Dagblaðið Vísir - DV - 16.01.1990, Blaðsíða 12

12
ÞRIÐJUDAGUR 16. JANÚAR 1990.
Spumingin
Lesendur
Hvað borðar þú
í morgunmat?
Ingigerður Sigurgeirsdóttir rann-
sóknarmaður: Eg borða engan morg-
unmat, ég læt duga að fá mér qitt
vatnsglas. Það er alveg nóg.
Þorsteinn Árnason sölumaður: Égfæ
mér fleytifullan disk af Cheerios eða
einhverju svipuðu korni. Það er besti
morgunmaturinn.
Cheo Cruz listamaður: Ég læt kaffi
og ristaða brauðsneið duga sem
morgunmat á virkum dögum en held
veislu á morgnana á sunnudögum.
Sigurður H. Einarsson vélskólanemi:
Ég fæ mér komflögur, mjólk og ban-
ana. Það er áríðandi að borða hollan
og staðgóðan morgunmat.
Jóhannes Björgvinsson ríkisstarfs-
maður: Ég fæ mér ávexti og kaffi-
bolla. Ég reyni alltaf að borða hollan
morgunmat síðan ég sleppti sígarett-
unum.
Aðalgeir Kristjánsson ó eftirlaunum:
Ég fæ mér lýsi, trópíkana, mjólk,
kaffi, rúgbrauðssneið og kexköku.
Verðhækkun
á brauðum
Dóra hringdi:
Nú er allt að fara úr böndunum
eina ferðina enn í verðlagsmálunum.
Það er eins og við manninn mælt,
að þegar sérstaklega er talað um og
lofað að nú eigi að framkvæma sérs-
takt aðhald í verðlagsmálum þá
keyrir fyrst um þverbak.
Og Verðlagsstofnun segir blákalt
að hún hafi ekki gert neinar athuga-
semdir við þaö að t.d. bakaríin hafa
hækkað verð á brauðum, jafnvel þótt
það sé allt að 10%! Það er ekki nóg
að gera kannanir og birta þær opin-
berlega. Við neytendur erum alveg
jafnnær. - Ef verð á ekki að hækka
þá á það ekki að hækka. Svona ein-
falt er það.
Engar kauphækkanir hafa oröið
hjá launþegum nýlega og því geta
ekki átt að eiga sér stað verðhækkan-
ir heldur. í frétt, einmitt um hækkan-
ir á brauðum, kemur fram að-Verð-
lagsstofnun hafi borist nokkuð af
athugasemdum frá almenningi
vegna verðhækkana af ýmsu tagi
sem áttu sér stað um áramótin. - En
stofnunin hefur ekki séð óstæðu til
að gera athugasemdir vegna þeirra
hækkana!
Er þá ekki öldungis ástæðulaust
fyrir almenning að vera að gera at-
hugasemdir yfirleitt? En hver var að
biðja um athugsemdir? Ráöamenn
þjóðarinnar sjálfir. Þeir voru að
hvetja fólk til að fylgjast með verð-
hækkunum í verslunum. - Er bara
ekki allt orðið marklaust sem tii okk-
ar er beint frá yfirvöldum? Ég get
ekki fundiö annað.
Eitt er það þó sem fólk GETUR
GERT. Það er að taka sig saman og
spara - kaupa ekki nema það allra
nauðsynlegasta, segjum í einn mán-
uð, allra minnsta skammt af hverju
og einu, matvælum, bensíni, hætta
að fara á veitingahús, o.s.frv. - Skyldi
ekki kveða við annan tón þegar ríkis-
kassinn fær ekki inn „vaskinn“ sinn
og öll aukagjöldin!
Jólin mín að Hrauni
Fangi ’89 skrifar:
Desember hófst og síðan leið og
beið. Jólin runnu hægt af stað úr
viðtækinu sem stendur í glugganum
í litla klefanum mínum. Sjónvarpið
sýndi mér skrautbúna borgina. -
Stígandin jókst dag frá degi og hugur
minn leitar aftur í tímann og stað-
næmdist við stöku jól í fortíöinni.
Desemberdagarnir liðu einn af öðr-
um, sums staðar glumdu jólalög, en
hjá öðrum réð rokkiö ríkjum. Húsið
var þrifið eins og vera ber og dansk-
ur maður sá um skreytinguna.
Mennirnir í bláu fótunum voru bros-
mildari - og skatan var fín. Á eftir
skötunni fékk ég svo gesti í heimsókn
og við héldum hér litlu jólin saman,
móðir mín og ég.
Síðan rann upp aðfangadagur jóla
og jólagjöfum var úthlutað til allra
frá ýmsum félögum og einstakling-
um svo sem þeim Jóhanni og Láru
(en þau góðu hjón koma hér oft og
veita mér og vonandi fleirum kær-
leiksstund). Hafi þau guðsþökk fyrir.
