Dagblaðið Vísir - DV - 04.11.1991, Blaðsíða 18

Dagblaðið Vísir - DV - 04.11.1991, Blaðsíða 18
18 MÁNUDAGUR 4. NÓVEMBER 1991. Meniting Reyni að tjá samskipti mín við náttúruna - segir Gunnar Örn sem heldur málverkasýningu á Kjarvalsstöðum Gunnar Örn Gunnarsson mynd- listarmaður opnaði málverkasýn- ingu á Kjarvalsstöðum um helgina. Gunnar er vel þekktur.listamaður hér heima og sums staöar úti í hinum stóra heimi. Hann sýnir tiltölulega ný málverk sem ekki hafa sést áður á sýningu í Reykjavík. Gunnar, sem býr í sveit fyrir aust- an, hefur haldið málverkasýningar í rúma tvo áratugi og hefur eins og fiestir málarar, sem málað hafa þetta lengi, tekið breytingum á listferli sín- um sem vel eru sjáanlegar. Auk þess sem sýning er á verkum hans á Kjarvalsstöðum á hann myndir á far- andsýningu um Noröurlöndin þar sem eingöngu eru verk er tengjast náttúrunni. Sú sýning er nú stödd í Finnlandi. - Á liönum árum hefur Gunnar Örn haldið sýningar hér heima en auk þess sýningar í mörgum stórborgum víða um heim, meðal annars í jafh- ólíkum borgum og New York, Sao Paulo og Tokyo. Verk eftir Gunnar Örn prýða víða veggi í virtum söfnum. Guggenheim í New York, Saubu í Tokyo, Moderna Museet í Stokkhólmi og Listasafn íslands eiga verk eftir Gunnar Örn, svo fáein séu nefnd. Við litum inn til Gunnars þegar hann var að leggja lokahönd á uppsetningu á myndum á sýningu sinn og spyrjum hann fyrst hvað það sé að vera listarmaður. „Að vera listamaður er að vera manneskja sem fjallar um kjarnann í tilverunni, að komast af einn dag í einu í þeirri andlegu sambúð sem maður á í með sjálfum sér. í listinni er verið að takast á við eilífðarmálin, hvernig maður er í afstöðunni gagn- vart sjálfum sér og þá um leið gagn- vart öðrum. Þegar þetta er gert er maður kominn með pakka sem má kalla á nútímamáli umhverfisvæna list. Þetta er sköpunin. Annað er að standa í sýningarhaldi, þá getur listamaðurinn oft breyst úr því að vera andlegur pælari með tilvistar- málin á oddinum yfir í að verða upp- tekinn af metingi, öfund og alls kyns Gunnar Örn myndlistarmaður. Samskipti manns við náttúru íslands er við- fangsefni hans. OV-mynd BG neikvæðum hlutum. Þetta er önnur hliðin á listamanninum. Listamaðurinn er að fjalla um sjálf- an sig í tilvistarskynjun, hvernig hann skynjar sjálfan sig í nútíman- um og hann þarf helst að finna nýjar leiðir til að koma þessum innri verð- mætum á framfæri og þá erum við að tala um þann tilvistargrunn hvernig maður upplifir umhverfið og hvernig maður síar inn áhrif. Eig- inlega er sama hvaða meðal hann notar, hvort það e.r pappír, litur, keramik, kopar eða hvaö sem er, það er hans æðsta verk að koma því til skila í gegnum þá miðla sem hann tileinkar sér." - Hefur þú náð þessum markmið- 'um? „Stundum, aldrei samt nógu vel. Þegar ég horfi yfir þessi verk mín á sýningunni hér á Kjarvalsstöðum held ég að þetta sé bara skrambi góð sýning, og mín besta sýning til þessa, en alls ekki nógu góð. Ég þarf að gera betur og sjálfsagt verö ég aldrei fullkomlega ánægður." Samskipti við náttúruna - Er eitthvað sameiginlegt með mál- verkum þínum á sýningunni? „Já, þau eiga það sameiginlegt að ég er í þeim að reyna að tjá sam- skipti mín við náttúruna þannig að ég lít á þær á jákvæðan hátt, tel allt sem ég skapa jákvætt en ekkert nei- kvætt. Einnig finnst mér í þessum nýju verkum vera samruni á því sem ég hef gengið í gegnum sem málari og það