Alþýðublaðið - 03.05.1967, Blaðsíða 4

Alþýðublaðið - 03.05.1967, Blaðsíða 4
¦fflSSMS&ŒEŒSaS) Ritstjóri: Bencdikt Gröndal. Símar 14900—14903. — Auglýsingasíml: 14906. — Aðsetur: Alþýöuhúsið við Hveríisgötu, Rvík. — Prentsmiðja AlþýðublaSsins. Sími 14905. — Áskriftargjald kr. 105.00. — t lausa- sölu kr. 7.00 eintakið. — Útgefandl: Alþýðuflokkurínn. Gegn einræðisstjórn ÞAÐ VAR ATHYGLISVERT, að hátíðahöldin 1. maí i vestanverðri Evrópu mótuðust af mótmælum gegn valdatöku herforingjaklíkunnar og hinu nýja einræði í Grikklandi. Þessi mótmæli bar jafnvel hærra en kröfuna um frið í Vietnam. Menn eins og Tage Erland er, Einar Gerhardsen og Jens Otto Krag tóku allir sterklega í þennan streng. Það hefur verið áberandi á síðustu árum hve áhugi verkalýðshreyfingarinnar á Norðurlöndum, ekki sízt yngra fólksins, er mikill á utanríkismálum. Er á- stæða til að fagna því, að fólk í hinum frjálsu vel- ferðarríkjum beiti áhrifum sínum til að auka velmeg- un og frelsi í öðrum hlutum heims, þar sem skortur og ófrelsi ríkja. Þessum öflum eru það sérstök von- brigði, er valdarán og einræði viðgangast jafnvel í Evrópu, sem ætti að vera vaxin upp úr slíkum stjórn- háttum. Mun leit að nokkrum stjórnmálaviðburði, sem hefur vakið jafn almenn mótmæli á Norðurlönd- um sem byltingin í Grikklandi. Alþýða Spánar reis einnig upp á hátíðisdegi verka lýðsins — í ríkari mæli en hún hefur þorað að gera um langt árabil. En hnefi einræðisins var jafnskjótt á lofti. Her og lögregla hröktu mannfjölda á brott í mörgum borgum og skaut jafnvel til bana. Fasista- stjórn Frankós, sem hefur sýnt ýms merki frjálsari stjórnarhátta undanfarin misseri, ætlar sér ekki að sleppa takinu. Sjálfur hefur Frankó lýst yfir, að Spánn hafi ekkert við stjórnmálaflokka að gera. í ríkjum kommúnista var 1. maí með svipuðu móti og áður, nema hvað minna var um vopnasýningar á Rauða torginu í Moskvu en venja hefur verið. Þetta er dagur til dýrðar stjórnvöldunum, þegar menn fá að geta sér til um eftir röð tignargesta á grafhýsi Lenins, hvort breytingar hafi orðið á raunverulegum valdahlutföllum innan múra Kreml. Um frjálsan bar- áttudag er þar að sjálfsögðu ekki að ræða. Skipulagsmálin ÍSL5NZK VERKALÝÐSHREYFING hefur um ára- bil unnið að víðtækum skipulagsbreytingum til þess að tryggja, að samtökin séu jafnan í samræmi við tím- ann og nái sem mestum og beztum árangri. Er fátt hættule^ra en að halda um of í úrelt skipulag, þegar svo miklar breytingar verða á öllum sviðum þjóðfé- lagsvns. sem orðið hafa síðustu árin. í áT/arpi Fulltrúaráðs verkalýðsfélaganna í Reykja- vík 1. maí segir svo um þetta atriði: „Þetta ár vinnur verkalýðshreyfingin á íslandi að breytingum á skipu- lagi sínu, og veltur á miklu hvort með því tekst að gera verkalvðshreyfinguna að öflugra baráttutæki ís- lenzkrar aiþýðu til sóknar og varnar. Þar um ræður mestu, að takist að gæða samtökin eldmóði þeim og fórnfýí'' bíartsvni og hugsjónatryggð, sem einkenndu störf brautryðjenda verkalýðshreyfingarinnar og beztu manna hennar ævinlega." 