Dagur - 19.11.1988, Blaðsíða 16

16 - DAGUR - 19. nóvember 1988
poppsíðan
Umsjón: Valur Sæmundsson.
„Hljómar alveg eins og hún átti að
hljóma - alveg eins og við vildum“
- segja konungar „speed-metalsins“ um nýjustu afurð sína
Þreyttir en ánægðir Metallicumenn, eftir að hafa útdeilt réttlætinu.
Það er nokkuð viðurkennt i rokk-
heiminum að hljómsveitin Metallica
sé fremst meðal þeirra hljómsveita
sem leika svokallað „speed-metal“.
Það er því um að gera að veita
henni ofurlítið rými hér í dálknum.
Metallica sendi nefnilega frá sér
nýja plötu fyrr í haust. Aður hafði
sveitin gefið út einar þrjár skífur eftir
því sem ég kemst næst. En nýja
platan er hér til umfjöllunar, hún
heitir... And justice for all og mein-
ingin er að skyggnast inn í hljóðver-
ið þar sem platan var tekin upp og
fræðast um hvernig gripurinn varð
til.
í sambandi við hljóðver, þá eru
margar hljómsveitir haldnar þeirri
áráttu að taka plöturnar upp á ein-
hverjum óvenjulegum stöðum, „til
að finna rétta andann", en þeim í
Metallica er alveg sama í hvaða
hljóðveri þeir vinna. „Það skiptir
engu máli hvort við tökum upp í
Kaupmannahöfn, Los Angeles eða
Reno. Þetta er ekkert nema puð og
enginn tími til að skemmta sér eða
slappa af. Við erum í stúdíóinu 26-
27 tíma á dag (!) og fáum kannski
tækifæri til að skreppa út til afslöpp-
unar á fjögurra vikna fresti. Fáum
okkur þá léttan drykk og spjöllum
saman. Að öðru leyti er þetta stöð-
ugt púl,“ útskýra þeir, og bæta því
við að það sé lítið „speedy" þegar
þeir eru að taka upp þessi annars
„speedy“ lög. Svona til fróðleiks.
„Við viljum endilega halda í góða
hluti eins og t.d. upptökustjórann
okkar, Flemming Rasmussen.
Hann starfaði með okkur þegar við
hljóðrituðum plötumar Master of
Puppets og Ride the lightning í
Danmörku og hann kláraði ... And
justice for all með okkur í Los
Angeles núna. En það var Mike
Clink, sá sem tók upp Guns ’N Ros-
es plötuna, sem byrjaði. Þannig var
mál með vexti að þegar við tókum
upp Master of puppets plötuna, þá
höfðum við bókað stúdió og upp-
tökustjóra löngu fyrirfram. Þegar
síðan tíminn kom, þá vorum við
engan veginn reiðubúnir með efni
og allt saman dróst þetta von úr viti.
Það tók í það heila um fjóra mánuði
að semja lögin á þá plötu, þannig að
við höfum vaðið fyrir neðan okkur
þegar við undirbjuggum nýju plöt-
una. En það merkilega gerðist, þeg-
ar við byrjuðum að semja þá kom
þetta allt á færibandi og við vorum
búnir með efnið langt á undan áætl-
un og vorum tilbúnir að fara í hljóð-
ver um miðjan janúar sl. En Flemm-
ing var hins vegar ekki laus fyrr en í
mars. Þá var ákveðið að Mike Clink
myndi vinna með okkur til að byrja
með. Mike stóð sig með prýði en
þegar Flemming kom, þá sáum við
að það er einungis einn maður sem
getur tekið upp Metallicu-plötu.
Vinnubrögð okkar í stúdíói eru svo
gjörsamlega frábrugðin vinnubrögð-
um annarra hljómsveita. Við höfum
afskaplega spes sánd og reynum
að ná eins miklu af því og kostur er.
Flemming er eini maðurinn sem
getur þaö.
Það er undarlegt að hugsa til
þess að hljómsveit eins og Metallica
sem reynir að hljóma eins „live“
og hægt er, er eins „unlive” í hljóð-
veri og hugsast getur. Hvert hljóð-
færi er tekið upp algjörlega sér, og
það er ekki heiglum hent að koma
þessu saman í sæmilega hrátt
form. Með öðrum orðum þarf að
samræma tvö sjónarmið, að skapa
tónlistarlega þétta plötu, án þess að
glata hinum eina sanna neista, líf-
inu í tónlistinni. Enda tókum við okk-
ur allan þann tíma sem við þurftum
við vinnsluna, til að fá plötuna til að
hljóma nákvæmlega eins og við
vildum. Og okkur finnst að það hafi
tekist,” segja þeir Metallicumenn,
drjúgir yfir afrakstrinum af þrotlausri
vinnu.
Þegar ég lít yfir greinina sé ég að
tilvitnunin varð mun lengri en eðli-
legt getur talist og þess vegna verð-
ur punkturinn að koma hér.
Allt það sem þig langaði
ekki að vita um Bros
- nokkrar fánýtar staðreyndir
Glæsilegir ungir menn, frábærlega dressaðir og ábyggilega mjög vel dann-
aðir líka. Fullkomnir.
