Dagur - 20.12.1986, Blaðsíða 17

20. desember 1986 - DAGUR - 17
Opin vika í Húnavallaskóla:
Glaðvœrdin
réði ríkjum
Danskennsla í umsjá Huldu og Ásrúnar.
Það var mikið um að vera í
Húnavallaskóla þegar biaða-
mann bar þar að garði fyrir
skömmu. I íþróttasalnum var
dansað, söngur yngstu barn-
anna, sem kyrjuðu jólaiögin,
heyrðist langar leiðir og um
alla ganga mátti sjá hressa
krakka á þeytingi fram og til
baka, sækjandi þetta eða hitt
eða bara eltandi hvert annað í
ærslafengnum ieik. Glaðværð-
in réð greinilega ríkjum í
skólanum. Það sem skóp þetta
skemmtilega andrúmsloft í
skólanum var ekki bara
nálægð jólanna eins og mátt
hefði halda, heldur stóð yffir
opin vika í skólanum, nokkurs
konar starfsvika. Opin vika er
árviss þáttur í skólastarfinu á
Húnavöllum og að þessu sinni
stóð hún yfir frá 11. desember
til þess 17. en þann 18. áttu svo
litlu jólin að vera.
í öruggri tylgd skólastjórans
Jóns Hannessonar ráfaði blaða-
maður á milli stofanna til þess að
fá að sjá hvað fram fór á hverjum
stað, og að sjálfsögðu til að taka
myndir. Og alls staðar var þetta
létta andrúmsloft ríkjandi þrátt
fyrir alvöruna í námsefninu, t.d.
var einbeitingin greinileg hjá
þeim sem voru að læra dans hjá
þeim Huldu Hallsdóttur og
Ásrúnu Kristjánsdóttur, en engu
að síður mátti sjá að krakkarnir
skemmtu sér vel við námið. Þá
voru svo sem engin hlátrasköll í
stofunni þar sem fræðilega
kennslan í hestadómum fór fram
en það stóð þó ekkert á brosun-
um þegar átti að fara að mynda
væntanlega hrossaræktarráðu-
nauta.
Þá var ekki að sjá að Húnvetn-
inga myndi skorta listamenn á
komandi árum, því fjöldi klippi-
mynda og þrykkimynda sem
krakkarnir voru búin að gera var
mikill og greinilegt að víða leyn-
ast listamannsefnin. Þá höfðu
þau búið til leikbrúður og yngstu
krakkarnir fullt af jólasveinum.
Auk alls þessa var svo fjöldinn
allur af jólaskreytingum tilbúinn
eða að verða það. Eftir að hafa
sveimað um skólann nokkurn
tíma og elt væntanlega hesta-
dómara út í hesthús, var komið
að því að setjast niður með skóla-
stjóranum og fá svolítið nánari
skilgreiningu á opinni viku.
Kaffið var komið í bollana,
búið að hreiðra sæmilega um sig,
og nú skyldi spjallið hefjast. Og
það hófst svo sem, en sjaldan hef
ég vitað friðlausari mann en Jón
skólastjóra, það var varla að liðu
nema þrjár til fjórar mínútur sem
maðurinn fékk að sitja í friöi, þá
var einhver kominn til að spyrja
um þetta eða hitt, og alltaf þaut
Jón af stað. Skyldi enginn vita
um eitt né neitt í þessum skóla
nema hann, hugsaði blaðamaður.
En sem betur fór var nóg til af
kaffinu, og smátt og smátt varð
viðtalið til.
- Jæja Jón, hvað getur þú sagt
mér um þessa opnu viku?
„Það má segja að þetta skiptist
í þætti. í fyrsta lagi er um að ræða
ýmis námskeið sem skólanum er
skylt að vera með samkvæmt
lögum. Þar má nefna kynfræðslu,
en inn í hana fellum við áð þessu
sinni frumfræðslu um eyðni, fyrir
eldri árgangana. Um þann þátt-
inn sér Sigursteinn Guðmunds-
son yfirlæknir við Héraðshælið á
Blönduósi. Þá erum við með
námskeið í hjálp í viðlögum. Við
eigum líka að vera með urnferð-
arfræðslu en vegna þess á hvaða
árstíma opna vikan er þá verðum
við að fresta nokkru af henni, en
erum þó með getraun Umferðar-
ráðs fyrir sex til tólf ára börn.
Síðan koma þættir sem við höf-
um ekki getað sinnt nægilega
vegna skorts á kennurum, eins og
tónmennt og myndmennt. En á
þá þætti reynum við að leggja
sérstaka áherslu þessa viku.“
- Þetta eru sem sagt skyldu-
