Dagur - 10.08.1988, Blaðsíða 7

ágús* :.19jB6 -cRAQUR -»;A1
Óskar Guðmundsson ritstjóri Þjóðlífs.
Þjóðlíf hóf göngu sína fyrir
tæpum þremur árum. Það hef-
ur nokkra sérstöðu á markað-
inum fyrir að vera eina frétta-
tímaritið sem gefið er út hér
landi. Tímaritið átti við nokkra
erfiðleika að etja í byrjun, en
hefur nú náð sér vel á strik og
að sögn forráðamanna blaðsins
er það í mikilli sókn á markað-
inum. Dagur ræddi við Óskar
Guðmundsson ritstjóra Þjóð-
lífs um útgáfuna.
„Tilgangur Þjóðlífs var að
fjalla um þjóðfélagsmál í víðum
skilningisagði Oskar um hver
hefði verið tilgangur útgáfunnar í
byrjun. „Það voru hátt á annað
hundrað einstaklingar sem stofn-
uðu Þjóðlíf með það í huga að
fjalla um þjóðfélagsmál, óháð
stjórnmálaflokkum, á djúptækari
hátt en fjölmiðlar hvunndagsins,
þ.e. blöð, útvarp og sjónvarp,
gera.“
Þjóðlíf fékk í byrjun þann
stimpil að vera blað vinstrisinn-
aðrar „intelligensíu", enda voru
menn þar í forystusveit sem löng-
um hafa verið vinstra megin á
stjórnmálasviðinu. Óskar viður-
kenndi að tímaritið hefði í byrjun
verið hugsað sem grundvöllur
fyrir gagnrýna pólitíska umfjöll-
un. „En öll blöð og tímarit þróast
með lesendum sínum og það hef-
ur Þjóðlíf gert,“ sagði hann. „Á
þessu rúma ári sem blaðið hefur
starfað sem alhliða fréttatímarit,
hefur það skapað sér grundvöll
sem vandaður og ábyggilegur
fjölmiðill sem höfðar til flestra
landsmanna. í Þjóðlífi er fjallað
um jafn mismunandi efni og nátt-
úruvernd, vísindi, viðskipti, heil-
brigðismál, sögulegt efni, upp-
eldis- og kennslumál, efnahags-
mál og innlend og erlend
stjórnmál. Einnig erum við með
barnaefni í blaðinu, þannig að
segja má að þetta sé alhliða fjöl-
skyldutímarit.“
- Það er rnikil samkeppni á
tímaritamarkaðinum en samt
virðist sem Þjóðlífi hafi tekist að
festa sig í sessi. Hver er ástæðan
fyrir þessu?
„Það er rétt að samkeppnin er
mikil á fjölmiðlamarkaðinum.
Hins vegar hefur Þjóðlíf sérstöðu
fyrir að vera eina fréttatímaritið
á markaðinum. Það er því ekkert
annað tímarit í beinni samkeppni
við okkur.
Þróunin á fjölmiðlamarkaðin-
um hefur verið okkur hagstæð.
Fólk er orðið þreytt á hraðanum
og fréttahasar ljósvakafjölmiðl-
anna. Fréttir eru oft yfirborðs-
kenndar og illa unnar. Þjóðlíf er
andsvar við þessari fjölmiðlun og
hefur hlotið hljómgrunn hjá
þjóðinni.
Það er oft sagt að Þjóðlíf sé
stjórnað af einhverri vinstrisinn-
aðri menntamannaklíku, en sam-
setning eigenda blaðsins segir
aðra sögu. Hlutháfár eru nálægt
tvö hundruð og koma úr öllum
stjórnmálaflokkum landsins, fyr-
ir utan alla þá sem eru utan
flokka," sagði Óskar.
- Hver verður þróun íslenskr-
ar tímaritaútgáfu í náinni
framtíð?
„Eg held að það sé óhjákvæmi-
legt að tímaritum eigi eftir að
fækka í framtíðinni. Það er ekki
endalaust hægt að birta viðtöl við
„fræga og ríka" íslendinga. Flest-
ir úr þeim hópi eru þegar búnir
að rekja úr sér garnirnar og það
er ekki hægt að tala við sama
fólkið aftur og aftur.
íslensk tímarit standa verr að
vígi en flestir aðrir íslenskir fjöl-
miðlar að því leyti að þau eiga í
tvöfaldri samkeppni. í fyrsta lagi
sín á milli og öðru lagi er hörð
samkeppni við erlend tímarit.
íslensk tímaritaútgáfa er því að
hluta til spurning um íslenska
menningu og sjálfstæði þjóðar-
innar.
Hins vegar er ég bjartsýnn á
framtíð Þjóðlífs. Við komum vel
út úr könnun félagsvísindadeild-
ar Háskólans á lestri tímarita sem
Verslunarráð lét gera í fyrra. Við
höfum sótt mjög í okkur veðrið
síðan þá og erum þess fullvissir
að útkoma okkar mun verða enn
betri í næstu könnun sem von er
á fljótlega,“ sagði Óskar Guð-
mundsson ritstjóri Þjóðlífs í sam-
tali við Dag. AP
„ Tíma-
ritum mun
fœkka“
- segir Þórarinn Jón Magnússon
hjá Sam-útgáfunni
Sam-útgáfan gefur út blöðin
Hús & híbýli, Vikuna, Samúel
og Frístund/Krossgátublaðið.
