Dagur - 30.11.1983, Blaðsíða 16

„Við eigum
ekki að
líða fyrir
hallalausan
rekstur!“
- segir Sigurður Aðalsteinsson
hjá Flugfélagi Norðurlands
um hugsanlegan ríkisstyrk
til félagsins í samræmi við
þann sem Ernir fengu
„Ég reikna fastlega með því,
að við sækjumst eftir þessum
styrk,“ sagði Sigurður Aðal-
steinsson, framkvæmdastjóri
Flugfélags Norðurlands, að-
spurður um styrk til félagsins
og Flugfélags Austurlands,
sem gert er ráð fyrir í fjárlaga-
frumvarpi.
„Flugfélagið Ernir fékk styrk
þegar rekstur þess gekk illa á síð-
asta ári,“ sagði Sigurður. „Þá
lögðum við á það áherslu, að við
áskildum okkur rétt á sams kon-
ar fyrirgreiðslu, þó svo að við
værum ekki vissir um það á þeirri
stundu, hvort við vildum hana
eða ekki. Nú mun vera gert ráð
fyrir þessum styrkjum á fjárlög-
um, en það fer eftir því með
hvaða skilyrðum þeir verða veitt-
ir, hvort við sækjumst eftir þeim,
en eftir því sem ég best veit
fylgdu engin skilyrði styrknum til
Arna á ísafirði."
- Á Flugfélag Norðurlands þá
við rekstrarerfiðleika að etja?
„Afkoma okkar er nokkuð góð
það sem af er árinu og við reikn-
um með hallalausu ári, en árið á
undan var nokkur rekstrarhalli
hjá félaginu. En við viljum ekki
líta á styrkinn sem verðlaun fyrir
slæman rekstur og þar með
rekstrartap. Við eigum ekki að
líða fyrir hallalausan rekstur. Það
var talið nauðsynlegt, að veita
Örnum styrkinn vegna þeirrar
þjónustu sem félagið veitir Vest-
firðingum og talið var ómissandi.
Flugfélag Norðurlands og Aust-
urlands standa í sömu sporum,“
sagði Sigurður Aðalsteinsson.
Slippstöðin á Akureyri:
„Ekkert framundan“
— Slippstöðinni neitað um langtímaián vegna klössunar á Bergvík
- Ég fæ ekki séð að það sé
neitt framundan, sagði Gunnar
Ragnars forstjóri Slippstöðvar-
innar í samtali við Dag er hann
var spurður um verkefni Slipp-
stöðvarinnar á næstu mánuð-
um.
Tilefni spurningarinnar
var neitun sem Slippstöðin hef-
ur fengið um að taka langtíma-
lán erlendis vegna stórviðgerð-
ar á togaranum Bergvík frá
Keflavík en sem kunnugt er
þá hefur fyrirtækið heldur ekki
fengið leyfi til nýsmíða.
- Við vorum með lægsta til-
boðið í þessa 12 ára klössun á
Bergvíkinni og togarinn er kom-
inn hingað til Akureyrar. Togar-
inn hefur ekki haffærniskírteini,
útgerðin fékk aðeins leyfi til að
sigla honum hingað en sennilega
fá þeir leyfi til að fara með hann
suður aftur, sagði Gunnar
Ragnars.
Að sögn Gunnars Ragnars þá
lætur nærri að slík klössun sem
Bergvíkin þarf að fara í kosti um
10 til 15 milljónir króna og því
ómögulegt að ráðast í þessa
framkvæmd án þess að erlend lán
komi til. Leyfi til slíkrar lántöku
liggur hins vegar ekki á lausu
þessa dagana og útlitið væri því
allt annað en bjart.
Á uppleið
Verður brátt
stofnað hús-
næðissamvinnu-
félag?
— Samvinnustarfsmenn undirbúa
stofnun slíks félags
„Það er erfitt að byggja í dag,
sem kemur verst við ungt fólk, og
við höfum orðið vör við mikinn
áhuga samvinnumanna fyrir því
að húsnæðissamvinnufélag verði
stofnað," sagði Sigurður Jóhann-
esson, fulltrúi hjá Kaupfélagi
Eyfirðinga, í samtali við Dag.
í bígerð er að KEA, starfs-
mannafélög KEA og Sambands-
verksmiðjanna stofni samvinnu-
félag til að leysa húsnæðisvanda
félagsmanna. Starfshópur hefur
unnið að undirbúningsvinnu og
hann sendi frá sér eftirfarandi
frétt á föstudaginn:
„Miklar umræður fara fram f
dag um stefnumörkun húsnæðis-
mála hér á landi. Það er öllum
ljóst, að á undanförnum áratug-
um hefur verðbólga og mikil
aukavinna hjálpað húsbyggjend-
um við að leysa þau fjármögnun-
arvandamál, sem upp hafa komið
við byggingu eigin húsnæðis.
