Dagur - 19.11.1988, Blaðsíða 7

19. nóvember 1988 - DAGUR - 7
Nokkrír úr hópnum á gondólasiglingu í Feneyjum.
Hópurinn á göngu eftir dæmigerðri götu í Feneyjum.
Torfi Jóhannesar hjá einum af andlitsteiknurum Flórens.
Sirra og landslagið í San Gimignano.
Af borðþjónustu
Borðþjónustan á Ítalíu er nú
alveg kapítuli út af fyrir sig, þjón-
arnir skilja oftast lítið í ensku,
hafa lítið skipulag þegar þjóna
þarf stórhópum til borðs (við
þurftum einu sinni að bíða í kort-
er milli aðalréttar og deserts!),
auk þess tala þeir óspart sín á
milli og geta verið mjög uppá-
þrengjandi. - Gefum þeim tvær
stjörnur.
11.09. Þessi dagur var ekkert
skipulagður fyrir hádegi enda
margir hálfþreyttir - sérstaklega
þeir sem komu við á krá eða
diskóteki við heimkomuna
kvöldið áður. Sumir voru ansi
iðnir við skemmtanalífið og
slepptu ekki úr kvöldi alla ferð-
ina.
í Chioggia, við norðvestanvert
Adríahaf, er ekta hvít sand-
strönd þar sem sólþyrstir Frón-
búar notuðu þessa fríu morgun-
stund til að flatmaga sællega í
sandinum. Nokkrir fóru líka og
sprikluðu í sjónum sem reyndist
ansi kaldur svona fyrir hádegið
svo sundtökin urðu ekki mörg.
Um hádegisbilið var síðan lagt af
stað í þeim tveimur rútum sem
við höfðum til umráða. Rúturnar
voru vel útbúnar með loftkælingu
o.s.frv. og minibar var í annarri
þeirra. Það er annars ákaflega
óskynsamlegt að hafa fullan bar í
rútu á langferðalagi en ekkert
klósett, það sýndi sig oftar en
einu sinni.
Þótt ferðamannarúturnar væru
yfirleitt af betra taginu er bíla-
kostur ítala almennt lélegur (sér-
staklega á Suður-Ítalíu, þar sem
efnahagsástandið er verra). Um 3A
hlutar bílanna eru af Fíat gerð og
margir eiga vespur. Bílar virðast
ekki vera stöðutákn á Ítalíu enda
er ekki hægt að vera á breiðvagni
á þessum þröngu götum innan
um þessa brjáluðu umferð.
Eftir hádegi þennan dag var
haldið frá Chioggia til Flórens.
Við komum til Flórens seinni
partinn og ókum þá til Pontas-
ieve, þorps í 15 km fjarlægð frá
borginni og komum okkur fyrir á
hóteli. Þetta kvöld var síðan
haldið aftur til borgarinnar í
kynnisferð.
Prúttað í Flórens
Það getur verið alveg meiri háttar
upplifun að skoða mannlífið í
Flórens á kvöldin. Við gengum
um aðaltorgið og göturnar út frá
því. Þarna voru biksvartir götu-
salar frá Afríku að selja belti og
alls konar glingur, smáhljóm-
sveitir eða einstakir hljóðfæra-
leikarar að spila, spilaspámenn,
teiknarar, töframenn og ýmsir
undarlegir vegfarendur. Það var
þrælgaman að ganga á milli götu-
salanna og prútta við þá, dæmi
eru þess að menn hafi keypt
eitthvert rusl bara til að þjálfa sig
í prúttinu.
12.09. Nú var Flórens skoðuð
fyrir hádegi með fararstjórunum
en auk Halldórs voru alltaf ein-
hverjir ítalskir fararstjórar með í
för frá ítölsku ferðaskrifstofunni
sem Útsýn samdi við. Þeirra á
meðal var Renosto, ferðaskrif-
stofueigandinn sem kunni að
segja: „Góðan daginn“ og „Já, já
allt í Iagi“ - með ítölskum hreim.
