Dagur - 26.09.1986, Page 11
Leikfélag Akureyrar Irumsýnir:
26. september 1986 - DAGUFj - 11
U
HERRA
Næstkomandi laugardag verð-
ur barnaleikritið Herra Hú
frumsýnt hjá Leikfélagi Akur-
eyrar. Hér er um að ræða
finnskt leikrit eftir Hannu
Mákelá sem hann gerði eftir
skáldsögu sinni, en bæði verk-
in hafa notið mikilla vinsælda.
Þórunn Sigurðardóttir leik-
stýrir verkinu en leikarar eru
þrír. Skúli Gautason er Herra
Hú, en Inga Hildur Haralds-
dóttir og Einar Jón Briem
bregða sér í ýmis hlutverk á
eftirminnilegan hátt.
Herra Hú er svartklæddur
náungi sem býr í kofa úti í skógi.
Hann heldur það hlutverk sitt að
hræða börn, en krakkarnir sjá í
gegnum hann. Hú er samt ramm-
göldróttur og fær stuðning frá afa
sínum sem er kostuleg mynd á
kofaveggnum. Einnig vill hin
sjálfstæða spegilmynd hans
leggja ýmislegt til málanna.
Hú lendir í ýmsum uppákom-
um sem ég vil ekki segja frá hér,
en þegar risaköttur og gráðug
jurt hyggjast éta hann þá verður
hann skiljanlega ekki eins upp-
litsdjarfur. Hann reynir að nálg-
ast Mikka og Rimmu með því að
hræða þau, því hann kann ekki
að haga sér almennilega. Þau
fara saman til borgarinnar sem
birtist okkur sem hávær
óskapnaður og Hú verður alveg
ruglaður á þessum framandi stað.
Hann kemst heim með leigubíl,
en á enga peninga og lætur bíl-
stjórann fá gull, sem afi hans
kallaði alltaf „gagnslaust rusl“.
í lokin koma verkfræðingur og
mælingamaður og ætla að leggja
veg gegnum skóginn. Hú, Mikki
og Rimma neyðast til að flytja í
hinn skelfilega heim, sem borgin
er í augum höfundar, en Hú
kemur á óvart, mest þó sjálfum
sér, og stendur uppi sem bjarg-.
^vættur sveitarinnar.
Eftir æfingunni að dæma þá er
hér skemmtilegt verk á ferðinni
og spurði ég Þórunni Sigurðar-
dóttur leikstjóra um boðskap
þess og til hvaða aldurshóps
leikritið höfðaði að hennar mati:
„Þetta er um einmanaleika
hans og hvernig óttinn tengist
einmanaleikanum, en ég held að
höfundurinn sé lítið fyrir uppeld-
islegar skýringar á persónunni
Herra Hú, aðalmarkmiðið er að
skemmta áhorfendum. Ég hugsa
að þetta sé kannski ekki fyrir
mjög litla krakka, nema þá með
foreldrum sínum. En fjögurra til
fimm ára börn og upp úr hafa
örugglega mjög gaman af þessu.
Þó að verkið hræði pínulítið, þá
er ekkert í því sem er ljótt. Enda
segja margir að börn hafi gott af
því að vera svolítið hrædd ef það
er í réttum skömmtum. Það er
þrillið sem er svo spennandi. Það
hafa allir gaman af því að láta
hræða sig pínulítið, vera spenntir
og slaka síðan á í lokin. Og ég
held að fullorðnir geti haft gaman
af þessu líka.“
Það eru orð að sönnu því þetta
er skondið verk. Ég spjallaði
örlítið við leikarana og aðspurð
sögðust þau nýútskrifuð úr Leik-
listarskólanum og það væri mjög
skemmtilegt að eiga við Herra
Hú. Ég spurði Skúla hvort Hú
væri flókinn persónuleiki.
„Já, hann er furðulegur. Þegar
er verið að lýsa hugarástandi
hans í handritinu, (hissa), (reið-
ur) og slíkt, þá kemur kannski
hálf blaðsíða um ímyndanir hans
og drauma. Bókin er dálítið
öðruvísi þó hún fjalli um sömu
atburði, þar er Herra Hú jafnvel
flóknara fyrirbæri. Það er gaman
að leika þessa persónu,“ sagði
Skúli.
- Inga, er ekki erfitt að þeyt-
ast svona á milli hlutverka?
„Það er náttúrlega nóg að
gera hjá okkur Einari við að
skipta um gervi, en þetta er gert
fyrir þrjá leikara, eða kannski
fjóra. Ég held að kötturinn hafi
verið karlmaður. En þetta er
ofsalega gaman. Guð, ég hef ekki
verið svona falleg í fimmtán ár!“
hrópar Inga upp yfir sig í gervi
stelpunnar Rimmu.
Tónlist skipar vegiegan sess í
leikritinu. Þetta eru skemmtileg
lög eftir Sven Sid og sjá Kristinn
Örn Kristinsson, Finnur Eydal og
Birgir Karlsson um flutning og
leikararnir syngja. Leikmynd og
búningar eru eftir Gylfa Gíslason
og lýsingin er í höndum Ingvars
Björnssonar. Þetta eru mikilvæg-
ir þættir og virðast þeir Ingvar og
Gylfi ætla að gera góða hluti. En
á laugardaginn á allt að vera vel
smurt, því þá verður frumsýning
og er væntanlega kominn fiðring-
ur í aðstandendur sýningarinnar.
Þess má geta að höfundur leik-
ritsins, Hannu Mákelá, er væntan-
legur hingað til þess að vera við-
staddur sýningu. SS
Næturvörður óskast
Frekari upplýsingar á Hótel Stefaníu, sími 26366.
Tryggingafulltrúi
Vegna afleysinga er óskað eftir manni til að
gegna starfi tryggingafulltrúa um eins árs skeið.
Þarf að geta hafið störf sem fyrst.
Sýslumaður Þingeyjarsýslu.
óskar að ráða fréttaritara á
Dalvík, Ólafsfirði og Siglufirði
Upplýsingar veitir Gylfi Kristjánsson, frétta-
stjóri, í síma 24222.
Vélvirkjar athugið!
Bíla- og vélaverkstæði Hjalta Sigfússonar á
Árskógsströnd vill ráða nú þegar eða sem
fyrst vélvirkja til starfa.
Möguleiki fyrir traustan mann að gerast hluthafi í
fyrirtækinu. Nánari upplýsingar veita á verkstæð-
inu á vinnutíma, Sigfús Þorsteinsson eða Haukur
Sigfússon, símar 61810 eða 61811. Heimasím-
ar, Sigfús 63151 og Haukur 63144.
Óskum að ráða
starfsfólk strax
í heils- eða hálfsdagsstörf.
Vinnutími frá kl. 9-13 og 13-18 eða 9-18.
Upplýsingar gefur verslunarstjóri. Ekki í síma.
Kaupangi.
MATVÖRU
MARKAÐURINN
Skúli Gautason í hlutverki „Herra Hú“.