Dagblaðið Vísir - DV - 26.01.1988, Síða 8

8
ÞRIÐJUDAGUR 26. JANÚAR 1988.
Utlönd
Tuttugu og fimm fastir
Taliö er aö tuttugu og fimm
námaverkamenn séu fastir niöri í
námu í norðurhluta Mexíkó eftir
að eldur geisaöi um námuna seint
í gærdag. Vitaö er að fjórir menn
létu lífið í eldinum og að minnsta
kosti nítján meiddust
í tilkynningu frá sfáliönaöarfyr-
irtækinu Sidermex, sem er í eigu
mexíkanska ríkisins, segir að tvö
íík hafi fundist i Cuatro y Media
náraunni í Coahuila héraði í noröurhluta landsins.
Talsmaður fyrirtækisins hafnaði orðrómi um aö yfir hundrað og sextíu
námamenn væru lokaðir niðri í námunni.
Glæpamenn á sýningu
Kínversk yfirvöld efndu um síð-
ustu helgi til sérkennilegrar
sýningar í borginni Harbin. Voru
þá hópar afbrotamanna hafðir til
sýnis opinberlega og um háls
þeirra voru fest spjöld meö nöfnum
þeirra og lýsingu á þeim afbrotum
sem þeir höfðu gert sig seka um.
Meðal aíbrotamannanna voru
vasaþjófar, ræningjar og svarta-
markaösbraskarar.
Að sögn yfirvalda var sýningu
þessari ætlað að vera öðrum til við-
vörunar og er liöur í átaki sem
ætíaö er að draga úr afbrotum á
komandi ári.
Átök í Bangladesh
I árlegri ræðu sinni um stööu mála í Bandaríkjunum hótaöi Reagan aö skrifa ekki undir fjárlagafrumvarpið á
þessu ári ef hann fengi annað eins búnt af breytingartillögum og á siðasta ári. Hafði forsetinn með sér tuttugu kiló
eða þrjú þúsund siður af breytingartillögum sem þingið gerði við fjárlagafrumvarp síðasta árs. Símamynd Reuter
Kvaddur með
Stjórnarandstæðingar í Bangladesh efndu í morgun til víðtækra verk-
falla í landinu til þess aö mótmæla hörðum aögeröum lögreglunnar í
landinu um síðustu hefgi. Halda stjómarandstæðingar því fram að lögregl-
an hafi fellt að minnsta kosti sautján manns og sært yfir þrjú hundruö
á mótmælafundi um helgina.
Hundruð heimagerðra sprengja sprungu í Dacca, höfuðborg landsins,
í morgun, að því er virðist til þess að hræða fólk til aö halda sig heima í
stað þess að fara til vinnu.
Að sögn lögreglunnar virtust engar aðrar ofbeldisaögerðir eiga sér stað
við upphaf verkfallsins sem standa á í tólf tíma. Sögðu talsmenn
unnar aö flestar verslanir og skrifstofur í landinu vær’
mjög lítil umferð væri á götum og þjóðvegum.
Samningurinn til umfic
Samningur þeirra Reagans
Bandaríkjaforseta og Gorbatsjovs,
aðalritara sovéska kommúnista-
flokksins, um eyðingu meðal-
drægra kjarnorkuvopna hefur nú
verið tekinn til umfjöllunar af öld-
ungadeild bandaríska þingsins.
Búist er við að samningurinn verði
staðfestur en þó ekki fyrr en eftir
nokkur átök við andsovéska harö-
línumenn í deildinni.
Andstæðingar samningsins eru einkum úr röðum repúblikana, flokks
forsetans, og einn þeirra, Jesse Helms, sagði í gær að samningur þessi
væri boð til Sovétmanna um að svindla. Sagðist Helms hafa sannanir
fyrir því að Sovétmenn væru þegar famir að bijóta ákvæði samningsins.
Lýðræði í Surinam
Lýðræði er nú formlega komiö á
í Surinam að nýju eftir nær átta
ára herstjóm. Nýr forseti sór þar í
gær embættiseið en þing landsins
kaus hann í siöustu viku til þess
að gegna forsetaembætti Þingiö
var kjörið í almennura kosningum
þann 25. nóvember á síðasta ári en
það vom fyrstu kosningar í
landinu í áratug.
Hinn nýi forseti heitir Ramsewak
Shankar, er auðugur viðskiptajöf-
ur og barnabam indverskra inn-
fiytjenda.
Shankar mun gegna embætti for-
setaifimmár.....................
lófataki
Ólafur Amarsan, DV, New York;
Reagan Bandaríkjaforseti flutti í
gærkvöldi hina árlegu ræðu sína um
stöðu mála innan Bandaríkjanna
frammi fyrir báðum deildum Banda-
ríkjaþings.
Ræðan 1 gærkvöldi var sú síðasta
af þessu tagi sem Ronald Reagan flyt-
ur. Var greinilegt að þingmenn litu
að vissu leyti á ræðuna sem eins
konar kveðjuræðu fráfarandi forseta
og var Reagan fagnað gífurlega er
hann gekk í þingsalinn.
