Dagur - 20.12.1986, Blaðsíða 9

20. desember 1986 - DAGUR - 9
Björgvin Björgvinsson og Edda Hrönn Stcfánsdóttir með 6 af 10 börnum
sínum: Edda 12 ára, Eva Dögg 10, tvíburarnir Ómar og Freyr 7 ára, Berg-
þóra 5 og María Rut 2ja.
öllsömul. Við gætum ekki hugsað
okkur að fara aftur í kaupstað-
inn, alla vega ekki í bili. Krakk-
arnir eru mjög ánægðir.“
- Heldurðu að það sé léttara
að vera með svona mörg börn í
sveitinni?
„Mér finnst ekki hægt að líkja
því saman. Það er svo margt sem
spilar þar inn í, í bænum eru allir
að keppast við t.d. notar maður
betur út úr öllum fatnaði hérna
og þetta kemur mikið betur út.“
- Nú tala margir um að þeir
hafi ekki efni á að eiga nema tvö
til þrjú börn.
„Mér finnst þetta svo kjána-
legt, ég vorkenni ekki fólki sem
er með 4-5 börn og þeir barma
sér mest sem hafa það best.
Við höfum efni á að eiga
þessi tíu börn, náttúr-
lega lifir maður engu
lúxuslífi, það er langt frá því, en
við höfum komist af án þess að
vera upp á nokkurn kominn. Það
hefur oft verið á mörkunum með
að endarnir næðu saman en þetta
hefur tekist með því að veita sér
ekki mikið og við höfum aðeins
einu sinni farið í sumarfrí á þess-
um árum. Meðan við bjuggum í
kaupstaðnum skruppum við
stundum eitthvað með börnin um
helgar, annað höfum við ekki far-
ið og það er lítið um skemmtanir,
en ég held að það séu allir ánægð-
ir með þetta, það kvartar
enginn.“
- í dag hafa margir áhyggjur
af fækkun fólks á Vesturlöndum
vegna þess að fólk eignist ekki
nógu mörg börn, hvað finnst þér
um þessi mál?
„Eg segi fyrir mig að mér finnst
konur vera allt of mikið úti á
vinnumarkaðinum og vera allt of
lítið heima. Mér finnst þetta svo
stuttur tími, þó að konur séu
heima í ein tíu ár, við hljótum að
geta farið að vinna aftur seinna,
þessi tími er svo fljótur að líða.
En það er eins og allir þurfi að
vera að vinna því metnaðurinn er
náttúrlega svo óskaplega mikill,
það þurfa allir helst að eiga nýja
bíla, fara í utanlandsferðir og
guð má vita hvað. Það leyfir sér
afskaplega mikið svo það kemur
af sjálfu sér að það þarf að
vinna."
- Hver er stærsti kostnaðarlið-
urinri við að eiga svona mörg
börn?
„Ég veit ekki hvað ég á að
segja. Pegar börnin byrja í
skólanum á haustin er keyptur
fatnaður og náttúrlega reynir
maður að komast af með sem
minnst, kaupir frekar á börnin
sem eru í skóla heldur en hin,
kannski sitja þau á hakanum.
Það fer dálítið mikill peningur í
mat, það þarf mikið ofan í stóran
hóp. Ég reyni að nýta allt mjög
vel og bý til slátur, rúllupylsur,
kæfu og fleira þess háttar.“
- Mjög persónuleg spurning,
langaði ykkur til að eiga svona
mörg börn?
„Já, annars hefðum við ekki
átt þessi börn, við höfum alltaf
haft mjög gaman af börnum og
ég sé svo sannarlega ekki eftir
þessu. Þetta er náttúrlega alveg
feikilega mikil vinna en börnin
eru svo dugleg bæði við að hjálpa
til og að bjarga sér að dæmið
virðist ganga upp. Stelpurnar
sem eru 10 og 12 ára ganga í öll
verk með mér og ég er mjög sátt
við mitt hlutskipti, annars hefði
ég ekki eignast börnin því það
þarf enginn að eignast börn í dag
sem ekki kærir sig um það.“
- Langar þig að eiga fleiri?
„Nú er ég alveg hætt, þetta er
orðið ágætt og ég á orðið það
fullorðin börn að ég gæti verið
orðin amma.“
- Hvernig er vinnudagurinn
hjá þér og hvað er hann langur?
„Ég fer á fætur rúmlega sjö á
morgnana, gef börnunum morg-
unmat og kem fimm þeirra af
stað í skólann, þegar þau eru far-
in vakna þau yngstu og það er
alltaf nóg að gera, maður má
hafa sig allan við að komast yfir
verlíin. Það er frekar rólegt með-
an börnin eru í skólanum en það
