Dagur - 17.08.1988, Blaðsíða 16

DACtUR
Akureyri, miðvikudagur 17. ágúst 1988
UTILJOS
AKURLJÓS
AKURVÍK

Framkvæmdastjóra-
staða ÚA:
13 umsóknir
Umsóknarfrestur um um stöðu
framkvæmdastjóra Utgerðar-
félags Akureyringa hf. rann út
á miðnætti í fyrrinótt. Þá
höfðu að sögn Sverris
Leóssonar stjórnarformanns
fyrirtækisins, borist einar 13
umsóknir um stöðuna.
Á þessu stigi er ekki ljóst hvort
sú tala umsækjenda er endanleg
þar sem enn gætu verið umsóknir
á leiðinni sem póstlagðar voru
áður en fresturinn rann út. „Nöfn
umsækjenda veit ég ekki þar sem
umslögin hafa enn ekki verið
opnuð. Það verður hins vegar
gert á stjórnarfundi fyrirtækisins
í dag kl. 15 og þá kemur í ljós
hverjir sóttu um,“ sagði Sverrir
einnig.
Hann sagði að þetta mál yrði
skoðað í dag og að farið yrði yfir
.nöfn umsækjenda. „Þó að erfitt sé
að tímasetja það nákvæmlega
hvenær nýr framkvæmdastjóri
verður ráðinn, vona ég samt að
það taki ekki langan tíma,“ sagði
Sverrir einnig. -KK
Sjúkraliðar útskrifast frá VMA
í gær voru 10 sjúkraliðar útskrifaðir frá Verkmenntaskólanum á Akureyri. Þetta er all óvenjulegur árstími til útskriftar en sjúkraliðarnir luku verklegum
hluta námsins í suntar. Á myndinni eru, talið frá vinstri: Steinborg Hlín Gísladóttir, Laufey Haraldsdóttir, Hugrún Hjörleifsdóttir, Sólveig Hallfríður Svein-
björnsdóttir, Sigríður Hreiðarsdóttir, Guðlaug Hrönn Gunnarsdóttir, Sigrún Þórisdóttir, Rósa Ösp Ásgeirsdóttir, Elísabet Gestsdóttir og Bryndís Dag-
bjartsdóttir. Mynd: GB
A Skipulagsnefnd Akureyrarbæjar:
Ágreiningur um bygginga-
skilmála í Búðafjöru
Á fundi bæjarstjórnar Akur-
eyrar í gær var tillögu um
skipulag Búöafjöru vísaö aftur
til skipulagsnefndar. Ágrein-
ingur hefur verið uppi í skipu-
lagsnefnd Akureyrarbæjar um
skipulags- og byggingaskilmála
við Búðafjöru og Hafnarstræti
númer 4, 8 og 10. Á fundi í síð-
asta mánuði samþykkti nefnd-
in tillögur skipulagsstjóra en
Tómas Ingi Olrich óskaði
bókað, að hann teldi skilmál-
ana of þrönga, bæði að því er
varðar staðsetningu húsa og
húsagerð, sem ekki væri í sam-
ræmi við heildaryfirbragð
bæjarins.
Hann telur þá skerða um of
frelsi hönnuða og húseigenda til
Skiptir Súlan
um eigendur?
- Þrír starfsmanna Súlna hf.
hafa sýnt því áhuga að kaupa skipið
Þrír af starfsmönnum Súlna hf.
þeir Sverrir Leósson útgerðar-
stjóri, Bjarni Bjarnason skip-
stjóri og Finnur Kjartansson
vélstjóri, hafa sýnt því áhuga
að kaupa sameiginlega 75%
hlut í Súlunni EA, skipi fyrir-
tækisins.
Þeir félagar hafa einnig farið
þess á leit við stjórn Krossa-
nesverksmiðjunnar að hún standi
undir kaupum á 25% eignarhluta
skipsins á móti þeim. Þremenn-
ingarnir hafa náð samningi við
Leó Sigurðsson eiganda Súlna hf.
og var hann kynntur á stjórnar-
fundi Krossnesverksmiðjunnar í
gær.
„Það er rétt að við erum að
skoða þennan möguleika um
kaup á skipinu en þar sem ennþá
eru nokkrir endar lausir, er ekki
tímabært að ræða þetta mál nán-
ar að sinni,“ sagði Sverrir
Leósson í samtali við blaðið í
gær.
Súlan fór í slipp á mánudag og
verður þar í einhvern tíma. Og
þar sem eftir væri að gera sitt lítið
af hverju við skipið á næstunni,
átti Sverrir ekki von á því að það
héldi á loðnumiðin fyrr en um
miðjan september. Er Sverrir var
spurður um það hversu mikið
verð hann vildi fá fyrir loðnuna,
sagði hann að um það atriði væri
best að vera þögull sem gröfin.
