffi.
Aö máltíð lokinni þegar stóö til aö
greiða fyrir fæðuna, sagði stúlkan:
„Þið voruð ekki ánægð með matinn og
þurfið því ekki að greiöa fyrir hann.”
Vildu hjónin þá borga fyrir allt annað
en sjálfa kjötmáltíðina en það kom
ekkitilgreina.
-RR