Dagur - 26.11.1988, Blaðsíða 16

16 - DAGUR - 26. nóvember 1988
poppsíðan
lj Umsjón: Valur Sæmundsson.
Sitthvað um Pet Shop Boys sem
þú hefðir kannski áhuga á
Fyrri hluti
í dag skulum viö fjalla dulítið um
diskó. Einna fremstir i þeim bransa
eru þeir fóstbræöur í Pet Shop
Boys, sem hafa sent frá sér einar
fjórar plötur, þar af tvær á þessu ári,
þar af eina fyrir afskaplega stuttu.
Platan sem kom út fyrr á þessu ári
er ekta dansplata, inniheldur 6 af
lögum dúettsins, í sérstökum dans-
útgáfum. Tvö lög af nýju plötunni
hafa komið út á smáskífu, Domino
Dancing og Left to my own devices,
sem er nýkomið út og spáð afar
miklum vinsældum.
Frá upphafi hafa þeir Chris Lowe og
Neil Tennant, dúettinn Pet Shop
Boys, aðeins haft eitt mottó: Að
gera góðar plötur. Og ekkert annað.
Afskaplega einföld viska í sjálfu sér,
sem þó er ekki án erfiðleika. Þeir
hafa nefnilega snúið bakinu í
afganginn af tónlistarbransanum.
Þeir hafa engan áhuga á popp-
stjörnupartíunum og þeir neita að
brosa eins og heilalausir smá-
stelpnaguðir á myndum og hafa
raunar skorið niður samskipti við
fjölmiðla eins og kostur er. Þessi
afstaða hefur gert þá afar óvinsæla
meðal starfsbræðra og einnig skap-
að þeim óheppilega ímynd út á við,
sem köldum, leiðinlegum og frá-
hrindandi bissnessmönnum. (mynd
sem fyrst núna nýlega dofnaði dálít-
ið þegar þeir komu óvænt fram á
tónleikum, sem haldnir voru til að
mótmæla nýjum lögum í Bretlandi
um réttindi kynhverfra.
„Fólk segir að við séum undarlegir
og heldur að við séum eitthvað dul-
arfullir, eins og t.d. New Order eru
sagðir vera. Málið er hins vegar að
poppstjörnuklíkan þar sem allir
þekkja alla er okkur á móti skapi.
Um daginn fórum við t.d. á tónleika
með Madonnu og þurftum auðvitað
að vera á þartilgerðum stað eins og
aðrar Mikilvægar Persónur. Það var
afskaplega þvingað og við vildum
miklu heldur vera meðal venjulegra
áhorfenda og dansa og djöflast,"
segja Chris og Neil. „Við viljum
heldur aldrei tala um einkalíf okkar í
viðtölum. Ekki út af því að við ger-
um eitthvað hneykslanlegt af okkur
sem ekki má fréttast, heldur þvert
á móti. Eins og Boy George sagði
um Prince: Ég skil vel af hverju
Prince veitir aldrei viðtöl. Þegar þú
hittir hann, sérðu að hann er bara
venjulegur, leiðinlegur maður.
Þannig er nú það. Okkar einkalíf er
enginn blaðamannamatur," segja
þeir.
- En af hverju eru Pet Shop Boys
svona tregir til að fara í hljómleika-
ferðir?
„Okkurfinnst báðum að hljómleikar
séu frekar leiðinlegir. Við vildum
mun frekar vera á diskóteki þar sem
verið væri að spila lag með
Samönthu Fox, heldur en að fara á
U2 hljómleika á Wembley." Neil
segir: „Þegar ég vann á poppblað-
inu Smash Hits, fór ég á fjölda tón-
leika. Yfirleitt voru allir poppskríb-
entarnir komnir á barinn eftir fimm
mínútur, þar sem við stóðum og
kjöftuðum saman. Það var lang-
skemmtilegasti hluti tónleikanna.
En auðvitað höfum við hugleitt það
að fara í hljómleikaferð. En það eru
hins vegar bara hugleiðingar enn
sem komið er.“
En eins og kom fram hér áðan er
ekki mjög langt síðan Pet Shop
Boys komu fram á tónleikum sem
haldnir voru gegn nýjum lögum í
Bretlandi, sem færa stöðu kyn-
hverfra mörg ár aftur í tímann og
sagt að samkynhneigð sé afbrigði-
leg og fleira í þeim dúr. T.d. er
kennurum bannað að tala um sam-
kynhneigð við nemendur sína og
þar fram eftir götunum.
