Dagblaðið Vísir - DV - 09.04.1991, Qupperneq 28

28
Ekkert er frítt í heiminum
Þær eru margar ranghugmynd-
irnar sem fólk gerir sér um Banda-
ríkin og lífið þar. Ein af þeim er sú,
að ekkert þurfi að greiða fyrir að-
gang að sjónvarpi. Því verði menn
að gera sér að góðu allt auglýsinga-
farganið sem dynur á sjónvarpsá-
horfendum á 10-15 mínútna fresti.
Þetta er mesti misskilningur sem
nú skal reynt að leiðrétta.
Til þess að ná góðri mynd verður
að vera áskrifandi að svokölluðu
kapalsjónvarpi. í Flórída er dreifmg
sjónvarpsefnis í höndum fyrirtækis
er nefnist Cablevision og selur það
áskrift að sjónvarpsstöðvunum hér.
Það er að vísu hægt að ná þremur
aðalstöðvunum, ABC, NBC og CBS,
á stöku stað ef verið er með loft-
net. íslendingum þykir kannski
ærið og allnokkuð að geta náð
þremur stöðvum, sem sjónvarpa
allan sólahringinn, fyrir ekki neitt.
En það er ekki nema á stöku stað
sem hægt er að ná þessum stöðvum
þannig að einhver mynd sé á út-
sendingunni. T.d. er það ekki hægt
þar sem undirrituð býr í Flórída.
Er gjarnan kennt um flatlendinu
sem hér er. Hins vegar bjuggum
við áður í mjög miklu fjalllendi sem
er Colorado. Þar var heldur ekki
hægt að ná almennilegri mynd og
það var þá vegna fjallanna.
Þá er starfrækt hér svokallað
„menningarsjónvarp11 eða PBS
(stendur fyrir Public Broadcasting
Service). Hægt er að ná því frítt
eins og hinum þremur aðalstöðv-
unum. Áhorfendur styrkja þessa
stöð með frjálsum framlögum, auk
þess sem hin ýmsu fyrirtæki
styrkja sýningar og gerð ýmissa
þátta. Er það ekki ósvipað og stund-
um má sjá á sjónvarpsskerminum
heima, að þetta eða hitt fyrirtækið
hafi styrkt gerð þessarar myndar.
Þessi stöð er fyrsta flokks og hef-
ur starfað á Orlandosvæðinu í 25
ár, alltaf með þessu sama sniði.
Engar auglýsingar eru á þessari
Kjallarinn
Anna Bjarnason
blaðamaður
steð. Þar eru oft þættir eins og í
ríkissjónvarpinu íslenska, ýmsir
góðir breskir þættir, mikið af flott-
um tónlistarþáttum sem þá eru
gjarnan sendir út á samsvarandi
útvarpsstöð til að hlusta megi í
stereó. 'Þessi stöð er eiginlega eins
og maður kysi helst að sjónvarpið
væri. Auk þess að bjóða upp á fjöl-
breytt menningarefni, viðræðu-
þætti og fyrsta flokks fréttir er
einnig boðið upp á fjölbreytt barna-
efni. Er hinn frægi sjónvarpsþáttur
Sesami Street runninn undan rifj-
um þessarar stöðvar.
Allir með kapalkerfisáskrift
Þess vegna eru nánast allir
áskrifendur að þessu kapalkerfi.
Hægt er að kaupa áskrift að 38
stöðvum, sem hægt er að ná í okk-
ar sýslu eða fá einungis 34 og sleppa
þá bíómyndastöðvunum sem eru
fjórar.
í fyrrgreinda pakkanum (38
stöðvum) eru aðalstöðvarnar þrjár,
ABC, NBC, og CBS, og nú koma
þær inn með skýrri og tærri mynd,
auk þess fréttastöðin CNN og He-
adline News. veðurstöð sem sjón-
varpar engu nema veöurfréttum
og fréttum tengdu veðri, auk aug-
lýsinga, allan sólahringinn. Þá fær
maður aðgang að a.m.k. tveimur
stöðvum sem eru að selja alls konar
varning nærri allan sólahringinn.
Ein stöðin sýnir nær eingöngu
gamlar klassískar bíómyndir og
hefur ekki auglýsingar, a.m.k. ekki
í hefðbundnu formi. Auk þess eru
íjölmargar stöðvar sem sjónvarpa
alls konar. efni, teiknimyndum,
íþróttakappleikjum o.s.frv., o.s.frv.
Fjórar stöðvar sýna eingöngu
bíómyndir og eru ekki auglýsingar
í þeim. Hins vegar eru myndirnar
endursýndar margsinnis og oft
verið að sýna myndir sem sýndar
hafa verið í kvikmyndahúsum fyrir
1-2 árum og eru til á öllum mynd-
bandaleigum.
