Dagblaðið Vísir - DV - 07.08.1984, Qupperneq 36

48
DV. ÞRIÐJUDAGUR 7. ÁGUST1984.
Andlát
Ása Steinunn Sverrisdóttir, Mjóuhlíð
12, andaöist í Landakotsspítala aöfara-
nótt föstudagsins 3. ágúst.
Sigríður Sesselja Hafliðadóttir, Þóru-
stíg 20 Njarðvík, andaðist 1. ágúst í
Landakotsspitala.
Þuríður Þorvaidsdóttir, öldugötu 55
Reykjavík, lést í Landakotsspítala 2.
ágúst.
Hjálmar Magnússon, Nýjalandi i
Garði, sem lést 31. júlí, verður
jarðsunginn frá Utskálakirkju í dag, 7.
ágúst, kl. 14.
Látinn er á Siglufiröi Óskar Garibalda-
son, fyrrv. formaður Verkalýösfélgas-
insVöku.
Benedikt E. Árnason endurskoöandi
lést 2. ágúst á Landspítalanum.
Matthías Sigfússon listmálari,
Hjallavegi 34, lést í Borgarspítalanum
2. ágúst sl.
Ólöf Steinþórsdóttir frá Siglufirði, Álf-
hólsvegi 68 Kópavogi, sem lést á
hjúkrunarheimilinu Sunnuhlið laugar-
daginn 28. júlí, verður jarðsungin frá
Fossvogskirkju í dag, 7. ágúst, kl.
13.30.
Tilkynningar
Fréttatilkynning frá sam-
gönguráðuneytinu
Forseti Islands hefur, samkvæmt tillögu sam-
gönguráðherra, veitt Olafi S. Valdimarssyni
embætti ráðuneytisstjóra samgönguráðu-
neytisins en hann var einn þriggja umsækj-
enda. Aðrir umsækjendur voru Jón Thors,
deildarstjóri í dómsmálarábuneytinu, og
Ölafur Stefánsson, Gnoöarvogi 54, Reykjavík.
Jafnframt hefur forseti Islands, samkvæmt
tillögu samgönguráðherra, skipaö Halldór S.
Kristjánsson skrifstofustjóra ráðuneytisins.
Olafur og HaUdór hlutu setningu í ofan-
greind embætti 1. júlx 1983.
Geðhjálp eykur starfsemina
Geðhjálp tUkynnir aukastarfsemi að Báru-
götu 11, Rvk. Nú höfum við opna skrifstofu á
daginn kl. 3 til 5. Ef þú hefur löngun eða þörf á
að ræða við einhvern, komdu þá eða hringdu
tU okkar í síma 25990. Að sjálfsögðu veitum
við líka á sama tima allar upplýsingar um
starfsemi okkar.
Við minnum á „opið hús” á fimmtudags-
kvöldum kl. 8 tU 11 og á iaugardögum og
sunnudögum kl. 2 til 6.
Ennfremur minnum við á næsta námskeið
hjá okkur 18. ágúst nk. en þar verður tekið tU
meðferðar hvernig við bregðumst best við
streitu. Þetta námskeið er að sjálfsögðu
öUum opið.
Látiðsjáykkur.
SIIMIM
Minnumst þessaöásumrin
fjölgar aö mun óvönum
ökumönnum á vegum
landsins. I þeim hópi eru
margir útlendingar sem
ekki hafa reynslu í akstri á
malarvegum. Sýnum þeim
gott fordæmi, og verum
ávallt viðbúin óvæntum
viöbrögðum þeirra sem viö
mætum eða förum fram úr.
Stormur
á ísafirði
Á Isafirði var mikill stormur í morg-
un, eins og lögreglumaöur þar komst
að orði. „Menn eru í óðaönn að bjarga
bátum sínum og öðru lauslegu,” sagði
hann.
A Veðurstofunni fengust þær upplýs-
ingar aö hér væri aðeins um „venju-
legt haustveður” að ræða, svona 5 til 7
vindstig með suðaustan átt. Það væri
sama veðrið á Vestfjörðum almennt,
menn væru bara orðnir svo góðu vanir
á þessu svæði að þeim brygði í brún
þegar aöeins gjólaði.
-KÞ
Sjálfsbjörg, félag fatlaðra í
Reykjavík og nágrenni,
hvetur félagsmenn sína til útivistar þá fáu
sólardaga sem hér eru sunnanlands. Félagið
bendir aðalfélögum sínum á að nú hafa
bryggjurnar við Elliðavatn verið lagfærðar
og aðgengi þar oröið gott. Skrifstofa félags-
ins, að Hátúni 12, gefur út sérstök kort sem
þarf að framvísa hjá veiðiverði ef fólk óskar
eftir að renna fyrir silung.
Minningarkort Sjálfsbjargar í
Reykjavík og nágrenni fást á
eftirtöldum stöðum:
Reykjavík:
Reykjavíkurapóteki, Austurstræti 16.