Þetta ætla ég að láta duga I bili en
sennilega verður framhald á
umfjölluninni í næstu viku og þá
rætt um mjög merkilegt efni, nefni-
lega áhrif Pet Shop Boys á aðrar
hljómsveitir, t.d. New Order. Það er
ansi merkilegt...
Vinsældalistar
Hljóðbylgjan
- vikuna 19/11-26/11 1988
Sæti Áður Vikur Lag Flytjandi
1. (1.) (3) l'm gonna be .. The Proclaimers
2. (2.) (5) Kokomo .. The Beach Boys
3. (9.) (2) Harder I try .... Brother Beyond
4. (6.) (3) Je ne sans pas pourquoi Kylie Minogue
5. (?■) (4) Desire U2
6. (3.) (5) Where did I go wrong UB-40
7. (8.) (3) Groovy kind of love Phil Collins
8. (14.) (3) You are the one A-ha
9. (5.) (5) De smukke unge mennesker Kim Larsen
10. (4.) (4) Domino Dancing Pet Shop Boys
Rás 2
- vikuna 18/11-25/11 1988
Sæt Áður Vikur Lag Flytjandi
1. (1) (4) l’m gonna be (500 miles) .... The Prodaimers
2. (3.) (9) De smukke unge mennesker Kim Larsen
3. (5.) (4) Handle with care . Traveling Wilburys
4. (6.) (4) The harder I try Brother Beyond
5. (7.) (8) Where did I go wrong UB-40
6. (2.) (11) Groovy kind of love Phil Collins
7. (10.) (5) Wild wild west Escape Club
8. (8.) (11) Kokomo Beach Boys
9. (4.) (8) Don’t worry, be happy Bobby McFerrin
10. (11.) (4) Orinocoflow Enya
íslenski listinn
- vikuna 19/11-25/11 1988
Sæti Áður Vikur Lag Flytjandi
1. (1-) (9) Kokomo Beach Boys
2. (2.) (5) I’m gonna be 500 miles Prodaimers
3. (3.) (10) Dont worry, be happy ... Bobby McFerrin
4. (10.) (2) Twohearts Phil Collins
5. (4.) (10) Groovy kind of love Phil Collins
6. (6.) (7) Desiree U2
7. (9.) (4) Wild wild west Escape Club
8. (5.) (10) Where did I go wrong UB-40
9. (11.) (4) Niður Laugaveg Strax
10. (21.) (4) Girl You know it’s true
Sérvitringarnir í poppinu: Pet Shop Boys.
Gleðitfðindi fyrir unnendur góðrar tónlistar:
Útvarp Ólund
tekur til starfa
Að öllu forfallalausu hefði ný
útvarpsstöð átt að hefja göngu sína
á Akureyri í gær. Þarna er ég að
ræða um Útvarp Ólund en ýmsar
sögusagnir hafa verið í gangi um
nýju stöðina en lítið sem ekkert af
áreiðanlegum heimildum. Ástæðan
er sennilega sú að aðstandendur
stöðvarinnar hafa viljað vera öruggir
um að allt myndi smella saman áður
en þeir færu að láta nokkuð leka út.
En nú er semsagt allt klárt og fyrsta
útsendingin var áformuð í
gærkvöld.
Það sem þessi stöó hefur fram
yfir aðrar stöðvar tónlistarlega séð,
er heilmargt, enda fer lítið fyrir
vandaðri tónlist á íslenskum
útvarpsstöðvum, að rásum ríkisins
undanskildum. í Útvarpi Ólund
skilst mér að megináherslan verði
lögð á góða og sjaldheyrða tónlist
það er að segja þegar tónlist verður
á dagskránni en aðeins helmingur
útsendingartímans verður tónlist en
50% verða í formi talaðs máls. Á
dagskránni verða t.d. þættir um
þungarokk, djass og fönk, pönk og
hvers konar sjaldheyrð tónlist á
greiðan aðgang að dagskránni.
Ég ætla ekki að hætta mér lengra
í þessari umfjöllun að sinni, en fá
þess í stað útvarpsstjóra Ólundar,
hinn unga athafnamann Kristján
Ingimarsson, bóksala, í dulítið spjall
um tónlistarstefnu stöðvarinnar, og
get ég lofað því að það kemurýmis-
legt forvitnilegt í Ijós.