Dagur - 18.04.1984, Blaðsíða 1
GULLSMIÐIR
, SIGTRYG6UR & PÉTUR
' AKUREYRI
FERMINGAR
GJAFIR
í MIKLU
67. árgangur
Akureyri, miðvikudagur 18. aprfl 1984
47. tölublað
220 tonn af kvótanum
seld til Vestmannaeyja
- sem hluti leigugjalds fyrir Álsey VE sem er á rækjuveiðum frá Siglufirði
Fyrirtækið Siglfirðingur h.f. á
Siglufirði hefur „selt“ hluta af
aflakvóta togara fyrirtækisins,
Siglfirðings SI-150 til Vest-
mannaeyja. Reyndar er ekki
um beina sölu að ræða, því þau
220 tonn -110 tonn af þorski -
sem fyrirtæki Sigurðar Einars-
sonar í Vestmannaeyjum fær
frá Siglufirði er hluti af leigu-
gjaldi fyrir Alsey frá Vest-
mannaeyjum sem nú er komin
á rækjuveiðar frá Siglufirði.
Þegar ákveðið var að Siglfirð-
ingur SI-150 færi í slipp á Akur-
eyri þar sem honum yrði breytt í
frystitogara var ljóst að 15 manna
áhöfn Siglfirðings yrði atvinnu-
laus í þá þrjá mánuði sem áætlað
er að breyting skipsins taki. Þá
var ákveðið að taka á leigu bát
frá Vestmannaeyjum og varð að
ráði að það yrði Álsey sem fyrir-
tæki Sigurðar Einarssonar á.
Mun Álsey nú vera komin á
rækjuveiðar frá Siglufirði og
áhöfnin af Siglfirðingi er á skip-
inu til skiptis.
Atvinnumálanefnd Siglufjarð-
ar barst skeyti frá áhöfn Siglfirð-
ings þar sem skorað var á bæjar-
yfirvöld að stuðla að því að
Álseyin yrði tekin á leigu frá Eyj-
um svo skipverjar þyrftu ekki að
verða atvinnulausir. Jafnframt
barst nefndinni undirskriftalisti
frá 117 starfsmönnum í hrað-
frystihúsum í bænum þar sem
skorað var á yfirvöld að sjá til
þess „að sá litli aflakvóti sem
Siglufirði hefði verið úthlutaður
yrði ekki seldur úr bænum.“
Lyktir þessa máls urðu þær að
atvinnumálanefndin samþykkti
að leggja til við bæjarstjórn í
þessu sérstaka tilviki að umrædd-
ur aflatilflutningur yrði sam-
þykktur.
Bæjarstjórnin samþykkti
þetta, en stjórnarfundur í Verka-
lýðsfélaginu Vöku lýsti óánægju
sinni með þá samþykkt.
Samkvæmt reglugerð um
stjórn botnfiskveiða segir um
flutninga á aflamagni milli skipa
að óheimilt sé nema að fengnu
samþykki sjávarútvegsráðuneyt-
isins að fenginni umsögn sveitar-
stjórnar og stjórnar sjómannafé-
lags í viðkomandi verstöð að
veita slíka tilflutninga. Samþykki
barst frá ráðuneytinu og kom
Álsey VE til Siglufjarðar fyrir
helgina og er komin á rækjuveið-
ar þaðan. gk-.
Farþegar með Boeing-þotu Flugleiða stíga frá borði á Akureyrarflugvelli síðdegis í gær. Alls kom þotan þrisvar sinnum hingað norður í gær.
Mynd: KGA.
Annríki í innanlandsflugi Flugleiða
Fjórðungur farþeganna
á leið til Akureyrar
„Það er greinilegt að
straumurinn liggur til Akur-
eyrar sem virðist ætla að
verða miðpunktur landsins
um páskana, eins og raunar
svo oft áður,“ sagði Sæ-
mundur Guðvinsson, frétta-
fulltrúi Flugleiða, aðspurður
um flutninga félagsins fyrir
bænadagana.
„Umferðin til Akureyrar jókst
raunar strax um síðustu helgi og
verður í hámarki á þriðjudag og
miðvikudag, en samtals eiga
rúmlega 1.100 farþegar pantað
far frá Reykjavík til Akureyrar
og eflaust eiga einhverjir eftir að
bætast í hópinn,“ sagði Sæmund-
ur. í gær var áætlað að fljúga tvær
ferðir til Akureyrar með einni
Boeing-vél Flugleiða, auk þess
sem fara átti tvær ferðir með
Fokker. í dag eru áætlaðar 7
Fokker-ferðir og fimm á morgun.
Á föstudaginn langa er ekkert
flogið innanlands á vegum Flug-
leiða og sömu sögu er að segja um
páskadag, en á laugardag fyrir
páska er flogið samkvæmt áætl-
un. Á annan í páskum er síðan
aðalumferðardagurinn frá Akur-
eyri. Þá eru ráðgerðar þrjár ferð-
ir með Boeing 727-200, sem tekur
164 farþega, og tvær ferðir með
Boeing 727-100, sem tekur 131
farþega. Auk þess verður farin
ein ferð með Fokker. Það er svo
á valdi veðurguðsins, hvort þessi
áætlun stenst.
„Fram að páskum hafa hátt í
5.000 manns pantað far með
Flugleiðum innanlands, til og frá
Reykjavík, og það eru aukaferðir
á flesta staði. Lætur því nærri, að
fjórðungur farþega Flugleiða í
innanlandsfluginu sé á leið til
Akureyrar til að eyða þar páska-
fríinu,“ sagði Sæmundur Guð-
vinsson. - GS.
Þingmenn:
Mótmæla
skatt-
lagningu
á mjólk-
urvörum
-til aövega upp afnám
skatta á gosdrykkjum
Eftir páska munu sjö þing-
menn Framsóknarflokksins
leggja fram frumvörp um að
aflétt verði álagningu sölu-
skatts og vörugjalds á mjólkur-
vörum, sem fjármálaráðherra
lagði á við upphaf þessa mán-
aðar, jafnframt þvi sem hann
felldi niður tolla af ýmsum efn-
um til gosdrykkjagerðar.
Flutningsmenn frumvarpanna
geta ekki sætt sig við að við skatt-
lagningu séu hollustuvörur úr
mjólk og mjólkurafurðum
lagðar að jöfnu við munaðar-
vörur eins og öl og gosdrykki.
Með því að fiytja gjaldtöku af
gosdrykkjum yfir á mjólkur-
drykki sé verið að létta skatta-
álögum af þeim sem neyta gos-
drykkja t.d. á skemmtistöðum
yfir á það fólk sem hefur börn sín
í skólum og á dagheimilum, en
þessar framleiðsluvörur úr mjólk
hafa orðið uppistaðan í skóla-
kosti barna. Um er að ræða
kakómjólk, jóga og mangó-
sopa.
Flutningsmenn frumvarpanna
verða Páll Pétursson, Guðmund-
ur Bjarnason, Stefán Guömunds-
son, Ólafur Þ. Þórðarson, Böðv-
ar Bragason, Níels Á. Lund og
Valgerður Sverrisdóttir, en tvö
þau síðasttöldu sitja sem vara-
þingmenn fyrir Ingvar Gíslason
og Stefán Valgeirsson. - HS.