Með verðtryggingu lána og minni
möguleikum á yfirvinnu og þar af
leiðandi minnkandi tekjum hefur
orðið gjörbreyting á möguleikum
fólks til að eignast eigið húsnæði.
í umræðum til lausnar á þessum
vanda hafa komið fram hug-
myndir um ýmsar félagslegar úr-
bætur og hafa kostir húsnæðis-
samvinnufélaga komið þar mjög
til álita. Það er því eðlilegt að
fólk spyrji og leiti upplýsinga um
uppbyggingu og starfsemi hús-
næðissamvinnufélaga og kosti
þeirra til lausnar á vandamálum
þeirra sem hafa hug á að koma
sér upp húsnæði. Af þessum
ástæðum hefur Kaupfélag Eyfirð-
inga, ásamt Landssambandi ís-
lenskra samvinnustarfsmanna og
starfsmannafélögum KEA og
Sambandsverksmiðjanna á Ak-
ureyri ákveðið að boða til kynn-
ingarfundar um húsnæðislöggjöf-
ina og sérstaklega um húsnæðis-
samvinnufélög og byggingarsam-
vinnufélög. Fundurinn verður
haldinn laugardaginn 3. desem-
ber nk. í Félagsborg og hefst kl.
16.00. Á fundinum mun
Jóhann Einvarðsson, aðstoð-
armaður félagsmálaráðherra,
hafa framsögu um þessi mál og
svara fyrirspurnum fundar-
manna. Ollum er heimil þátt-
taka, en ungt fólk er sérstaklega
hvatt til að mæta á fundinn."
Veður
Reiknað er með allhvössum
eða hvössum suð-austan
vindi með slyddu eða rign-
ingu fram eftir degi, sam-
kvæmt upplýsingum Veður-
stofunnar í morgun. Síðan
verður suðlægari átt og léttir
til í bili seinnipartinn, en
jafnvel er reiknað með að
hann þykkni upp í kvöld.
Það lá þó ekki Ijóst fyrir í
morgun, því það var mikið
um að vera í háloftunum.
En líklegast var talið að á
morgun verði suð-vestlæg
átt með stinningskalda og ef
til vill stöku éljum hér og
þar.
# Bjórdansinn
Landsmenn eiga von á sann-
kölluðum darraðardansi
þangað til að úrslit i bjórmál-
inu liggja fyrir.
Þau átök sem fram munu
fara til þess að sannfæra
þjóðarskepnuna um hvað sé
rétt og rangt í þessum
málum, munu ekki síst eiga
sér stað í fjölmiðlunum. Hali-
dór frá Kirkjubóli, Ólafur
Haukur, Dr. Gunnlaugur og
Ásgeir hvítaskáld, svo nefnd-
ir séu nokkrir af andstæðing-
um og fylgismönnum
bjórsins, munu rita langar
greinar mismunandi lærðar
um hinn eina sanna málstað
og stór högg munu falla á
báða bóga, fyrir ofan og neð-
an mittisstað.
# Áróðursstríð
Einn liður í áróðursstríðinu
sem kennt er við bjórinn er
upptalning á hinum og þess-
um sannindum, fornum og
nýjum sem mæla með eða á
móti þessum drykk.
Áfengisvarnaráð hefur riðið
á vaðið og sent þykkan
bunka í blöðin, meðal annars
22 staðreyndir um áfengt öl.
í þeirri 21. segir m.a.: ....Því
má bæta við að samtök
bruggara greiða hinum lakari
blöðum stórfé (ath. erlendum
blöðum) fyrir að birta stað-
leysur um áfengismál, oft
undir yfirskini vísinda-
mennsku. Slæðast slíkar rit-
smíðar stundum í blöð hér-
lendis."
Það er rétt að blöðin þurfa
að vera á varðbergi og láta
ekki Ijúga í sig hverju sem er.
Því stakk það okkur dálítið að
áfengisvarnaráð gleymir að
geta þeirrar staðreyndar,
þegar í 1. lið að „milliölið í
Svíþjóð sem slæm reynsla
var af“ var selt í matvöru-
verslunum - ekki Rfkfnu í
Svíþjóð eins og hægt væri að
skilja á samhenginu.
# Ekkert mál
fyrir Jón Pál
Akureyrskir kraftlyftinga-
menn og aðrir áhugamenn
um fþróttir eiga svo sannar-
lega von á góðum gesti í
vikulokin. Er það enginn ann-
ar en Jón Páll Sigmarsson,
kraftlyftingakappinn kunni en
hann mun keppa hér á hinu
árlega Grétarsmóti á laugar-
daginn kemur.
Jón Páll er nú á leið heim
frá Nýja Sjálandi þar sem
hann keppti f keppninni
„Sterkasti maður heims“ og
það þarf ekki að orðlengja
það að Jón Páll stóð sig
eins og hetja og hreppti að
lokum annað sætið.