Dagblaðið Vísir - DV - 02.01.1986, Side 5
DV. FIMMTUDAGUR 2. JANÚAR1986.
5
Halldór Ásgrímsson,sjávarútvegsráðherra, kynnir hina nýju reglugerð um stjórnun botnfiskveiða. DV-mynd KAE.
Ný reglugerö um botnfiskveidar
Sjávarútvegsráðherra hefur gefið
út nýja reglugerð um stjórnun
botnfiskveiða sem grundvallast á
nýsamþykktum lögum um stjórnun
fiskveiða næstu tvö árin.
Samkvæmt þessari reglugerð
verður afli smábáta miðaður við
sóknardaga en ekki aflamark eins
og áður. Óvíst er hver afli þeirra
verður á næsta ári. Samt hefur
verið slegið á það að aflinn geti
náð heildarafla siðasta árs. Þá
veiddu smábátar 24 þúsund tonn
en höfðu aðeins fengið úthlutað um
12 þúsund tonnum.
Ymsar breytingar eru gerðar frá
fyrri reglugerð þó að þessi nýja sé
í megindráttum sú sama. Af nýjum
ákvæðum má geta þess að þorskk-
vóti loðnuskipa verður skertur.
Kvóti þeirra verður skertur um 0,5
prósent af þyngd úthlutaðs loðnuk-
vóta. Þannig fær loðnuskip með 20
þúsund tonna loðnukvóta skerð-
ingu á þorskkvóta sem nemur 100
tonnum.
Framsal á kvóta verður að mestu
leyti með sama sniði. Þó verður
réttur rækjuskipa, sem frysta sinn
eigin afla um borð, skertur. Hann
skerðist sem nemur hálfri þyngd
rækjuafla skipsins, Þá er óheimilt
að framselja aflamark skips sem
ekki hefur verið á veiðum 1985.
Loðnuskipum, sem einnig hafa
rækjuveiðileyfi, er óheimiit að selja
aflamark sitt.
Veiðileyfi fá aðeins skip sem leyfi
fengu á árinu 1985. Ný skip fá
aðeins leyfi ef önnur hverfa úr
rekstri. Undantekning er gerð frá
þessu ef smíði skipa var hafm hér
á landi fyrir árslok 1983. I þessu
tilfelli er átt við svokölluð rað-
smíðaskip sem eru fimm að tölu.
Stefnt er að því að selja þau á
næsta ári. Til þess að það sé mögu-
legt verður kvóti fyrir þessi skip
ákveðinn á næstunni.
Samkvæmt reglugerðinni verður
heildarþorskafli 300 þúsund lestir,
ýsuafli 60 þúsund lestir, ufsaafli 70
þúsund lestir, karfaafli 100 þúsund
lestir og grálúðuafli 30 þúsund
lestir. - APH
Farþeginn sem sló gamla metið, Einar Kristjánsson frá ísafirði, fékk að launum helgarferð fyrir tvo til
Reykjavíkur. DV-mynd: KAE.
Metar í innanlands-
flugi Flugleiða
Mjög hagstætt tíðarfar fyrir flug,
friður á vinnumarkaði og ýmsar
nýjungar í fargjöldum og þjónustu
hjálpuðust að til að gera árið 1985
metár í sögu innanlandsflugs Flug-
leiða.
Farþegafjöldinn á metárinu varð
um 245 þúsund. Gamla metið var frá
árinu 1978 eða 243.485 farþegar.
„Þetta er í fyrsta sinn í tólf ár sem
innanlandsflugið er ekki rekið með
halla,“ sagði Sigurður Helgason,
forstjóri Flugleiða.
Sá farþegi sem sló gamla metið var
Einar Kristjánsson, sjómaður frá
ísafirði. Sá varð furðu lostinn er
forstjóri Flugleiða tók á móti honum
við komu flugs frá ísafirði til Reykja-
víkur og afhenti honum sérstaka
viðurkenningu, helgarferð til höfuð-
borgarinnar fyrir tvo.
Flugleiðir halda uppi áætlunar-
flugi til tíu staða utan Reykjavíkur
með fjórum F-27 flugvélum. Á blaða-
mannafundi kom fram að ekki væru
uppi áform um endurnýjun flugflot-
ans.
„Það er orðið mjög brýnt að byggja
upp flugstöð hér á Reykjavíkurflug-
velli,“ sagði Einar Helgason, yfir-
maður innanlandsflugs. Einar sagði
að þröng húsakynni háðu starfsemi
innanlandsflugsins mjög. Allt upp í
tvö þúsund farþegar færu um gömlu
flugstöðina á einum degi.
-KMU.
Flugleiðir vilja
leigja Gæsluvél
Flugleiðir hafa óskað eftir að fá
Fokker Friendship-flugvél Land-
helgisgæslunnar leigða þrjá daga í
viku næsta sumar.
„Forstjóri Landhelgisgæslunnar
hefur tekið mjög vel í þetta,“ sagði-
Einar Helgason, forstöðumaður inn-
anlandsflugs Flugleiða.
Nokkrir fundir hafa verið haldnir
um málið undanfarnar sex vikur.
Ýmis atriði eru óleyst, þar á meðal
hvort flugmenn Landhelgisgæslunn-
ar verða einnig leigðir.
Rætt er um að Flugleiðir greiði
fast verð fvrir hvern flugtíma og fyrir
ákveðna lágmarksnotkun.
Farþegum í innanlandsflugi Flug-
leiða ijölgaði mjög á árinu 1985.
Flugleiðir sjá fram á að erfitt verði
að anna eftirspurn með fjórum Fok-
kerum félagsins næsta sumar. Ráða-
menn félagsins telja það hins vegar
of stórt stökk að kaupa fimmtu flug-
vélina og vilja freista þess að brúa
bilið með Gæslufokkernum sem flog-
ið er lítið. Gæslan gæti á meðan
notað Flugmálastjórnarvélina til að
gæta miðanna.
ianaríeyjav -Tenevife - Gvan Kanari
Orugg sólskinsparadís í skammdeginu.
Enska ströndin - Ameríska ströndin -
Las Palmas- Puerto de la Cruz
Beint leiguflug, verð frá kr. 25.970,
ÓTRÚLEGA HAG-
STÆTT VERÐ
3 VIKUR, 2 í ÍÐÚÐ, FRÁ
KR. 28.480,-
FIUOFEROIR
^ SOLRRFLUG
Sjórinn, sólskinið og skemmtanalífið eins og fólk vill hafa það. Vesturgötu 17 Símar 10661,15331 og 22100
Dagflug báðar leiðir.
Fullkomin þjónusta
og
islenskurfararstjóri.
8. janúar 4 vikur á 3 vikna verði.
4. febr. og 26. febr., 22 dagar. Páskaferð 19. mars, 14 dagar.
Þið veljið um dvöl í íbúðum, án matar, eða á fjögurra og fimm
stjörnu hótelum með morgunmat og kvöldmat,
á eftirsóttustu stöðum Kanarieyja.
Ik Fjölbreyttar skemmti- og skoðunarferðir.