Dagblaðið Vísir - DV - 27.09.1988, Blaðsíða 4

Dagblaðið Vísir - DV - 27.09.1988, Blaðsíða 4
ÞRIDJUDAGUR 27. SEPTEMBER 1988. Stjórnmál Hér ritar Albert Guömundsson nafn sitt í gestabók á skrifstofu Forseta ís- lands í stjómarráðinu en það gerðu talsmenn allra stjómmálaflokkanna eftir fundi sína með forseta í gær. DV-mynd GVA Óvíst um stuðning Stefáns Valgeirssonar: Krefst ráðuneyt- is fyrir stuðning Stefán Valgeirsson, þingmaður Samtaka jafnréttis og félagshyggju, segist nú binda stuðning sinn við rík- isstjórnarsamstarf Alþýðuflokks, Framsóknarflokks og Alþýðubanda- lags við það að hann fái ráðherra- stól. Sama eigi við ef hann eigi að styðja einhverja minnihlutastjórn. „Hverjum dettur í hug, sem vit hefur á pólitík, að ég fari að styðja þessa flokka til verka í ríkisstjórn án þess að hafa áhrif á mál strax í ríkisstjórn. Við viljum ekki þurfa að standa alltaf frammi fyrir gerðum hlut og þurfa annað hvort að fella ríkisstjórnina eða veita samþykki," sagði Stefán. Hann segir að alltaf hafi legið fyrir að hann og hans menn vildu fá ráðu- neyti. Stefán sagði að hann hefði lengst af hugsað sér að annar maður á lista hans, sr. Pétur Þórarinsson, tæki að sér ráðherraembættið en hann væri því miður veikur. Því krefðust hans stuðningsmenn að Stefán sjálfur tæki stólinn. Stefán ræddi í gær við þá Pál Pét- ursson, formann þingflokks Fram- sóknarmanna, og Halldór Ásgríms- son sjávarútvegsráðherra. En engin niðurstaða fékkst á þeim fundum enda sagði Stefán að hans afstaða væri skýr: „Þeir verða að taka mig inn, nauð- ugir viljugir, ef þeir vilja minn stuðn- ing." Stefán sagði að ummæli Jóns Baldvins Hannibalssonar, um að aldrei kæmi til greina að hann fengi ráðherraembætti, hefðu vissulega hleypt illu blóði í sig. Sérstaklega hefði honum komið á óvart þau um- mæli Jóns Baldvins að Framsóknar- fiokkurinn hefði aldrei ljáð máls á þessu. Því sagði Stefán að honum þætti líklegast, eins og komið væri, að kosningar yrðu fljótlega en minni- hlutastjórn Framsóknar og Alþýðu- flokks tæki við þar til. -SMJ Aðalheiður Bjarnfreðsdóttir: Hef ekki enn gert upp hug minn „Það er vissulega erfið samvisku- spuming sem ég mun gera upp við mig á sínum tíma," sagði Aðalheiður Bjarnfreðsdóttir, þingmaður Borg- araflokksins, þegar hún var spurð hvort hún mundi veita stjórn Stein- gríms Hermannssonar, sem unnið hefur verið að undanfarna daga, full- tingi sitt. Nafn Aðalheiðar hefur sífellt skotið upp kollinum þegar hugsanlegir stuðningsmenn við stjórnarmynstur Steingríms hafa verið nefndir. Hún hefur sjálf margoft sagt að hún geti ekki hugsað sér sjórnarsamstarf með núverandi forystu Sjálfstæðisflokks- ins og þá hefur hún áður sagt hér í DV að hún geti vel hugsað sér að styðja stjórn þessa til „góðra verka". - En hefur Aðalheiður átt viðræður við Steingrím eða einhvern sem að þessu stjórnarmynstri vinnur? „Þessa dagana tala allir við alla en ég get ekkert sagt til um við hverja ég ræði." -SMJ Kvennaiistinn fundaði með krötum Kvennalistakonur funduðu með fulltrúum Alþýðuflokksins í gær eft- ir að ljóst var að forsetinn haföi geflð umboðið til srjórnarmyndunar frjálst. Það voru þeir Jón Baldvin Hannibalsson, Jón Sigurðsson og Jóhanna Sigurðardóttir sem sátu fundinn með kvennalistakonum. Að sögn Krístínar Halldórsdóttur, þing- konu Kvennahstans, þá fékkst engin niðurstaða á fundinum - meðal ann- ars vegna þess að Kvennalistinn heldur fast í þá kröfu sína að samn- ingsrétturinn verði virtur og launin verði ekki fryst. Eitt af því sem var rætt var hugsan- legt hlutleysi, eða stuðningur, Kvennahstans gagnvart minnihluta- stjórn Alþýðuflokks og Framsóknar- flokks. Ekki fékkst nein niðurstaða vegna þess máls. Að sögn Kristínar þá hafa þær kvennalistakonur sann- færst enn betur um réttmætí þeirrar skoðunar sinnar að nauðsynlegt sé