er viss skírskotun í þeim til gömlu verkanna." - Þú býrð í sveit, hvers vegna? „Viss þróun í mínu málverki varð þess valdandi að ég kaus að fiytja í sveit. Náttúruskoðun var alltaf að verða stærri og stærri hlutur í til- veru minni og um leið kom hún inn í myndflötinn. Það var því var ósköp eðlilegt framhald að flytja í sveitina. Þar hef ég meira næði, meira hús- rými til að vinna í og er nær náttúr- unni." - Þú segir að þessi sýning nú sé þín besta sýning til þessa en hvernig augum lítur þú á eldri verk þín í dag? „Ég er búinn að standa í þessu í tuttugu og fimm ár og nú fyrst er ég að sætta mig við málverkin sem ég málaði fyrst en ekki millikaflann. Þær elstu eru orðnar það gamlar að ég horfi á þær allt öðrum augum. Þær eru orðnar svo fjarlægar mér þegar ég hugsa til baka að ég er far- inn að njóta þeirra betur en ég tek þaö fram að það er stutt síðan þetta gerðist. - Hvernig hagar þú vinnu þinni? Ertu duglegri að mála á sumrin en á veturna? „Nei, alls ekki. Veturinn heldur betúr utan um mig. Hann einangrar mig þannig að ég á betra með að ein- beita mér. Ég er minna slitinn af áhuga á skógrækt og öðru náttúru- undri í okkar stórkostlega landslagi. Ég geng til vinnustofunnar á veturna án þess að líta til hægri eða vinstri og er þetta ein ástæðan fyrir því að veturinn hefur ávallt verið mikil vinnutöm hjá mér. Ég er þá oft að vinna úr skissum frá sumrinu áður. Sumar mynda minna á sýningunni eru málaðar úti en það er ekki hægt við stærri myndirnar og þegar ég mála skissurnar inni verða ýfirleitt til meiri fantasíur en hefðu orðið ef ég hefði málað þær úti í sjálfri nátt- úrunni." -HK íslenskt tal sett á dönsku barnamyndina Fuglastríðið í Lumbruskógi: Margir af þekktustu gamanleik urum okkar Ijá raddir sínar Fuglastríðið í Lumbruskógi er ný dönsk barnamynd sem Regnboginn hefur hafið sýningar á. Það mundi ekki þykja fréttnæmt nema fyrir það að sett hefur verið íslenskt tal við myndina, ekki eins og í teiknimynd- um í sjónvarpinu, þar sem kannski tveir leikarar tala fjólmargar raddir heldur hafa verið fengnir okkar helstu gamanleikarar til að tala inn á myndina, má nefna Bessa Bjarna- son, Ladda, Sigurð Sigurjónsson og Örn Árnason. Margir aðrir þekktir leikarar ha raddir sínar. Leikstjóri íslensku talsetningarinnar er Þór- hallur Sigurösson. Auk þess ljá song- raddir sína Björgvin Halldórsson og Sigríður Beinteinsdóttir. Þýðingu yf- ir á íslensku gerði Ólafur Haukur Símonarson. Frumkvæðið að þessari skemmti- legu nýjung í kvikmyndum hér á landi á Jón Ólafsson í Skífunni en hann rekur Regnbogann. Hann hefur haft hug á að talsetja íslenska barna- myndfráþvíhannhófreksturkvik-' myndahússins. Þegar hann sá Fugla- stríðið í fyrsta sinn var hann sann- færður um að hér væri komin tilval- in mynd til að setja tal inn á. Þaö að talsetja kvikmynd er mjög kostnaðarsamt eins og nærri má geta og verður kvikmyndin að fá mikla aðsókn ef endar eiga að ná saman. Regnboginn fékk styrk úr norrænum sjóði en að öðru leyti er verkefnið fjármagnað af Skífunni. Jafnhliða myndinni mun Skífan gefa út sam- nefnda bók sem kemur út samtímis á íslandi, í Svíþjóð og Noregi. Fuglastríðið í Lumbruskógi fjallar í stuttu máli um tvo munaðarlausa gauksunga sem teknir eru í fóstur af kolruglaðri uglu og vinalegum grátittlingi. Allt er með felldu í Lumbruskógi þar til ungarnir Ólíver og Ólafía komast að því að foreldrar þeirra voru étnir af