í Flórens var að sjálfsögðu
margt athyglisvert að sjá, m.a.
dómkirkjan, skírnarkapellan og
öll meistaraverk Michaelangelo,
þ.á m. Davíðsstyttan.
Flórens hefur lengi verið fræg
fyrir leður og gull svo mikið er af
þess konar verslunum þar, nánast
önnur hver búð. Við fórum öll
saman inn í eina stóra leðurversl-
un en í henni eins og öðrum í
Flórens er hægt að fá upphafs-
stafi sína prentaða á vöruna með
24 karata gulli, sér að kostnaðar-
lausu. Það voru ekki fáir sem
keyptu sér eitthvað úr rúskinni
eða leðri þennan dag. Seinni part
dagsins í Flórens skoðuðu menn
ýmist frægar byggingar, gerðu
hreint ekki neitt eða fengu kaup-
æði í öllum leður- og skartgripa-
búðunum. Eftir kvöldmat á
hótelinu héldum við aftur til
Flórens að líta á lífið.
Til Rómar
13.09. Lagt var upp til Rómar
snemma um morguninn. Á leið
okkar þangað komum við í fjalla-
þorpið San Gimignano sem frægt
er fyrir turna og góð vín. Eftir
stoppið í San Gimignano var
næst komið við í Sciena, hinni
fornu miðaldaborg, þar sem
mikilvægustu byggingar borgar-
innar voru að sjálfsögðu skoðað-
ar undir leiðsögn Halldórs farar-
stjóra og þeirra ítölsku. Siestan
stóð yfir meðan við höfðum
frjálsan tíma í Sciena.
Siesta þýðir hvíldartími og er
yfirleitt tímabilið frá kl. 13.00 til
15.00 á daginn þegar heitast er í
veðri en þá er verslunum lokað og
aðeins veitingahús eru opin. Það
hefði verið allt í lagi að lenda í
siestunni í Sciena ef ekki hefði
komið skúr þar sem við stóðum
undir berum himni.
Siestan fór í taugarnar á
mörgum, sérstaklega til að byrja
með, enda er voðalega leiðinlegt
að lenda í siestunni þegar maður
er í verslunarleiðangri í miðri
stórborg og getur ekki hlaupið
heim á hótel á meðan á henni
stendur. - Þá var bara að tylla sér
inn á næsta „snackbar" og panta
pizzu eða spagetti meðan beðið
var.
Að lokinni heimsókninni til
Sciena var haldið til áfangastað-
arins Rómar, borgarinnar eilífu á
hæðunum sjö, þar sem gist var á
hótelinu Ergife Palace Hotel.
Framhald í
nœsta helgarblaði
Sjómenn athugið!
Ávallt til línuefni og ábót.
Setjum upp línu.
Ennfremur flestar aðrar útgerðarvörur
SANDFELL HF
v/Laufásgötu • Akureyri • s. 26120
Laus staða
Við tannlæknadeild Háskóla íslands er laus til umsóknar
hlutastaða lektors (37%) í almennri handlæknisfræði.
Gert er ráð fyrir að staðan verði veitt til þriggja ára.
Laun samkvæmt launakerfi starfsmanna ríkisins.
Umsóknir, ásamt rækilegri skýrslu um vísindastörf
umsækjenda, ritsmíðar og rannsóknir, svo og námsferil og
störf, skulu sendar menntamálaráöuneytinu, Hverfisgötu
6, 150 Reykjavík, fyrir 16. desember nk.
Menntamálaráðuneytið, 16. nóvember 1988.
Rannsóknastofnun
fiskiðnaðarins
OPIÐ HUS
í tilefni Norræns tækniárs verður opið hús hjá
Rannsóknastofnun fiskiðnaðarins útibúinu
Akureyri, sunnudaginn 20. nóvember kl. 13-17.
Stofnunin er í húsnæÖi K. Jóns-
sonar & Co. viÖ Laufásgötu.
Verið velkomin að koma og kynnast starfseminni.
Kaffi á könnunni.
Jólin nálgast
★ Einangrunargler ★ Smellurammar
★ Öryggisgler ★ Plastgler
★ Speglar
X' .**
ISP

—