að kjósa sem fyrst eftír atburði und- anfarinna daga. -SMJ I dag mælir Dagfari Bogdan í stjórnarráðið Það þarf sterkar taugar til að þola þessar nætur og þessa daga. Menn vaka fram á nætur við að horfa á ólympíubölið í beinni út- sendingu og það á jafnt við um þá sem áhuga hafa á íþróttum sem og þá sem hafa beinlínis andstyggð á þessu sprikh en teh'a sig tilneydda að fylgjast með þó ekki væri nema til að fá eithvað uppí afnotagjöldin. Eftir að hafa getað fieygt sér í skamma stund er svo mál að vakna og staulast til daglegra starfa og þá tekur ekki betra viö. Srjórnar- myndunarkeppnin er í fullum gangi. Steingrímur vann fyrri hálf- leik um daginn en glutraði svo öhu niður í síðari hálfleik og kenndi samherjunum um að ekki tókst að skora, þeir aftur á móti vildu halda því fram að Steingrímur hefði spil- að báðum megin á velhnum og ýmist verið með eða móti því hði sem var smalað saman í leikinn. Nú, þetta stóö yfir í nokkra daga þar til Steingrímur gafst upp og fór til dómarans og sagðist vera hættur og samherjar hans sögðust líka vera hættir því fyrirlið.inn hefði haft rangt við. Dómarinn sá að við svo búið mátti ekki standa því stjórnarkeppninni var ekki lokið. Því var kallað á Þorstein sem hafði einmitt verið fyrirliði í því liði sem Steingrímur spilaði með og móti í liðlega eitt ár. Þorsteinn var hóf- lega bjartsýnn á að sér tækist að skrapa saman í frambærilegt landshð því í Ijós hefur komið mik- ill félagarígur og flokkadrættir inn- an þeirra sérsambanda sem eiga að mynda landsliðið. Og það leið ekki á löngu þar til í ljós kom að menn vildu ekki fyrir nokkurn mun lúta forystu Þorsteins og báru ýmsu við. Kom fyrir ekki þótt Þor- steinn benti á aö hann hefði nú setið í forsæti fyrir sérsambandi þriggja glímufélaga og þeir hefðu aðeins stundaö innbyrðis ghmu- keppni en ekkert verið að abbast uppá þau félög sem staðið höfðu utan stjórnar. Auk þess hefði oftas't verið um að ræöa bræðrabyltu þeirra þriggja þar til sá færasti í glímunni hefði stokkið út úr hringnum og dregið félaga sinn með sér. Töldu viðmælendur Þor- steins að þeir hefðu ekkert við þann að tala sem setið hefði eftir með sárt ennið. Þorsteinn hafði ætlað sér uppí sólarhring til viðræðna við sérsambóndin, sem sum eru skipuð einum einstaklingi, ónnur sem hafa það að markmiði að fá starf í utanríkisráðuneytinu og enn önn- ur berjast fyrir því að fá að starfa utan stjórnar. Það tók Þorstein ekki nema nokkrar klukkustundir að komast að raun um að hann fengi engan með sér í landsliðið. Kann þar nokkru hafa ráðið að Einari gekk illa í spjótkastinu á ÓL og handboltaliðið er heillum horfið. í framhaldi af þessu sté Þorsteinn upp í rennireið sína og hélt á fund aðaldómara og sagðist ekki koma nálægt þessu lengur. En það var ekki löngu síðar sem athugulir vegfafendur er leið áttu framhjá opinberri byggingu þótt- ust heyra sungið tvíraddað hárri röddu: „Við látum hendur standa fram úr ermum, við látum hendur standa fram úr ermum og ekkert þras..." Menn sem eru lausir við að hafa tóneyra þóttust þar kenna raddir þeirra Steingríms Hermannssonar og Jóns Baldvins en einstaka mað- ur taldi að Ólafur Ragnar úaði und- ir eins og alltaf er gert þegar popp- söngvarar láta til sín heyra. Af þessu telja sumir ekki ólíklegt að þeir Steingrímur og Jón Baldvin muni leiðast hönd í hönd á fund dómarans en Ólafur Ragnar hafi það hlutverk að halda uppi brúðar- slóðanum. Hins vegar muni Stefán Valgeirsson verða á gægjum bak við næsta húshorn. En ef þetta ætlar allt að bregðast er ekki um annað að ræða en fá Bogdan til að velja landsliðið og annast þjálfun þess. Dagfari.

x

Dagblaðið Vísir - DV

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Dagblaðið Vísir - DV
https://timarit.is/publication/255

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.