Dagur - 15.12.1987, Blaðsíða 9
'IS?tíese!mber'1987 - ÐAGUR - 9
Mynd: JÓH
Álfhciður Steinþórsdóttir og Guðfinna Eydal.
Kaupfélag Eyfírðinga:
Sálfræðistöðin kannar
viðhorf starfsinanna tfl
ÍVrirtækisins
- Alfheiður Steinþórsdóttir og Guðfínna Eydal teknar tali
Kaupfélag Eyfirðinga hefur
bryddað upp á þeim nýmælum
að láta kanna hug starfsfólks til
fyrirtækisins og afstöðu til
fræöslustarfsemi. Álfheiður
Steinþórsdóttir og Guðfinna
Eydal hjá Sálfræðistöðinni í
Reykjavík voru fengnar til að
sjá um þetta verkefni og þar
sem okkur lék forvitni á að
fræðast nánar um könnunina
fengum við þær í stutt spjall.
- Segið mér aðeins frá þess-
ari könnun, er hér um nýjung að
ræða?
„Já, venjulega eru pöntuð
námskeið sem eru hönnuð fyrir-
fram fyrir einhvern starfshóp en
við förum öfuga leið. Við byrjum
á að kanna þarfir starfsfólks og
vilja í sambandi við fræðslu og út
frá því verður skipulagt fræðslu-
starf sem byggir á þessum
þörfum. Þetta er alveg nýtt og
gerir starfsfólki kleift að hafa
bein áhrif á fræðsluna og þeir
sem hafa hana með höndum vita
að hverju þeir eiga að ganga.
Þetta hefur aldrei verið gert og
í rauninni mjög gott hjá KEA að
taka upp á þessu nýmæli, ganga
út frá þessum grunni. Upphafið
að þessari könnun má rekja til
þess er Áskell Þórisson var starfs-
mannastjóri, en hann átti frum-
kvæðið að þessu fyrir um einu og
hálfu ári. Síðan þegar Guðbjörn
Gíslason tók við voru fleiri þættir
teknir inn í. Þetta eru annars
vegar spurningar um líðan starfs-
fólks og þarfir á vinnustað og
afstöðu til fræðslu en hins vegar
spurningar er varða fyrirtækið
sem slíkt.“
- Varla hafa allir starfsmenn
KEA tekið þátt í könnuninni?
„Nei, þetta er starfsfólkið í
Hrísalundi og Vöruhúsinu sem
fékk spurningalista og þátttakan
var mjög góð. Fólk svaraði mjög
hreinskilnislega, enda er fyllstu
nafnleyndar gætt. En þetta var
bara fyrsti liðurinn í þessu verk-
efni, úrvinnslan er eftir.“
- Hvernig fer hún fram?
„Niðurstöðurnar eru tölvuunnar
og þar sem þátttakan var mjög
góð kemur þetta til með að gefa
mjög gott yfirlit yfir afstöðu
þessa hópsins. Síðan ætlum við
að greina niðurstöðurnar, fara
ofan í saumana á þeim og funda
síðan með fólkinu aftur. Það geta
vaknað ýmsar spurningar, bæði í
sambandi við fræðslu og eins geta
komið fram ýmsir punktar fyrir
KEA, innanfrá, sem geta nýst
fyrirtækinu öðruvísi en bara til
fræðslu.“
- Þið segið að hér sé um nýj-
ung að ræða en hafið þið unnið
að hliðstæðum verkefnum?
„Já, við höfum unnið ansi lengi
á þessu sviði, í sambandi við
starfsmenntun og endurskipu-
lagningu hjá fyrirtækjum og
stofnunum. Hér fyrir norðan er
til dæmis verið að hanna nám-
skeið fyrir fataiðnaðinn í sam-
bandi við endurmenntun starfs-
manna og einnig fyrir sjávar-
útveginn þar sem starfsfólk frysti-
húsa fer í gegnum ákveðið
prógramm. Þá eru til verkstjóra-
námskeið og margt fleira. Þetta
er allt í gangi, en það er að verða
meira um það að fyrirtæki hafi
sjálf samband við sérfræðinga á
þessum sviðum og biðja þá um að
koma á staðina, hitta starfsfólk-
ið, skoða fyrirtækið og aðlaga
síðan námskeiðin að viðkomandi
stað. En það sem okkur finnst
nýtt í þessu er að gera formlega
athugun þar sem nafnlaust fólk
segir sína skoðun.
Það virðist heilmikið vera að
gerast í þessum starfsmenntunar-
málum og fyrir skömmu var hald-
in ráðstefna í Reykjavík um
starfsmenntun í atvinnulífinu á
vegum félagsmálaráðuneytisins.
Þar var gífurlega mikil þátttaka
hjá helstu aðilum sem tengjast
atvinnulífinu. Þar var einmitt
verið að ræða um hvernig starfs-
menntun færi fram og hver væri
framtíðarþróun í þessum málum
og þar kom fram mikil jákvæðni í
sambandi við þessa hluti, að fara
inn í fyrirtækin sjálf og að fram-
tíðarþróunin myndi taka mið að
því að byggja þannig upp starfs-
menntun og -fræðslu."
- En var fólk virkilega ekkert
smeykt við að taka þátt í könnun-
inni?
„Nei, hver einn fær ómerkt
blöð til að fylla út og við förum
síðan með þau suður til að vinna
úr svörunum. Fólk getur alveg
sagt sína meiningu og þarna er
einmitt tækifærið til að koma út
með það sem því finnst, hvort
sem það er jákvætt eða neikvætt.
