Dagblaðið Vísir - DV - 20.03.1990, Qupperneq 23

ÞRIÐJUDAGUR 20. MARS 1990.
23
Menning
Astandið
Leiklistarfélagiö Aristofanes í Fjölbrauta-
skólanum í Breiðholti tímasetti frumsýningu
sína á leikritinu Hlaupvídd sex eftir Sigurð
Pálsson einkar vel. Einmitt þegar kynning á
frumuppfærslu Borgarleikhússins á nýju
leikriti Sigurðar stóð sem hæst í fjölmiðlum
fleyttu FB-ingar sýningum af stað og njóta
væntanlega góðs af umfjölluninni um Hótel
Þingvelli, svona í og með.
Hlaupvídd sex er eitt af fyrstu verkum Sig-
urðar, samið á sínum tíma fyrir Nemenda-
leikhúsið og sýnt þar árið 1978. Þetta er
stríðsárakróníka með tónlistarívafl og
seinna hafa verk eins og Land míns fóður
(um stríðsárin) eftir Kjartan Ragnarsson og
Síldin kemur og síldin fer (um síldarárin)
eftir þær Kristínu og Iðunni Steinsdætur
verið byggð upp á svipaðan hátt.
Leikritið byrjar reyndar fyrir stríð, í sól-
inni á Siglufirði. Þar er sælt að vera fátækur
og salta síld myrkranna á milli. Síldarstúlk-
urnar eru viðs vegar að og þarna eru kynnt-
ar til sögu nokkrar persónur, bæði heima-
fólk og aðkomnir. Síðan er fylgst með þeim
og afdrifum þeirra í hringiðu borgarlífsins
þar sem hernám og von um skjótfenginn
stríðsgróða byltir við hefðbundnu gildismati
og ruglar alla í ríminu.
Það eru fyrst og fremst ungu stúlkumar
og örlög þeirra sem höfundi eru hugstæðar,
karlarnir em yfirleitt ósköp aumlegir og lít-
ils virði. En það er líka verðugt viðfangsefni
að skoða hvemig staða kvenna breyttist á
þessum árum.
í Hlaupvídd sex er að vísu tekið heldur
létt á efninu og skemmtanagildi verksins er
alltaf í fyrirrúmi þó að undirtónninn sé í
hæsta máta alvarlegur.
Pétur Eggerz, sem sjálfur lék á sínum tíma
í skólasýningum í FB, er leikstjóri. Hann
ofætlar óvönum leikendum ekki og leggur
mest upp úr því að ná góðum og samfelldum
heildarsvip. Leikmyndin er unnin í sam-
vinnu nokkurra nemenda og hentar vel
þannig að umhverfisbreytingar á milli
stuttra atriða ganga greiðlega. Búningarnir
eru í stíl stríðsáranna og töluvert í þá borið.
Athyglin beinist fyrst og fremst að stúlkun-
um, eins og fyrr sagði.
Ein þeirra er Katrín. Hún stefnir hátt og
Leiklist
Auður Eydal
ætlar sér frægð og frama sem söngkona og
skemmtikraftur en kemst að vísu aldrei
lengra en að skemmta hermönnum í annars
flokks kátínuhúsi í Reykjavík. Eva Heiða
Önnudóttir var röggsöm í hlutverkinu og
sýndi ágæta takta. Vinkona hennar er Vil-
borg, dóttir Brímdalshjóna, sem teljast til
„betri borgara" í bænum. En Vilborg á lítið
athvarf hjá þeim þegar á reynir og lendir í
stússi í krihgum hermenn eins og fleiri. Ás-
dís Björk Jónsdóttir var sæt og pen en fulllit-
laus í hlutverkinu.
Karen Bárudóttir leikur frú Brímdal, erfitt
hlutverk þar sem frúin er kófdrukkin alla.
daga og auðvelt að ofleika. Gervið var fyrir-
taksgott og Karen fór langt með að koma til
skila lífsleiða og sársauka konunnar. Og
söngur Kötlu var reglulega vel fluttur.
Eiginmaðurinn Ketill er afspyrnu ógeð-
felldur til orðs og æðis. Stefán Árni Þorgeirs-
son náði ekki til fullnustu að gera úr honum
mikið meira en heldur aumkunarverðan lít-
inn kall.
. Svava Helga Carlsen náði eftirtektarverð-
um tökum á hlutverki Ellu en þaö hlutverk
Höfundurinn: Sigurður Pálsson.
ber í sér meira inntak en mörg hinna. Og
Jóhann G. Jóhannsson skopgerði Hitler með
ágætum. Þær Áslaug Skúladóttir og Stein-
unn Stefánsdóttir leika tvær af stúlkunum
sem lenda í ástandinu og margir fleiri koma
við sögu. Tónlist Sigurðar Bjólu er flutt af
hljómsveit á sviðinu og lífgar mikið upp á
þessa laufléttu stríðsáraúttekt þeirra Breið-
hyltinga og Sigurðar Pálssonar.
