Dagur - 11.12.1987, Blaðsíða 15
11. desember 1987 - DAGUR - 15
Gunnar Dúi Júlíusson hefur haldið margar sýningar heima og erlendis.
Málari verður að gefa af
sjálfum sér í hverri mynd
- Gunnar Dúi Júlíusson opnar málverkasýningu á Akureyri
Akureyringurinn Gunnar Dúi
Júlíusson hefur opnað mál-
verkasýningu í Verslunarmið-
stöðinni við Sunnuhlíð, í Golf-
verslun Davids Barnwell,
Gunnar Dúi sýnir 15 myndir,
bæði olíumálverk og vatnslita-
myndir, allar málaðar á þessu
ári en hafa ekki verið sýndar
áður. Sýningin, sem er sölu-
sýning, verður opin fram til
jóla og er opin á opnunartíma
verslana. Aðgangur er ókeypis.
Gunnar Dúi er fæddur á Akur-
eyri 22. október 1930. Hann fékk
áhuga á myndlist strax á barns-
aldri og byrjaði að læra húsamál-
un og leiictjaldamálun árið 1946
hjá Hauki Stefánssyni, en Haukur
stundaði leiktjaldamálun lengi
vel auk listmálunar. Gunnar Dúi
útskrifaðist með meistararéttindi
sem húsa- og bílamálari. Hann
svaraði nokkrum spurningum
blaðamanns í tilefni af sýning-
unni, en þetta mun vera 16.
einkasýning hans.
- Hvað bjóstu lengi á Akur-
eyri?
„Ég flutti suður árið 1952 og
fór þá í Handíða- og myndlistar-
skólann. Þar var ég í einn vetur
en fór síðan út í að stofna fyrir-
tæki á sviði bílamálunar. í þessu
var ég allmörg ár en málaralistin
átti alltaf hug minn og árið 1973
fór ég til útlanda og var í tíu ár
erlendis við nám og störf.
Fyrst var ég í fjóra vetur í
listaháskólanum í Malaga á
Spáni, sem kallaður er Picasso-
skólinn, eftir meistaranum sem
steig þar sín fyrstu spor í listinni.
Eftir það fór ég til Hollands og
dvaldi einnig um tíma í Belgíu og
í Frakklandi við að stúdera
myndlist. Pað má segja að ég hafi
ferðast á milli staða á nokkurra
mánaða fresti.
Pað sem hjálpaði mér mest á
þessum ferðalögum var að ég
seldi alltaf allt sem ég málaði og
ég hélt víða sýningar, aðallega þó
í Hollandi. Evrópubúar eru
almennt meira gefnir fyrir að
kaupa listaverk en gerist hér á
landi. Ég hef aðallega málað með
olíulitum um dagana en einnig
notað vatnsliti o.fl. liti talsvert.“
- Hefur þú aðhyllst einhverja
ákveðna stefnu í málaralistinni?
„Það er erfitt að segja. Nú á
dögum mála ég mest í anda
natúralismans, eins og sést af
þeim myndum sem eru hér til
sýnis. Upp úr 1950 bar mest á
abstraktmálverkum, sem helriðu
listgreininni til fjölda ára. Petta
fór svo að dofna þegar málararnir
voru komnir í þrot með formin
og búnir að forma sig í kross, eins
og sagt er.
Eftir þetta fór cinn og einn að
fara aftur yfir í natúralismann,
t.d. Sverrir Haraldsson. Eftir
þetta koinu smám saman fleiri á
eftir. Ég var á tímabili í abstrakt-
listinni en það var þó ekki um
langt skeið."
- Pú hefur kynnt þér ýmsar
listastefnur um dagana?
„Já, ég kynnti mér allar helstu
listastefnur í Evrópu á þessunr
árum. í Hollandi t.d. er ekki
hægt að segja að nein ein stefna
sé ríkjandi í málverkinu, það er
allt leyfilegt og ólíkum stefnum
ægir saman."
- Hvað finnst þér um íslenska
myndlist í dag?
„Hún er, má segja, ekki á
neinu ákveðnu plani. Ég get ekki
séð annað en að menn séu í
mörgum og ólíkum stefnum og
stílum. í dag stendur ekki nein
stefna upp úr og það er með þetta
eins og ýmislegt annað, málarar
vita aldrei hvað verður í tísku á
morgun, abstrakt, natúralismi
eða eitthvað alveg nýtt."
- Hefur einhver ákveðinn
listamaður haft meiri áhrif á þig
en annar?
„Þeir eru nokkrir sem hafa haft
áhrif á mig. Þegar ég byrjaði
stúderaði ég mikið gömlu meist-
arana, Rembrandt, Leonardo
o.fl. Ég hef búið að þessu síðan,
álít ég, því ég þekki þessi
nákvæmu vinnubrögð. í dag eru
menn að henda frá sér allri
nákvæmni en reyna frekar að
þróa sinn stíl. Málari verður
alltaf að gefa eitthvað af sjálfum
sér í hverri mynd því listin verður
að koma frá honum sjálfum. Eitt
af viðfangsefnum málara er að
túlka þau áhrif sem þeir verða
fyrir af viðfangsefninu.“ EHB
Jólagjöf
veiðimannsins
* 10% jólaafsláttur *
Opið laugardag 12. desember frá 10-18.
Eyfjör6
Hjalteyrargötu 4 - Sími 22275
Bíiasýnmcf
verður laugardaginn og sunnudaginn
12. og 13. desember frá kl. 2-5 e.h.
báða dagana að Bifreiðaverkstæði
Sigurðar Valdimarssonar
í nýjum sýningarsal Óseyri 5 (norðurhluta).
Sýndir verða:
Subaru 1800 XT turbo, Fulltime 4x4 sport.
Einn glæsilegasti sportbíll á landinu.
Nissan Pick-up diesel, Subaru EIO 4x4 og
Trabant, góðir greiðsluskilmálar
20 þúsund út og afgangur á 10 mánuðum.
Trabant eigendur!
Sérfræðingur frá Trabant verksmiðjunum
verður til viðtals og ráðlegginga
mánudaginn 14. des. frá kl. 9.00.
* Ókeypis þjónusta +
Bifreiðaverkstæði
Sigurðar Valdimarssonar
Óseyri 5 - Simi 22520 - Akureyri.
Ingvar Helgason hf. Rauðagerði.
mwmTam
ii» ^.
sem ekki gengu ut
síðasta laugardag, leggjast við
1. vinninginn núna.