Ég bið oft fyrir þeim. - Einnig gjafir
frá Vemd, Samhjálp og fleirum.
Aftansöngur var haldihn í setu-
stofu með hugljúfum orgelleik og
messu fangaprestsins. Voru þar
mættir 25 vistmenn, sem hlýtur að
teljast heimsmet, miðað viö höfða-
tölu. - Nema þeir geri betur í Vatík-
aninu en þá er ekki leiðum að líkjast.
Borðaö var kl. 17. Kokkurinn var
með fína húfu og góðan mat. Stúlk-
umar í eldhúsinu búnar að skreyta
matsalinn með jóladúkum og lifandi
ljósum og allir fengu maltöl eins og
þeir gátu í sig látiö. Fór ég síðari upp
í klefa eftir mat en þar var ég búinn
að setja upp litla grenihríslu og raða
gjöfunum við hana. Kerti logaði og
hátíðarmessa hljómaði úr viötækinu.
í pökkunum leyndist ýmislegt, svo
sem falleg ljóðabók um ástina, lítill
kross sem fékk stað uppi á sjón-
varpinu, og kristileg hljómplata meö
mynd af Jesú sem ég stillti upp við
inniloftnetið. - Þannig hef ég nú lítið
altari í sjónvarpsstað. Ég lét þijú lít-
il kerti loga þar og lýsa jólin til mín.
- Ég átó gleðileg jól með Kristi. Ég
sendi þakklæti til ykkar sem senduð
mér veraldlegar gjafir og líka til
þeirra sem sendu hugskeyti mér og
okkur til handa. Það skilaði sér til
mín og það sama vona ég fyrir hönd
samfanga minna. - Bestu nýársóskir.
Já, þau komu líka á Litla-Hraun, jólin.
Bankaráöskosningin:
Skora á
Kvenna-
listann
Magnús hringdi:
Mér finnst þeir fara illa að ráði sínu
sem eru að tala um að nýkosinn full-
trúi Kvennalistans í bankaráð
Landsbankans þurfi að víkja vegna
þess aö konan sem kosin var sé starf-
andi hjá verðbréfafyrirtæki. - Hvar
starfa hinir aðilarnir sem eru í
bankaráðunum? Eru þeir ekki vítt
og breitt um þjóöfélagið? Einn í
ferðabransanum, annar með endur-
skoðun og svo mætti lengi telja. Ég
sé ekki neitt að þessu.
Er þá bankaráðsmönnum ekki bet-
ur treystandi en svo að þeim sé ætl-
andi að bera vitneskju á milli fyrir-
tækja ef þeir eru starfandi við fjár-
mála- eða viðskiptalega umsýslu ein-
hvers staðar í landinu? - Mér þykir
þetta eindæma héraháttur og skrípa-
leikur að biðja um álitsgerðir héðan
og þaðan til að „sannreyna" eins og
það er kallað hvort fulltrúa Kvenna-
listans sé sætt í einu bankaráði?
Ég skora á Kvennalistann að láta
ekki deigan síga fyrir forsetum Al-
þingis, skrifstofustjóra þess og laga-
prófessor í Háskólanum. Allir þessir
aðilar eru hugsanlega fyrirfram til-
búnir aö dæma kosningu kvenna-
listafulltrúans í bankaráð ógilda. Það
er a.m.k. mitt mat. - Þetta á ekki að
vera og er ekki það stórmál sem sum-
ir vilja vera láta og horfa svo fram
hjá öðrum stærri málum innan ríkis-
bankanna eins og ekkert sé.
Um póst-
þjónustu í
Kópavogi
Kópavogsbúi skrifar:
Mér finnst póstþjónustu hér í
Kópavogi hafa hrakað mjög. Nú var
t.d. enginn póstur borinn út frá föstu-
deginum 5. jan. til a.m.k. 10. jan. sl.
Ástæðan er sögð aö veður hafi verið
svo vont., - Þó var mjög skaplegt veð-
ur á þriðjudeginum enda póstur bor-
inn út annars staðar á höfuðborgar-
svæðinu.
Póstur var heldur ekki flokkaður á
pósthúsinu þannig að fólk gæti þá
sjálft nálgast hann þar.
Almennt er útburður á pósti mjög
lélegur og er mjög algengt aö póstur
berist ekki fyrr en eftir kl. 16, þ.e.
eftir lokun allra banka og opinberra
skrifstofa og er það oft bagalegt. -
Ég vil taka fram að áður hafa birst
blaðaskrif um slæman póstútburð í
Kópavogi svo að ég er ekki einn um
þessa skoðun.
Hringid í síma
eða skrifið
ATH.: Nafn og sími
verður að fylgja
bréfum.
áskilur sér rétt til aö
stytta bréf og símtöl
sembirtastáles-
endasíðum blaðsins.