Dagblaðið Vísir - DV - 16.07.1987, Blaðsíða 14

14
FIMMTUDAGUR 16. JÚLÍ 1987.
Frjálst,óháð dagblaö
Útgáfufélag: FRJÁLS FJÖLMIÐLUN HF.
Stjórnarformaður og útgáfustjóri: SVEINN R. EYJÖLFSSON
Framkvæmdastjóri og útgáfustjóri: HÖRÐUR EINARSSON
Ritstjórar: JÓNAS KRISTJÁNSSON og ELLERT B. SCHRAM
Aðstoðarritstjórar: HAUKUR HELGASON og ELlAS SNÆLAND JÓNSSON
Fréttastjóri: JÓNAS HARALDSSON
Auglýsingastjórar: PÁLL STEFÁNSSON og INGÓLFUR P. STEINSSON
Ritstjórn, skrifstofur, auglýsingar, smáauglýsingar, blaðaafgreiðsla, áskrift,
ÞVERHOLTI 11, SlMI 27022
Setning, umbrot, mynda- og plötugerð:
PRENTSMIÐJA FRJÁLSRAR FJÖLMIÐLUNAR HF„ ÞVERHOLTI 11
Prentun: ÁRVAKUR HF. - Áskriftarverð á mánuði 550 kr.
Verð i lausasölu virka daga 55 kr. - Helgarblað 65 kr.
Kærkomin hvíld til hausts
íslenzk stjórnmál munu nú leggjast í dvala, þegar
nýja ríkisstjórnin hefur komið sér fyrir í hægum sessi.
Hvorki stjórn né stjórnarandstaða er líkleg til átaka
fyrr en í byrjun október, því að þreytan er mikil eftir
kosningar vorsins og stjórnarmyndun sumarsins.
Ekki gekk þrautalítið hjá stjórnmálamönnum okkar
að koma sér í laxveiðar og annað dútl við hæfi. Ríkis-
stjórnin fór afar illa af stað. Aðgerðir hennar komu út
með afturfæturna á undan, svo að fyrsta aðgerð hennar
reyndist verða sú að fresta fyrstu aðgerðum.
Uti í atvinnulífinu þætti auðvitað til skammar að
vera vikum saman á svokölluðum rífandi gangi við að
mynda stjórn, með þeim árangri, að útkoman verður
slíkt rugl, að ekki er unnt að framkvæma það að sinni.
En það er tæpast nýtt, að stjórnmálamenn klúðri málum.
Eðlilegt er, að kjósendur velti fyrir sér, hvort umboðs-
menn þeirra gætu unnið fyrir sér í öðru starfi, til dæmis
úti í atvinnulífmu. Líklega yrði það erfitt, því að stjórn-
málin fjalla að verulegu leyti um annað en árangur.
Þau fjalla um risnu og stóla, fé og ráðherrabíla.
Stjórnarandstaðan mun hafa hægt um sig til hausts.
Alþýðubandalagið vék sér skynsamlega undan tilraun-
um til stjórnarmyndunar, enda mun það ekki hafa orku
til annars næstu mánuði en að höggva á hnút ágrein-
ingsins um, hver eigi að stjórna flokknum næstu árin.
Kvennalistinn var ekki eins heppinn. Eftir atrennu
að stjórnarmyndun sat hann uppi sem sértrúarflokkur,
er verður seint beðinn aftur um að taka þátt í ríkis-
stjórn. Hann kann ekki að sveigja málefni sín í farveg,
sem hægt er að ná samkomulagi um að sigla eftir.
Fyrir neytendur var fróðlegt að heyra í síðustu viku,
að Kvennalistinn vill lækka dilkakjötsfjallið með því
að hætta að borða ýmsa innflutta neyzluvöru, væntan-
lega með valdboði. Þetta er miðaldaskoðun þess flokks,
sem sennilega verður harðastur í stjórnarandstöðu.
