Dagblaðið Vísir - DV - 19.04.1988, Page 4

4
ÞRIÐJUDAGUR 19. APRÍL 1988.
Fréttir
Væntanlegur niðurskurður hjá bandaríska vamariiðinu í Keflavík:
Islenskir starfsmenn
taki við af bandarískum
í fjárlögum, sem nú eru til með-
ferðar fyrir Bandaríkjaþingi, er gert
ráð fyrir 14 prósenta niðurskurði á
framlögum til ílotans. Þessi niður-
skurður var meðal annars til um-
íjöllunar á fundum Steingríms
Hermannssonar utanríkisráðherra
og bandarískra ráöamanna í Was-
hington fyrir helgi.
„Þessi niðurskurður var ræddur
ítarlega. Það er yfirlýst stefna ís-
lensku ríkisstjórnarinnar að draga
úr þenslu. Við getum því ekki kvart-
að þótt bandaríski herinn dragi hér
úr framkvæmdum. Ég lagði á það
áherslu að farið yrði eftir ákvæði í
samningum frá 1974 um að íslenskir
starfsmenn yrðu þjálfaðir til þess að
taka aö sér störf sem bandarískir
starfsmenn hafa sinnt, ef til niður-
skurðar kæmi. Því hefur veriö komið
til skila að það sé vilji okkar að
bandarískum starfsmönnum verði
sagt upp ef þeir kunni að þurfa að
grípa til uppsagna. Ég greindi Banda-
ríkjamönnum einnig frá vaxandi
fjölda klögumála sem hafa borist til
okkar hér í ráðuneytinu yegna þess
að íslenskir starfsmenn telja at-
vinnuöryggi sínu stefnt í hættu á
Keflavíkurflugvelli," sagði Stein-
grímur.
Gjaldeyristekjur íslendinga af
bandaríska hernum voru á síöasta
ári tæpir 5 milljarða króna. Ef 14
prósent niðurskurður kemur að fullu
til framkvæmda á Keflavíkurflug-
velli geta þessar tekjur því minnkað
um allt að 700 milijónir króna. Eru
þetta ekki váleg tíðindi í ljósi hins
mikla viðskiptahalla?
„Það getur orðið einhver samdrátt-
ur í tekjum okkar af varnarliðinu.
Við eigum hins vegar frekar aö líta
til jákvæðra áhrifa þessa niður-
skurðar á þensluna," sagði Stein-
grimur.
-gse
Olíumengun frá bandaríska hemum:
Herinn boigi
ný vatnsbol
- segir Steingrímur Hermannsson
Meðal þess sem Steingrímur Her- fyrir að herinn greiði 85 prósent af
mannsson utanríkisráðherra ræddi
um við bandaríska ráöamenn í
Washington fyrir helgi var olíu-
mengun frá svæði hersins á Kefla-
víkurflugvelli. í samtali viö DV, sagði
Steingrímur að hann hefði gert
Bandaríkjamönnum grein fyrir sam-
þykktum sveitarstjórna á Suðurnesj-
um þess efnis að þær teystu sér ekki
lengur til að taka vatn úr þeim vatns-
bólum sem nú væru notuð.
„í varnarsamningnum er gert ráð
því tjóni sem hann veldur. Eg greindi
þeim frá þeirri skoðun minni að ol-
íumengunin félli undir þetta ákvæði.
Þetta mál er ekki frágengið en ég tel
vist að Bandaríkjamenn muni taka
þátt í kostnaöi við gerð nýrra-vatns-
bóla. Hvort það verður að 85 prósent
hluta er enn ekki ljóst. Nú er verið
að gera heilbrigðisathugun á varnar-
liðssvæðinu öllu og við munum þurfa
að bíða eftir niðurstöðum hennar,"
sagði Steingrímur. -gse
JJtflutningsleyfín til Bandaríkjanna:
Óvíst um endumýjun
Nú er til athugunar í utanríkis-
ráðuneytinu hvort þau leyfi, sem Jón
Sigurðsson viðskiptaráðherra veitti
fimm fyrirtækjum til útflutnings á
fiskafurðum til Bandaríkjanna fyrir
síðustu jól, veröi endurnýjuð.