Hroða, ógnvaldi skógarins. Þau ákveða að sáfna liði til að lumbra á Hroða en ýmislegt á eftir aö gerast áður en það verður Fuglastríðið er teiknimynd sem öll börn geta glaðst yfir, hvort sem þau eru læs eða ekki. Framleiðandi Fuglastríðsins er Per Holst en hann á að baki meðal ann- aö veruleika. . .;! so'ocj ars.verðlaunamyndina um-PfiJJe-sig- íjijjjjj:*jjjjjjjjj.eji.:ííj; urvegara og er þegar búið að selja myndina til tuttugu landa. ,.nif*HHfHf!!HffMLltfflf»» Kjarvalog Ásmundurí Kringlunní Verslunarmiðstöðin í Kringl- unni hefur hingað til ekki veriö mikill vettvangúr menningar en nú á að breyta því og var opnuö sýning á vegum Listasafns Reykjavíkur og Kjarvalsstaða á fostudag á verkum eftir Ásmund Sveinsson og Kjarval á neðri hæðinni. Er þetta liður í að kynna söfnin og draga athygli almenn- ings að þeirri starfsemi sem þar fer fram um leið og ætlunin er með þessari sýningu að breyta Kringlunni í menningarsvæði. Einleiksverk með ogánsegutbands áCaput-tónleíkum Caput-hópurinn og Ung Nor- disk Musik munu annað kvöld standa fyrir tónleikum í Nýlista- safninu. Á efhisskrá tónleikanna eru einleiksverk, ýmist með seg- ulbandi eða án. Þeir höfundar sem eiga verk á tónleikunum eru Lárus H. Grimsson, Bára Gríms- dóttir, Helgi Pétursson, Ríkharð- ur H. Friðriksson, Elín Gunn- laugsdóttir, Arne Mellnas og Brian Beraeyhough. Óhætt er að lofa nýjungum og spennandi til- raunum á tónleikunum. Flytj- endur eru Bryndís Halla Gylfa- dóttir, Brjánn Ingason, Guðni Franzson og Kolbeinn Bjarnason ásamt tækjum og tólum Spurningarum iífiðtilumræðu íGerðubergi í Menningarmiðstöðinni í Gerðubergi verður í kvöld dag- skrá sem kallast Heimspeki hvunndagsins og koma þar fram heimspekingar til að ræða um almenn hugtök sem varða alla og allir þekkja en fáir gefa sér tima til að gaumgæfa. Til að mynda spurningum um lífið; Beitum við skynsemi, breytum við rétt eða rangt, virðum við sannleikann eða höfðum við til samvisku okk- ar og annarra? Heimurhandaþér Nú eru nýjar plötur farnar að streyma á markaðinn og meðal þeirra sem koma út á næstu dög- um er ný plata frá Gísla Helga- syni er kallast Heimur handa þér. Gísli er auk þess að verða þekktur fyrir störf sin með Is- landicu. Hann er mjögfær blokk- flautuleikari og er einn örfárra sem hafa lagt fyrir sig aö leika á þetta hljóðfæri. ÖU lögin á plöt- unni eru eftir Gísla og eru tvö sungin. Meðal þeirra sem koma fram með Gísla á þessari plötu er Þórir Baldursson sem útsetur öll lögin. Heimur handa þér hefur rólegt yfirbragö en góðir sprettir eru innan um. Þess má geta aö eitt lagið, Síöasta sumariö, er til- einkað minningu Guðmundar Ingólfssonar píanóleikara. UmsögnumBlue lceíjapönsku tóniistartímariti í sumar kom út blúsdisloiriiin Blue Ice með vinum Dóra, Jimmy DawMns og Chicago Beau. Disk- ur þessi hefur grelnilega farið víöa því að ádögunum barst inn á ritstjórn DV úrklippa úr jap- önsku tónlistartimariti þar sem dómur var um plötuna. Var hún í samantektardómi með ekki ómerkari blúsmönnum en Johnny Winter og Son Seals. Fær Blue Ice góð meðmæli og segir um Vini Dóra að það sé pottþétt sem bakgrunnur fyrir Háwkins og Chicago en öðruvísi en dæmi- gert Chicago-blúsband. Þá er upptakan sögð mjög fersk og lif-

x

Dagblaðið Vísir - DV

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Dagblaðið Vísir - DV
https://timarit.is/publication/255

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.