, Forsetinn kom ví ða við í ræðu sinni
en setti ekki fram neitt nýtt. Hann
lagði áherslu á þær breytingar og
framfarir sem orðið hafa í Bandaríkj-
unum á þeim sjö árum sem liðin eru
frá því að hann tók við embætti. Re-
agan sagöi að hann myndi áfram
vinna aö framgangi stefnumála
sinna jafnvel þótt hann ætti aðeins
eitt ár eftir í embætti. Sagði forsetinn
að hann og þingið yröu að taka hönd-
um saman, ekki til að tryggja
skammtíma hagsmuni heldur til að
leggja grunn að hagsæld í framtíð-
inni.
Forsetinn sagði að nú væri heimur-
inn mun nær því takmarki að losna
algjörlega undan hættunni vegna
kjamorkuvopna og alræðishyggju-
stjórnarfars en hann var fyrir sjö
árum. Hann benti ennfremur á að
framgangur lýðræðishugsjónarinn-
ar hefði verið mikill á undanfömum
áratugum. Nefndi hann sem dæmi
að árið 1976 hefði einn þriðji íbúa
Suöur-Ameríku búið við lýðræöis-
fyrirkomulag en nú byggju yfir
níutíu prósent íbúa álfunnar við lýð-
ræði. Forsetinn skoraði á þingmenn
að samþykkja aukna aðstoð við
kontraskæruliðana og benti á að þaö
hefði verið andspyrna kontraskæru-
liðana sem hefði neytt hina komm-
únísku sandínista til að slaka örlítiö
á mannréttindabrotum sínum. Þess
vegna væri nauðsynlegt að styðja
áfram við bakið á kontraskæruliðun-
um.
Forsetinn minntist á þá nýju mögu-
leika sem nú eru í samskiptum
stórveldanna og hvatti þingheim til
að vinna áfram með sér að fram-
gangi þeirra mála.
Reagan gagnrýndi þingið harðlega
fyrir framgöngu þess við afgreiðslu
fjárlega. Sagði hann að nauðsynlega
þyrfti að gjörbreyta allri íjárlaga-
gerð. Hafði hann með sér í ræðupúlt
rúmlega þrjú þúsund blaðsíður eða
tuttugu kíló af breytingartillögum
sem þingið hafði gert við fjárlög for-
setans á síðasta ári. Reagan hvatti til
samvinnu milli þings og forseta um
fjárlagagerð svo að ekki yrði aftur
slíkt einskis nýtt pappírsfióð. Hann
hét þvi að ef hann fengi annan eins
bunka frá þinginu á þessu ári myndi
hann ekki skrifa undir fjárlög.
Forsetinn kom inn á menntamál,
fóstureyðingar og bænahald í skól-
um. Einnig nefndi hann sérstaklega
þann árangur sem náðst hefur í bar-
áttunni gegn eiturlyfjum. Þakkaði
hann Nancy, konu sinni, fyrir henn-
ar þátt í þeirri baráttu.
Forsetinn þurfti oft að gera hlé á
máli sínu vegna fagnaðarláta þing-
manna. Af undirtektum þeirra mætti
ætia að forsetanum yrði ekki skota-
skuld úr því að ná öllum sínum
málum fram í þinginu. Margir þing-
manna voru hins vegar einungis að
kveðja forsetann með klappi sínu.
Reagan virtist hinn hressasti í gær-
kvöldi og verður vonandi jafnhress
í dag þégar hann hittir forseta ís-
lands í Hvíta húsinu.
Umsjón:
Ingibjörg Bára Jónsdóttir og Halldór K. Valdimarsson
Mýr flokkur í Bretlandi
Valgerður Jóhannsdóttir.'DV, London;
Nýr stjórnmálaflokkur er nú í
burðarliðnum í Bretiandi eftir að
frjálslyndir samþykktu á flokks-
ráðstefnu, sem haldin var í Black-
pool um helgina, að sameinast
Sósíaldemókrataflokknum.
Á ráðstefnunni, sem var ein sú
fjölmennasta í sögu flokksins,
sögðu 2099 já við sameiningu en 385
sögðu nei. Úrslitin eru talin mikill
sigur fyrir David Steel, leiðtoga
Frjálslynda flokksins. Hann hefur
barist hart fyrir þessari samein-
ingu og sagt að öflugur miðjuflokk-
ur væri eina vonin til að losa Breta
við jámfrúna.
Sósíaldemókratar þinga um sam-
eininguna um næstu helgi og búast
flestir við jákvæðri niðurstöðu þar.
Umræður um sameiningu þessara
tveggja flokka hafa staðiö linnulítið
frá þingkosningunum í júní á síð-
asta ári.
Við lá aö upp úr slitnaði fyrir
nokkrum dögum er þingmenn
Frjálslynda flokksins höfnuðu
drögum að stefnuskrá hins nýja
flokks sem leiðtogar beggja flokka
höfðu sett saman. Einkum fóru fyr-
ir brjóstið á þingmönnunum tillög-
ur um að leggja söluskatt á
barnafót og fleiri vörur, sem verið
hafa undanteknar slíku hingað til,
og tillögur um uppsetningu Trident
kjarnaflauganna umdeildu. Fallið
var frá þessum áformum og nú
virðist sem frjálslyndir og sósíal-
demókratar séu á hraðri leiö í
hjónasængina.
Úrslitin í Blackpool um helgina
hafa ýtt undir vangaveltur um
hugsanlegan leiðtoga hins nýja
flokks. David Steel hefur ekki úti-
lokað að hann hafi áhuga á starfinu
en segist að svo komnu máli telja
ólíklegt að hann bjóði sig fram, nýr
flokkur þurfi nýjan leiðtoga.