greinar, en þið eruð greinilega
með margs konar önnur nám-
skeið. Hvað um þau?
„Já það eru námskeið sem
bæði eru krökkunum mjög gagn-
leg og sem þau hafa mjög gaman
af. Þar má nefna hestadómana,
námskeið í rafsuðu sem gæti
kannski fallið undir hand-
menntanámið og námskeið í
ræðumennsku og fundarsköpum.
sem mætti jafnvel ímynda sér að
gæti talist liður í íslenskunáminu.
Okkur er jú uppálagt að undir-
búa börnin fyrir þátttöku þeirra í
störfum sem viðgangast í lýð-
ræðislegu samfélagi. Svo er það
danskennslan. Það má segja að
við höfum að nokkru leyti miðað
opnu vikuna við þann tíma sem
vitað var að hún Jlulda yrði hér á
ferð með kennsluna, því þátttaka
í dansinum er það mikil að til
þess að ekki yrði röskun á
stundaskánni var best að stilla
betta sarnan."
- Svo sá ég að yngri krakkarn-
ir voru í óða önn að gera jóla-
skraut, er það undirbúningur litlu
jólanna?
„Já, að nokkru leyti. 0. til 6.
bekkur eru að undirbúa dagskrá
litlu jólanna, leikþætti, danssýn-
ingu o.fl. Litlu jólin verða haldin
í íþróttasalnum og vegna
aðstöðunnar verður aðaláherslan
lögð á söng og dans, því það hátt-
ar þannig til að talað mál og t.d.
upplestur heyrist bara alls ekki í
salnunt og önnur aðstaða fyrir
svo stórar skemmtanir er ekki
fyrir hendi.“
- Hvað eru margir nemendur í
skólanum?
„Þeir eru 144 og þar af er 15
kennt í Flóðvangi í Vatnsdal.
Það eru O.til 3. bekkur. Þau sem
eru í Flóðvangi hafa sína opnu
viku þar nema hvað þau koma
hingað í dans.“
- Nú var þessi skóli reistur
sem heimavistarskóli, er hann
ekkert notaður sem slíkur
lengur?
„Nei, nema þegar bekkjar-
kvöld eru þá fá krakkarnir að
gista. '/4 heimavistarinnar var
tekinn undir kennslu, svo er þar
bókasafni tækjageymsia og að-
staða fyrir þá kennara sem ekki
búa hér á staðnum. þannig að urn
2A heimavistarinnar eru nýttir fyr-
ir skólann. En svo er skólinn rek-
inn sem hótel á sumrin og þá er
heimavistin að sjálfsögðu hluti af
því.“
- Nú finnst eflaust mörgum
skrítin fjárfesting að reisa heima-
vistarskóla en taka svo upp á því
að aka nemendunum til og frá
heimilunum. Hvernig stendur á
þessu?
„Það segir í grunnskólalögun-
um að sjá skuli nemendum fyrir
akstri til og frá heimilunum.
Þetta er sem sagt sú stefna sem
tekin var upp með lögunum og
henni er að sjálfsögðu fylgt. Ann-
ars er það samdóma álit kennar-
anna hér að námsárangur
nemenda hafi batnað til muna
miðað við það sem var á rneðan
skólinn var heimavistarskóli."
Við látum nú þessari heimsókn
að Húnavöllum lokið, enda ekki
gustuk að vera að tefja kennara
eða nemendur frekar. Auk þess
sem blaðamaður veit að beðið er
með óþreyju norður á Akureyri
eftir því að geta farið að prenta
frásögnina um krakkana á Húna-
völlum og skólann þeirra. G.Kr.
Yngstu nemendurnir voru búir að búa til fullt af jólasveinum og skreyting-
um, og vildu fá að vita hvort það kæmi ekki mynd í blaðinu.
(t
\
n
V
Við sendum okkar bestu
jóla- og nýárskveðjur
til viðskiptavina okkar og landsmanna.
Þökkum viðskiptin á árinu.
TÉPPfíLfíND - Dúkaland
Sími25055
4
n
Sendum viðskiptavinum okkar bestu
jóla- og nýárskveðjur
Þökkum viðskiptin.
v-
Vefnaðarvöruverslun - Sunnuhlíð
á/
*

Gleðileg jól
og farsælt komandi ár
Þökkum viöskiptin á liðnu ári.
dteki
H
F
Draupnisgötu 6, Akureyri, sími (96) 23017 og 23917. ^
— -

/

Bestu jóla- og nýársóskir
sendum við öllum viðskiptavinum
okkar og landsmönnum öllum.
Þökkum viðskiptin.
HAGKAUP
Noröurgötu 62
J
Jólaföndur kortagerð og Ieikbrúðugerð voru hluti af handmenntinni í opnu
vikunni.