Jón veitti leyfin stuttu áður en ut-
anríkisviðskipti fluttust yfir í utan-
ríkisráðuneytið.
Að sögn Steingríms Hermannsson-
ar utanríkisráðherra hafa þessi mál
verið rædd á fundum með hags-
munaaðilum, en enn hafa þau ekki
komið til ákvörðunar. -gse
Grafið var ofan af olíuleiðslu banda-
ríska hersins til þess að finna lekann
sem mengaði vatnsból Njarðvík-
inga.
Alþýðubandalagið:
Gömlu verka-
lýðsforingjamir
úti í kuldanum
Á sunnudaginn var haldinn aðal-
fundur verkalýðsmálaráðs Al-
þýðubandalagsins og kosin stjórn
fyrir næsta ár. Það vekur athygli
að algeriega var stokkað upp i
stjórninni og þeir verkalýðsforingj-
ar, sem mest hefur borið á í flokkn-
um undanfarin ár, voru ekki
kjömir í stjórn, svo sem Ásmundur
Stefánsson, forseti Alþýðusam-
bandsins, Guðmundur Þ. Jónsson,
formaður Iðju, Þröstur Ólafsson,
ffamkvæmdastjóri Dagsbrúnar, og
Benedikt Davíösson, svo nokkrir
séu nefndir.
Formaður verkalýðsmálaráðsins
var kjörinn Bjöm Grétar Sveins-
son, formaöur Jökuls á Höfn í
Homafirði. Auk hans vora kosnir
í stjómina Valgerður Eiríksdóttir
kennari, Svanur Jóhannesson bók-
bindari, Páll Valdimarsson úr
Dagsbrún, Margrét Björasdóttir úr
Sókn, Grétar Þorsteinsson, form-
aður Trésmiðafélags Reykjavíkur,
Kristín Hjálmarsdóttir, formaður
Iðju á Akureyri, Jóhannes Gunn-
arsson, varaformaður Starfs-
mannafélags ríkisstofnana,
Gunnar Gunnarsson, fram-
kvæmdastjóri sama félags, Gísli
Ólafur Pétursson, GísE Már Gísla-
son, Bandalagi háskólamanna,
Elínbjörg Jónsdóttir úr Þorláks-
höfii, Elías Björnsson, formaður
Sjómannafélags Vestmannaeyja,
Bima Þóröardóttir og Anna Kristín
Sigurðardóttir úr félagi opinberra
starfsmanna á Suöurlandi.
-S.dór
í dag mælir Dagfari
Gróðinn af matarskattinum
Eins og Dagfari greindi frá í gær,
eru verslunarmenn ekki að fara í
verkfall vegna lágra launa. Þeir
hafa heldur ekki verið að fella
kjarasamningana vegna þess að
þeir séu óánægðir með vérkalýös-
forystuna sem skrifaði undir þessa
samninga. Nei, verslunarmenn eru
að fara í verkfall til að mótmæla
matarskattinum. Þetta sagði
Magnús L. Sveinsson, formaður
VR, um leið og búið var að telja
upp úr kössunum en Magnús er
þeirri gáfu gæddur að geta lesið þaö
af atkvæðaseðlunum hvers vegna
fólk greiðir atkvæði með jái eða
neii. Þetta eru mótmæli gegn mat-
arskattinum, sagði Magnús og svo
settu þeir fram nýjar kröfur upp á
lágmarkskaup, krónur fjörutíu og
tvö þúsund, til að eiga fyrir matar-
skattinum.
