Dagblaðið Vísir - DV - 30.12.1985, Side 16

16
DV. MÁNUDAGUR 30. DESEMBER1985.
Spurningin
Spurt í Rangárvallasýslu.
Hvaða stjórnmálamaður ís-
lenskur finnst þér skara fram
úr?
Baldur Árnason bóndi: Hann Al-
bert Guðmundsson slær öllum við
og hefur svo gert frá upphafi stjórn-
málaferils síns.
Svavar Friðleifsson lagerstjóri:
Þorsteinn Pálsson. Ég vel hann
vegna góðrar frammistöðu sem for-
maður Sjálfstæðisflokksins.
Erlingur Ólafsson verslunar-
stjóri: Á Alþingi sitja 6 tugir karla
og kvenna og eyða tíma sínum í að
tala um ekki neitt.
Ásgerður Ásgeirsdóttir, verka-
kona og (áhuga)leikari: Enginn.
Ég vonaði að Þorsteinn Pálsson
bætti ástandið en missti vonina við
svikin með skattalækkunina.
Hörður Helgason forstjóri: Af
þeim mönnum sem mér fmnast bera
hæst í dag vil ég nefna Geir Hall-
grímsson. Frammistaða hans á al-
þjóðavettvangi hefur verið landi og
þjóð til sóma.
Stefán Böðvarsson kennari:
Guðrún Helgadóttir, hún virðist hafa
meiri innsýn í líf venjulegs fólks en
flestir starfsfélagar hennar. Hún
þorir að hafa skoðun á málum og
segir þær vafningalaust.
Lesendur Lesendur Lesendur Lesendur
Forráðamenn Meitilsins í Þorlákshöfn reyndust bréfritara betri en enginn.
Hlýja, samúð, skilningur
Þakklátur skrifar:
Það þykir ekki tíðindum sæta þó
einhver í voru þjóðfélagi fari í með-
ferð sökum áfengisneyslu eða annara
fíkniefna. Hitt er svo annað mál
hvernig þjóðfélagið tekur á móti
þeim sem koma úr slíkri meðferð.
Oft eru þeir búnir að brjóta allar
biýr að baki sér þegar þeir taka
ákvörðun um að gera eitthvað rót-
tækt í sínum málum. En það er mjög
algengt að þegar inn á stofnun er
komið getur viðkomandi ekki ein-
beitt sér að þeim verkefnum sem fyrir
hann eru lögð, vegna þess að hugur-
inn er stöðugt fyrir utan stofnunina,
ýmist hjá fjölskyldu, öðrum ættingj-
um eða á vinnustað. Sú spurning
vaknar aftur og aftur hvernig mér
verði tekið. Fer konan frá mér? Fæ
ég að sjá börnin? Held ég vinnunni?
Svona mætti lengi telja.
Ég hef sjálfur farið þennan rúnt
og bæði náð góðum og slæmum ár-
angri. Ég hef misst íjölskyldu, vini
og atvinnu, sumt oftar en einu sinni.
En það sem mig langar að skrifa um
í þetta skipti er hversu drengilega
atvinnurekendur mínir, Meitillinn í
Þorlákshöfn, reyndust mér þegar það
henti mig sem alltaf getur hent: ég
sprakk.
Ég hafði unnið þar í tæpa tvo
mánuði þegar ósköpin dundu yfir.
Ég sem sagt datt í það og ruslaði um
allt þar til ég gat ekki meir. Ég
vaknaði inn á Vogi og vissi ekki
hvernig ég var kominn þangað. Ég
mundi hreint ekkert frá því ég tók
fyrsta glasið. En miklar voru áhyggj-
urnar. Ég t.d. afskrifaði atvinnu
mína, þangað bjóst ég ekki við að
eiga afturkvæmt, taldi víst að ef
heppnin væri með mér þá fengi ég
að sækja pokann minn á herbergið.
Ég var á Vogi í eina 6 eða 7 daga.
Þegar ég kom út þorði ég ekki fyrir
mitt litla líf að fara strax til Þorláks-
hafnar og þvældist um í bænum í 2
daga áður en ég hleypti í mig kjarki
til að fara austur.