Tríóið Bros hefur notið afskaplega
mikilla vinsælda að undanförnu,
sumum til mikils ama en öðrum til
ánægju, eins og gengur. Það er þvi
tilvalið að fræðast dulítið um pilt-
ana, sem eru, auk þess að vera
saman í hljómsveit, bræður og
frændur. Þ.e.a.s. tveir eru bræður
og sá þriðji er frændinn. Eitthvað
svoleiðis. En vindum okkur þá í
ýmsar skemmtilegar staðreyndir um
Bros.
• Matt sagði í ensku blaði fyrir
skömmu að hann færi aldrei á
klósett. Hann hefði einfaldlega ekki
tíma. Ummæli þessi vöktu mikla
athygli og fengu sumir aðdáendur
Brosara gífurlegt sjokk og vart hug-
að andlegt heilbrigði í bráð...
• Allir piltarnir, Luke, Craig og Matt
kyssa hver annan (líka á myndum).
Raddir hafa heyrst um það að þeir
séu „hinsegin" en sumir taka ekki
svo djúpt ( árina og segja að þeir
séu svo vingjarnlegir hver við annan
vegna þess að þeir eru jú náskyldir.
Hinn hópurinn segir að það geri
málið einmitt mun alvarlega...
• Alla dreymir piltana um að geta
verið ósýnilegir, „til að geta gengið
frjálsir um göturnar,” eins og þeir
segja. En að auki vill Matt geta
flogið. Min skoðun er hins vegar sú,
að það sé einum of glannalegt að
fljúga ósýnilegur um loftin blá, bað-
andi út handleggjunum og með ekk-
ert stél. Eða hvað finnst ykkur...
• Enginn af Bros-piltunum er með
bringuhár og þeir verða hugsjúkir
þegar þeir hugsa mikið um það ef
þeir stæðu á sviði frammi fyrir
aðdáendum George Michael, sem
eru ýmsu óvanir þegar bringuhár
eru annars vegar...
• Alkóhólneysla. Matt segir að
hann hafi ekki bragðað áfengi í 7
mánuði. Luke kveðst hafa drukkið
töluvert áfengi að undanförnu en án
þess að verða fullur. Craig segir aft-
ur á móti að allir þrír séu þeir fullir
að minnsta kosti á tveggja vikna
fresti. Confused? Það eru eflaust
fleiri....
• Nafnið á hljómsveitinni, Bros, er
nafn sem einn kennara piltanna
fann á þá. Myndir þú nokkurn tím-
ann nefna hljómsveit sem þú værir
í, nafni sem kennarinn þinn hefði
fundið upp á? Ekki ég heldur...
• Brosarnir kaupa fötin sín í París.
„Það er svo gott tilboðsverð á mörg-
um smart fötum þar,“ segir Luke.
Um daginn náði hann líka í leður-
jakka, hvers verð hafði verið lækkað
í 50 þúsund kall...
• Að lokum: Matt þolir ekki stúlkur
sem tala mikið og getur hreinlega
orðið veikur. Ef þú, lesandi góður,
værir tælandi stúlka (sem þú
kannski ert) og vildir gera Matt
grikk, þá gengur þú bara til hans og
spyrð hvort hann langi ekki til að
verða pabbi fljótlega (og blikkar
hann um leið). Þú getur verið viss
um það að það þarf að bera hann
meðvitundarlausan út í limósin-
una...
Sæti Vinsældalistar Hljoðbylgjan - vikuna 12/11-19/11 1988 Áður Vikur Lag Flytjandi
1. (1.) (2) l'm gonna be The Proclaimers
2. (3.) (2) Cocomo The Beach Boys
3. (4.) (4) Where did I go wrong UB-40
4. (6.) (3) Domino dancing Pet Shop Boys
5. (5.) (4) De smukke unge mennesker Kim Larsen og Bellami
6. (8) (2) Je ne sais pas pourqoui Kylie Minogue
7. (9.) (3) Desire U2
8. (19.) (2) Groovy kind of love Phil Collins
9. (N) (1) The harder I try Brother Beyond
10. (2.) (6) When it’s love Van Halen
Rás 2
- vikuna 11/11-18/11 1988
Sæti Áður Vikur Lag Flytjandi
1. (2.) (3) l’m gonna be (500 miles) The Proclaimers
2. (1.) (10) Groovy kind of love Phil Collins
3. (4.) (8) De smukke unge mennesker Kim Larsen
4. (3.) (7) Don't worry, be happy Bobby McFerrin
5. (10.) (3) Handle with care ... Traveling Wilburys
6. (8.) (3) The harder I try Brother Beyond
7. (6.) (7) Where did I go wrong UB-40
8. (5.) (10) Cocomo Beach Boys
9. (7.) (5) Desire U2
10. (11.) (4) Wild wild west
íslenski listinn
- vikuna 12/11-18/11 1988
Sæti Áður Vikur Lag Flytjandi
1. (1.) (8) Cocomo Beach Boys
2. (3.) (4) I’m gonna be 500 miles Prodaimers
3. (2.) (9) Dont worry, be happy Bobby McFerrin
4. (6.) (9) Groovy kind of love Phil Collins
5. (4.) (9) Where did I go wrong UB-40
6. (5.) (6) Desiree U2
7. (7.) (7) Push it Salt'n'peppa
8. (13.) (7) Thetwist Fat Boys
9. (19.) (3) Wild west Escape Club
10. (N) (1) Two hearts Phil Collins