þarf að þvo, þrífa, elda og baka,
eftir að ég kom hingað austur hef
ég lítið gert af því að sauma og
prjóna á börnin en það gerði ég
stundum áður meðan ég hafði
meiri tíma.
Það hefur verið svo mikið að
gera, ég tók að mér að
vera með menn í mat og
kaffi meðan verið var að byggja
kirkjuna. Ég reyni að vera búin
með verkin klukkan níu á kvöld-
in eða ekki seinna en tíu, þá vil
ég fara að geta slappað af.“
Fimm bamanna stunda nám
við Hafralækjarskóla í Aðaldal,
þau fara daglega til og frá skólan-
um með skólabíl. Þess má til
gamans geta að alls stunda 107
nemendur nám við skólann svo
drjúgur hluti þeirra kemur frá
heimilinu á Þóroddsstöðum.
„Börnin eru sérstaklega ánægð
í skólanum, þar er mikið félagslíf
t.d. eru haldin þorrablót og árs-
hátíðir og þangað koma foreldrar
og systkini. Þetta er ekki í kaup-
stöðum og mér finnst alveg sér-
staklega gaman að fara til að
skemmta sér með börnunum,
svona félagslíf þyrfti að tíðkast
víðar.“
- Er ekki dýrara fyrir ykkur að
þurfa að kosta börnin í sveita-
skóla?
„Ég er ekki viss um það, þegar
börnin eru heima er aldrei reikn-
að hvað kostar að fæða þau.“
Hægt er að ímynda sér að tíu
barna móðir sé þreytuleg og
stressuð en svo er alls ekki með
Eddu, hún er ungleg og lítur
ljómandi vel út, er í góðu jafn-
vægi og skemmtileg heim að
sækja. Börnin bera það einnig
með sér að vel er um þau hugsað
og að þeim er mikið sinnt og auk
þess er heimilið hreint og snyrti-
legt. Er Edda kraftaverkakerl-
ing? Hún er spurð um heilsuna.
„Ég hugsa að ég sé mjög
hraust, það hlýtur að vera því
þetta hefur verið dálítið mikið
álag. Álagið hefur verið á okkur
báðum því það er mikið búið að
gera hérna, bæði við íbúðarhúsið
og útihúsin."
- Getur maðurinn þinn hjálp-
að þér með heimilisverkin?
Nei, hann getur það nú
ekki, hefur alveg nóg
með sitt, stelpurnar sem
eru heima eru duglegar að hjálpa
mér því annars kæmist ég ekki
yfir þetta, þar sem er stór hópur
held ég að þetta komi af sjálfu
sér. Elstu strákarnir hafa hjálpað
pabba sínum afskaplega mikið og
þetta hefði ekki allt tekist nema
með hjálp þeirra.
- Hefur þér fundist fólk
hneykslast á ykkur fyrir að eiga
svona mörg börn?
„Já, mér hefur fundist það og
efa ekki að mikið er talað um
okkur. Ég er viss um að ég er
ekki talin normal en mér er
nokkuð sama um það og tek það
ekki nærri mér. Ég hef svolítið
gaman af því að fólk hefur álitið
að við værum kaþólsk. En fólkið
hérna í sveitinni er afskaplega
indælt og gott og það tók okkur
mjög vel.“
- Að lokum Edda, þú eignast
þitt fyrsta barn 19 ára gömul, síð-
an hvert á eftir öðru og hefur að
sjálfsögðu verið bundin yfir
þeim. Finnst þér þú hafa farið á
mis við eitthvað í lífinu?
„Nei, það finnst mér alls ekki,
ég hef verið afskaplega ánægð
með þetta og sé ekki eftir neinu.“
IM
<r

✓
Oskum viðskiptavinum okkar
gleðilegra jóla
og farsældar á komandi ári.
Þökkum viðskiptin.
Hestasport
Helgamagrastræti 30, sími 21872.
%
/
V
Æ^
ll
Á,
\,
Oskum viðskiptavinum okkar
gleðilegra jóla
og farsældar á komandi ári
Þökkum viðskiptin.
EúMMívmsimí.
Rangárvöllum • Akureyri
/y-
\
n
GleðUegjól
og farsælt komandi ár
Þökkum viðskiptin á árinu sem er að kða.
v-
Óseyri 4, sími 26842.

ft
\
n
Sendum viðskiptavinum okkar bestu
jóla- og nýárskveðjur
Þökkum viðskiptin á árinu sem er að líða.

Húsgagnaverkstæöi, sími 24727.

*

■4
/ \
\t
Sendum öllum viðskiptavinum okkar
svo og öllum landsmönnum okkar bestu
jóla- og nýárskveðjur
Þökkum viðskiptin.
Crown Chicken

Æ7'
*

/
Sendum viðskiptavinum okkar bestu
jóla- og nýársóskir
Þökkum viðskiptin á árinu.
Skart - Skrautfiskabúðin
\
-P