Dagblaðið Vísir - DV - 10.05.1986, Blaðsíða 2

46
DV. LAUGARDAGUR 10. MAÍ 1986.
Konur og svín
Baráttan milli hins heittrúaða
minnihluta í ísrael og meirihlutans,
sem kærir sig lítt um trú, brýst oft
upp á yfirborðið. Meirihlutinn vill
ráða öllu í pólitískum efnum en
minnihlutinn vill einnig láta að sér
kveða.
í Jerúsalem eru nokkrir rabbínar,
afar fastir við sinar trúarsetningar
og hafa verið dregnir fyrir rétt, vegna
þess að þeir brenndu niður strætis-
vagnaskýli og máluðu yfir auglýs-
ingaskilti í þeim skýlum sem þeir
ekki brenndu til grunna.
Skiltin sýndu konur mjög svo létt-
klæddar að auglýsa sólarolíu eða
áfengi. Það var ekki varningurinn
sem þeir rétttrúuðu eru á móti heldur
klæðleysi kvennanna.
í Petah Tikvah, sem er úthverfi í
Tel Aviv, hafa rabbínar og lærisvein-
ar þeirra hótað að mótmæla utan við
kvikmyndahús eitt með hrópum og
blístri vegna þess að þar eru kvik-
myndasýningar á sabbatskvöldið,
föstudagskvöldið.
Hópur, sem nefnist Tanach og
stendur fyrir skemmdarverkum á
eigum hinna trúuðu hefur nú tekið
upp baráttu í Jerúsalem. Hópurinn
hefur málað myndir af nöktum kon-
um á fáeinar synagogur (bænahús
gyðinga) og grísamyndir einnig í
hverfi hinna trúuðu, Mea Shearim.
Tanach-hópurinn hefur boðað
frekari málverk í sama dúr haldi hin-
ir trúuðu áfram að eyðileggja strætó-
skýlin sem skýla Jerúsalembúum
fyrir vindum, regni og sól.
Gleyparar
í borg, sem heitir Kortezubi í
Baskahéraði á Spáni, eru nokkrir
vitleysingar sem af og til keppa í
þeirri íþrótt að gleypa. Breiðsíðan
hefur aldrei keppt í þessari grein
og veit ekki til að hún sé ólympíu-
grein. En bjálfarnir í Kortezubi
gleypa af miklum móð, helst snigla
og kjúklinga.
Maður, sem heitir Valentin Flor-
entino, tróð í sig 2,1 kg af kjúklingum
á tíu mínútum og þrjátíu og sjö sek-
úndum.
Annar brjálæðingur, sem heitir
Jose Basterretexa, gleypti 87 snigla
á einni mínútu og fimm sekúndum.
Við skulum ekki einu sinni leiða
að því hugann hvernig þeim hefur
liðið á eftir.
Ástarbréf
á þrykk
Eldheit ástarbréfin, sem þau Wally
Simpson og þáverandi prins af Wales
skiptust á, eru farin að birtast í
Lundúnablaðinu Daily Mail.
Bréfin fylla heilar átta síður í blað-
inu nú þegar og meira á eftir að sjást.
Blaðið keypti bréfin af dánarbúinu
fyrir nærri 30 milljónir króna.
Frú Simpson dó um daginn, 89 ára
að aldri og var jarðsett í konungleg-
um grafreit í London. Hún hét
hertogaynjan af Windsor í bókum
bresku konungsfjölskyldunnar. Her-
toginn af Windsor, maður hennar,
var Játvarður áttundi, Bretakóngur
- og fórnaði krúnu sinni til að geta
gifst frú Simpson á sinni tíð. Það var
einhver mesti skandall sinnar tíðar.
Frú Simpson hafði tvívegis skilið,

Viðtal við Shady Owens
gÆSKA OG KYNFERÐISFRÆÐSLA
,* ^ ý- ítarleg umfjöllun
VAR MIKIÐ SUNGIÐ
Á ÞÍNU HEIMILI
Rabbað við Skriðjökla
var ekki af aðalsættum - og að auki
bandarísk.
Ung móðir
Níu ára gömul stúlka frá Kenya
hefur alið barn. Það er áreiðanlega
nærri þvi að vera heimsmet - móður
og barni heilsast vel.
Gamli refurinn
„Neue Zuricher Zeitung" hefur
kallað hann „vinsælustu sjónvarps-
persónuna í hópi þýskra leynilög-
reglumanna". Köster yfirforingi, eða
„Gamli refur“, leysir glæpagáturnar
á sinn persónulega hátt - og espar
tíðum aðra rannsóknarlögga gegn
sér vegna aðferðanna sem hann beit-
ir - og hinna barnalegu spurninga
sem hann spyr sakborninga.
Siegfried Lowitz lék „gamla ref ‘ í
níu ár. í níu ár í röð gerði hann einn
þátt í mánuði - sem naut vaxandi
vinsælda, er sýndur í ótal löndum,
þar á meðal í A-Evrópu. En nú eru
dagar gamla Siegfrieds Lowitz í
þessu hlutverki taldir. Hundraðasti
þátturinn verður hans síðasti - þá á
hann að falla fyrir byssukúlu í þætti
sem nefnist „Tvö líf‘. En eftirmaður
hans, Leo Kress foringi (Rolf
Schimpf - sjá mynd) er tilbúinn að
axla ábyrgðina eftir „gamla ref‘.
Dýrir vindlar
Hermann marskálkur Göring
skildi eftir sig níu óreykta vindla sem
um daginn voru seldir á uppboði í
Munchen fyrir 30 þúsund krónur
stykkið.
Ástkona Hitlers, Eva Braun, skrif-
aði dagbók sem „útlent safn“ keypti
á þessu uppboði þar sem vindlarnir
seldust. Dagbókin fór á 250 þúsund
krónur.
Vínber í klessu
Manni einum í Dallas í Texas mis-
tókst um daginn að grípa vínber.
Vínberjunum var kastað út um
glugga af 72. hæð á húsi einu í Dall-
as - og þau smullu í gangstéttina við
fætur mannsins. Þegar maðurinn
gerði sér grein fyrir að hann hafði
tapað veðmáli, ekkert berjanna hafði
lent í opnum munni hans, sparkaði
hann í útflött berin á stéttinni, datt
um kolli og sneri sig um ökklann.
Barn er fætt
Stöku sinnum kemur það fyrir að
rík börn fæðast - eða réttar sagt:
börn fæðast rík.
Nú síðast var það að barnkríli upp
á 4,8 kg fæddist á sjúkrahúsi í Lon-
don.
Móður og barni líður vel.
Móðirin heitir Anne-Marie fyrrum
Danaprinsessa og Grikkjadrottning.
Hún er 38 ára. Faðirinn er Konstant-
ín, fyrrum Grikkjakóngur, hrakinn
frá völdum árið 1967.
Nýja barnið er fimmta barn þeirra.
Þau sem áður eru fædd heita Alexía,
sem orðin er tvítug, Paul, átján ára,
Nicholas, sem er sextán ára og Theo-
dora sem er tveggja ára.
-Það var svo skemmtilegt að eign-
ast Theodoru að við reyndum bara
aftur, sagði faðirinn stoltur.
Fjölmenn veisla
Mawati þriðji, kóngur af Swazi-
landi hefur boðið öllum þegnum
sínum, 600.000 manns, í garðveislu
heima hjá sér. Hann er líka búinn
að skjóta ljón af því tilefni.