Það voru þeir félagarnir Olaf-
ur Hauksson, núverandi
útvarpsstjóri á Stjörnunni, og
Þórarinn Jón Magnússon sem
stofnuðu útgáfuna formlega
árið 1973, ásamt Sigurði Fossan
Þorleifssyni prentara, sem nú
er framkvæmdastjóri útgáf-
unnar. Þórarinn hafði áður
gefið út blaðið Samúel frá
1969. Starfsemin stækkaði
smám saman og árið 1979
keypti Sam-útgáfan Hús &
híbýli. í fyrra keypti hún síðan
Vikuna og gefur því út fyrr-
nefnd fjögur blöð. Dagur
ræddi við Þórarin Jón Magnús-
son eiganda Sam-útgáfunnar.
Fyrsta spurningin sem við
lögðum fyrir Þórarin var hvers
vegna þeir hefðu keypt hið
gamalgróna blað Vikuna.
„Staðan á þessum markaði er
þannig að stærri einingar borga
sig. Við höfum mjög góða
aðstöðu til þess að fullvinna blöð
okkar og við sáum fram á að ná
betri nýtingu út úr fyrirtækinu
með því að bæta við blaði. Við
erum með setningu og umbrot á
staðnum, sem þoldi meira álag og
dreifingarkerfi Sam-útgáfunnar
sem dreifir til um 600 sölustaða.
Við reyndum fyrst að gefa Vik-
una út sem fréttamagasín og
prenta hana á ódýran pappír.
Eftir dálítinn tíma sýndi það sig
að fólk vildi hafa meira glans í
kringum svona tímarit þannig að
við settumst niður og spáðum í
hlutina. Við fórum í gegnum all-
ar lesendakannanir og gerðum
eina slíka sjálf í gegnum síma.
Þar kom í ljós að meirihluti
þeirra sem lesa tímarit er konur
og ákváðum við því að gefa út
Vikuna sem kvennablað.
Sú ákvörðun hefur sýnt sig að
vera rétt og hefur útgáfan gengið
framar björtustu vonum. Vikan
er nú prentuð í sama upplagi og
Hús og híbýli, en í öllum lesenda-
könnunum hefur það tímarit ver-
ið eitt það mest lesna í landinu.
Það er því spá mín að í næstu les-
endakönnun verði Vikan í 1. eða
2. sæti yfir mest lesnu tímarit á
íslandi."
Þórarinn Jón Magnússon hjá Sam-útgáfunni.
- Hvað með tímarit eins og
Hús og híbýli og Samúel. Eiga
þau framtíð fyrir sér?
„Hús og híbýli hafa alltaf kom-
ið vel úr lesendakönnunum og
salan er jöfn og góð. í könnun
sem við létum Hagvang gera í
maí í fyrra kom í ljós að tímaritin
Mannlíf, Nýtt líf og Hús og híbýli
voru með mestu lesningu allra
tímarita á landinu. Hús og híbýli
var það mest lesna í aldurshóp-
unum 25-29 ára og hjá fólki eldra
50 ára. Það er hraðari breyting í
tísku á híbýlum en jafnvel í fata-
tísku. Þetta þýðir að sífellt er af
nógu að taka á þessu sviði og allt-
af er að koma ungt fólk inn á hús-
byggjendaaldurinn. Það þarf því
engu að kvíða í sambandi við
útgáfu Húsa og híbýla.
Samúel stendur alltaf fyrir
sínu. Blaðið verður tuttugu ára á
næsta ári og það er stór lesenda-
hópur sem alltaf heldur tryggð
við Samúel. Hann hefur fylgt
blaðinu frá byrjun og gerir enn,
þannig að segja má að blaðið hafi
elst með lesendum sínum. Gott
dæmi um hvað blaðið stendur vel
og er haldið uppi af lausasölu er
að við seljum einungis eina aug-
lýsingu í blaðið og það er á bak-
síðuna. Þá stefnu tókum við strax
í byrjun og höfum haldið henni
allar götur síðan.“
- Hvernig líst þér á framtíð
íslenskrar tímaritaútgáfu?
„Þeir hæfustu munu lifa af. Á
næsta ári ráðgera stjórnvöld að
leggja virðisaukaskatt á sölu
tímarita og auglýsingar þeirra og
þá er ég hræddur um að margar
minni útgáfurnar leggi endanlega
upp laupana. Það er sífellt verið
að bjóða okkur hér á Sam-útgáf-
unni blöð til sölu og það sýnir
ástandið á markaðinum.
Tímaritum mun fækka en ég
vil ekki spá um hvaða tímarit
munu hætta að koma út. Sam er á
traustum grunni og það er ekki
von á miklum breytingum hjá
okkur á næstu árum,“ sagði Þór-
arinn Jón Magnússon eigandi
Sam-útgáfunnar. AP