Kvennalistinn mun halda áfram að rækta sértrú sína
og sérstöðu með hinni grónu sjálfsvorkunn, að allir séu
vondir við hann. Kvartað verður áfram um lítinn að-
gang að fjölmiðlum, þótt listinn hafi í rauninni ekki
nennt að nota sér hinn mikla aðgang, sem hann hefur.
Borgaraflokkurinn hefur svo gersamlega týnzt eftir
kosningar, að erfitt er að trúa, að hann hafi sjö fulltrúa
á þingi. Samanlögð er fyrirferð þeirra eins og tæplega
einnar kvennalistakonu. Hugsanlegt er, að enginn
nenni að auglýsa í haust eftir hinum týnda flokki.
Af stjórnarflokkunum er hlutur Alþýðuflokksins
sýnu verstur. Allir virðast vera sammála um, að flokkur-
inn hefur einfaldlega gerzt þriðja hjólið undir gömlu
stjórnarkerrunni. Flokkurinn fær engum stefnumálum
framgengt að launum, ekki einu sinni kaupleiguruglinu.
I stöðu Alþýðuflokksins sjáum við í hnotskurn hinn
pólitíska raunveruleika. Flokkar virðast ekki vera mjög
virk tæki til að koma stefnumálum fram, en geta við
vissar aðstæður komið að gagni við að bæta kjör og
aðstöðu þeirra flokksforingja, sem verða ráðherrar.
Sjálfstæðisflokkurinn hefur fá og valdalítil embætti
í ríkisstjórn, sem hann hefur þó tekið forustu fyrir.
Næstum útilokað er, að flokkurinn geti notað ríkis-
stjórnina til að marka slík spor í þjóðlífið, að hann
geti borið höfuðið hátt í næstu kosningabaráttu.
Ríkisstjórnin ekur í sumarleyfið í gamalli kerru, þar
sem Jón Baldvin er viðgerðarmaðurinn, Þorsteinn vagn-
stjórinn og Steingrímur farþeginn, sem ræður ferðinni.
Jónas Kristjánsson
Alþýðubandalagið:
Flokkur í fýlu
KjaUaiinn
Eiður
Guðnason
alþingismaður fyrir
Alþýðuflokkinn
Eini kosturinn
Forystumenn Alþýðubandalagsins
hafa verið býsna duglegir við að full-
yrða í fjölmiðlum að Alþýðuflokkur-
inn hafi gengið til liðs við kerfis-
flokkana. Alþýðubandalagið
starfaði með þessum sömu flokkum,
Framsóknarflokki og hluta Sjálf-
stæðisflokks, 1980 til 1983. Ef menn
ekki muna þá var það stjómin sem
jafnaðarstefhu en slíkar verkefna-
skrár hafa áður gert. Okkur tókst í
góðu samkomulagi við hina flokk-
ana að þoka stefriumálum okkar vel
áleiðis.
Nokkurdæmi:
* Auka einstaklingsfrelsi og jafn-
rétti. Vinna að valddreifingu,
félagslegum umbótum og treysta
„Flokkur, sem má ekki vera að því að sinna
stefhumótun og kjósendum af því hann er
svo upptekinn af sjálfum sér, er ekki val-
kostur. Hann er í mesta lagi kjaftaklúbbur
fyrir sófakomma.“
Uml og nöldur hefur heyrst frá Al-
þýðubandalaginu eftir að ný ríkis-
stjóm var mynduð í landinu.
Gagnvart þjóðinni og kjósendum er
Alþýðubandalagið hætt í pólitík.
Starf þess snýst nú eingöngu um
maflaskoðun og valdabaráttu. Kjós-
endur em á bak og burt og það sem
eftir er af flokknum logar í illvígum
deilum.
Umhverfis sjálfan sig...
Alþýðubandalaginu var á sínum
tíma boðið að taka þátt í viðræðum
um myndun ríkisstjómar. Það gerði
formaður Alþýðuflokksins, Jón
Baldvin Hannibalsson. Alþýðu-
bandalagið sagði: Nei, takk. Við
erum ekki til viðtals. Alþýðubanda-
lagið er nefriilega flokkur í íýlu.