Leiklistarfélagið Aristofanes, Fjölbrautaskólanum
i Breiöholti, sýnir:
HLAUPVÍDD SEX
Höfundur: Siguröur Pálsson
Leikstjóri: Pétur Eggerz
Leikmynd: Anna Bryndis Óskarsdóttir, Rannveig
Kristjánsdóttir, Sigriður Erna Guðmundsdóttir og
Katrin Þórey Þórðardóttir
Um búninga sjá: Anna Sigrún Baldursdóttir, Ragn-
heiður Magnúsdóttir og Vala Karen Guðmunds-
dóttir
Tónlist: Sigurður Bjóla
Útsetning: Hörður Bragason
Lýsing: Páll Ólafsson
-AE
Fulltrúaráð Alþýðuflokksfélaganna Samtök um Nýjan vettvang
í Reykjavík
Lyðræði gegn flokksræði!
OPIÐ PRÓFKJÖR
Samtök um Nýjan vettvang og fulltrúaráð Alþýðuflokksfélaganna í Reykjavík hafa gert með sér samkomulag um
að efna til opins prófkjörs vegna borgarstjórnarkosninganna 26. maí n.k. Prófkjörið mun fara fram
dagana 7.-8. apríl n.k. og verður nánar auglýst síðar.
____Athygli skal vakin á því að önnur samtökf stjórnmálaflokkar og einstaklingar_
________sem samþykkja fyrirliggjandi málefnagrundvöll og prófkjörsreglur_________
geta gerst aðilar að framboðinu.
Prófkjörsreglur
Þau samtök, sem að framboði þessu standa skulu skipa sjö manns í kjörstjórn og
velur hún sér formann.
Kjörstjórn ákveður framboðsfrest og kjördag og annast útvegun kjörgagna og fram-
kvæmd prófkjörsins samkvaemt prófkjörsreglum þessum og almennum kosninga-
lögum.
Kjörgengir til prófkjörs eru allir sem kosningarétt hafa til borgarstjórnarkosninganna
1990 og undirrita yfirlýsingu um að þeir styðji málefnagrundvöll framboðsins.
Kosningarétt íprófkjörinu hafa allir sem kosningarétt hafa til borgarstjórnar 1990 og
styðja framboðið.
Hverju framboði skulu fylgja meðmæli minnst 30 og mest GO þeirra, sem kosninga-
rétt hafa til borgarstjórnarkosninga 1990.
Kjörstjórn skal útbúa meðmælendalista og afhenda þá frambjóðendum, eftir að þeir
hafa undirritað yfirlýsingu um stuðning við verkefnaskrá og ákvæði um ákvarðana-
töku og pólitískt sjálfstæði framboðsins. Á meðmælendalistum skal vera nafn fram-
Framboðsfrestur vegna prófkjörs rennur út 31. mars 1990. Gögn og nánari upp lýsingar um prófkjörið fást á skrif-
stofu Samtaka um Nýjan vettvang, Hafnarstrœti 5, 3. hæð, 101 Reykjavík. Sími 625237, 625239. Pósthólf 444, 121
Reykjavík, og á skrifstofu fulltrúaráðs Alþýðuflokksfélaganna, Hverfisgötu 8—10, sími 15020.
Samtök um Nýjan vettvang „ ., Fulltrúaráð Alþýðuflokksfélaganna
Kjorstjorn , Reykjavík
bjóðandans og viljayfirlýsing meðmælenda um að þeir séu reiðubúnir að styðja
framboðið.
Á prófkjörsseðli skal frambjóðanda heimilt að nota titil.
Kjósa á með númerum í átta sæti (1.—8). Atkvæðaseðill er ógildur sé kosið i færri
en fimm sæti.
Frambjóðendur hafa heimild til að ákveða hvað ofarlega þeir vilja taka sæti á fram-
boðslistanum, t.d. 1—8. sæti, 2., 3., 4.-8. sæti o.s.frv. Telja skal atkvæði greidd iefri
sæti með atkvæðum frambjóðenda í neðri sæti. Sé frambjóðanda greitt atkvæði í
sæti ofar en það, sem hann hefur boðið sig fram til, þá skal telja það með atkvæðum
i efsta sæti hans.
Einfaldur meirihluti atkvæða ræður röðun í átta efstu sæti listans.
Á tta efstu frambjóðendur, sem kjörnir eru samkvæmt ofanspgðu, mynda síðan upp-
stillingarnefnd fyrir listann ásamt þremur fulltrúum frá þeim samtökum sem að
framboðinu munu standa.