Dagblaðið Vísir - DV - 02.02.1991, Page 12

12
LAUGARDAGUR 2. FEBRÚAR 1991.
Sælkerinn
Þorskhrogn eru úrvalsmatur sem má matreiða á ótal vegu.
Hrogn
Nú eru hrognin komin í fisk-
búðirnar. Loksins - hugsa margir
því að þorskhrognin eru góðmeti
sem tilheyra þessum árstíma. Fyrr
á tímum borðaði fólk fisk, hrogn
og lifur á meðan á vertíð stóð. Lifr-
in er ekki eins vinsæl og hún var,
frekar en annað feitmeti. Matreiða
má hrogn á ýmsa vegu en óþarfi
er að krydda þau mikið því að það
er jú bragðið af hrognunum sem
við erum að sækjast eftir. Áöur en
hrognin eru soðin er gott að vefja
þau inn í álpappír eða plastfilmu.
Sjóðið hrognin í miklu vatni. Hér
koma nokkrar hugmyndir að mat-
reiðslu á hrognum. Lítri af vatni
er settur í pott ásamt söxuðu búnti
af dilli og hálfum lauk, skornum í
sneiðar. Bætið í pottinn 1 msk. af
grófu salti og 12 hvítum piparkorn-
um. Sjóðið löginn kröftuglega í 5
mín. Þá eru 300 til 500 g af hrognum
soðin í leginum og þau látin kólna
í soðinu. Best er að geyma hrognin
í leginUm á köldum stað í sólar-
hring. Blandiö saman 1 dl af sýrð-
um rjóma, 'A dl af majonesi, 1 msk.
sítrónusafa og 2 msk. af söxuðu
dilli. Hrognin eru skorin í sneiðar
og borin fram með sósunni og góðu
brauði. Þetta er ljúffengur réttur
sem t.d. má bjóða sem forrétt. í
þessum rétti eru hrogn soöin í salt-
vatni og þau látin kólna í soðinu.
Hrognin eru síðan skorin í 3ja cm
þykkar sneiðar og þeim raðað í eld-
fast fat. Setjið um 'A tsk. af góðu
hvítlaukssmjöri á hverja hrogna-
sneið. Blandið síðan saman brauð-
raspi og saxaðri steinselju og þess-
ari blöndu er sáldrað yfir hrognin.
Fatið með hrognasneiðunum er þá
glóðarsteikt þar til þau eru fallega
brún. Gott er að hafa soðin hrís-
grjón með þessu rétti og soðið
spergilkál. Hér kemur svo að lok-
um uppskrift að rétti sem gott er
að nota ofan á brauð. Hrognin eru
soðin í saltvatni og látin kólna í
soðinu. Blandið saman lög sem í
er: 1 hluti matarolía, 'A hluti rauð-
vínsedik og kryddið löginn með
muldu lárviðarlaufi, hvítlauks-
salti, karríi og svörtum pipar.
Hrognin eru skorin í sneiðar og
höfð í leginum ekki skemur en 12
klukkutíma, helst sólarhring.
Skerið tómata í sneiðar og raðið
þeim og hrognasneiðunum á víxl á
brauðiö. Gott er að sáldra graslauk
yfir. Mjög vel passar að drekka
rauðvín með þessum bragðmikla
rétti, nú eða þá bjór. Það er gott
að heitreykja hrogn og einnig að
blanda útvötnuðum söltuðum
hrognum út í sósur og olíur. Mögu-
leikarnir eru ótalmargir og það er
um að gera að prófa sig áfram.
Enda er nú rétti tíminn.
Sumarhús
með greiðslukjörum
Nú er rétti tíminn til að panta sumarhús fyrir næsta vor. Smíðum flestar gerðir og
stærðir með eða án svefnlofts. Afgreiðum húsin á mismunandi byggingastigum,
allt frá fokheldu til þess að vera fullbúin.
Nú bjóðast greiðslukjör við allra hæfi til 2-5 ára fyrir allt að helmingi kaupverðs.
Hringið og kynnið ykkur málið nánar. Bæklingar fyrirliggjandi. Gerum tilboð að
kostnaðarlausu.