Bæði út í sjálfan sig og kjósendur.
Skömmu síðar kom út ritgerðasafn
forystumannanna um flokkinn. Gár-
ungamir kalla áttatíu síðna ritgerð
Ólafs Ragnars þar: - „Umhverfis
sjálfan sig á áttatíu síðum.“
Flokksforystan kom í fjölmiðla og
lýsti það ástæðu kosningahrapsins,
að fólk teldi Alþýðubandalagið úr-
eltan, þröngsýnan og sundurlyndan
kerfisflokk. í ritgerðasafriinu kom-
ust höíúndar allir að sömu niður-
stöðu.
Flokkur, sem má ekki vera að því
að sinna stefhumótun og kjósendum
af því að hann er svo upptekinn af
sjálfum sér, er ekki valkostur. Hann
er í mesta lagi kjaftaklúbbur fyrir
sófakomma.
var við völd þegar allt fór úr böndun-
um og verðbólgubálið var að brenna
innviðu samfélagsins.
í flokkakerfi okkar er það svo að
það hafa allir unnið með öllum nema
Kvennaflokkurinn og Albertsflokk-
urinn en hvorir tveggja em að
líkindum stundarfyrirbrigði í ís-
lenskum stjómmálum.
Þriggja flokka stjóm þeirra flokka,
sem nú stjóma, var eini raunhæfi
valkosturinn til að mynda landinu
starfhæfa stjóm eftir að Alþýðu-
bandalagið og Kvennaflokkurinn
vom búin að dæma sig úr leik. Þver-
pólitískt eðli Kvennaflokksins gerir
það raunar að verkum að hann getur
aldrei sameinast um nema örfá póli-
tísk markmið. Það dugar ekki.
Fjögurra flokka stjóm kom ekki til
greina.
Meira nýjabrum
Víst hefðum við ýmsir kosið að
meira nýjabrum væri á yfirbragði
hinnar nýju stjómar. En í sam-
steypustjóm ráða menn ekki ráð-
herratilnefningum annarra flokka.
Svo einfalt er nú það.
Stefriuyfirlýsing og starfeáætlun
nýju ríkisstjómarinnar er ítarlegra
plagg ep slík hafa áður verið. Án
þess að um nokkum meting sé að
ræða þá hika ég ekki við að fullyrða
að hún ber í ríkari mæli svipmót
afkomuöryggi allra landsmanna.
* Stöðugleiki í efhahags- og at-
vinnulífi. Jafhvægi í ríkisfjármál-
um. Endurskipulagning á
ríkisbúskapnum.
* Bætt eftirlit með framkvæmd
skattalaga samkvæmt tillögum
um aðgerðir gegn skattsvikum.
Endurskoðun skattkerfisins.
* Samræmt líeyriskerfi fyrir alla
landsmenn. Fækkun lífeyrissjóða.
* Sett verða sérstök lagaákvæði um
kaupleiguíbúðir og fjármögnun
þeirra.
* Átak í samgöngumálum. Flýta
lagningu vega með bundnu slitlagi
er tengja, saman þéttbýlisstaði.
* Fiskveiðistefnan verður tekin til
endurskoðunar.
* Landbúnaðurinn verður aðlagað-
ur breyttum markaðsaðstæðum og
greitt fyrir búháttabreytingum.
* Menntunaraðstaða verði jöfnuð
svo sem kostur er.
* Endurmat á störfum kvenna hjá
hinu opinbera. Átak til að koma
á jafhrétti kynjanna með sérstakri
áherslu á launajafnrétti. - Þetta
eru bara örfá dæmi. Af nógu er
að taka.
Allt þetta sögðum við Alþýðuflokks-
menn fyrir kosningar. Allt þetta
segjum við enn. Allt þetta stendur í
stefhuyfirlýsingu ríkisstjómarinnar.
Við erum nefhilega í pólitík til þess
að hafa áhrif og breyta samfélaginu
í réttlætisátt. Ekki til að vera í fylu.
Eiður Guðnason