Það var heldur lúpulegur náungi
sem drattaðist inn á kontór til for-
stjórans. En móttökum hans mun ég
seint gleyma. Hvað sagt var vil ég
eiga með sjálfum mér en ég fékk að
vita að forstjórinn og verkstjórar
hans höfðu unnið ötullega að því að
koma mér inn á Vog og ég var boðinn
velkominn aftur á vinnustað. Her-
bergið mitt var uppbúið og óhrein föt
höfðu verið þvegin.
Það sem ég er að reyna að segja
er: Að hvarvetna hjá þessu góða
fyrirtæki var mínu vandamáli sýndur
skilningur og mér samúð og hlýhug-
ur. Að lokum ætla ég að óska ráða-
mönnum og starfsfólki Meitilsins
gleðilegra jóla og velgengni á kom-
andi árum.
Ivenær ætlar þú að koma til Suðurnesja, Bubbi?
Kom þú, Bubbi
Ein með Bubbaæði:
Ég er hér ein af Suðurnesjum,
mikill Bubba-aðdáandi, og mig
langar til að senda mínu uppáhaldi,
Bubba Morthens, bestu jóla- og
nýárskveðjur með von um að þú
farir að láta sjá þig á Suðurnesjum
með tónleika sem allra fyrst. Þig
bara grunar ekki hvað þú átt
marga aðdáendur héma. Þessi
hugmynd ykkar tónlistarmanna að
safna handa munaðarlausum börn-
um í Afríku er alveg frábær. Þetta
er eitt af því besta sem íslenskir
tónlistarmenn hafa gert til þessa.
Svo vil ég þakka alveg frábæra og
vel gerða plötu, Konu, og nýja
lagið þitt er sömuleiðis alveg æðis-
legt.
Falskt öryggi
Ragnar Jónsson skrifar:
Ég er einn af þúsundum bíleigenda
sem ofbýður þessi ofsalega ofnotkun
salts á götur Stór-Reykjavíkursvæð-
isins. Þessi 5-30 g á m2, sem sagt er
að dreift sé, er augljóslega alltof
mikið. Það getur ekki talist eðlilegt
að eftir síðastliðinn vetur, sem var
hinn mildasti í áratugi, hafa götur
aldrei verið í verra ástandi. Tjónið
skipti hundmðum milljóna króna og
sama sagan virðist ætla að endur-
taka sig nú.
Ekki má koma slydda sem bráðnar
jafnóðum eða smásnjófjúk þar sem
hjólför haldast auð á fjölförnum
götum án þess að þeir salti. Einnig
verða bíleigendur fyrir stórfelldu
tjóni vegna ryðs. Saltið er efni sem
leikur ryðvörn mjög illa og árangur
af endurryðvörn er oft ekki góður.
Hefur mér þó tekist að halda nokk-
urn veginn í horfinu með því að losa
af bretti og fleira, hreinsa og bera á
menju og feiti, en þeir sem ekki geta
staðið í slíku verða fyrir meiri skaða.
Oftast verða boddíin ónýt löngu á
undan gangverki.
Sem kunnugt er borgum við hér á
landi eitthvert hæsta verð í heimi
fyrir bíla og varahluti og flest getum
við ekki endurnýjað oft. Saltdreif-
ingin veldur því að ökumenn fá
falska öryggistilfinningu og aka eins
og á sumardegi, 10-30 km yfir lögleg-
um hraða. Þegar bílar lenda á hálku-
blettum eða ósöltuðum götum hafa
dekkin misst eðlilegt grip vegna
tjöru sem sest á þau og veldur þetta
hættu. Hreinsun á þeim endist mjög
stutt. Tjaran sest líka á rúður og
þurrkublöð og hindrar útsýni. Það
er flestra álit að mesta öryggið sé
fólgið í því að taka úr umferð van-
búna bíla. Það gengur ekki að veita
þessum trössum á sléttu dekkjunum
sérstaka þjónustu, söltun, á kostnað
allra. Við getum ekki sætt okkur við
að aka í þessum óþverra allt að 6
mán. á ári eða meira. Þetta er meira
en næg ástæða til að flytja burt af
Reykjavíkursvæðinu. Er ekki hægt
að láta nægja að salta strætisvagna-
stoppistöðvar og allra bröttustu
brekkur eða nota sand á þessa staði?
Umferðin gengur vel i bæjum úti á
landi þótt ekki sé saltað, t.d. á Akur-
eyri. Þessa skemmdarverkastarfsemi
, verður að stöðva þegar í stað.
Saltbíll að dreifa. Bréfritari er ekki hrifinn af saltinu.