SAMTAKf 0
HUSEININGAR LJ
-7 . OU 'JU-! 1. .. -,CLQ,»"hflal11'r W - Slml 98-22333 (
Pilsner Urquell
sa eim sanni
Bjóræðið virðist nú vera að renna
áf landsmönnum enda bjór það dýr
hér á landi að hann verður að teljast
munaðarvara. ÁTVR hefur staðið sig
vel í bjórmálunum. í verslunum
ÁTVR er orðið ágætt úrval af bjór
enda þótt bjórunnendur sakni góðs
munkabjórs frá Belgíu. Sumar
bjórkrár hafa á boðstólum allar þær
tegundir af bjór sem hingað eru flutt-
ar inn. Ein er sú bjórtegund sem
vert er að vekja athygli á og það er
tékkneski bjórinn Pilsner Urquell. í
hartnær 200 ár hefur þessi bjór verið
bruggaður í bænum Plzen vestur af
Prag. Bruggunin byggist á 1000 ára
gamalli hefð, upprunninni frá
Egyptalandi. Bruggverksmiðjan er
að mestu neðanjarðar og hefur það
hklegast bjargað henni frá hörmung-
um stríðsins. Eldur og vatn eru lyk-
ilhnn að leyndardómum Pilsners
Urquell. Notað er.vatn með mjög litl-
um steinefnum. Lögurinn er svo hit-
aður upp með gasi, áður með kola-
eldi. Notuð er sérstök tegund af
humli sem gerir ölið sérkennilega
beiskt. Bjórinn er gerður úr vatni,
komi, humlum og geri og hann lát-
inn gerjast 11 klukkutíma. Þar á eftir
er hann látinn eftirgerjast við 4 gráða
hita í 12 daga. Þá er öhð geymt í 75
daga þar til það er síað. Bjórinn er
síðan geymdur í stórum eikartunn-
um sem fóðraðar eru með beyki.
Ámumar er geymdar í bjórkjöllur-
um undir brugghúsinu en gangarnir
í bjórkjallara verksmiðjunnar eru 8,5
km að lengd. Þegar Phsner Urqueh
er hellt í glas loðir hann við glerið
og af honum er sterkur ilmur af
humlum. Hann er frekar þurr á
bragðið og líkist víni á vissan hátt
en það orsakast hklegast af því að
hann er geymdur í viðarámum.
Pilsner Urquell er vinsæll í öllum
„bjórlöndum" og er hann sannkall-
aður sælkerabjór. Hann er mjög
frískandi og er t.d. góður með kjöti.
Eftir að búið er að hella Pilsner Ur-
quell í glasið á hann að standa í um
3 mínútur áður en hann er drukkinn.
Bestur er hann 8 th 10 gráða heitur.
Enn er þessi tékkneski úrvalsbjór
aðeins fluttur inn í flöskum en
kannski fer að verða tímabært að
flytja hann inn í þrýstikútum.
AAÍM:
' ' ' -..'A <
Z cant.VV-V**,
' fcy ttvftX*
CZKCHastipwSfei

DV-mynd BG
Verðlag á bjor
andstætt þjóðarsátt
Ef kráreigendur lækka ekki verö á
bjór verður að skora á stjórnvöld
að nema úr gildi frjálsa álagningu á
honum. ,
Eins og bent hefur verið á hér á
Sælkerasíðunni er áfengur bjór seld-
ur á okurverði í bjórkrám. Álagning-
in er hreint okur og greinhegt að
samtök eru meðal kráreiganda að
bjóða sama verð. Hin fijálsa verð-
lagning er því hrein markleysa.
Stjórnvöld, atvinnurekendur og
stéttarfélög hafa skorað á fólk að
vera vel á verði og láta vita um óeðh-
legar verðhækkanir. Rétt er einnig
að benda á þær vörur sem seldar eru
á okurverði. Ljóst er að lækka má
verð á bjór töluvert á kránum og
ekki er áfengur bjór nein munaðar-
vara. Krámar eru nú orðnar vinsæl-
ir samkomustaðir fólks og hafa að
sumu leyti tekið við af dansstöðun-
um. Skemmtun er því þýðingarmik-
ih þáttur í verðlaginu og bjór er hluti
neyslunnar. Ljóst er að fólk drekkur
nú frekar sterka drykki en bjór og
er það öfugþróun. Stéttarfélög og
aðrir, sem láta sig verðlagsmál
varða, ættu því að beita sér fyrir því
að verðlag á bjór verði lækkað, eha
verði hin frjálsa álagning numin úr
ghdi.__________............J