4 3. maí 1967 - ALÞÝÐUBLAÐIÐ Starf kaupfélagsstjóra við Kaupfélag Berufjarðar, Djúpavogi, er laust til umsóknar og veitist frá 1. júní nk. Umsóknir ásamt nauðsynlegum upplýsingum send- ist Gunnari Grímssyni, starfsmannastjóra S.Í.S. eða Elías Þórarinssyni, stjórnarformanni félagsins. Glæsilget úrval I VÖNDUÐUM ENSKUM HERRASKÓM NÝKOMIÐ. Skóver2lun Péturs Andréssenar, Laugavegi 17 — Framnesvegi 2. 9 s VANTAR BLAÐBURÐAR- FÓLK fi EFTIRTALIN HVERFI: MMJ S ' _ MIÐBÆ I og II RAUÐARÁRHOLT HVERFISGÖTU EFRI BRÆÐRABORGARSTfO HVERFFSGÖTC NEBRI LAUGARÁS LAUGAVEG NEBItl FRAMNESVEG GNOBARVOG I á krossgötum • ÍBÚÐAVERÐIÐ. „Það eru sannarlega athyglis- verðar upplýsingar, sem fram hafa komið í blöð- unum undanfarið um hinn raunverulega bygging- arkostnað," segir í bréfi, sem okkur hefur borizt frá „einum, sem er nýbúinn að byggja." Hann segir síðan: „Vafalaust hefur margan grunað, að ekki væri allt með felldu með hið gífurlega háa íbúðaverð hér í Reykjavík og grennd. Hafa sumir meira að segja gengið svo langt, að fullyrða að gróði byggingameistaranna af meðal íbúð í f jölbýlishúsi, næmi að öllum líkindum svipaðri upp- hæð og lánið frá Húsnæðismálastjórn. Enginn dómur skal hér lagður á rétlmæti þessarar full- yrðingar, en vist er að margir byggingameistarar hafa auðgast bærilega á braski sínu og húsnæðis- ástandinu hér í höfuðborginni. Það er þess vegna vel, að hreyfing skuli aú vera að komast á þessi mál og hefði þó sannarlega mátt vera fyrr. Það hefur nú verið sýnt svart á hvítu að mikill mun- ur er á markaðsverði íbúða og raunverulegum bygg ingakostnaði. Hlýtur þetta óhjákvæmilega að leiða til þess að á næstunni fari íbúðaverðið ívið lækk- andi. Ber sérstaklega að fagna þeirri tilraun, sent framkvæmdanefnd byggingaáætlunar er að gera. Ég vildi bara, að ég hefði getað fengið jafn ódýra eldhúsinnréttingu í mitt hús, eins og þeir fá sam- kvæmt tilboðunum í fjölbýlishúsin, sem þeir eru að byggja. '. • HRAÐINN EYKST. . Fj'rst farið er að ræða þessi mál, er ekki úr vegi að víkja, að þeirri staðreynd, að byggingarhraðinn er að aukast, eða með öðrum or3 um byggingartíminn er að styttast. Alla rak f rogastanz, þegar Loftleiðahótelið reis á stuttum tíma, en þar fór það saman að skipulagning var framúrskararidi og allt hugsað fyrirfram, en ekkl látið ráðast dag frá degi og, að líkindum hefur þar aldrei þurft að stöðva vinnu eða segja mönnum upp vegna þess að fé var ekki.fyrir hendi. Hinn langi byggingartími hefur átt nokkurn þátt í hin- um háa byggingarkoslnaði hér og- er vel að menn skuli nú hafa gert sér grein fyrir því. Læt ég nú útrætt um þessi mál, að sinni, en vona að eitthvað sé að rofa til í þessum efnum, þar sem allt' of lengi hefur ríkt svartnætti." —

x

Alþýðublaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Alþýðublaðið
https://timarit.is/publication/2

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.