Allt væri þetta gott og blessað ef
ekki vildi svo til að í sama mund
og Magnús segir verslunarmenn
mótmæla matarskattinum stendur
Jón Baldvin fjármálaráðherra upp
í þinginu til aö upplýsa alþingi og
alþjóð um aö matarskatturinn sé
mesta og besta kjarabótin sem lág-
launafólk á íslandi hafi öðlast í
heilan mannsaldur. Matarskattur-
inn jafnar tekjumuninn, sagði Jón
Baldvin í þinginu og ekki fer á
milli mála að formaður Alþýðu-
flokksins telur matarskattinn vera
rós í hnappagatið fyrir jafnaðar-
stefnuna og þá baráttu sem
Alþýuflokkurinn heyr í þágu fá-
tæka fólksins.
Röksemdir Jóns Baldvins eru
þessar, ef marka má ræðuna sem
hann flutti og Morgunblaðið birti
honum til heiðurs:' Matarskatt
þurfa allir að borga, fátækir og rík-
ir. Ríkir eru fleiri en fátækir og
ríkir borða meir en fátækir af því
ríkir hafa efni á aö kaupa meir í
matinn en fátækir. Ergo: ríkir eyða
meiri peningum í matarskatt en
fátækir. Þessa peninga getur Jón
Baldvin tekið og aukið greiðslurn-
ar í barnabæturnar og trygging-
arnar til fátækra. Þetta hefði hann
ekki getað gert ef enginn matar-
skattur hefði verið lagður á. Þá
heföi maturinn að vísu verið ódýr-
ari sem matarskattinum nemur, en
af því að fátækir borða minna en
ríkir og hafa ekki eins mikla pen-
inga og ríkir til að kaupa í matinn
þá tapa fátækir á því að maturinn
sé skattlaus. Þeir græða sem sagt
minna á að hafa ekki skatt heldur
en hafa skatta og það er jú mergur-
inn málsins.
Röksemdir fiármálaráðherrans
eru pottþéttar og auöskildar þegar
að er gáð. Hækkunin á matvörun-
um sem nemur matarskattinum er
til mikillar blessunar fyrir lág-
launafólkið og er í rauninni aldeilis
furöulegur misskilningur, sem
komið hefur upp meðal lands-
manna, að þessi matarskattur sé
íþyngjandi. Þvert á móti ætti lág-
launafólkið að gleöjast yfir því að
fá að borga matarskattinn því
þannig eru kjör þeirra bætt með
hverri krónunni sem bætist viö
vöruveröið í formi matarskatts.
Verkalýðshreyfingin á að samein-
ast um þá kröfu að matarskattur-
inn verði hækkaður verulega, í
stað þess að mótmæla þessúm
skatti og fara jafnvel í verkfall
vegna hans.
Hins vegar er ekkert á móti' því
aö verslunarmenn og aðrar lág-
launastéttir í landinu fari í verkfall
til að fá kaupið bætt, til aö eiga
fyrir matarskattinum, því auðvitað
verða menn aö eiga fyrir kjarabót-
unum til að þær komi að gagni. Það
sem Magnús L. Sveinsson hefur átt
við, þegar hann kvaö verslunar-
menn hafa verið að mótmæla
matarskattinum, er auðvitað hitt
aö þeir hafa verið að mótmæla
hvaö matarskatturinn er lágur.
Þetta fattaði enginn nema Magnús
og nokkrir forystumenn í verka-
lýðsforystu verslunarmanna og nú
hafa þeir sameinast um þá kröfu
að hækka kaupið til að eiga fyrir
matarskattinum til að þeir geti
grætt meira í samræmi við jafnaö-
arstefnuna hjá Jóni Baldvin.
Ekki verður annað séð en Al-
þýðuflokkurinn hljóti að styðja
kröfu verslunarmanna um lág-
markslaun. Því hærri lágmarks-
laun því meira má hækka
matarskattinn og því meira getur
fólk keypt inn í matinn og því meira
græðir láglaunafólkiö á matar-
skattinum sem það greiðir. Versl-
unarmenn eiga að sameinast með
krötunum undir slagoröinu:
Hækkum matarskattinn og bætum
kjörin.
Þá mun verkfallið bera árangurl
Dagfari