Ein af þeim stöðvum sem er í
kapalkerfispakkanum er svoköliuð
C-span stöð. Þar er sjónvarpað
beint frá umræðum í Bandaríkja-
þingi og frá fréttamannafundum í
Hvíta húsinu. Þessi stöð er ákaflega
vinsæl hjá þeim sem vilja láta sig
þjóðmál einhveiju skipta en trú-
lega hefur allur almenningur lítinn
áhuga á henni. Engar auglýgingar
eru á þessari stöð.
Ekkert er ókeypis
Og hvað þarf svo að greiða fyrir
öll ósköpin?
Fyrst og fremst þarf að greiða
tengingargjald sem getur verið
25-30 dollarar (1200-1500 ísl. kr.)
fyrir hvert hús. Er það gjald óháð
því hvort einhver í húsinu hafi
áður notað þessa þjónustu. Þetta
verður hver og einn að greiða þegar
hann hefur viðskipti við Cablevisi-
on. Lágmarkspakkinn (með 34
stöðvum) kostar 18,64 (1000 ísl. kr.)
á mánuði (með skatti). Greiða verð-
ur aukagjald fyrir hvern aukateng-
il sem sjónvarpið er tengt við, 3
dollara (174 kr. ísl.) á mánuði. Bíó-
stöðvarnar kosta 12 dollara (700 kr.
ísl.) á mánuði hver stöð (þær eru
fjórar). Stundum er veittur einhver
afsláttur ef tekin er meira en ein
stöð.
Hægt er að kaupa sýningu á ein-
stakri mynd ef áhorfendur kjósa.
Það kostar í kringum 30 dollara.
Þá er myndin sýnd eingöngu fyrir
þig. Algengt er að selja þannig
ýmsa atburði eins og t.dT heims-
meistarakeppni í hnefaleikum.
Margir urðu fyrir vonbrigðum þeg-
ar Tyson lamdi andstæðing sinn í
rot á 90 sekúndum um árið. Menn
höfðu greitt 30 dollara fyrir að fá
leikinn „beint í æð“ og bjuggust við
minnst klukkutíma hasar!
Við höfum sem betur fer ekki
dottið í þá gryfju að sitja lon og don
yfir sjónvarpi allan daginn. Við
höfum heldur ekki látið það eftir
barnabörnunum þegar þau hafa
komið í heimsókn. Margt gott má
læra af sjónvarpinu, en ekki nema
á það sé horft í miklu hófi.
Anna Bjarnson
„Þær eru margar ranghugmyndirnar
sem fólk gerir sér um Bandaríkin og
lífið þar. Ein af þeim er sú, að ekkert
þurfi að greiða fyrir aðgang að sjón-
varpi.“
ÞRIÐJUDAGUR 9. APRÍL 1991.
uðust fjögur börn. Útför Óla verður
gerð frá Fossvogskirkju í dag kl.
13.30.
Tilkyimingar
Kvenfélag Kópavogs
Spilað verður í kvöld þriðjudag í félags-
heimili Kópavogs. Byrjað verður að spUa
kl. 20.30. Allir velkomnir.
ITC deildin Harpa
heldur reglulegan deildarfund sinn í
kvöld kl. 20 að Brautarholti 30. Nánari
upplýsingar gefa Ágústa s. 71673 og Guð-
rún s. 71249. Fundurinn er öllum opinn.
Kvenfélag Seljasóknar
Fundur í kvöld, 9. apríl kl. 20.30 í Sóknar-
salnum, Skipholti 50a. Kvenfélagið 10
ára. Dagskrá: Saga kvenfélagsins rakin,
ýmiskonar skemmtiatriði, veitingar í
boði félagsins.
Safnadarstarf
Breiðholtskirkja: Bænaguðsþjónusta í
dag kl. 18.30. Fyrirbænaefnum má koma
á framfæri við sóknarprest í viðtalstím-
um hans þriðjudaga til fóstudaga kl.
17-18.
Dómkirkjan: Fótsnyrting í safnaðar-
heimilinu kl. 13-17. Tímapantanir hjá
Ástdísi.
Hallgrímskirkjá: Fyrirbænaguðsþjón-
usta í dag kl. 10.30. Beðið fyrir sjúkum.
Kársnessókn: Biblíulestur í safnaðar-
heimilinu Borgum í kvöld kl. 20.30.
Langholtskirkja: Foreldramorgnar mið-
vikudag kl. 10 f.h. í umsjón Sigrúnar E.
Hákonardóttur. Starf fyrir 10 ára og eldri
miðvikudaga kl. 17. Þór Hauksson og
Óskar Ingi Ingason leiða starfiö.
Seltjarnarneskirkja: Opið hús fyrir for-
eldra ungra bama kl. 15.
Seljakirkja: Mömmumorgunn. Opið hús
kl. 10.
Leiðrétting
Sú villa læddist inn í frásögn af
stööu samninga sjómanna á Aust-
flöröum að sagt var aö sjómönnum
á Djúpavogi hefði verið sagt upp
störfum. Það er hins vegar ekki rétt
heldur sögðu þeir sjálfir upp störfum
til að knýja á um hækkun heimal-
öndunarálags. Hlutaðeigandi eru
beðnir velvirðingar á þessari mis-
sögn.