-KK
þess að ákveða hvernig húsin
skuli líta út. „Það eru engin rök
fyrir því að hafa skilmálana
svona stífa og þrönga. Eitt helsta
einkenni byggðarinnar í Innbæn-
um og Fjörunni er fjölbreytni hús-
anna og tiltölulega mikil aðlögun
að umhverfinu,“ sagði Tómas
Ingi í samtali við blaðið.
Hann nefnir sem dæmi að í
skilmálunum er gert ráð fyrir að í
Búðafjöru skuli öll hús snúa
norður og suður því þannig hafi
einnig verið unnið í Duggufjöru.
Fyrir þessu séu engin haldbær
rök og því síður söguleg því ef lit-
ið er á ljósmyndir frá Ákureyri
frá því fyrir árið 1900 er mjög
algengt að hús snúi ýmist norður-
suður eða austur-vestur. Dæmi
um þetta er Aðalstræti 10,
Krambúð og fyrsta skólahúsið
sem stóð sunnan Laxdalshúss og
Gudmanssensverslun sem var
stokkbyggt og tvílyft hús sem
sneri gafli til austurs. Þá er bann-
að að hafa húsin portbyggð án
þess að sterk rök séu fyrir því.
„Eins má geta þess, að ekki er
talið æskilegt að þakskegg standi
lengra en 40 cm út af húsi sem
þýðir að hús eins og Aðalstræti
80b, sem er nýtt hús og fellur vel
að gamla skipulaginu, brýtur
þessa byggingaskilmála. Skilmál-
arnir bera með sér litla tiltrú á
hönnuðum á Akureyri og byggjast
ekki á sögulegum rökum.“ VG
Öldrunarþj ónustan:
Bjami ráðinn
Bjarni Kristjánsson hefur verið
ráðinn deildarstjóri öldrunar-
þjónustu Akureyrarbæjar í stað
Cecils Haraldssonar sem sagði
starfinu upp fyrir skömmu.
Ráðning Bjarna var staðfest
samhljóða á fundi Bæjarstjórnar
Akureyrar í gær.
Bjarni var einn sex umsækjenda
um stöðuna og mælti öldrunarráð
með því að hann yrði ráðinn.
Bjarni er fæddur á Akureyri árið
1944. Hann hefur gegnt starfi for-
stöðumanns vistheimilisins Sól-
borgar á Akureyri frá árinu 1972.
Hvammstangi:
Bændur stofiia hlutafélag
- um rekstur sláturhúss þrotabús VSP
Síðastliðinn fimmtudag komu
15 bændur í Vestur-Húna-
vatnssýslu saman til að stofna
hlutafélag um áframhaldandi
rekstur sláturhúss þrotabús
Verslunar Sigurðar Pálmason-
ar á Hvammstanga. Ákveðið
var að stofnfé félagsins yrði
800 þúsund krónur og stjórn
heimilt að hækka þá fjárhæð ■
1200 þúsund ef ástæður leyfa.
Fleiri bændur hafa sýnt málinu
áhuga.
Til að byrja með tóku bænd-
urnir húsið á leigu til eins árs hjá
þrotabústjóra verslunarinnar. Að
sögn Friðriks Böðvarssonar
bónda á Syðsta-Ósi hafa bænd-
urnir sótt um undanþágu til land-
búnaðarráðuneytisins fyrir
sláturleyfi fyrir hið nýstofnaða
félag. Dýralæknirinn á Hvamms-
tanga telur að ekki þurfi að gera
neinar breytingar á húsinu vegna
undanþágunnar en hins vegar er
stefnt að því að fá löggildingu
fyrir húsið fyrir árið 1990 og til að
svo megi verða þarf að gera viss-
ar endurbætur á sláturhúsinu.
Að sögn Friðriks er ráðist í
þetta til að halda þeim markaði
fyrir ófrosið kjöt sem verslun
Sigurðar Pálmasonar hafði kom-
ið á. Fáum kindum var þá slátrað
í senn, á ýmsum árstímum, og
gekk sala á nýslátraða kjötinu
alltaf vel.
Það mun vera nær ófram-
kvæmanlegt að opna stór slátur-
hús fyrir svo litlar slátranir og
nauðsyn að halda þessu slátur-
húsi í gangi til að halda unnum
markaði. Bændur hafa náð betra
verði fyrir kjöt af fé sem slátrað
hefur verið utan hefðbundinnar
sláturtíðar og eru nú með fé til-
búið til slátrunar ef leyfi fæst. fh