Garðsapóteki, Sogavegi 108.
Versluninni Kjötborg, Ásvallagötu 19.
Bókabúðinni, Alfheimum 6.
Bókabúð Fossvogs, Grímsbæ, v. Bústaðaveg.
Bókabúðinni Emblu, Drafnarfelli 10.
Bókabúð Safamýrar, Háaleitisbraut 58—60.
Vesturbæjarapóteki, Melhaga 20—22.
Kirkjuhúsinu, Klapparstíg 27.
Bókabúðinni Olfarsfelli, Hagamel 67.
Hafnarfjörður:
Bókabúð Olivers Steins, Strandgötu 31:.
Kópavogur:
Pósthúsinu.
Mosfellssveit:
Bókaversluninni Snerru, Þverholti.
Ættarmót í
Vestur-Landeyjum.
Laugardaginn 11. ágúst verður haldið ættar-
mót Orms Sverrissonar og Guðrúnar Olafs-
dóttur við Njálsbúð í Vestur-Landeyjum.
Hægt er að koma og tjalda strax á föstudag.
Síðan verður helgistund kl. 2 á laugardag sem
sr. Sváfnir Sveinbjarnarson sér um. Venjan
er að fólk mæti með sitt nesti og er sameigin-
legt kaffisamsæti, þar sem allir ieggja með
sér á borð, síðdegis. Síðan verður gleðskapur,
ef að vanda lætur, frameftir nóttu. Þeir
hörðustu fara svo ekki heún fyrr en á sunnu-
dag. Til umræðu hefur verið að víkka
sjóndeildarhringinn innan ættarinnar og færa
mörkin aftur fyrir Vilborgu Stígsdóttur og
Sverri Bjarnason frá Grímsstöðum. Af því
tilefni er m.a. væntanlegur hópur afkomenda
Ingibjargar Sverrisdóttur úr Hornafirði.
Mætum nú öll hress og kát og aukum kynnin!
Nefndin.
Tapað -r fundið
Dökkblár bakpoki með ýmsum fatnaði var
tekinn, vonandi i misgripum, á Umferðarmið-
stöðinni sunnudaginn 5. ágúst. 1 pokanum eru
öll fötin mín og ýmsir persónulegir munir.
Hafið samband í síma 41605 ef þið vitiö um
pokann mmn.
Heyrn og tal rannsakað
í Búðardal og á
Snæfellsnesi
Friðrik Páll Jónsson, háls-, nef- og
eyrnalæknir, ásamt öðrum sérfræðingum
Heymar- og talmeinastöðvar Isiands verða á
ferð í Búðardal og á Snæfellsnesi dagana 13.—
17.ágústnk.
Rannsökuð verður heym og tal og útveguð
heymartæki. Farið verðurá eftirtalda staði:
Búðardal 13. ágúst,
Stykkishólm 14. ágúst,
Grundarfjörð 15. ágúst,
Olafsvík 16. ágúst,
Hellissand 17. ágúst.
Þeir sem hafa áhuga á að nýta sér þessa
þjónustu era beðnir að hafa samband viö
næstu heilsugæslustöð sem fyrst.
Siglingar
Aætlun Akraborgar
Frá Akranesi
kl. 8J0
kl. 11.30
kl. 14.30
kl. 17.30
Frá Reykjavík
kl. 10.00
kl. 13.00
kl. 16.00
kl. 19.00
Kvöldferðir 20.30 og 22.00.
A sunnudögum í april, maí, september og
október.
Á föstudögum og sunnudögum x júní, júlí og
ágúst.
Um helgina
Um helgina
Hringur Stjama og Stuðmenn
Notkun mín á ríkisfjölmiölunum
um helgina var mest bundin við sjón-
varpiö. Þar sá ég kvikmyndir á
föstudags- og laugardagskvöld og
breskt sjónvarpsleikrit á mánudags-
kvöldið. Allt var þetta ágætt efni.
Uppreisnin á Bounty var hin snöfur-
legasta mynd og gerð fyrir þann
tíma er farið var að láta menn deyja
sem hryllilegast og helst í „slow
motion”. Endir myndarinnar, þar
sem ungi foringinn fékk að lifa en
nokkrir óbreyttir voru drepnir, nær
að vísu líklega ekki sérlegri samúö
almúgans í dag.
Ég var svo heppinn að ég hafði
ekki séð Flóttann mikla áður og hafði
bara gaman af þessari ævintýra-
mynd. Bæði hún og Uipreisnin á
Bounty áttu að vera sannar en dálítið
hugsa ég að sannleikanum hafi verið
hagrætt. Foringjarnir sem voru
hafðir í haldi í Flóttanum mikla
minntu helst á óstýrlátan skátaflokk
og maður trúöi því varla þegar farið
var að kurla þá niður í lokin og það
blæddi jafnvel úr þeim.