-J.Mar
Aukablað
Tækni
á morgun
DV-Tækni er sérstakt aukablað sem fylgir DV á morgun.
í blaðinu verður Qallað um tækni og vísindi á breiðum grund-
velli, sérstaklega nýjustu tækni dagsins i dag í atvinnurekstri,
í dagiegum störfum og leik, á heimilum o.fl.
Sérstöku Ijósi mun verða beint að almennum einkatölvunot-
endum. Leitast verður við að upplýsa um tölvur, jaðartæki,
hugbúnað og annan búnað sem fólk, sem notar tölvur, þarf
á að halda.
Eins og í DV-Tækni í fýrra mun áhersla verða lögð á stuttar,
hnitmiðaðar greinar á mæltu máli sem notendur skilja eins
vel og tæknimenn.
TÆKNI
á morgun
Andlát
Garðar Benediktsson, fyrrverandi
brunavörður, Hjallabraut 33, Hafn-
arfirði, andaðist sunnudaginn 7.
apríl.
Sigríður Elísabet Guðmundsdóttir,
áður til heimilis á Hjaltabakka 12,
andaöist á hjúkrunarheimilinu
Kumbaravogi laugardaginn 6. apríl.
Gústaf Kristiansen pípulagninga-
maður, Stóragerði 28, andaðist á
heimili sínu aðfaranótt 7. apríl.
Ragna Elísabet Wendel hjúkrunar-
kona, Einimel 19, Reykjavík, andað-
ist í Landakotsspítala mánudaginn
8. apríl.
Sigurborg Sumarlína Jónsdóttir, frá
Suðureyri, Súgandafirði, lést 6. apríl.
Þórunn Jónína Hafþórsdóttir,
Brekkulæk 4, andaðist á barnadeild
Landspítalans sunnudaginn 7. apríl.
Lárus Harry Eggertsson, Sólvalla-
götu 45, lést sunnudaginn 7. apríl.
Jarðarfarir
Jarþrúður Þorláksdóttir, Grænuhlíð
4, Reykjavík, sem lést 1. apríl sl.,
verður jarðsungin frá Fossvogs-
kirkju miðvikudaginn 10. apríl kl. 15.
Jónas Eggertsson bóksali, Heiðarbæ
4, Reykjavík, sem lést í Landakots-
spítala 1. apríl, verður jarðsettur frá
Arbæjarkirkju föstudaginn 12. apríl
kl. 13.30.
Sigurður Jónasson, Háagerði 57,
Reykjavík, verður jarðsunginn frá
Bústaðakirkju fimmtudaginn 11.
apríl 'kl. 13.30.
Stefán Þorvarðsson skipasmiður,
Hrauntungu 63, Kópavogi, verður
jarðsunginn frá Fossvogskirkju mið-
vikudaginn 10. apríl kl. 10.30.
Óli M. Andreasson lést 30. mars.
Hann fæddist í Vestmannaeyjum 27.
nóvember 1934. Foreldrar hans voru
Guðbjörg Oktavía Sigurðardóttir og
Andreas Ansgar Joensen. Óli starf-
aði síðustu 30 árin í efnalauginni
Björg. Eftirlifandi eiginkona hans er
Nína Sveinsdóttir. Þaú hjónin eign-
Leikhús
LlLillllÍilllij m ÍLMlliÍkil>17:l
IrrltTlrrllúÉ'fl
liiffliriira miia a HilBiBlj
Líl«hÍ!5 jO IJULiElLwjy:
Leikfélag Akureyrar
Söngleikurinn
KYSSTU
MIG,
KATA!
eftir Samuel og
Beílu Spewack
Tónlist og söngtextar eftir Cole Porter
Þýðing: Böðvar Guðmundsson
Leikstjðrn: Þórunn Sigurðardóttir
Leikmynd og búningar: Una Collins
Tónlístarstjórn. Jakob Frímann
Magnússon
Dansar: Nanette Nelms
Lýsing: Ingvar Björnsson
Föstud. 12. apríl kl. 20.30.
Laugard. 13. april kl. 15.00.
Laugard. 13. april kl. 20.30.
Sunnud. 14. april kl. 20.30.
Föstud. 19. april kl. 20.30.
Sunnud. 21. april kl. 20.30.
Laugard. 27. april kl. 20.30.
Sunnud. 28. april kl. 20.30.
Þriðjud. 30. april kl. 20.30.
Skrúðs-
bóndinn
Miðvikud. 24. aprll kl. 21, frumsýn-
ing.
2. sýn. fimmtud. 25. april kl. 21.
3. sýn. föstud. 26. april kl. 21.
Aðgöngiimiðasala: 96-2 40 73.
Miðasalan er opin alla virka daga nema
mánudaga kl. 14-18 og sýningardaga
kl. 14-20.30.
MUNIÐ PAKKAFERÐIR
FLUGLEIÐA