Það er þannig með fólk á
íslandi að það er mjög heiðarlegt
í svörum þegar það tekur þátt í
könnunum. Við höfum oft verið
með hæfileikamat í sambandi við
störf, fyrir stofnanir og fyrirtæki.
Einnig er fólkið sjálft oft að velta
því fyrir sér hvort það passi í hitt
eða þetta starf. Við erum próf
sem norskur aðili, frá ráðgjafar-
fyrirtæki í Noregi, hannaði og við
þýddum það og staðfærðum.
Þegar íslendingar hafa verið
bornir saman við Norðmenn og
aðrar þjóðir hefur komið í ljós að
þeir eru dálítið sér á báti. íslend-
ingar draga ekkert úr sínum
göllum, segja frá sínum sterku og
veiku hliðum, jafnvel þótt þeir
séu að sækja um ábyrgðarstörf. í
þessu prófi er innbyggður skali
þar sem maður getur séð hvort
fólk sé heiðarlegt í sínum svörum
og íslendingar koma stálheiðar-
legir út og sá norski á bara ekki
orð yfir þessu."
- Hvenær má búast við að
niðurstöðurnar komi til fram-
kvæmda hjá KEA?
„Við ætlum að ganga í
úrvinnsluna á þessu og sendum
niðurstöðurnar til fyrirtækisins
og ræðum líka við stjórn og
starfsmenn. Stjórnin verður síð-
an að ákveða framhaldið að
fengnum niðurstöðum. Það er
mikill áhugi á starfsmenntun hér
og mörg fyrirtæki að velta því
fyrir sér hvernig þau eigi að
standa að henni.“
- Þannig að þessi könnun get-
ur haft stefnumótun á þessu
sviði.
„Já, alveg örugglega og ekki
síst það að fá fólk til sín. Það er
alþekkt að fyrirtæki sendi nokkra
starfsmenn suður til að sækja sér
fræðslu en það er sniðugra til að
tryggja innviði fyrirtækisins að
hafa slíka fræðslu innan þess, þar
sem fleiri geta tekið þátt í henni
og hægt er að aðlaga hana við-
komandi fyrirtæki. Þetta er trú-
lega bæði áhrifaríkara og ódýrara
en að vera að senda einn og einn
suður í einu.
Samkeppnin eykst sífellt og
fólk er að verða meira meðvitað
um það að þjónustan skiptir
miklu máli og það er farið að
reyna miklu meira á hinn mann-
lega þátt. í öllum þjónustustörf-
um skiptir hinn mannlegi þáttur
gífurlegu máli. Það er hann sem
þarf að rækta og það er hann sem
gerir það að verkum að eitt fyrir-
tæki er samkeppnishæft við
önnur.“
Þar með sláum við botn í þetta
spjall, þökkum Álfheiði og Guð-
finnu fyrir spjallið og bíðum
spennt eftir niðurstöðunum. SS
Meiraprófsnámskeið
veröur haldiö á Akureyri ef næg þátttaka fæst, og
hefst þá í janúarmánuöi næstkomandi.
Umsóknir berist fyrir 30. þ.m.
Bifreiðaeftirlitið, Akureyri.
Viðskiptamenn
Sparisjóðs Arnarneshrepps
athugið!
Frá og með 14. desember 1987 er afgreiðsla
sjóðsins flutt til Akureyrar og verður framveg-
is í Sparisjóði Akureyrar, Brekkugötu 1.
Sparisjóður Arnarneshrepps.
VERKMENNTASKÓLINN
Á AKUREYRI
A vorönn 1988
bætast við eftirfarandi bekkir á tæknisviði.
2. bekkur rafvirkja (2.R)
3. bekkur vélvirkja (3.K)
Þeir nemendur sem enn hafa ekki sótt um skólavist
eru beðnir að gera það fyrir 16. desember n.k.
á skrifstofu skólans.
Skólameistari.
Félög
Einstaklingar
Gerið góð kaup, festið ykkur
sumarhús fyrir áramót
Afhendingartími eftir samkomulagi.
Um þrjár geröir aö velja á ýmsum byggingastigum.
Sýningarhús á staðnum.
.TRÉSMIÐJAN
MOGIL SF.yn
SVALBARÐSSTROND 601 AKUREYRI Wtm
S 96-21570 NNR : 6588-1764
Auglýsing
um námskeið og próf vegna
löggildinga fasteigna- og skipasaia.
Prófnefnd löggiltra fasteignasala vill hér meö vekja
athygli á auglýsingu frá 1. þ.m. um námskeið og próf
fyrir þá sem vilja öðlast löggildingu sem fasteigna-
og skipasalar samkvæmt lögum um fasteigna- og
skipasölu nr 34/1986, sbr. lög nr. 10/1987 og reglu-
gerö nr. 519 24. nóvember 1987.
Þeir, sem hyggjast taka þátt í námskeiðinu og/eöa
gangast undir próf skulu fyrir 21. desember nk. bréf-
lega tilkynna þátttöku sína til ritara prófnefndar,
Viðars Más Matthiassonar, héraðsdómslögmanns,
Borgartúni 24, Reykjavík. Innritunargjald, kr. 5.000
skal senda meö tilkynningunni en gjaldið er endur-
kræft, ef af námskeiðinu veröur ekki eöa ef tilkynn-
andi fellur frá þátttöku áöur en 1. hluti námskeiðsins
hefst. Sérprentun regiugerðar nr. 519/1987 og
kennsluáætlun fást í dómsmálaráðuneytinu, Arnar-
hvoli, Reykjavík.
Reykjavík, 11. desember 1987.
Prófnefnd löggiltra fasteignasala
Þorgeir Örlygsson,
Viðar Már Matthíasson,
Tryggvi Gunnarsson.