Breska sjónvarpsleikritiö á
mánudagskvöldið var stórgott. Það
var mun skemmtilegra að sjá til
aðalleikkonunnar þar heldur en í
skemmtiþáttunum sem hún leikur í á
laugardagskvöldum. Ég er ekki
ennþá farinn að hafa gaman af þeim
þætti. Reynslan af skemmtiþáttum
af því tæinu er hins vegar sú að það
endar með því að þeir verða
skemmtilegir þegar maður er búinn
að sjá hæfilegan skammt
Toppurinn í sjónvarpinu var þó að
sjá Ringo Starr lemja orra á sneril-
trommu ásamt Stuðmönnum. Ekki
hefði maöur trúað því ef Völva
Vikunnar hefði í ársbyrjun spáð því
að Ringo Starr ætti eftir að leika með
Stuðmönnum á árinu.
I útvarpi heyrði ég óminn af lýs-
ingu Stefáns Jóns Hafsteins á 100
metra hlaupi á ólympíuleikunum.
Hún var bæði hraustleg og drama-
tísk og miklu skemmtilegri í munn-
legum meðförum hans heldur en
þegar hlaupiö var sýnt í sjónvarpinu.
Ég komst auðvitað ekki hjá því aö
sjá eitthvaö af ólympíuleikunum í
sjónvarpinu.
Sigurður G. Valgeirsson.
Frá barnadansleiknum i Galtalækjarskógi á laugardag.
Bmdindismótið í Galtalækjarskógi:
Sást ekki vín á
nokkrum manni
„Við viljum rokk, hí og hopp,”
söng Svanhildur við undirleik hljóm-
sveitar Olafs Gauks þegar barna-
dansleikurinn á bindindismótinu í
Galtalækjarskógi náði hámarki á
laugardag.
Um fjögur þúsund manns komu
saman í Galtalækjarskógi um
helgina á bindindismóti sem Is-
lenskir ungtemplarar og Umdæmis-
stúka Suðurlands gengust fyrir. Var
þar einkum um að ræða fjölskyldur
með börn og var dagskrá mótsins
sniðin með þaö í huga. Skólahljóm-
sveit Árbæjar og Breiöholts lék svo
og hljómsveit Olafs Gauks og
Svanhildur. Myndarlegt tívolí var á
svæðinu, keppni í ökuleikni,
varðeldur, flugeldasýning og fleira.
Fór mótið vel fram og að sögn móts-
stjóra sást ekki vín á nokkrum
manni. -EA.
2*71 Bílbelti björg-
uðu mannslífum
Allmargir árekstrar og bílveltur
urðu í umferðinni um helgina. Hafði
blaðið spurnir af hátt á þriðja tug
slíkra óhappa víðs vegar um landið. I
fæstum þessara óhappa urðu slys á
fólki, en þar sem þau urðu var það
samdóma álít lögreglu og starfs-
manna Umferðarráðs, að bílbelta-
notkun, er var mjög almenn, hefði
bjargað því sem bjargað varð. Tjón
á bílum eftir þessi óhöpp skiptir tug-
um ef ekki hundruðum þúsunda.
1 Reykjadal í Þingeyjarsýslu varð
bílvelta síðdegis á laugardag.
Skömmu áöur en það gerðist
stöðvaöi lögreglan á Húsavík bílinn
og bað fólkið í framsæti að spenna
bílbeltin. Sleppti lögreglan ekki fólk-
inu fyrr en bílbeltin höfðu verið
spennt. Um tíu mínútum síðar ók
bíllinn út af. ökumann og farþega
sakaði ekki. Ofrísk kona var við stýr-
ið og var það mál læknis, er skoðaði
hana, að ef hún hefði ekki notað bíl-
belti hefði illa getað farið.
Hörkuárekstur varð skömmu síðar
við Kröfluafleggjara, þar sem tveir
bílar skullu saman, Voru bílarnir
óökufærir eftir en ökumenn og far-
þegar, sem voru í bílbeltum, fengu
ekki skrámu.
„Ef maöur er ekki sannfærður um
nauðsyn bílbelta efdr þetta, þá verður
maður það aldrei,” sagði yfirlög-
regluþjónninn á Húsavík í samtali
viðDV.
Sömu sögu höfðu aðrir að segja um
afskipti sín af óhöppum ökumanna.
Þó varð alvarleg bUvelta rétt fyrir
austan Þrastaskóg á sunnudag. Þrír
voru í bílnum. Var ökumaður fluttur
á Landspítalann og annar farþega á
sjúkrahúsiö á Selfossi. I þessu tilviki
voru ekki notuð bílbelti.
Nokkrir voru teknir, grunaöir um
ölvun við akstur, víðs vegar um land-
ið um helgina, flestir á Selfossi, eða
um tuttugu manns. Einnig voru
nokkrir teknir fyrir of hraðan akst-
ur, flestir á Húsavík og í nágrenni,
eða milli 30 og 40 manns.
-KÞ